Gʼaˬkʼehˇ 19:16 - Akha

¹⁶ Nehꞈ yaw haiˬ uˇ-eu tsawˇ haˬ kʼoeˇ gʼaˬ aˬ yawꞈ maꞈ-ahˇ biˬ dawꞈ leꞈ-awˇ, dawˬ tawˆ luꞈ-ahˇ dawꞈ gʼaˬ-euˬ meh. Aˬ yawꞈ maꞈ bi diˬ naˇ bi diˬ gawˇ jiˇ-awˇ mehˬ tsoeˬ bi diˬ pyaˬ jiˇ-euˬ miˇ neh, tsawˇ haˬ kʼoeˇ gʼaˬ-euˬ nymˇ-ahˇ neh neˇ myawˆ ni coeˬ doˆ gʼeh-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ Khoernar-aq, naef yawjawf ur-eu khoerghaq, aqyawf maf-anr tsawqdawf lef-awr, aqyawf maf-anr khavghaq-awr, dawfghaq-euq mirnae, aqyawfmaf bi lavnar bi lavgawr-awr, nymr khoernymr-anr nae nermyawvni caevdovghae lef-euq mae.

Gʼaˬkʼehˇ 19:16 Iomraidhean Croise

Maˬkuˆ 5:15

Aˬ yawꞈ maꞈ Yeˬsuˇ jawˇ gaˇ laˇ keuˆ ngeh, yaw beh nehꞈ yaw jawꞈ uˇ-euˬ tsawˇ haˬ kʼoeˇ gʼaˬ paˇ muiˬ kʼoꞈ laˇ-awˇ, mehˬ tsoeˬ yaw muiˬ-ehˇ dm-awˇ nuiˇ luꞈ gaˇ ya mawˇ-awˇ, guˆ dui dui-iˇ-euˬ meh.

Luˇkaꞈ 8:29

Nehꞈ yaw jawꞈ kʼoeˇ mawˇ-ahˇ tsawˇ haˬ kʼoeˇ gʼaˬ laꞈ kʼoeˇ neh doˆ-iˇ-eu gʼaˇ duˬ Yeˬsuˇ dawˬ biꞈ-euˬ miˇ neh, aˬ yawꞈ kʼoeˇ loꞈ-ehˇ ehˇ-eu meh. Aˬ yawꞈ-ahˇ shmˇ caˆ neh kuiˇ cuꞈ laꞈ cuꞈ cuꞈ-awˇ paꞈ tawꞈ taˬ-euˬ kʼawꞈ, nehꞈ kʼoeˇ mawˇ aˬ yawꞈ laꞈ kʼoeˇ tiˬ kʼehˬ maˬ taˬ ni uˇ le ngeh, shmˇ caˆ kʼoeˇ deuˬ teuˆ tsehˆ jiˇ-awˇ, nehꞈ kʼoeˇ mawˇ neh bawˇ tsahˬ bawˇ dahˇ paw bi teh byoˆ gʼeh-eu meh.

Luˇkaꞈ 8:35

Tsawˇ haˬ gʼawˬ mya ni aˬ joˆ-ehˇ pyeuꞈ laˇ-euˬ gaˇ haw le-eu lehˇ oe-awˇ, Yeˬsuˇ-euˬ dawˬ peh oe keuˆ ngeh, nehꞈ bi teh doˆ-euˬ tsawˇ haˬ kʼoeˇ gʼaˬ paˇ muiˬ kʼoꞈ laˇ-awˇ, mehˬ tsoeˬ yaw muiˬ-ehˇ dm-awˇ Yeˬsuˇ-euˬ aˬ kuiˇ dawˬ peh nuiˇ luꞈ gaˇ ya mawˇ-euˬ miˇ neh, aˬ yawꞈ maꞈ guˆ dui dui-iˇ-euˬ meh.

Gʼaˬkʼehˇ 19:15

Nehꞈ yaw haiˬ kʼoeˇ mawˇ aˬ yawꞈ maꞈ-ahˇ ehˇ-eu, “Yeˬsuˇ-ahˇ ngaˇ siˬ nya ma. Pawˇluˆ-ahˇ kʼawꞈ siˬ nya ma. Ehˇ kʼawꞈ, naw maꞈ aˬ gaˇ-euˬ tsawˇ haˬ te.”

Gʼaˬkʼehˇ 19:17

Eˇpeˇsu meuˬ-ahˇ kʼaˇ jawˇ-eu Yuˇdaˆ tsawˇ haˬdeuˬ hawˇ-eu aˬ cawˬ tsawˇ jeuˬ dawˬ tawˆ luꞈ gaˇ kawˆ kʼoeˇ ya gaˬ ngeh, guˆ dui dui-iˇ-awˇ, Sahˬpaˬ Yeˬsuˇ-euˬ tsawˇ myahˇ-ahˇ ciˬ huiˬ ciˬ mahˇ dui dui-euˬ meh.

Gʼaˬkʼehˇ 3:8

Aˬ yawꞈ tsawˬ diˇ laˇ-awˇ, gawˬ yawꞈ yawꞈ-awˇ gaˇ ma cah-euˬ meh. Kʼoeˇ naˇ, aˬ yawꞈ tsawˬ tsawˬ-ehˇ cah-awˇ, Miˬ-ehˇ-ahˇ ja ceuˬ-eu laꞈ kʼoeˇ, aˬ yawꞈ nyaꞈ nehˬ-ehˇ Uˬ duˬtahˬ nymˇ nymˇ ma-ahˇ le-euˬ meh

2 Beˬtuˆluˆ 2:19

Yawˬ ha luˬ-iˇ seˇ-iˇ-eu jeˬ-euˬ zaˬ kʼaˆ geuꞈ geuꞈ-ehˇ shaˬ luꞈ ngeh, aˬ cawˬ-ahˇ bi buˬ-iˇ nya ma lehˇ aˬ yawꞈ maꞈ saˇ jaˇ dzaˬ-eu meh. Aˬ jeˬ miˇ neh ehˇ naˇ, tsawˇ haˬ tiˬ gʼaˬ-aˬ, yawˬ ha-ahˇ kʼaˇ uˆ gʼaˬ taˬ-euˬ jeˬ-euˬ zaˬ kʼaˆ pyeuꞈ-eu meh.