Gʼaˬkʼehˇ 16:23 - Akha

²³ Yaw kʼaˆ-ehˇ diˬ naˇ diˬ gawˇ nehˬ gʼaˬ ngeh, tawˬ-ahˇ nyehꞈ ahˇ nehˬ-awˇ, aˬ yawꞈ nyaꞈ-ahˇ yaw muiˬ paˬ-ehˇ loꞈ-eu gʼaˇ duˬ tawˬ-ahˇ haw-eu gʼaˬ-ahˇ dawˬ biꞈ nehˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²³ Aqyawf nyaf-anr ghawqmya laf diq-awr, kuv-anr nyaefur-euq mae. Aqyawf nyaf-anr yawmuiq-aer lofni kuv-euq aqyuif ghaq-anr dawq bif-euq mae.

Gʼaˬkʼehˇ 16:23 Iomraidhean Croise

Maꞈtehˬ 26:48

“Ngaˇ mehˬ cuˇ cuˇ nehˬ-eu gʼaˬ-aˬ, naw maꞈ poˆ luꞈ-eu kʼoeˇ gʼaˬ meh de. Kʼoeˇ gʼaˬ-ahˇ nyehꞈ-awˬ” lehˇ, Yeˬsuˇ-ahˇ ahˬ dzaˬ taˬ-euˬ zaˬ lahˇ kʼoeˇ gʼaˬ neh, tsawˇ haˬ kʼoeˇ maꞈ-ahˇ ehˇ nehˬ taˬ-euˬ meh.

Luˇkaꞈ 21:12

Ehˇ kʼawꞈ, kʼoeˇ loꞈ-ehˇ gʼeh-eu deuˬ maˬ keuˆ le mi naˆ-ehˇ, aˬ cawˬ naw maꞈ-ahˇ nyehꞈ-awˇ, kʼehˬ nehˬ kʼaˆ nehˬ laꞈ tehꞈ-a. Yaˇ kʼaˬ bi daˇ-eu gʼaˇ duˬ, naw maꞈ-ahˇ uˬ duˬ tahˬ nymˇ doe ni nyehꞈ gʼeh-awˇ, paꞈ kuˆ doe bi nyehꞈ uˇ tehꞈ-a. Naw maꞈ ngaˬ-euˬ tsawˇ myahˇ-ahˇ gʼoe-eu baˬ da neh, sahˬ paˬ sahˬ ma deuˬ-euˬ mehˬ shi, aˬ cawˬ naw maꞈ-ahˇ tsahˇ gʼeh tehꞈ-a.

Gʼaˬkʼehˇ 12:18

Uˬ bya bya laˇ ngeh, Beˬtuˆluˆ iˇ zaˇ laˇ zaˇ maˬ siˬ ni byoˆ-iˇ-euˬ miˇ neh, kʼoeˇ gaˇ loꞈ-eu yehˇ kʼoeˇ deuˬ bahˬ gʼa dui dui-eu meh.

Gʼaˬkʼehˇ 12:4

Beˬtuˆluˆ-ahˇ nyehꞈ gʼaˬ ngeh, paꞈ kuˆ-ahˇ dawˆ-awˇ, tiˬ muˇ-euˬ oeˬ gʼaˬ byah-eu yehˇ oeˬ muˇ neh bi loꞈ-euˬ meh. Baˬsaˬkaˬ Bawˬ-iˬ gʼeh gʼaˬ naˇ, miˇ kʼahˬ zaˬ-euˬ mehˬ shi tsahˇ doˆ-awˇ yaˇ kʼaˬ daˇ-eu gʼaˇ duˬ, Heˬloˆ lehˬ hmˬ taˬ-euˬ meh.

Gʼaˬkʼehˇ 16:27

Tawˬ-ahˇ haw-eu gʼaˬ tsawˬ noeˬ laˇ-awˇ, tawˬ laˇ gʼoˆ deuˬ yaw pah-ehˇ jaˆ gaˇ ya mawˇ ngeh, tawˬ-ahˇ nyehꞈ uˇ taˬ-euˬ tsawˇ haˬ deuˬ cehˆ doˆ jiˇ-euˬ ngaˇ lehˇ duˇ-awˇ, mi cehˇ gʼeu doˆ-awˇ yawˬ haˇ yawˬ ha sehꞈ-eu lehˇ gʼeh-eu meh.

Gʼaˬkʼehˇ 16:36

Kʼoeˇ miˇ neh, tawˬ-ahˇ haw-eu kʼoeˇ gʼaˬ Pawˇluˆ-ahˇ ehˇ nehˬ-eu, “Siˬlaˆ naw nyaꞈ-ahˇ pyehˬ nehˬ-eu gʼaˇ duˬ yaw huiˬ yaw mahˇ deuˬ-euˬ dawˬ oe keuˆ gʼaˬ-euˬ meh. Teu miˇ neh doˆ laˇ-awˇ laˬ kʼaˬ tiˬ cehˇ gʼoꞈ leˇ-awˬ.”

