Gʼaˬkʼehˇ 16:1 - Akha

¹ Kʼoeˇ naˇ, Deˬbeˬ meuˬ hawˇ-eu Luˇdaˬlaˇ meuˬ-ahˇ Pawˇluˆ iˇ-euˬ meh. Luˇdaˬlaˇ meuˬ-ahˇ Tiˆmoˇseˬ lehˇ myahˇ-euˬ Ka li zaˬ tiˬ gʼaˬ jawˇ-eu meh. Aˬ yawꞈ-euˬ aˬ ma-aˬ, Yuˇdaˆ tsawˇ jeuˬ Ka li zaˬ pyeuꞈ-eu meh. Ehˇ kʼawꞈ, aˬ yawꞈ-euˬ aˬ da-aˬ Heˬlaˬsaˇ tsawˇ jeuˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Khoerngae, Pawrluv, Deqbeq hawr-eu Lurdaqlar-anr oekeuv-euq mae. Khoergar Tivmorseq laer kur-eu zaqlanr tiq ghaq jawr-eu mae. Aqyawf-aq, janlar-euq Yurdavma tiq ghaq-euq zaqyo mae. Aerkhawf, aqyawf-euq aqda-aq, Heqlaqsar tsawrhaq mae.

Gʼaˬkʼehˇ 16:1 Iomraidhean Croise

Eˇzaˬlaˬ 9:2

Yuˇdaˆ tsawˇ haˬ deuˬ-aˬ, aˬ cawˬ tsawˇ jeuˬ-ahˇ sheuˬ-eu laꞈ kʼoeˇ Miˬyehˇ-euˬ muiˬ-eu shawˇ-eu tsawˇ jeuˬ-ahˇ tsawˇ keuˬ bi keuˬ iˇ-euˬ meh. Aˬ yuiꞈ aˬ tsu deuˬ hawˇ-eu yaw huiˬ yaw mahˇ geuꞈ-eu deuˬ kʼoeˇ loꞈ-ehˇ mehˬ huˬ huˬ-awˇ mˇ-eu meh lehˇ ehˇ laˇ-euˬ meh.

Gʼaˬkʼehˇ 14:1

Pawˇluˆ hawˇ-eu Baˬnaˬbaˇ aˬ nyaꞈ Iˇgawˇniˇ meuˬ-ahˇ le keuˆ-awˇ jawˇ ngeh, Yuˇdaˆ tsawˇ haˬ-euˬ uˬ duˬ tahˬ nymˇ-ahˇ daˆ leˇ-awˇ dawˬ ngehˬ leˇ-euˬ meh. Kʼoeˇ gaˇ kʼawꞈ, Yuˇdaˆ tsawˇ haˬ maˬ ehˇ, aˬ cawˬ tsawˇ jeuˬ maˬ ehˇ, gʼawˬ mya ni jah-eu tsawˇ haˬ pyeuꞈ laˇ-euˬ meh.

Gʼaˬkʼehˇ 14:21

Pawˇluˆ hawˇ-eu Baˬnaˬbaˇ aˬ nyaꞈ Deˬbeˬ meuˬ-ahˇ Laˬ kʼaˬ cehˇ-eu Guiˬ lahˬ dawˬ mehˬ-awˇ, tsawˇ haˬ gʼawˬ mya ni zaˬ lahˇ pyeuꞈ laˇ-euˬ meh. Kʼoeˇ naˇ, Luˇdaˬlaˇ meuˬ, Iˇgawˇniˇ meuˬ, Biˇsiˇdiˇ miˇ kʼahˬ-ahˇ jaˆ-eu Aˬdiˇawˬ meuˬ heu deuˬ-ahˇ, tiˬ meuˬ saˇ-iˬ tiˬ meuˬ gʼoꞈ leˇ luꞈ-eu meh.

Gʼaˬkʼehˇ 14:6

Gaˇ kawˆ kʼoeˇ gʼaˬ kʼehˇ kʼoeˇ nyiˬ gʼaˬ ya siˬ ngeh, Luˇdaˬlaˇ meuˬ, Deˬbeˬ meuˬ hawˇ-eu, dawˬ peh jaˆ-eu miˇ kʼahˬ-ahˇ cehˆ-euˬ meh.

