Gʼaˬkʼehˇ 19:2 - Akha

² Aˬ yawꞈ maꞈ-ahˇ aˬ yawꞈ ehˇ nehˬ-eu, “Naw maꞈ jah-eu tsawˇ haˬ pyeuꞈ laˇ ngeh Muiˬ-eu shawˇ-eu Yaw sahˇ Miˬyehˇ-ahˇ za maˬ loˇ.” Aˬ yawꞈ maꞈ ehˇ-eu, “Muiˬ-eu shawˇ-eu Yaw sahˇ Miˬyehˇ jawˇ meh lehˇ ehˇ-eu nga maꞈ tiˬ poˆ-iˬ maˬ gaˬ haw-aˬ.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² aqyawf, aqyawf maf-anr aernaeq-eu, “Nawmaf janlar ngae Yawshawr Saflar za’maq lor?” Khoerngae, aqyawfmaf aer-eu, “Nga’maf, Yawshawr Saflar-euq garkawv gaq-eu taef-aer khawf maq gaqhaw-aq.”

Gʼaˬkʼehˇ 19:2 Iomraidhean Croise

Yoˇhaˬ 7:39

Yeˬsuˇ kʼoeˇ loꞈ-ehˇ ehˇ-eu-aˬ, aˬ yawꞈ-ahˇ kʼaˇ jah-eu tsawˇ haˬ deuˬ Yaw sahˇ Miˬyehˇ za gaˇ ehˇ mawꞈ-eu meh. Aˇ yamˬ kʼoeˇ yamˬ-ahˇ keuˆ ni Yaw sahˇ Miˬyehˇ maˬ biꞈ leꞈ-aˬ siˬ. Aˬ jeˬ miˇ neh ehˇ naˇ, Yeˬsuˇ-ahˇ yaw shehꞈ kʼahˬ sehˇ laꞈ kʼoeˇ maˬ ciˬ daˆ kʼoꞈ leꞈ-aˬ siˬ.

Gʼaˬkʼehˇ 10:44

Beˬtuˆluˆ dawˬ ngehˬ luꞈ ngeh, aˬ yawꞈ-euˬ dawˬ-ahˇ kʼaˇ naˇ haˬ luꞈ-eu tsawˇ haˬ dawˬ tawˆ luꞈ kʼoeˇ taˆ, Muiˬ-eu shawˇ-eu Yaw sahˇ Miˬyehˇ zaꞈ le-euˬ meh.

Gʼaˬkʼehˇ 19:5

Dawˬ kʼoeˇ dawˬ-ahˇ aˬ yawꞈ maꞈ ya gaˬ ngeh, Sahˬpaˬ Yeˬsuˇ-euˬ tsawˇ myahˇ uˬ moˆ iˇ cuꞈ shawˇ-euˬ meh.

Gʼaˬkʼehˇ 2:17

‘Miˬyehˇ neh ehˇ taˬ-euˬ dawˬ-aˬ, Aˇ saˬ saˬ-eu aˇ nah keuˆ ngeh, tsawˇ haˬ yawˬ gʼaˬ na luꞈ kʼoeˇ taˆ, ngaˬ-euˬ Yaw sahˇ shehˆ daˆ nehˬ ma. Naw maꞈ-euˬ aˬ buˇ aˬ li deuˬ, ngaˬ-euˬ gʼaˇ duˬ ngehˬ dah tehꞈ-a. Naw maꞈ-euˬ tsawˇ haˬ zaˬ guˬ deuˬ, Yaw sahˇ mehˬ-eu jeˬ ya mawˇ-awˇ, naw maꞈ-euˬ tsawˇ mawˬ tsawˇ kʼaˆ deuˬ, yuꞈ maˆ gʼawˬ mya jeˬ maˆ tehꞈ-a.

Lormav 1:11

Naw maꞈ-ahˇ ngaˇ mawˇ mawꞈ dui dui nya. Saꞈ laˇ paw-euˬ guiˬ lahˬ biꞈ taꞈ yuˇ taꞈ-eu laꞈ kʼoeˇ, naw maꞈ gʼaˬ ahˇ dzehˬ laˇ ni mˇ mawꞈ dui dui nya.

1 Gawˇliˬtu 6:19

Naw maꞈ-euˬ gʼawˇ mawˇ-aˬ, Miˬyehˇ neh biꞈ leꞈ-awˇ naw maꞈ-euˬ laꞈ kʼoeˇ jawˇ luꞈ-eu Muiˬ-eu Shawˇ-eu Yaw sahˇ Miˬyehˇ-euˬ uˬ duˬ tahˬ nymˇ pyeuꞈ-eu meh lehˇ maˬ siˬ nya te loˇ. Kʼoeˇ uˬ taꞈ, naw maꞈ-aˬ, naw maꞈ-euˬ maˬ ngeuˇ-a. Miˬyehˇ-euˬ meh.

Gaˬlaˬtiˆ 3:5

Miˬyehˇ neh naw maꞈ-ahˇ Yaw sahˇ Miˬyehˇ biꞈ nehˬ leꞈ-awˇ zahˬ leˇ paˬ-ehˇ gʼeh-eu jeˬ mˇ mehˬ-euˬ kʼoeˇ, naw maꞈ Zahˇ dawˬ kʼoꞈ dawˬ-ahˇ mˇ byah-euˬ miˇ neh-a loˇ. Laˬ kʼaˬ cehˇ-eu Guiˬ lahˬ dawˬ-ahˇ ya gaˬ-awˇ jah-euˬ miˇ neh-a loˇ.

1 Saˬmeuˬlaˆ 3:7

Sahˬpaˬ Miˬyehˇ aˬ yawꞈ-ahˇ dawˬ maˬ ngehˬ cawˬ le haw-euˬ miˇ neh, Sahˬpaˬ Miˬyehˇ-ahˇ Saˬmeuˬlaˆ maˬ siˬ nya-a siˬ.