Gʼaˬkʼehˇ 2:4 - Akha4 Aˬ yawꞈ maꞈ dawˬ tawˆ luꞈ-ahˇ Muiˬ-eu shawˇ-eu Yaw sahˇ Miˬyehˇ byah laˇ-awˇ, Yaw sahˇ Miˬyehˇ neh bi ngehˬ bi tmˇ-euˬ loꞈ-ehˇ, dawˬ gʼawˬ mya jeˬ ngehˬ-euˬ meh. Faic an caibideilYawshawr Yaerbof Dawqma Sarjax Yawshuif Jaceuq-eu Hawr-eu Dawqdaq4 Khoerngae, aqyawfmaf yawqghaq navluf-anr Yawshawr Saflar byanle-awr, Yawshawr Saflar nae bingaeq-euq lof-aer, danqbae-awr nuijeq-euq dawq-anr nae dawqbav bav-eu mae. Faic an caibideil |
Gʼaˬkʼehˇ 2:4
55 Iomraidhean Croise
Kʼoeˇ naˇ, naw maꞈ nehˬ-ehˇ ngaˇ dawˬ ma saˇ jaˇ dzaˬ ma. Mˬ maˬ maˬ byaˆ zaˇ ziˇ naw maꞈ bi geuꞈ tsehˆ-eu gʼaˇ duˬ, ngaˬ-euˬ baoˬ hawˇ-eu ngaˬ-euˬ dawˬ deuˬ, naw maꞈ-ahˇ ngaˇ biꞈ gʼaˬ-euˬ ma. Nymˬ-mˇ neh aˇ dahˬ beh-awˇ ngaˬ-euˬ dawˬ-ahˇ naw maꞈ ya naˇ haˬ geuꞈ-awˇ, naw maꞈ-euˬ zaˬ hawˇ-eu oeˬ paˬ oeˬ ma deuˬ-ahˇ kʼawꞈ, mˬ maˬ maˬ byaˆ zaˇ ziˇ jiˇ ni ya mehˬ daˆ leꞈ meh.”
Sahˬpaˬ Miˬyehˇ nawˇ aˬ yawꞈ maꞈ-ahˇ nui ma pehˇ-eu jeˬ, ngaˬ-euˬ nui ma miˬ dzaˬ doꞈ-eu loꞈ-ehˇ, ngaˬ-ahˇ maˬ dzahˬ tehˬ coeˇ nya.” Sahˬpaˬ Miˬyehˇ ngaˬ-ahˇ ehˇ-eu, “Meuˬ-euˬ lehˆ kawˆ doe ni gʼa-eu zaˬ deuˬ hawˇ-eu, zaˬ guˬ deuˬ uiˬ leˇ bymˇ leˇ taˬ-euˬ gaˇ, ngaˬ-euˬ nui pehˇ shehˆ daˆ nehˬ-awˬ. Miˬ zaˬ yo zaˬ dawˬ tawˆ bi nyehꞈ byoˆ gʼeh jiˇ-awˇ, mawˬ dui dui-eu deuˬ kʼawꞈ maˬ dzeˇ yaꞈ ni pyeuꞈ-iˇ tehꞈ-a.
Aˬ jeˬ miˇ neh ehˇ naˇ, Sahˬpaˬ Miˬyehˇ mehˬ shi, aˬ yawꞈ yaw huiˬ yaw mahˇ pyeuꞈ laˇ tehꞈpa. Aˬ gaꞈ dzaˇ uiˇ hawˇ-eu yehꞈ laˇ-eu dzaˇ uiˇ deuˬ-ahˇ aˬ yawꞈ maˬ ya dawˇ-a. Aˬ ma-euˬ uˬ maˆ laꞈ kʼoeˇ neh maˬ dehꞈ doˆ le mi naˆ-ehˇ, Muiˬ-eu shawˇ-eu Yaw sahˇ Miˬyehˇ aˬ yawꞈ laꞈ kʼoeˇ tiˬ byah ni ahˇ tehꞈ-a.
Ehˇ kʼawꞈ, Muiˬ-eu shawˇ-eu Yaw sahˇ Miˬyehˇ naw maꞈ kʼoeˇ taˆ oe keuˆ ngeh, naw maꞈ baoˬ za-awˇ, Yeˬluˇsaˬlehˬ meuˬ laꞈ kʼoeˇ maˬ ehˇ, Yuˇdaˆ miˇ kʼahˬ hawˇ-eu Saˬmaˬliˆ miˇ kʼahˬ doe ni maˬ ehˇ, mˬ dzeˇ miˇdzeˇ keuˆ ni maˬ ehˇ, naw maꞈ ngaˬ-euˬ gʼaˇ duˬ saˇ kiˇ kamˬ-eu tsawˇ haˬ pyeuꞈ laˇ tehꞈ-a.”
