Gʼaˬkʼehˇ 2:3 - Akha

³ Kʼoeˇ ngeh, miˬ dzaˬ miˬ lmˇ-ahˇ duˇ-eu mehˬ laˇ deuˬ-ahˇ aˬ yawꞈ maꞈ ya mawˇ-euˬ meh. Mehˬ laˇ kʼoeˇ deuˬ oe kʼawˬ gʼeh-awˇ, kʼoeˇ gaˇ kʼaˇ jawˇ-eu tsawˇ haˬ yawˬ gʼaˬ na luꞈ-ahˇ toeˬ ciˆ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Khoernar-aq, aqyawfmaf jawr-eu gar, miqdzaq dofluf-eu maeqlar larcaeq lof-aer dur-eu miqdzaq miqlmr dovle-awr, aqyawf ghaq aqyawf-euq khoertav birkhawq ghae-awr naqler taq-awr jav-eu gar ya’mawr-euq mae.

Gʼaˬkʼehˇ 2:3 Iomraidhean Croise

Aˇ dahˬ 11:6

Sahˬpaˬ Miˬyehˇ ehˇ-eu, “Haw sheˇ. Tsawˇ haˬ heu deuˬ tsawˇ jeuˬ tiˬ jeuˬ tehꞈ-ehˇ pyeuꞈ-awˇ, dawˬ tiˬ jeˬ tehꞈ-ehˇ ngehˬ-eu miˇ neh, heu loꞈ-ehˇ mˇ doˆ nya-eu nga. Heu-aˬ, aˇ dahˬ beh-eu tehꞈ nga siˬ. Gʼawˬ myahˇ maˬ gʼeh-ehˇ aˬ yawꞈ maꞈ kʼaˇ mˇ mawꞈ-eu jeˬ mˇ nya-eu aˇ tiˆ keuˆ laˇ-eu nga.

Jaceuq 55:9

Sahˬpaˬ Miˬyehˇ-oˇ, muiˇ-eu deuˬ-euˬ dawˬ-ahˇ laˆ bahˬ laˆ baˆ nehˬ-awˬ. Meuˬ laꞈ kʼoeˇ dawꞈ-awˇ ceh-awˇ lawꞈ gʼa luꞈ gaˇ ngaˇ ya mawˇ-euˬ ma.

Iˇsaˬyaˇ 6:5

Ngaˇ heu loꞈ-ehˇ ehˇ-euˬ ma. “Ngaˇ noeˬ tmˬ kʼaˇ maˬ paˇ za miˇ-a. Ngaˬ-euˬ kʼaˬ meh-ahˇ neh kʼaˇ doˆ le-euˬ dawˬ yawˬ dawˬ na luꞈ iˬ baˇ ahˇ-eu uˬ taꞈ, iˬ baˇ ahˇ-eu dawˬ tehꞈ-ehˇ ngehˬ-eu tsawˇ haˬ deuˬ nehˬ-ehˇ ngaˇ jawˇ luꞈ-eu miˇ neh, ngaˇ iˬ baˇ naꞈ dui dui miˇ-a. Ehˇ kʼawꞈ, Baoˬ huiˬ-eu Sahˬpaˬ Miˬyehˇ pyeuꞈ-eu Sahˬ paˬ-ahˇ, ngaˬ-euˬ myaˆ nuiˆ neh ya mawˇ duˬ-euˬ ma.”

Yeˬlaˬmiˇ 23:29

Ngaˬ-euˬ dawˬ-aˬ, miˬ dzaˬ-ahˇ duˇ-awˇ, kʼaˬ lo-ahˇ deh meuˇ nya-eu diˬ puˬ puˬ ma-ahˇ duˇ-eu meh.

