Gʼaˬkʼehˇ 13:21 - Akha

²¹ Kʼoeˇ naˇ, aˬ yawꞈ maꞈ sahˬ paˬ shaˇ ngeh, Miˬyehˇ neh a yawꞈ maꞈ-ahˇ Beˬyaˬmiˬ tsawˇ jeuˬ Giˇshaˆ-euˬ aˬ li Sawˇluˆ biꞈ nehˬ-awˇ, aˬ yawꞈ maꞈ kʼoeˇ taˆ sahˬ paˬ geuꞈ-awˇ oeˬ tseˇ kʼoꞈ bi uˆ lahˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²¹ Khoernar-aq, aqyawfmaf sanqpaq tiq ghaq shar-eu mirnae, Miqyaer, Beqyaqmiq-euq arjeuq arca Girsav-euq zaqyo Sawrluv-anr aqyawf maf-euq sanqpaq 40 khof bigeuf-euq mae.

Gʼaˬkʼehˇ 13:21 Iomraidhean Croise

1 Saˬmeuˬlaˆ 10:1

Kʼoeˇ naˇ, tsiˇ maˇ tsaꞈ tiˬ tsaꞈ Saˬmeuˬlaˆ yuˇ-awˇ, Sawˇluˆ-euˬ uˬ duˬ-ahˇ tsiˇ shehˆ daˆ-awˇ mehˬ cuˇ cuˇ nehˬ gʼaˬ ngeh, Sawˇluˆ-ahˇ heu loꞈ-ehˇ ehˇ nehˬ-euˬ meh. “Iˇsaˬleˬlaˆ tsawˇ jeuˬ kʼoeˇ taˆ bi uˆ lahˇ-eu gʼaˇ duˬ, nawˬ-ahˇ Sahˬpaˬ Miˬyehˇ tsiˇ lehꞈ nehˬ-eu meh. Aˬ yawꞈ-euˬ tsawˇ jeuˬ-ahˇ nawˇ ya uˆ lahˇ-awˇ, muiˇ-eu deuˬ dawˬ tawˆ luꞈ-euˬ aˬ laꞈ laꞈ kʼoeˇ, aˬ yawꞈ maꞈ-ahˇ nawˇ ya ka kʼoꞈ nehˬ meh. Aˬ yawꞈ-euˬ tsawˇ jeuˬ kʼoeˇ taˆ bi uˆ lahˇ-eu gʼaˇ duˬ, Sahˬpaˬ Miˬyehˇ nawˬ-ahˇ tseˇ doˆ-euˬ gaˇ kawˆ saˇ kiˇ heu loꞈ-ehˇ jaˆ tehꞈ-a.

1 Saˬmeuˬlaˆ 11:15

Aˬ yawꞈ maꞈ dawˬ tawˆ luꞈ Giˇlaˇgaˬlaˇ meuˬ-ahˇ le-awˇ, muiˬ-eu shawˇ-eu jawˇ duˬ-ahˇ, Sawˇluˆ-ahˇ sahˬ paˬ ka nehˬ-euˬ meh. Cawˬ cawˬ taꞈ-eu lawˇ-eu jeˬ aˬ yawꞈ maꞈ lawˇ-awˇ, Sawˇluˆ hawˇ-eu Iˇsaˬleˬlaˆ tsawˇ haˬ dawˬ tawˆ luꞈ byawˬ dui dui-eu laꞈ kʼoeˇ bawˬ-iˬ gʼeh-euˬ meh.

1 Saˬmeuˬlaˆ 15:1

Sawˇluˆ-ahˇ Saˬmeuˬlaˆ heu loꞈ-ehˇ ehˇ nehˬ-euˬ meh. “Ngaˇ-aˬ, nawˬ-ahˇ tsiˇ shehˆ daˆ-awˇ, Sahˬpaˬ Miˬyehˇ-euˬ tsawˇ jeuˬ pyeuꞈ-eu Iˇsaˬleˬlaˆ tsawˇ jeuˬ kʼoeˇ taˆ sahˬ paˬ bi geuꞈ-eu lehˇ tseˇ doˆ-eu gʼaˇ duˬ, Sahˬpaˬ Miˬyehˇ neh bi oe-euˬ gʼaˬ ma. Baoˬ huiˬ-eu Sahˬpaˬ Miˬyehˇ-euˬ dawˬ-ahˇ, nymˬ-mˇ nawˇ naˇ haˬ-awˬ.

1 Saˬmeuˬlaˆ 8:5

Aˬ yawꞈ maꞈ Saˬmeuˬlaˆ-ahˇ ehˇ nehˬ-eu, “Nawˇ tsawˇ mawˬ mawˬ laˇ gʼaˬ-euˬ kʼawꞈ, nawˬ li deuˬ nawˬ-ahˇ dzaw geuꞈ-awˇ yaw dehꞈ maˬ dehꞈ-a. Kʼoeˇ miˇ neh, aˬ cawˬ tsawˇ jeuˬ sahˬ paˬ baw-eu loꞈ-ehˇ, nga maꞈ kʼawꞈ sahˬ paˬ baw laˇ ni, nga maꞈ-ahˇ bi uˆ lahˇ-eu sahˬ paˬ tiˬ gʼaˬ tseˇ doˆ nehˬ laꞈ-awˬ.”

1 Saˬmeuˬlaˆ 9:1

Beˬyaˬmiˬ tsawˇ jeuˬ laꞈ kʼoeˇ, Giˇshaˆ lehˇ myahˇ-euˬ smˇ muiˬ muiˬ-awˇ baoˬ jaˆ-eu tsawˇ haˬ tiˬ gʼaˬ jawˇ-eu meh. Aˬ yawꞈ-aˬ, Aˬpiˇyaˬ aˇ jeuˬ aˇ ca-ahˇ taꞈ-eu Beˬgawˇlaˆ aˇ jeuˬ Zeˬyawˬ-euˬ oeˬ paˬ meh. Aˬ yawꞈ-euˬ aˬ da-aˬ, Aˬbyeˬlaˆ meh.

1 Saˬmeuˬlaˆ 9:15

Miˇ nah loꞈ-ehˇ gʼeh ngeh, Saˬmeuˬlaˆ-ahˇ Sahˬpaˬ Miˬyehˇ heu loꞈ-ehˇ ehˇ nehˬ taˬ-euˬ meh.