Yuˇdaˆ tsawˇ jeuˬ maˬ ehˇ, Yuˇdaˆ tsawˇ haˬ pyeuꞈ laˇ-euˬ aˬ cawˬ tsawˇ jeuˬ deuˬ maˬ ehˇ, aˬ dui laꞈ kʼoeˇ ahˇ-eu ma. Tiˬ paˆ na deuˬ-aˬ Gaˬlaˬdeˬ miˇ kʼahˬ hawˇ-eu Aˬleˬbyaˇ miˇ kʼahˬ-ahˇ jawˇ-eu ma. Ehˇ kʼawꞈ, Miˬyehˇ neh mˇ-euˬ huiˬ-eu gaˇ deuˬ gaˇ kawˆ aˬ yawꞈ maꞈ ngehˬ-eu kʼoeˇ, aˬ dui dawˬ tawˆ luꞈ yawˬ ha tsawˇ jeuˬ-euˬ dawˬ-ahˇ neh ya gaˬ-euˬ ma.”
Gʼaˬ kʼehˇ deuˬ kʼoeˇ loꞈ-ehˇ ehˇ gaˇ, aˇ muˇ muˇ lah-ehˇ nui ma tsaˬ-awˇ, tsawˇ haˬ heu deuˬ-ahˇ tseˇ doˆ-euˬ meh. Jah-eu nui ma tiˬ byah ni ahˇ-awˇ, Muiˬ-eu shawˇ-eu Yaw sahˇ Miˬyehˇ tiˬ byah ni ahˇ-eu Saˬteˬpaˬ, Piˇliˇpuˆ, Bawˇkawˬ, Niˇgaˬnawˬ, Tiˇmoˬ, Baˬmeˬnaˇ, Niˇgawˇla heu deuˬ meh. Niˇgawˇla-aˬ, yaw beh Aˬdiˇawˬ meuˬ-ahˇ jawˇ-euˬ lawˇ ciꞈ zaˬ pyeuꞈ-awˇ, dzeuˇ laˇ ngeh Yuˇdaˆ tsawˇ haˬ-euˬ zahˇ tiˬ poˆ tawˬ haw-euˬ meh.
Kʼoeˇ naˇ, Aˬnaˬniˇ iˇ-awˇ, nymˇ kʼoeˇ nymˇ-ahˇ uˇ-iˇ-awˇ, Sawˇluˆ kʼoeˇ taˆ aˬ laꞈ baꞈ daˆ-awˇ, heu loꞈ-ehˇ ehˇ nehˬ-euˬ meh. “Aˬ nyiˇ Sawˇluˆ-oˇ, nawˇ heu gaˇ laˇ luꞈ ngeh gaˇ pehˇ-ahˇ nawˬ-ahˇ bi mawˇ le-euˬ Sahˬpaˬ Yeˬsuˇ kʼoeˇ gʼaˬ ngaˬ-ahˇ nawˇ jawˇ gaˇ kʼehˇ gʼeh leꞈ-euˬ meh. Nawˇ myaˆ nuiˆ paˇ mawˇ laˇ-awˇ, Muiˬ-eu shawˇ-eu Yaw sahˇ Miˬyehˇ za nya ni, aˬ yawꞈ ngaˬ-ahˇ kʼehˇ gʼeh leꞈ-euˬ meh.”
Tiˬ gʼaˬ-ahˇ zahˬ leˇ paˬ-ehˇ gʼeh-eu jeˬ mˇ nya-eu baoˬ biꞈ taˬ-awˇ, tiˬ gʼaˬ-ahˇ Miˬyehˇ dawˬ kawˬ mehˬ nya-eu laꞈ sawˬ biꞈ taˬ-euˬ meh. Tiˬ gʼaˬ-ahˇ Yaw sahˇ Miˬyehˇ neh biꞈ-euˬ laꞈ sawˬ ngeuˇ-eu maˬ ngeuˇ-eu tseˇ paˆ duˬ nya-eu nui gahˇ biꞈ taˬ-euˬ meh. Tiˬ gʼaˬ-ahˇ dawˬ gʼawˬ mya jeˬ ngehˬ nya-eu laꞈ sawˬ biꞈ taˬ-awˇ, tiˬ gʼaˬ-ahˇ dawˬ gʼawˬ mya jeˬ ngehˬ-eu kʼoeˇ-euˬ dawˬ tsuiꞈ yuˇ doˆ nya-eu laꞈ sawˬ biꞈ taˬ-euˬ meh.
