Gʼaˬkʼehˇ 13:40 - Akha

⁴⁰ Teu miˇ neh, Miˬyehˇ gʼaˇ duˬ ngehˬ dah-eu deuˬ neh heu loꞈ-ehˇ ehˇ taˬ-euˬ kʼoeˇ, naw maꞈ kʼoeˇ taˆ maˬ bi keuˆ le-eu gʼaˇ duˬ yahˇ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴⁰ Khoermirnae, Miqyaer gharduq ngaeqdan-eu deuq-euq sanqbof-euq lafkhoer aertaq-euq lof-aer, nawmaf-euq khoertav maqya keuvleni yanr-awq:

Gʼaˬkʼehˇ 13:40 Iomraidhean Croise

Iˇsaˬyaˇ 29:14

Kʼoeˇ miˇ neh, shaˬ zahˬ kʼoeˇ taˆ shaˬ zahˬ lahˬ-awˇ, aˬ yawꞈ maꞈ-ahˇ ngaˇ laˆ zahˬ ma. Tsawˇ gahˇ ahˇ-eu deuˬ tsawˇ uˬ uˬ-iˇ-awˇ, nui gahˇ byah-eu deuˬ aˬ dzawˬ pyeuꞈ-iˇ tehꞈ-a.”

Yeˬsaˬgeˬlaˇ 33:9

Haiˬ-eu tsawˇ haˬ tiˬ gʼaˬ na-ahˇ nawˇ mehˬ paˇ tsoˆ paˇ kʼawꞈ, iˬ baˇ mˇ-eu maˬ byehˇ ni ya shiˇ naˇ, nawˬ-ahˇ ngaˇ shiˇ kʼawˇ bi dzeuˇ ma.”

Haˬbaˬkuˆ 1:5

Sahˬpaˬ Miˬyehˇ aˬ yawꞈ-euˬ tsawˇ haˬ zaˬ-ahˇ ehˇ-eu, “Miˇ kʼahˬ tsawˇ jeuˬ-ahˇ haw taˬ yawˬ. Nawˇ zahˬ dui ya dui leˇ tehꞈ-a. Ehˇ mehˬ ngeh maˬ jah coeˇ-eu jeˬ, nawˇ dehꞈ luꞈ-eu aˇ yamˬ laꞈ kʼoeˇ, ngaˇ jahˇ nehˬ gaˇ ya mawˇ tehꞈ-a.

Maˬlaˬkiˇ 3:2

Ehˇ kʼawꞈ, aˬ yawꞈ oe ngeh nah aˬ suˇ gʼaˬ daˬ coeˇ nmˇ, Aˬ yawꞈ doˆ le ngeh, maˬ shiˇ-ehˇ dzeuˇ-iˇ-eu aˬ suˇ gʼaˬ jawˇ nmˇ. Aˬ yawꞈ-aˬ, taˆ dui dui-eu shaˇ byaˬ hawˇ-eu, shmˇ baw guiˇ-eu miˬ dzaˬ-ahˇ duˇ-eu meh.

Maˬlaˬkiˇ 4:1

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Nui ma huiˬ-eu mahˇ-eu tsawˇ haˬ deuˬ hawˇ-eu haiˬ-eu tsawˇ haˬ deuˬ gʼo yoeˬ loꞈ-ehˇ bi puiˆ dzeh-eu aˇ nah keuˆ le luꞈ meh. Aˇ nah kʼoeˇ nah keuˆ le ngeh, aˬ yawꞈ maꞈ tiˬ jeˬ-iˬ maˬ dzeˇ ni, juiˇ heu ni bi puiˆ dzaˬ jiˇ tehꞈ-a.

Luˇkaꞈ 24:44

Kʼoeˇ naˇ, aˬ yawꞈ maꞈ-ahˇ aˬ yawꞈ heu loꞈ-ehˇ ehˇ nehˬ-euˬ meh. “Moˇseˬ-euˬ Zahˇ dawˬ kʼoꞈ dawˬ laꞈ kʼoeˇ maˬ ehˇ, Miˬyehˇ gʼaˇ duˬ ngehˬ dah-eu deuˬ neh boꞈ taˬ-euˬ sahˬ boꞈ deuˬ laꞈ kʼoeˇ maˬ ehˇ, Ja ceuˬ-eu sahˬ boꞈ laꞈ kʼoeˇ maˬ ehˇ, ngaˬ-euˬ gaˇ kawˆ boꞈ taˬ-euˬ yawˬ jeˬ na luꞈ, heu loꞈ-ehˇ pyeuꞈ laˇ-awˇ ya byah laˇ meh lehˇ, ngaˇ naw maꞈ nehˬ-ehˇ jawˇ ngeh neh naw maꞈ-ahˇ ehˇ nehˬ-euˬ ma.”