Gʼaˬkʼehˇ 5:18

Aˬ yawꞈ maꞈ gʼaˬ kʼehˇ deuˬ-ahˇ nyehꞈ-awˇ, miˇ kʼahˬ zaˬ-euˬ tawˬ-ahˇ dawˆ-euˬ meh.

Gʼaˬkʼehˇ 5:23

“Nga maꞈ tawˬ-ahˇ iˇ keuˆ ngeh, gʼoˆ kʼehˬ ziꞈ dah ni tawꞈ tehˬ taˬ-awˇ, loꞈ-eu tsawˇ haˬ deuˬ kʼawꞈ yaw muiˬ paˬ-ehˇ loꞈ luꞈ gaˇ ya mawˇ-euˬ ma. Ehˇ kʼawꞈ, nga maꞈ gʼoˆ kʼehˬ kʼoeˇ pah haw ngeh, laꞈ kʼoeˇ tiˬ gʼaˬ-iˬ maˬ jawˇ-a.”

Gʼaˬkʼehˇ 8:3

Ehˇ kʼawꞈ, Sawˇluˆ-aˬ, Ka li zaˬ aˇ muˇ-ahˇ laˆ byoˆ-eu lehˇ leh jeh-euˬ meh. Aˬ yawꞈ tiˬ nymˇ saˇ-iˬ tiˬ nymˇ iˇ iˇ-ehˇ, jah-eu tsawˇ haˬ kʼaˇ ngeuˇ-eu deuˬ-ahˇ, kʼaˬ dzeˇ zaˬ maˬ ehˇ, zaˬ miˬ zaˬ maˬ ehˇ, nyehꞈ-awˇ tawˬ-ahˇ dawˆ-euˬ meh.

Gʼaˬkʼehˇ 9:2

Daˬmaˬsehˇ meuˬ-ahˇ jaˆ-eu Yuˇdaˆ tsawˇ haˬ-euˬ uˬ duˬ tahˬ nymˇ deuˬ-ahˇ sahˬ boꞈ bi boꞈ nehˬ-eu gʼaˇ duˬ shaˇ leˇ-euˬ meh. Sahˬpaˬ Yeˬsuˇ-euˬ Gaˇma -ahˇ cah-eu deuˬ-ahˇ kʼoeˇ gaˇ ya mawˇ lawˬ naˇ, kʼaˬ dzeˇ zaˬ maˬ ehˇ, zaˬ miˬ zaˬ maˬ ehˇ, Yeˬluˇsaˬlehˬ meuˬ-ahˇ nyehꞈ ka leꞈ nya ni sahˬ boꞈ bi boꞈ nehˬ-eu lehˇ shaˇ leˇ-euˬ meh.

2 Gawˇliˬtu 11:23

Ngaˇ tsawˇ uˬ loꞈ-ehˇ ngehˬ la de. Aˬ yawꞈ maꞈ Ka li-euˬ zaˬ kʼaˆ ngeuˇ naˇ, ngaˇ-aˬ, aˬ yawꞈ maꞈ naˆ maˬ tseˇ bym dzehˬ-eu Ka li-euˬ zaˬ kʼaˆ ma. Aˬ yawꞈ maꞈ naˆ maˬ tseˇ ngaˇ mˇ taˬ shaˇ taˬ-euˬ jaˆ ma. Aˬ yawꞈ maꞈ naˆ maˬ tseˇ tawˬ-ahˇ uˇ haw-euˬ ma. Aˬ yawꞈ maꞈ naˆ maˬ tseˇ yahˬ caˆ neh bi juiꞈ haw-euˬ ma. Aˬ yawꞈ maꞈ naˆ maˬ tseˇ shiˇ taw tehˬ ni gʼawˬ mya poˆ bi kʼehˬ bi kʼaˆ haw-euˬ ma.

2 Gawˇliˬtu 6:5

Aˬ cawˬ neh bi diˬ dui dui-euˬ, tawˬ-ahˇ bi dawˆ-euˬ, tsawˇ haˬ aˇ maꞈ neh yehˬ bawˬ-ehˇ bi gʼeh-euˬ, gaˇ aˇ dzehˬ mˇ dzeuˇ-euˬ, maˬ ya yuꞈ dehˆ-euˬ, maˬ ya dzaˬ maˬ ya dawˇ dehˆ-euˬ, heu deuˬ-ahˇ nga maꞈ daˬ-euˬ ma.

Eˇpeˇsu 3:1

Kʼoeˇ baˬ da neh, naw maꞈ-euˬ gʼaˇ duˬ Yeˬsuˇ Ka li-euˬ gaˇ mˇ-euˬ miˇ neh tawˬ-ahˇ ya uˇ-euˬ gʼaˬ pyeuꞈ-eu ngaˇ Pawˇluˆ, Miˬyehˇ-ahˇ guiˬ lahˬ shaˇ-eu ma.