Gʼoeˇ-eu gaˬ-eu jeˬ-aˬ, mˬ maˬ maˬ byaˆ zaˇ ziˇ gmˬ-eu meh. Miˬyehˇ gʼaˇ duˬ ngehˬ dah-eu jeˬ jaˆ luꞈ meh. Ehˇ kʼawꞈ, tiˬ kʼehˬ tiˬ yamˬ gmˬ-eu tehꞈ meh. Dawˬ gʼawˬ mya jeˬ ngehˬ nya-eu tsawˇ gahˇ jaˆ luꞈ meh. Ehˇ kʼawꞈ, gʼawˬ myahˇ ni maˬ kamˬ-a. Zaˬ siˬ tsawˇ gahˇ kʼawꞈ jaˆ luꞈ meh. Ehˇ kʼawꞈ, gʼawˬ myahˇ ni maˬ ziꞈ-a.
Naw maꞈ dawˬ tawˆ luꞈ dawˬ bi ngehˬ nya mawꞈ miˇ-a. Ehˇ kʼawꞈ, kʼoeˇ naˆ maˬ tseˇ Miˬyehˇ dawˬ kawˬ mehˬ nya-eu laꞈ sawˬ naw maꞈ bi za mawꞈ miˇ-a. Dawˬ gʼawˬ mya jeˬ ngehˬ gaˇ dawˬ tsuiꞈ yuˇ doˆ nehˬ nya-eu gʼaˬ jawˇ-awˇ, Ka li zaˬ aˇ muˇ muˇ lah-ehˇ gʼoˆ shaw-awˇ gaˇ dahˇ tsoeˬ leˇ ni maˬ ja mehˬ nehˬ nya naˇ, dawˬ gʼawˬ mya jeˬ ngehˬ-eu gʼaˬ naˆ maˬ tseˇ, Miˬyehˇ dawˬ kawˬ mehˬ-eu gʼaˬ gaˇ dahˇ tsoeˬ dzehˬ meh.
Aˇ hu Miˬyehˇ gʼaˇ duˬ ngeh dah-eu kʼoeˇ deuˬ neh mˇ-euˬ gaˇ-aˬ, aˬ yawꞈ maꞈ-euˬ gʼaˇ duˬ maˬ ngeuˇ-ehˇ, naw maꞈ-euˬ gʼaˇ duˬ pyeuꞈ-eu gaˇ kawˆ aˬ yawꞈ maꞈ-ahˇ Miˬyehˇ pah mehˬ nehˬ-euˬ meh. Aˇ hu aˬ yawꞈ maꞈ neh ngehˬ dah-euˬ gaˇ kawˆ kʼoeˇ deuˬ-aˬ, nymˬ-mˇ mˬ kʼoeˇ taˆ neh bi oe-euˬ Muiˬ-eu Shawˇ-eu Yaw sahˇ Miˬyehˇ-euˬ baoˬ-ahˇ gʼoe-awˇ Laˬ kʼaˬ cehˇ-eu Guiˬ lahˬ dawˬ mehˬ-eu deuˬ mehˬ luꞈ-eu, naw maꞈ ya gaˬ luꞈ-eu gaˇ kawˆ heu deuˬ meh. Gaˇ kawˆ heu-aˬ, mˬ taˆ gʼaˬ kʼehˇ deuˬ-ahˇ keuˆ ni siˬ mawꞈ dui dui-eu gaˇ kawˆ meh.
Aˬ jeˬ miˇ neh ehˇ naˇ, Miˬyehˇ gʼaˇ duˬ ngehˬ dah-euˬ dawˬ aˬ geu dawˬ maˬ kaˬ, tsawˇ haˬ zaˬ-euˬ nui ma laꞈ kʼoeˇ neh doˆ laˇ-euˬ jeˬ maˬ ngeuˇ-a. Ehˇ kʼawꞈ, Miˬyehˇ jawˇ gaˇ neh doˆ le-euˬ dawˬ deuˬ-ahˇ tsawˇ haˬ zaˬ ngehˬ dah ngeh, aˬ yawꞈ maꞈ-ahˇ Muiˬ-eu shawˇ-eu Yaw sahˇ Miˬyehˇ uˆ lahˇ-awˇ bi ngehˬ-eu meh.
Sanasan