Gʼaˬkʼehˇ 21:3 - Akha

³ Guˇbaˬluˇ iˇ jaw lahˇ-ahˇ haw mawˇ laˇ gaˇ iˇ keuˆ ngeh, laꞈ oˆ paw pyawˬ-ahˇ Suˇliˆ miˇ kʼahˬ paw iˇ-euˬ ma. Saˇ baoˬ kʼoeˇ laˇ Duˇlu meuˬ-ahˇ myawˬ baꞈ doˆ-eu miˇ neh, nga maꞈ kʼoeˇ gaˇ naˬ-euˬ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Gurbaqlur irjawlanr-anr ya’mawr ngae, nanrma gakhaeq paw nae Surliv-anr ir-euq ma. Khoernar-aq, lawq khoerlawq Durlu-anr myawq ya bafka-eu mirnae, khoergar naq-euq mae.

Gʼaˬkʼehˇ 21:3 Iomraidhean Croise

2 Saˬmeuˬlaˆ 8:6

Aˬ yawꞈ maꞈ-euˬ miˇ kʼahˬ laꞈ kʼoeˇ Daˬbiˇ taˆ tsoˆ-awˇ, aˬ yawꞈ-euˬ yehˇ deuˬ bi jawˇ-euˬ meh. Aˬ yawꞈ maꞈ Daˬbiˇ uˆ lahˇ-eu uˬ moˆ ya jawˇ-awˇ, Daˬbiˇ-ahˇ kawˬ doˆ nehˬ-euˬ meh. Sahˬ paˬ Miˬyehˇ neh Daˬbiˇ-ahˇ yawˬ paw na luꞈ guiˇ bi deuˆ gʼaˬ-euˬ meh.

Jaceuq 45:12

Duˇlu miˇ kʼahˬ-ahˇ jawˇ-eu tsawˇ haˬ deuˬ nawˬ-ahˇ laꞈ sawˬ yuˇ ha laˇ-awˇ, smˇ muiˬ aˬ da deuˬ nawˬ-ahˇ myaˆ pyawˬ pyuˇ ni leh jeh tehꞈ-a.

Jaceuq 87:4

“Ngaˬ-euˬ ehˇ dawˬ naˇ haˬ-euˬ miˇ kʼahˬ deuˬ-euˬ tsawˇ myahˇ ngaˇ yuˇ ngeh, Iˇjiˇtuˆ miˇ kʼahˬ hawˇ-eu Baˬbuˇloˬ miˇ kʼahˬ ngaˇ boꞈ ahˇ ma. Piˇliˇtiˆ, Duˇlu, Suˬdaˬ miˇ kʼahˬ heu deuˬ-ahˇ jawˇ-eu tsawˇ haˬ deuˬ-ahˇ, Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ nehˬ-ehˇ tsawˇ myahˇ dawˆ nehˬ ma.”

Iˇsaˬyaˇ 7:2

Suˇliˆ guiˇ maꞈ deuˬ Iˇsaˬleˬlaˆ miˇ kʼahˬ-ahˇ oe uiˬ taˬ-euˬ gaˇ kawˆ Yuˇdaˆ sahˬ paˬ ya gaˬ ngeh, aˬ yawꞈ hawˇ-eu aˬ yawꞈ-euˬ tsawˇ haˬ deuˬ dawˬ tawˆ luꞈ guˆ dui dui-iˇ-awˇ, jaˬ lehˇ neh bi baw nyeh-euˬ aˇ bawˇ loꞈ-ehˇ yaw dzuˬ dzuˬ dui dui-euˬ meh.

Maꞈtehˬ 11:21

“Kawˇlaˬseˬ meuˬ-oˇ, nawˇ ya noeˬ shaˬ dui dui tehꞈ-a. Behˬdzeˇdaˬ meuˬ-oˇ, nawˇ jiˇ ya noeˬ shaˬ dui dui tehꞈ-a. Naw nyaꞈ-ahˇ mˇ mehˬ nehˬ-euˬ zahˬ dui dui leˇ paˬ-ehˇ gʼeh-eu gaˇ kʼoeˇ deuˬ, Duˇlu meuˬ hawˇ-eu Siˇdoˬ meuˬ-ahˇ mˇ mehˬ nehˬ-euˬ law nmˇ-aˬ, aˬ yawꞈ maꞈ aˬ myah ba neh iˬ baˇ noeˬ poˆ-awˇ, guˬ daˇ pehˇ zeuˇ mehˬ tsoeˬ dm-awˇ, uˬ duˬ-ahˇ kʼaˬ lehˇ tawˆ daˆ tawˆ daˆ-ehˇ jawˇ-euˬ maˬ siˬ.