Eˇpeˇsu 4:1

Sahˬpaˬ Yeˬsuˇ-euˬ gaˇ mˇ-eu miˇ neh tawˬ-ahˇ ya uˇ-euˬ tsawˇ haˬ pyeuꞈ-eu ngaˇ, naw maꞈ-ahˇ heu loꞈ-ehˇ shaˇ-eu ma. Miˬyehˇ naw maꞈ-ahˇ kuˇ ngeh aˬ yawꞈ neh noeˬ taˬ-euˬ aˇ tiˆ kʼoeˇ tiˆ-ahˇ dehꞈ keuˆ-awˬ.

2 Tiˆmoˇseˬ 2:9

Laˬ kʼaˬ cehˇ-eu Guiˬ lahˬ dawˬ mehˬ-eu baˬ da neh, kʼehˬ-eu kʼaˆ-eu jeˬ-ahˇ ngaˇ ya daˬ-awˇ, smˇ kʼoeˬ tahˇ joe loꞈ-ehˇ shmˇ caˆ neh bi paꞈ gaˇ keuˆ-euˬ ma. Ehˇ kʼawꞈ, Miˬyehˇ-euˬ dawˬ-ahˇ shmˇ caˆ neh maˬ paꞈ tawꞈ nya-a.

Piˇleˇmoˬ 1:9

Ehˇ kʼawꞈ, ngaˇ nawˬ-ahˇ gaˬ-eu miˇ neh, dawˬ biꞈ-eu jeˬ-ehˇ maˬ ngeuˇ ni, nahˬ yu ni shaˇ ju-eu ma. Ngaˇ-aˬ, Yeˬsuˇ Ka li-euˬ dah zaˇ ngehˬ zaˬ tmˇ zaˬ geuꞈ luꞈ-eu Pawˇluˆ pyeuꞈ-eu uˬ taꞈ, aˬ yawꞈ-euˬ gʼaˇ duˬ nymˬ-mˇ tawˬ-ahˇ uˇ luꞈ-eu tsawˇ haˬ pyeuꞈ kʼawꞈ, nawˬ-ahˇ dawˬ maˬ biꞈ ni shaˇ ju-eu jeˬ pyeuꞈ-eu ma.

Yawˇshuˆ 4:17

Kʼoeˇ ngeh, “Yawˇdaˬ lawˇ baˬ-ahˇ neh doˆ laˇ-awˬ” lehˇ piˇ ma deuˬ-ahˇ Yawˇshuˆ dawˬ biꞈ-euˬ meh.

Panmaeq 1:9

Ngaˇ-aˬ, naw maꞈ-euˬ aˬ yuiꞈ aˬ nyiˇ Ka li zaˬ pyeuꞈ-eu Yoˇhaˬ ma. Yeˬsuˇ-euˬ mehˬ nah caw teh-euˬ tsawˇ haˬ tiˬ gʼaˬ pyeuꞈ-eu loꞈ-ehˇ, aˬ yawꞈ-euˬ Miˇ kʼahˬ-ahˇ kʼaˇ taꞈ-eu tsawˇ haˬ deuˬ kʼoeˇ taˆ keuˆ le-euˬ shaˬ-eu zahˬ-eu jeˬ-ahˇ naw maꞈ nehˬ-ehˇ tiˬ kawˆ loꞈ-ehˇ oˇ-awˇ daˬ luꞈ-eu ma. Miˬyehˇ-euˬ dawˬ kawˬ hawˇ-eu Yeˬsuˇ neh pah mehˬ nehˬ laꞈ-euˬ yaw tsaˬ yaw dawˇ jeˬ gaˇ kawˆ ngaˇ mehˬ-euˬ miˇ neh, Baˬmoˇ iˇ jaw lahˇ-ahˇ ka lahˇ-awˇ bi jawˇ laꞈ-euˬ meh.

Panmaeq 2:10

Nawˇ ya daˬ-eu lehˇ gʼeh-eu kʼehˬ-eu kʼaˆ-eu jeˬ-ahˇ taˬ guˆ. Nehꞈ sahˬ paˬ-aˬ, nawˬ-euˬ tsawˇ haˬ tiˬ paˆ na deuˬ-ahˇ tawˬ-ahˇ dawˆ-eu laꞈ kʼoeˇ lawˬ haw-awˇ, tseˇ nah byah ni nawˇ shaˬ zahˬ ya mˇ tehꞈ-a. Shiˇ gaˇ keuˆ kʼawꞈ, ngaˬ-ahˇ saˇ jaˇ ziꞈ-awˬ. Kʼoeˇ loꞈ-ehˇ saˇ jaˇ ziꞈ naˇ, gʼaˬ leˇ-euˬ laꞈ sawˬ pyeuꞈ-eu dehꞈ-eu jeˬ ngaˇ nawˬ-ahˇ biꞈ ma.