Yoˇhaˬ 6:45

“‘Tsawˇ haˬ yawˬ gʼaˬ na luꞈ-ahˇ Miˬyehˇ mehˬ nehˬ tsoˆ nehˬ tehꞈ-a’ lehˇ, Miˬyehˇ gʼaˇ duˬ ngehˬ dah-eu tsawˇ haˬ deuˬ neh boꞈ taˬ-euˬ jaˆ-eu meh. Aˬda-euˬ dawˬ ya gaˬ-awˇ dzaw geuꞈ-eu tsawˇ haˬ aˬ geu gʼaˬ maˬ kaˬ, ngaˇ jawˇ gaˇ laˇ tehꞈ-a.

Gʼaˬkʼehˇ 15:15

Gaˇ kawˆ heu Miˬyehˇ gʼaˇ duˬ ngehˬ dah-eu deuˬ neh ehˇ taˬ yaꞈ-euˬ dawˬ-ahˇ tsaˬ dui dui leˇ-eu meh. Jaˇliꞈ laꞈ kʼoeˇ ehˇ taˬ-euˬ-aˬ,

Gʼaˬkʼehˇ 7:42

Kʼoeˇ miˇ neh, Miˬyehˇ neh aˬ yawꞈ maꞈ-ahˇ byehˇ dzeh nehˬ-awˇ, mˬ kʼoeˇ taˆ jaˆ-eu nahˇ ma, ba la, aˬ guiˇ deuˬ-ahˇ uˬ duˬ tahˬ-eu tsawˇ haˬ deuˬ bi pyeuꞈ laˇ-euˬ meh. Miˬyehˇ gʼaˇ duˬ ngehˬ dah-eu deuˬ-euˬ sahˬ boꞈ laꞈ kʼoeˇ, heu loꞈ-ehˇ boꞈ taˬ-euˬ meh. ‘Iˇsaˬleˬlaˆ tsawˇ haˬ deuˬ-oˇ, bawˇ tsahˬ bawˇ dahˇ kʼaˇ shuiꞈ deh-ahˇ, oeˬ tseˇ kʼoꞈ oeˬ tseˇ myaˇ byah ni, naw maꞈ jeˬ zaˬ sehꞈ-awˇ lawˇ-euˬ, ngaˬ-ahˇ lawˇ-euˬ maˬ ngeuˇ-a de.

HeˬByehˇ 12:25

Naw maꞈ-ahˇ ngehˬ cawˬ luꞈ-eu gʼaˬ-euˬ dawˬ-ahˇ maˬ naˇ haˬ-ehˇ maˬ ya gʼeh ni yahˇ-awˬ. Miˇ tsaˬ heu kʼoeˇ taˆ Miˬyehˇ-euˬ dawˬ bi ngehˬ le-euˬ gʼaˬ-ahˇ maˬ naˇ haˬ geuꞈ-euˬ tsawˇ haˬ deuˬ kʼawꞈ maˬ dzeuˇ-iˇ nya-euˬ-aˬ, mˬ taˆ neh dawˬ ngehˬ leꞈ-euˬ gʼaˬ-euˬ dawˬ-ahˇ aˬ dui maˬ naˇ haˬ geuꞈ naˇ, aˬ joˆ-ehˇ paˇ dzeuˇ-iˇ nya nmˇ.

HeˬByehˇ 2:3

Toˆ-ehˇ ngeuˇ naˇ, heu naˆ naˆ-ehˇ huiˬ-eu ka kʼoꞈ-eu jeˬ heu-ahˇ aˬ dui myaˆ haw maˬ cawˬ naˇ, kʼehˬ-eu kʼaˆ-eu jeˬ-ahˇ aˬ joˆ-ehˇ dzeuˇ-iˇ nya nmˇ. Ka kʼoꞈ-eu gaˇ kawˆ heu, Sahˬpaˬ Yeˬsuˇ neh jeˬ huˬ ehˇ naˬ laꞈ-awˇ, kʼaˇ ya gaˬ-euˬ tsawˇ haˬ deuˬ tsaˬ meh lehˇ saˇ kiˇ kamˬ-eu meh.

HeˬByehˇ 3:12

Jah-eu tsawˇ haˬ deuˬ pyeuꞈ-eu gaˬ-eu cawˬ deuˬ-oˇ, dehꞈ luꞈ-eu Miˬyehˇ-ahˇ byehˇ dzeh gaˇ keuˆ ni haiˬ-eu, maˬ jah-eu nui ma pi luꞈ-eu tsawˇ haˬ naw maꞈ laꞈ kʼoeˇ maˬ ya bi ahˇ ni yahˇ-awˬ.