Maꞈtehˬ 4:24

Yeˬsuˇ-euˬ gaˇ kawˆ Suˇliˆ miˇ kʼahˬ kʼahˬ lah ni gaˬ doe-iˇ-awˇ, pyaˬ-eu tsawˇ haˬ deuˬ, naˇ gawˇ gʼawˬ mya jeˬ pi luꞈ-eu tsawˇ haˬ deuˬ, nehꞈ uˇ-eu tsawˇ haˬ deuˬ, mawˇ bawˬ seu-eu tsawˇ haˬ deuˬ hawˇ-eu, kuiˇ shiˇ laꞈ shiˇ shiˇ-eu tsawˇ haˬ deuˬ-ahˇ aˬ yawꞈ jawˇ gaˇ sheuˬ uiˬ laꞈ-awˇ, aˬ yawꞈ laˆ taˬ-euˬ meh.

Luˇkaꞈ 10:13

“Kawˇlaˬseˬ meuˬ-oˇ, nawˇ ya noeˬ shaˬ dui dui tehꞈ-a. Behˬdzeˇdaˬ meuˬ-oˇ, nawˇ jiˇ ya noeˬ shaˬ dui dui tehꞈ-a. Naw nyaꞈ-ahˇ mˇ mehˬ nehˬ-euˬ zahˬ dui dui leˇ paˬ-ehˇ gʼeh-eu gaˇ kawˆ kʼoeˇ deuˬ, Duˇlu meuˬ hawˇ-eu Siˇdoˬ meuˬ-ahˇ mˇ mehˬ nehˬ-euˬ law nmˇ-aˬ, aˬ yawꞈ maꞈ aˬ myah ba neh iˬ baˇ noeˬ poˆ-awˇ, guˬ daˇ pehˇ zeuˇ mehˬ tsoeˬ dm-awˇ, uˬ duˬ-ahˇ kʼaˬ lehˇ tawˆ daˆ tawˆ daˆ-ehˇ nuiˇ luꞈ-eu maˬ siˬ.

Luˇkaꞈ 2:2

Kʼoeˇ-aˬ, miˇ kʼahˬ zaˬ tsawˇ myahˇ dawˆ beh beh-euˬ poˆ pyeuꞈ-awˇ, Suˇliˆ miˇ kʼahˬ-ahˇ Guˇleˬniˇ uˆ lahˇ luꞈ ngeh yamˬ-ahˇ tsaˬ-eu meh.

Gʼaˬkʼehˇ 11:19

Saˬteˬpaˬ-ahˇ sehꞈ ngeh poˆ kʼehˬ-eu kʼaˆ-eu jeˬ-ahˇ ya daˬ-awˇ cehˆ byaˆ-euˬ jah-eu tsawˇ haˬ tiˬ paˆ na deuˬ-aˬ, Piˇniˇshaˆ miˇ kʼahˬ, Guˇbaˬluˇ iˇ jaw lahˇ hawˇ-eu, Aˬdiˇawˬ meuˬ-ahˇ keuˆ ni cehˆ keuˆ-euˬ meh. Aˬ yawꞈ maꞈ-aˬ, Yuˇdaˆ tsawˇ haˬ deuˬ-ahˇ tehꞈ-ehˇ guiˬ lahˬ dawˬ mehˬ-euˬ meh.