Maꞈtehˬ 3:11

Naw maꞈ iˬ baˇ noeˬ poˆ-euˬ gaˇ kawˆ bi siˬ bi mawˇ-eu gʼaˇ duˬ, iˇ cuꞈ neh naw maꞈ-ahˇ ngaˇ iˇ cuꞈ shawˇ nehˬ ma. Ehˇ kʼawꞈ, ngaˬ-euˬ mehˬ nah oe luꞈ-eu gʼaˬ-aˬ, Muiˬ-eu shawˇ-eu Yaw sahˇ Miˬyehˇ laꞈ kʼoeˇ hawˇ-eu, miˬ dzaˬ laꞈ kʼoeˇ naw maꞈ-ahˇ iˇ cuꞈ shawˇ nehˬ laꞈ tehꞈ-a. Aˬ yawꞈ-aˬ, ngaˇ naˆ maˬ tseˇ huiˬ dui mahˇ dui dui-awˇ, ngaˇ-aˬ, aˬ yawꞈ-euˬ sehˬ nawˆ yuˇ nehˬ-eu tehꞈ-ehˇ kʼawꞈ maˬ geuˇ nya.

Maꞈtehˬ 3:15

Ehˇ kʼawꞈ, Yeˬsuˇ ehˇ-eu, “Miˬyehˇ-euˬ nui kʼahˇ byah laˇ ni, nymˬ-mˇ aˇ nyaꞈ heu loꞈ-ehˇ ya mˇ meh.” Kʼoeˇ ngeh, Yeˬsuˇ-ahˇ iˇ cuꞈ shawˇ nehˬ-eu gʼaˇ duˬ Yoˇhaˬ nui ma tsaˬ-euˬ meh.

Luˇkaꞈ 24:32

Aˬ yawꞈ nyaꞈ yaw kaˬ ehˇ-eu, “Gaˇ pehˇ-ahˇ aˬ yawꞈ aˇ nyaꞈ-ahˇ dawˬ ngehˬ cawˬ laˇ-awˇ Jaˇliꞈ gaˇ kawˆ ja mehˬ nehˬ laꞈ ngeh, nui ma laꞈ kʼoeˇ miˬ dzaˬ doꞈ-eu loꞈ-ehˇ gʼeh law miˇ-a ehˇ lawˬ.”

Gʼaˬkʼehˇ 1:15

Gʼawˬ myahˇ maˬ gʼeh-ehˇ, jah-eu tsawˇ haˬ deuˬ tiˬ yaˇ nyiˬ tseˇ gʼaˬ uiˬ leˇ-awˇ jawˇ gaˇ, Beˬtuˆluˆ tuˇ laˇ-awˇ, heu loꞈ-ehˇ ehˇ-eu meh.

Gʼaˬkʼehˇ 2:11

Yuˇdaˆ tsawˇ jeuˬ maˬ ehˇ, Yuˇdaˆ tsawˇ haˬ pyeuꞈ laˇ-euˬ aˬ cawˬ tsawˇ jeuˬ deuˬ maˬ ehˇ, aˬ dui laꞈ kʼoeˇ ahˇ-eu ma. Tiˬ paˆ na deuˬ-aˬ Gaˬlaˬdeˬ miˇ kʼahˬ hawˇ-eu Aˬleˬbyaˇ miˇ kʼahˬ-ahˇ jawˇ-eu ma. Ehˇ kʼawꞈ, Miˬyehˇ neh mˇ-euˬ huiˬ-eu gaˇ deuˬ gaˇ kawˆ aˬ yawꞈ maꞈ ngehˬ-eu kʼoeˇ, aˬ dui dawˬ tawˆ luꞈ yawˬ ha tsawˇ jeuˬ-euˬ dawˬ-ahˇ neh ya gaˬ-euˬ ma.”

Gʼaˬkʼehˇ 2:2

Ja pyuˬ ni, jaˬ lehˇ lehˇ ma baw-eu loꞈ-ehˇ mˬ kʼoeˇ taˆ teˇ saˇ mahˇ doˆ laˇ-awˇ, aˬ yawꞈ maꞈ nuiˇ luꞈ-eu nymˇ nymˇ lah-ehˇ teˇ saˇ kʼoeˇ byah-iˇ-euˬ meh.

