Gʼaˬkʼehˇ 16:10 - Akha

¹⁰ Yaw sahˇ laꞈ kʼoeˇ Pawˇluˆ kʼoeˇ loꞈ-ehˇ ya siˬ ya mawˇ gʼaˬ-euˬ nehˬ-ehˇ, Maˬgeˬdawˇniˆ miˇ kʼahˬ-ahˇ le-eu gʼaˇ duˬ nga maꞈ tiˬ poˆ tehꞈ-ehˇ lehˬ hmˬ-euˬ ma. Aˬ jeˬ miˇ neh ehˇ naˇ, kʼoeˇ gaˇ jawˇ-eu tsawˇ haˬ deuˬ-ahˇ Laˬ kʼaˬ cehˇ-eu Guiˬ lahˬ dawˬ bi mehˬ leˇ-eu gʼaˇ duˬ, Miˬyehˇ nga maꞈ-ahˇ kuˇ le-euˬ ngaˇ lehˇ nga maꞈ noeˬ tsehˆ-euˬ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Pawrluv mawrle-eu lafkhoer khoerlof-aer ya’mawr-euq nar-aq, Sanqpaq Miqyaer, aqyawf maf-anr guiqlanqdawq maeqnaeqler laer nga’maf-anr, kur-eu ngar-a laer noeqjir-awr, nga’maf, Maqgeqdawrniv mirkhanq-anr yawkawr-aer lenya’ni laeqhmq-euq ma.

Gʼaˬkʼehˇ 16:10 Iomraidhean Croise

Aˇ dahˬ 5:18

Jaˬyehˆ tiˬ yaˇ koꞈ tseˇ nyiꞈ kʼoꞈ kʼawˆ ngeh, Iˇnawˆ lehˇ myahˇ-euˬ aˬ li tiˬ li jawˇ le-euˬ meh.

Jaceuq 119:60

Nawˬ-euˬ zahˇ dawˬ kʼoꞈ dawˬ deuˬ-ahˇ, ngaˇ maˬ nyi naˬ ni caw teh ma.

Gʼaˬkʼehˇ 10:29

Kʼoeˇ miˇ neh, ngaˬ-ahˇ bi kuˇ laˬ le ngeh, ngaˇ dawˬ maˬ tmˇ ni laˇ-euˬ ma. Nymˬ-mˇ poˆ jawˇ-aˬ, aˬ jeˬ miˇ neh ngaˬ-ahˇ bi kuˇ laˬ le teˬ lehˇ naˇ haˬ mawꞈ miˇ-a.”

Gʼaˬkʼehˇ 14:7

Kʼoeˇ gaˇ, aˬ yawꞈ maꞈ Laˬ kʼaˬ cehˇ-eu Guiˬ lahˬ dawˬ mehˬ-euˬ meh.

Gʼaˬkʼehˇ 16:9

Kʼoeˇ ngeh miˇ yaw sahˇ laꞈ kʼoeˇ Pawˇluˆ heu loꞈ-ehˇ ya mawˇ-euˬ meh. Maˬgeˬdawˇniˆ tsawˇ haˬ tiˬ gʼaˬ yawꞈ le-awˇ, “Maˬgeˬdawˇniˆ miˇ kʼahˬ-ahˇ laˇ-awˇ, nga maꞈ-ahˇ tiˬ poˆ caw ba laˇ-awˬ” lehˇ shaˇ le-euˬ gaˇ aˬ yawꞈ ya mawˇ-euˬ meh.

Gʼaˬkʼehˇ 26:13

Sahˬ paˬ-oˇ, gaˇ pehˇ-ahˇ nah loˆ ceh laˇ ngeh, nahˇ ma naˆ maˬ tseˇ kʼaˆ dui dui-eu yaw shehꞈ mˬ-ahˇ neh tahˬ tehˬ leꞈ-awˇ, ngaˇ hawˇ-eu ngaˬ nehˬ-ehˇ le luꞈ-eu tsawˇ haˬ deuˬ-euˬ tiˬ jawˬ bya le-euˬ meh.

Gʼaˬkʼehˇ 27:1

Nga maꞈ-ahˇ Iˇdaˬliˬ miˇ kʼahˬ-ahˇ bi iˇ-eu lehˇ ehˇ tsehˆ gʼaˬ ngeh jawˇ, Pawˇluˆ hawˇ-eu tawˬ-ahˇ dawˆ taˬ-euˬ tsawˇ haˬ nui deuˬ-ahˇ, “Awˇguˆtuˆ guiˇ maꞈ” lehˇ kuˇ-eu Loˇmaˆ guiˇ maꞈ tiˬ maꞈ-ahˇ aˬ yuiꞈ geuꞈ luꞈ-eu Yuˇluˆ lehˇ myahˇ-euˬ gʼaˬ-euˬ aˬ laꞈ laꞈ kʼoeˇ a nehˬ-euˬ meh.

Gʼaˬkʼehˇ 9:10

Daˬmaˬsehˇ meuˬ laꞈ kʼoeˇ, Aˬnaˬniˇ lehˇ myahˇ-euˬ jah-eu tsawˇ haˬ tiˬ gʼaˬ jawˇ-eu meh. Yaw sahˇ laꞈ kʼoeˇ bi siˬ bi mawˇ-eu jeˬ laꞈ kʼoeˇ, “Aˬnaˬniˇ-oˇ” lehˇ Sahˬpaˬ Yeˬsuˇ kuˇ ngeh, “Sahˬpaˬ-oˇ, ngaˇ heu gaˇ jawˇ ma” lehˇ, Aˬnaˬniˇ oˬ toˬ nehˬ-euˬ meh.