Gʼaˬkʼehˇ 12:20

Heˬloˆ-aˬ, Duˇlu meuˬ hawˇ-eu Siˇdoˬ meuˬ-ahˇ jawˇ-eu tsawˇ haˬ deuˬ-ahˇ nui ma pehˇ dui dui-eu meh. Kʼoeˇ miˇ neh, aˬ yawꞈ maꞈ nui maˬ tiˬ siˬ tehꞈ-ehˇ taˬ-eu laꞈ kʼoeˇ, baˬ maꞈ puˇ jeˬ-ehˇ aˬ yawꞈ-ahˇ tahˬ puˬ laˇ-euˬ meh. Sahˬ paˬ-euˬ hawˇ nymˇ-ahˇ aˬ yuiꞈ geuꞈ-awˇ haw-eu pyaˆ-eu gʼaˬ pyeuꞈ-eu Baˬlaˬduˇ-ahˇ jeˬ huˬ ja cawˬ-awˇ, Heˬloˆ nehˬ-ehˇ ja tsaˬ geuꞈ leˇ-euˬ meh. Aˬ jeˬ miˇ neh ehˇ naˇ, sahˬ paˬ Heˬloˆ-euˬ miˇ kʼahˬ-ahˇ aˬ yawꞈ maꞈ dzaˬ dzaˬ dawˇ dawˇ gʼoe luꞈ-eu meh.

Gʼaˬkʼehˇ 13:4

Muiˬ-eu shawˇ-eu Yaw sahˇ Miˬyehˇ neh kʼehˇ gʼeh-euˬ loꞈ-ehˇ Baˬnaˬbaˇ hawˇ-eu Sawˇluˆ aˬ nyaꞈ Seˬluˇgiˇ meuˬ-ahˇ iˇ-awˇ, kʼoeˇ gaˇ neh naˇ, Guˇbaˬluˇ iˇ jaw lahˇ-ahˇ lawˬ dziˬ-awˇ iˇ-euˬ meh.

Gʼaˬkʼehˇ 15:23

sahˬ boꞈ heu taꞈ aˬ yawꞈ nyaꞈ nehˬ-ehˇ dawˆ caw gʼeh-euˬ meh. “Aˬdiˇawˬ meuˬ, Suˇliˆ miˇ kʼahˬ hawˇ-eu, Giˇliˇciˆ miˇ kʼahˬ heu deuˬ-ahˇ jawˇ-eu Yuˇdaˆ tsawˇ haˬ maˬ ngeuˇ-eu aˬ yuiꞈ aˬ nyiˇ deuˬ jawˇ gaˇ, naw maꞈ-euˬ aˬ yuiꞈ aˬ nyiˇ pyeuꞈ-eu nga maꞈ gʼaˬ kʼehˇ deuˬ hawˇ-eu aˬ yuiꞈ aˬ tsu deuˬ, sahˬ boꞈ boꞈ-awˇ dawˬ cawˬ puˬ ahˇ leꞈ-eu ma.

Gʼaˬkʼehˇ 15:39

Aˬ yawꞈ nyaꞈ yaw kaˬ gaˇ kawˆ kʼoeˇ yaw kʼaˆ-ehˇ ja dzaˬ-awˇ gʼawˬ-iˇ-euˬ meh. Baˬnaˬbaˇ gʼaˬ Maˬkuˆ-ahˇ sheuˬ-awˇ, Guˇbaˬluˇ iˇ jaw lahˇ-ahˇ lawˬ dziˬ-awˇ iˇ-euˬ meh.

Gʼaˬkʼehˇ 15:41

Suˇliˆ miˇ kʼahˬ hawˇ-eu Giˇliˇciˆ miˇ kʼahˬ-ahˇ cah-iˇ-awˇ, Ka li zaˬ aˇ muˇ deuˬ ziꞈ laˇ ni gʼaˬ biꞈ nehˬ-iˇ-euˬ meh.

Gʼaˬkʼehˇ 18:18

Pawˇluˆ-aˬ, Gawˇliˬtu meuˬ-ahˇ jawˇ-eu jah-eu tsawˇ haˬ deuˬ nehˬ-ehˇ gʼawˬ mya nah paˇ jawˇ-euˬ meh. Kʼoeˇ naˇ, aˬ yawꞈ maꞈ-ahˇ gʼawˬ-iˇ-awˇ, Biˇgiˇla hawˇ-eu Aˬguˇla aˬ nyaꞈ nehˬ-ehˇ tiˬ kawˆ loꞈ-ehˇ saˇ baoˬ dziˬ-awˇ, Suˇliˆ miˇ kʼahˬ-ahˇ iˇ-euˬ meh. Geˬjeˬ meuˬ-ahˇ iˇ keuˆ ngeh, aˬ yawꞈ dawˬ ma saˇ jaˇ dzaˬ-eu laꞈ kʼoeˇ uˬ jehˆ jehˆ dzeh-euˬ meh.