Gʼaˬkʼehˇ 17:14

Kʼoeˇ ngeh, jah-eu tsawˇ haˬ deuˬ neh Pawˇluˆ-ahˇ iˬ ma laˆ shaˆ lawˇ deh paw bi iˇ doˆ-euˬ meh. Ehˇ kʼawꞈ, Siˬlaˆ hawˇ-eu Tiˆmoˇseˬ aˬ nyaꞈ-aˬ, Beˬliˇ meuˬ-ahˇ jawˇ yaꞈ-euˬ meh.

Gʼaˬkʼehˇ 18:5

Siˬlaˆ hawˇ-eu Tiˆmoˇseˬ aˬ nyaꞈ Maˬgeˬdawˇniˆ miˇ kʼahˬ-ahˇ neh oe keuˆ ngeh, Pawˇluˆ gʼaˬ-aˬ, Miˬyehˇ dawˬ kawˬ mehˬ-eu gaˇ tehꞈ-ehˇ aˇ yamˬ tiˬ byah ni mˇ-awˇ, Yeˬsuˇ Meˬsiˇya pyeuꞈ-eu gaˇ kawˆ Yuˇdaˆ tsawˇ haˬ deuˬ-ahˇ saˇ kiˇ kamˬ-euˬ meh.

Gʼaˬkʼehˇ 19:22

Kʼoeˇ miˇ neh, aˬ yawꞈ-ahˇ caw ba-eu tsawˇ haˬ deuˬ laꞈ kʼoeˇ, Tiˆmoˇseˬ hawˇ-eu Eˇlaˬduˇ aˬ nyaꞈ-ahˇ Maˬgeˬdawˇniˆ miˇ kʼahˬ-ahˇ bi le-awˇ, aˬ yawꞈ gʼaˬ-aˬ, Aˬshaˆ miˇ kʼahˬ-ahˇ tiˬ kʼehˬ paˇ jawˇ tehˬ-euˬ meh.

Lormav 16:21

Ngaˬ-euˬ gaˇ mˇ cawˬ pyeuꞈ-eu Tiˆmoˇseˬ gʼeh, naw maꞈ-ahˇ noeˬ mawˇ luꞈ miˇ-a lehˇ tsaꞈ ahˇ laꞈ-euˬ meh. Kʼoeˇ loꞈ-ehˇ duˇ ni, ngaˬ-eu cawˬ Yuˇdaˆ tsawˇ haˬ deuˬ pyeuꞈ-eu Luˇgiˇ, Yaˬsoˬ, Sawˇsiˇpaˬtaˆ aˬ ha smˇ gʼaˬ kʼawꞈ, naw maꞈ-ahˇ noeˬ mawˇ miˇ-a lehˇ tsaꞈ ahˇ laꞈ-euˬ meh.

1 Gawˇliˬtu 16:10

Tiˆmoˇseˬ naw maꞈ jawˇ gaˇ oe doˆ lawˬ naˇ, yaw muiˬ paˬ-ehˇ ha nehˬ-awˬ. Aˬ jeˬ miˇ neh ehˇ naˇ, aˬ yawꞈ kʼawꞈ ngaˬ loꞈ-ehˇ Sahˬpaˬ Yeˬsuˇ-euˬ gaˇ mˇ luꞈ-eu tsawˇ haˬ meh.

1 Gawˇliˬtu 4:17

Ngaˇ kʼoeˇ loꞈ-ehˇ noeˬ-awˇ, Sahˬpaˬ Miˬyehˇ laꞈ kʼoeˇ ngaˇ gaˬ dui dui-eu saˇ jaˇ ziꞈ-eu aˬ li pyeuꞈ-eu Tiˆmoˇseˬ-ahˇ naw maꞈ jawˇ gaˇ kʼehˇ gʼeh leꞈ-euˬ ma. Ngaˇ caw teh luꞈ-eu gaˇ ma pyeuꞈ-eu Ka li laꞈ kʼoeˇ aˬ joˆ-ehˇ ya dehꞈ ya jawˇ-eu gaˇ kawˆ kʼoeˇ hmˬ-ahˇ naw maꞈ maˬ ya ngehˇ ni aˬ yawꞈ sheuˬ gʼeh nehˬ laꞈ tehꞈ-a. Gaˇ kawˆ kʼoeˇ hmˬ-ahˇ ka li zaˬ aˇ muˇ kʼaˇ jaˆ gaˇ ngaˇ mehˬ-eu ma.