Gʼaˬkʼehˇ 2:4

Aˬ yawꞈ maꞈ dawˬ tawˆ luꞈ-ahˇ Muiˬ-eu shawˇ-eu Yaw sahˇ Miˬyehˇ byah laˇ-awˇ, Yaw sahˇ Miˬyehˇ neh bi ngehˬ bi tmˇ-euˬ loꞈ-ehˇ, dawˬ gʼawˬ mya jeˬ ngehˬ-euˬ meh.

1 Gawˇliˬtu 12:10

Tiˬ gʼaˬ-ahˇ zahˬ leˇ paˬ-ehˇ gʼeh-eu jeˬ mˇ nya-eu baoˬ biꞈ taˬ-awˇ, tiˬ gʼaˬ-ahˇ Miˬyehˇ dawˬ kawˬ mehˬ nya-eu laꞈ sawˬ biꞈ taˬ-euˬ meh. Tiˬ gʼaˬ-ahˇ Yaw sahˇ Miˬyehˇ neh biꞈ-euˬ laꞈ sawˬ ngeuˇ-eu maˬ ngeuˇ-eu tseˇ paˆ duˬ nya-eu nui gahˇ biꞈ taˬ-euˬ meh. Tiˬ gʼaˬ-ahˇ dawˬ gʼawˬ mya jeˬ ngehˬ nya-eu laꞈ sawˬ biꞈ taˬ-awˇ, tiˬ gʼaˬ-ahˇ dawˬ gʼawˬ mya jeˬ ngehˬ-eu kʼoeˇ-euˬ dawˬ tsuiꞈ yuˇ doˆ nya-eu laꞈ sawˬ biꞈ taˬ-euˬ meh.

Yaˬkoˆ 3:6

Mehˬ laˇ-aˬ, miˬ dzaˬ-ahˇ duˇ-eu meh. Mehˬ laˇ kʼoeˇ-aˬ, aˬ dui-euˬ gʼawˇ mawˇ laꞈ kʼoeˇ jaˆ-eu haiˬ-eu miˇ kʼahˬ tiˬ kʼahˬ pyeuꞈ-awˇ, aˬ dui-euˬ nui ma gʼawˇ mawˇ dawˬ tawˆ luꞈ laꞈ kʼoeˇ yaw haiˬ jeˬ bi byah laˇ-eu meh. Mehˬ laˇ kʼoeˇ-aˬ, shiˬ buiˇ lah ma-ahˇ doꞈ-eu miˬ dzaˬ yuˇ-awˇ, aˬ dui yaw dehꞈ dehꞈ-eu jeˬ dawˬ tawˆ luꞈ-ahˇ bi puiˆ dzaˬ-eu meh.

Panmaeq 11:3

Guˬ daˇ pehˇ zeuˇ dm luꞈ-eu saˇ kiˇ kamˬ-eu ngaˬ-euˬ tsawˇ haˬ nyiˬ gʼaˬ-ahˇ ngaˇ pyehˬ gʼeh-awˇ, aˇ nah aˇ yamˬ kʼoeˇ tiˬ heˇ nyiˬ yaˇ koꞈ tseˇ nah laꞈ kʼoeˇ, aˬ yawꞈ nyaꞈ Miˬyehˇ dawˬ kawˬ mehˬ tehꞈ-a.”

Panmaeq 14:6

Kʼoeˇ naˇ, mˬ taˆ gʼaˬ kʼehˇ tiˬ gʼaˬ mˬ-euˬ gʼahˇ ceh zaw gaˇ ngaˇ ya mawˇ-euˬ ma. Aˬ yawꞈ-aˬ, miˇ kʼahˬ tsawˇ jeuˬ tsawˇ ca dawˬ tawˆ luꞈ-ahˇ ja ceuˬ-eu gʼaˇ duˬ mˬ maˬ maˬ byaˆ zaˇ ziˇ Laˬ kʼaˬ cehˇ-eu Guiˬ lahˬ dawˬ pi luꞈ-eu meh.