Gʼaˬkʼehˇ 21:16

Gehˇsaˬliˇ meuˬ-ahˇ jawˇ-eu zaˬ lahˇ tiˬ paˆ na deuˬ nga maꞈ-euˬ mehˬ nah caw teh le-awˇ, nga maꞈ yaꞈ leˇ-eu lehˇ gʼeh-eu Maˬnaˬsoˬ lehˇ myahˇ-euˬ gʼaˬ-euˬ nymˇ-ahˇ, nga maꞈ-ahˇ sheuˬ ha laˇ-euˬ meh. Aˬ yawꞈ-aˬ, Guˇbaˬluˇ iˇ jaw lahˇ-ahˇ jawˇ-euˬ tsawˇ haˬ pyeuꞈ-awˇ, jah-eu tsawˇ haˬ pyeuꞈ laˇ-euˬ myahˇ laˇ-euˬ meh.

Gʼaˬkʼehˇ 21:2

Piˇniˇshaˆ miˇ kʼahˬ-ahˇ iˇ-eu lehˇ gʼeh-eu saˇ baoˬ tiˬ laˇ-ahˇ kʼoeˇ gaˇ tahˬ puˬ-awˇ, dziˬ-awˇ iˇ gʼeh-euˬ ma.

Gʼaˬkʼehˇ 21:7

Duˇlu meuˬ-ahˇ neh saˇ baoˬ dziˬ gʼeh-awˇ Baˬdawˇleˬ meuˬ-ahˇ nga maꞈ iˇ keuˆ-euˬ ma. Kʼoeˇ gaˇ jawˇ-eu jah-eu tsawˇ haˬ deuˬ-ahˇ tahˬ puˬ-awˇ, aˬ yawꞈ maꞈ nehˬ-ehˇ tiˬ nah jawˇ-euˬ ma.

Gʼaˬkʼehˇ 27:4

Nga maꞈ kʼoeˇ gaˇ neh paˇ luˆ-iˇ-awˇ, jaˬ lehˇ pyawˬ maˬ tsaˬ-ehˇ nga maꞈ jawˇ paw baw kʼoꞈ laꞈ-eu miˇ neh, Guˇbaˬluˇ iˇ jaw lahˇ-ahˇ baˇ shmˇ-awˇ, jaˬ lehˇ maˬ zaw-eu paw dzeˇ pyawˬ-ahˇ neh iˇ-euˬ ma.

Gʼaˬkʼehˇ 4:36

Guˇbaˬluˇ iˇ jaw lahˇ miˇ kʼahˬ-ahˇ dehꞈ le-euˬ Leˬbiˇ tsawˇ jeuˬ Yoˇsehˆ lehˇ myahˇ-euˬ tiˬ gʼaˬ jawˇ-eu meh. Gʼaˬ kʼehˇ deuˬ neh aˬ yawꞈ-ahˇ Baˬnaˬbaˇ lehˇ myahˇ paˇ nehˬ-euˬ meh. Baˬnaˬbaˇ lehˇ ehˇ-eu dawˬ tsuiꞈ-aˬ, “Gʼaˬ biꞈ-eu gʼaˬ” lehˇ ehˇ mawꞈ-eu meh.

Yaˇ kʼaˬ daˇ 10:6

Iˇsaˬleˬlaˆ tsawˇ haˬ deuˬ-aˬ, Baˬlaˇ miˬ yehˇ hawˇ-eu Aˬshaˇtaˬyoˇ miˬ yehˇ deuˬ-ahˇ maˬ ehˇ, Siˇdoˬ miˬ yehˇ deuˬ-ahˇ maˬ ehˇ, Mawˇbaˆ miˬ yehˇ deuˬ-ahˇ maˬ ehˇ, Aˬmoˬ miˬ yehˇ deuˬ-ahˇ maˬ ehˇ, Piˇliˇtiˆ miˬ yehˇ deuˬ-ahˇ maˬ ehˇ, uˬ duˬ tahˬ-eu laꞈ kʼoeˇ, Sahˬpaˬ Miˬyehˇ mehˬ shi iˬ baˇ mˇ-euˬ meh. Sahˬpaˬ Miˬyehˇ-ahˇ aˬ yawꞈ maꞈ uˬ duˬ maˬ tahˬ ni byehˇ dzeh-euˬ meh.