1 Gawˇliˬtu 7:14

Aˬ jeˬ miˇ neh ehˇ naˇ, Ka li-ahˇ maˬ jah-eu kʼaˬ dzeˇ zaˬ kʼoeˇ gʼaˬ-aˬ, aˬ yawꞈ-euˬ miˬ zaˬ-ahˇ taꞈ leˇ-eu laꞈ kʼoeˇ, Miˬyehˇ ha geuꞈ nya-eu tsawˇ haˬ pyeuꞈ laˇ-euˬ meh. Ka li-ahˇ maˬ jah-eu miˬ zaˬ kʼoeˇ gʼaˬ kʼawꞈ, Ka li-ahˇ jah-eu aˬ yawꞈ-euˬ kʼaˬ dzeˇ zaˬ-ahˇ taꞈ leˇ-euˬ laꞈ kʼoeˇ, Miˬyehˇ ha geuꞈ nya-eu tsawˇ haˬ pyeuꞈ laˇ-euˬ meh. Kʼoeˇ loꞈ-ehˇ maˬ jahˇ naˇ, aˬ yawꞈ maꞈ-euˬ zaˬ deuˬ lawˇ ciꞈ zaˬ-euˬ zaˬ deuˬ-ahˇ duˇ tehꞈ-a. Kʼoeˇ loꞈ-ehˇ jahˇ naˇ, zaˬ kʼoeˇ deuˬ Miˬyehˇ ha geuꞈ nya-eu tsawˇ haˬ pyeuꞈ laˇ tehꞈ-a.

2 Gawˇliˬtu 1:1

Miˬyehˇ nui kʼahˇ shiˇ-eu laꞈ kʼoeˇ Yeˬsuˇ ka li-euˬ gʼaˬ kʼehˇ pyeuꞈ laˇ-euˬ ngaˇ Pawˇluˆ hawˇ-eu, aˬ dui-euˬ aˬ yuiꞈ aˬ nyiˇ Tiˆmoˇseˬ nga nyaꞈ, Gawˇliˬtu meuˬ-ahˇ jawˇ-eu Miˬyehˇ-euˬ Ka li zaˬ aˇ muˇ hawˇ-eu Aˬgaˬyaˇ miˇ kʼahˬ doe ni jawˇ-eu Miˬyehˇ-euˬ tsawˇ haˬ deuˬ jawˇ gaˇ sahˬ boꞈ boꞈ ahˇ leꞈ-eu ma.

2 Gawˇliˬtu 1:19

Siˬlaˆ hawˇ-eu Tiˆmoˇseˬ ngaˬ ha smˇ gʼaˬ naw maꞈ-ahˇ mehˬ luꞈ-eu Miˬyehˇ-euˬ Zaˬmaˇ Yeˬsuˇ Ka liˬ-aˬ, “Ngeuˇ-eu” hawˇ-eu “Maˬ ngeuˇ-eu” nui ma nyiˬ jeˬ pi luꞈ-eu maˬ ngeuˇ-a. Aˬ yawꞈ laꞈ kʼoeˇ aˬ myah luꞈ “Ngeuˇ-eu” jeˬ tehꞈ-ehˇ ahˇ-eu meh.

Piˇliˇpiˆ 1:1

Yeˬsuˇ Ka li-euˬ zaˬ kʼaˆ pyeuꞈ-eu Pawˇluˆ hawˇ-eu Tiˆmoˇseˬ nga nyaꞈ, Yeˬsuˇ Ka li laꞈ kʼoeˇ Piˇliˇpiˆ meuˬ-ahˇ jawˇ luꞈ-eu Ka li zaˬ aˇ muˇ-ahˇ sheuˬ gʼeh-eu deuˬ, caw dehˬ caw toˆ-eu deuˬ hawˇ-eu, Miˬyehˇ-euˬ tsawˇ haˬ dawˬ tawˆ luꞈ-ahˇ sahˬ boꞈ boꞈ ahˇ laꞈ-eu ma.

Piˇliˇpiˆ 2:19

Naw maꞈ-euˬ gaˇ kawˆ ya gaˬ-awˇ ngaˬ-euˬ nui ma gʼaˬ tiˬ tiˆ paˇ ahˇ laˇ ni, Sahˬpaˬ Yeˬsuˇ nui ma tsaˬ naˇ gʼawˬ myahˇ maˬ gʼeh-ehˇ Tiˆmoˇseˬ-ahˇ naw maꞈ jawˇ gaˇ bi laˇ ma lehˇ ngaˇ noeˬ tmˬ taˬ-euˬ ma.

Gawˇlawˇsehˇ 1:1

Miˬyehˇ nui ma tsaˬ-eu miˇ neh Yeˬsuˇ Ka li-euˬ gʼaˬ kʼehˇ geuꞈ luꞈ-eu ngaˇ Pawˇluˆ hawˇ-eu, aˬ dui-euˬ aˬ nyiˇ Tiˆmoˇseˬ nga nyaꞈ,

1 Teˇsaˬloˇni 1:1

Ngaˇ Pawˇluˆ, Siˬlaˆ, Tiˆmoˇseˬ ngaˬ ha smˇ gʼaˬ, Aˬda Miˬyehˇ hawˇ-eu Sahˬpaˬ Yeˬsuˇ Ka li-ahˇ taꞈ-eu tsawˇ haˬ deuˬ pyeuꞈ-eu, Teˇsaˬloˇni meuˬ-ahˇ jaˆ-eu Ka li zaˬ aˇ muˇ laꞈ kʼoeˇ jawˇ-eu tsawˇ haˬ deuˬ-ahˇ, sahˬ boꞈ heu taꞈ boꞈ ahˇ laꞈ-eu ma. Guiˬ lahˬyaw dzahˇ hawˇ-eu nui saˇ oꞈ-eu jeˬ naw maꞈ kʼoeˇ taˆ jaˆ luꞈ-uˇ.

1 Teˇsaˬloˇni 3:2

nga maꞈ nehˬ-ehˇ tiˬ kawˆ loꞈ-ehˇ Laˬ kʼaˬ cehˇ-eu Guiˬ lahˬ dawˬ mehˬ-eu gaˇ mˇ luꞈ-eu aˬ nyiˇ Tiˆmoˇseˬ-ahˇ kʼehˇ gʼeh laꞈ-euˬ ma. Naw maꞈ jah-eu nui ma ziꞈ ni gʼaˬ bi biꞈ-eu gʼaˇ duˬ aˬ yawꞈ-ahˇ kʼehˇ gʼeh laꞈ-euˬ jeˬ pyeuꞈ-eu ma.

1 Teˇsaˬloˇni 3:6

Nymˬ-mˇ Tiˆmoˇseˬ gʼoꞈ keuˆ le-awˇ, naw maꞈ-euˬ jah-eu jeˬ hawˇ-eu gʼoeˇ-eu gaˬ-eu jeˬ gaˇ kawˆ, laˬ kʼaˬ cehˇ laˇ paˬ-ehˇ dzawˇ gaˬ le-euˬ meh. Naw maꞈ nga maꞈ-ahˇ aˬ myah luꞈ noeˬ keuˆ luꞈ-awˇ, nga maꞈ naw maꞈ-ahˇ mawˇ mawꞈ dui dui-eu loꞈ-ehˇ, naw maꞈ kʼawꞈ nga maꞈ-ahˇ mawˇ mawꞈ dui dui luꞈ-eu gaˇ kawˆ dzawˇ nehˬ laꞈ-euˬ meh.

2 Teˇsaˬloˇni 1:1

Ngaˇ Pawˇluˆ, Siˬlaˆ, Tiˆmoˇseˬ ngaˬ ha smˇ gʼaˬ, Aˬda Miˬyehˇ hawˇ-eu Sahˬpaˬ Yeˬsuˇ Ka li-ahˇ taꞈ-eu tsawˇ haˬ deuˬ pyeuꞈ-eu, Teˇsaˬloˇni meuˬ laꞈ kʼoeˇ jawˇ-eu Ka li zaˬ aˇ muˇ-ahˇ sahˬ boꞈ heu taꞈ boꞈ ahˇ laꞈ-eu ma.

1 Tiˆmoˇseˬ 1:18

Ngaˬ li Tiˇmoˇseˬ-oˇ, aˇ hu ba Miˬyehˇ gʼaˇ duˬ ngehˬ dah-eu deuˬ neh nawˬ-euˬ gaˇ kawˆ ehˇ taˬ-euˬ jeˬ-ahˇ tsaˬ-eu dawˬ heu dawˬ nawˬ-ahˇ ngaˇ biꞈ-eu ma. Yaw muiˬ jeˬ gʼaˇ duˬ nawˇ guiˇ deuˆ nya ni, dawˬ kʼoeˇ deuˬ-ahˇ guiˇ deuˆ-eu keu ka loꞈ-ehˇ zmˬ-awˬ.

1 Tiˆmoˇseˬ 1:2

Jah-eu jeˬ laꞈ kʼoeˇ maˇ maˇ ni ngaˬ li-ahˇ duˇ-eu Tiˆmoˇseˬ jawˇ gaˇ sahˬ boꞈ boꞈ ahˇ laꞈ-eu ma. Aˬ da Miˬyehˇ hawˇ-eu aˬ dui-euˬ Sahˬpaˬ Yeˬsuˇ Ka li-euˬ guiˬ lahˬ yaw dzahˇ maˬ ehˇ, gʼawˬ shaˬ gaˬ-eu jeˬ maˬ ehˇ, nui saˇ oꞈ-eu jeˬ maˬ ehˇ, nawˬ-euˬ kʼoeˇ taˆ jaˆ luꞈ-uˇ.

2 Tiˆmoˇseˬ 1:2

Ngaˇ gaˬ-eu aˬ li Tiˆmoˇseˬ jawˇ gaˇ sahˬ boꞈ boꞈ ahˇ leꞈ-eu ma. Aˬda Miˬyehˇ hawˇ-eu aˬ dui-euˬ Sahˬpaˬ Yeˬsuˇ Ka li-euˬ guiˬ lahˬ yaw dzahˇ maˬ ehˇ, gʼawˬ shaˬ gaˬ-eu jeˬ maˬ ehˇ, nui saˇ oꞈ-eu jeˬ maˬ ehˇ, nawˬ-euˬ kʼoeˇ taˆ jaˆ luꞈ-uˇ.

2 Tiˆmoˇseˬ 1:5

Shawˇ jehˆ ni gʼeh-eu nawˬ-euˬ jah-eu jeˬ-ahˇ ngaˇ noeˬ mawˇ luꞈ ma. Nawˬ-euˬ jah-eu jeˬ-aˬ, nawˬ piˬ Lawˇiˆ hawˇ-eu nawˬ ma Uˇniˇ-euˬ jah-eu jeˬ-ahˇ duˇ-eu meh. Jah-eu jeˬ kʼoeˇ, nawˬ-euˬ laꞈ kʼoeˇ kʼawꞈ ahˇ meh lehˇ ngaˇ siˬ duˬ ma.

2 Tiˆmoˇseˬ 3:11

kʼehˬ-eu kʼaˆ-eu jeˬ-ahˇ ya daˬ-euˬ jeˬ, ya shaˬ ya zahˬ-euˬ jeˬ, heu deuˬ-ahˇ nawˇ dzaw geuꞈ-euˬ meh. Aˬdiˇawˬ meuˬ, Iˇgawˇniˇ meuˬ, Loˇdaˬlaˇ meuˬ, heu deuˬ laꞈ kʼoeˇ ngaˬ-euˬ kʼoeˇ taˆ aˬ joˆ-ehˇ keuˆ le-awˇ, guˆ dui dui laˇ paˬ-ehˇ gʼeh-eu kʼehˬ-eu kʼaˆ-eu jeˬ-ahˇ ngaˇ aˇ naˆ ni daˬ dzeuˇ oˇ dzeuˇ-euˬ gaˇ kawˆ nawˇ siˬ nya meh. Yeˬsuˇ ngaˬ-ahˇ bi buˬ-iˇ laꞈ-euˬ meh.

Piˇleˇmoˬ 1:1

Yeˬsuˇ Ka li gʼaˇ duˬ tawˬ-ahˇ uˇ luꞈ-eu ngaˇ Pawˇluˆ hawˇ-eu, aˬ nyiˇ Tiˆmoˇseˬ nga nyaꞈ, Tiˬ kawˆ loꞈ-ehˇ gaˇ mˇ cawˬ pyeuꞈ-eu Piˇleˇmoˬ jawˇ gaˇ maˬ ehˇ,

HeˬByehˇ 13:23

Aˬ dui-euˬ aˬ yuiꞈ aˬ nyiˇ Tiˆmoˇseˬ-ahˇ tawˬ-ahˇ neh pyehˬ doˆ nehˬ gʼaˬ-euˬ meh lehˇ naw maꞈ-ahˇ ngaˇ bi siˬ-eu ma. Aˬ yawꞈ yaw kawˇ-ehˇ gʼoꞈ keuˆ miˇ le naˇ, ngaˇ naw maꞈ-ahˇ haw mawˇ le ngeh aˬ yawꞈ-ahˇ kʼawꞈ sheuˬ leꞈ ma.