Gʼaˬkʼehˇ 10:5 - Akha

⁵ Nymˬ-mˇ, Yuˇbeˬ meuˬ-ahˇ tsawˇ haˬ pyehˬ gʼeh-awˇ, Beˬtuˆluˆ lehˇ kuˇ-eu Siˇmoˬ-ahˇ bi kuˇ laˬ-iˇ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Nymq-mr nawr, tsawrhaq khaerghae-awr, Yurbeq meuq-anr jawr-eu Beqtuvluv laer kur-eu Sirmoq-anr bi kurlaq-ir-awq.

Gʼaˬkʼehˇ 10:5 Iomraidhean Croise

Maˬkuˆ 3:16

Yeˬsuˇ neh tseˇ doˆ-euˬ tsawˇ haˬ kʼoeˇ tseˇ nyiꞈ gʼaˬ-aˬ, heu deuˬ meh. Yeˬsuˇ neh Beˬtuˆluˆ lehˇ myahˇ nehˬ-euˬ Siˇmoˬ,

Yoˇhaˬ 1:42

Kʼoeˇ naˇ, Siˇmoˬ-ahˇ Yeˬsuˇ jawˇ gaˇ aˬ yawꞈ sheuˬ gʼeh-euˬ meh. Yeˬsuˇ Siˇmoˬ-ahˇ haw-awˇ ehˇ-eu, “Nawˬ-euˬ tsawˇ myahˇ-aˬ, Yoˇhaˬ-euˬ aˬ li Siˇmoˬ meh. Ehˇ kʼawꞈ, nawˬ-ahˇ Geˬpaˇ lehˇ kuˇ tehꞈ-a.” lehˇ ehˇ nehˬ-euˬ meh. (ʼGeˬpaˇʼ hawˇ-eu ʼBeˬtuˆluˆʼ lehˇ ehˇ-eu tsawˇ myahˇ heu nyiˬ myahˇ dawˬ tsuiꞈ duˇ leˇ-awˇ, ʼKʼaˬ loʼ lehˇ ehˇ mawꞈ-eu meh.

Gʼaˬkʼehˇ 10:18

“Beˬtuˆluˆ lehˇ kuˇ-eu Siˇmoˬ kʼoeˇ gʼaˬ heu gaˇ maˬ yaꞈ-a loˇ” lehˇ, aˬ yawꞈ maꞈ naˇ haˬ-eu meh.

Gʼaˬkʼehˇ 10:32

Yuˇbeˬ meuˬ-ahˇ tsawˇ haˬ kʼehˇ gʼeh-awˇ, Beˬtuˆluˆ lehˇ kuˇ-eu Siˇmoˬ kʼoeˇ gʼaˬ-ahˇ bi kuˇ laˬ-iˇ-awˬ. Iˬ ma laˆ shaˆ lawˇ dzeˇ jawˇ-eu, shaˬ kʼoˆ jahˇ-eu Siˇmoˬ lehˇ myahˇ-euˬ gʼaˬ-euˬ nymˇ-ahˇ aˬ yawꞈ yaꞈ luꞈ meh’ lehˇ ehˇ-eu meh.

Gʼaˬkʼehˇ 15:7

Gaˇ kawˆ kʼoeˇ aˬ yawꞈ maꞈ ja dui dui-euˬ meh. Gʼawˬ myahˇ ni ja keuˆ laꞈ ngeh Beˬtuˆluˆ tuˇ laˇ-awˇ, heu loꞈ-ehˇ ehˇ-eu meh. “Aˬ yuiꞈ aˬ nyiˇ deuˬ-oˇ, aˬ cawˬ tsawˇ jeuˬ gʼeh Laˬ kʼaˬ cehˇ-eu Guiˬ lahˬ dawˬ heu-ahˇ ya gaˬ-awˇ jah laˇ nya ni dawˬ mehˬ mehˬ-iˇ-eu gʼaˇ duˬ, aˬ dui maꞈ laꞈ kʼoeˇ yaw beh ngeh neh Miˬyehˇ ngaˬ-ahˇ tseˇ doˆ-euˬ naw maꞈ siˬ nya luꞈ meh.

Gʼaˬkʼehˇ 16:9

Kʼoeˇ ngeh miˇ yaw sahˇ laꞈ kʼoeˇ Pawˇluˆ heu loꞈ-ehˇ ya mawˇ-euˬ meh. Maˬgeˬdawˇniˆ tsawˇ haˬ tiˬ gʼaˬ yawꞈ le-awˇ, “Maˬgeˬdawˇniˆ miˇ kʼahˬ-ahˇ laˇ-awˇ, nga maꞈ-ahˇ tiˬ poˆ caw ba laˇ-awˬ” lehˇ shaˇ le-euˬ gaˇ aˬ yawꞈ ya mawˇ-euˬ meh.

Gʼaˬkʼehˇ 9:36

Yuˇbeˬ meuˬ-ahˇ Daˬbiˇtaˆ lehˇ myahˇ-euˬ jah-eu tsawˇ haˬ tiˬ gʼaˬ jawˇ-eu meh. (Aˬ yawꞈ-euˬ tsawˇ myahˇ kʼoeˇ-aˬ, Heˬlaˬsaˇ dawˬ-ahˇ neh Dawˬkaꞈ lehˇ kuˇ-awˇ, dawˬ tsuiꞈ-aˬ, “Kʼaˬ tsehˆ” lehˇ ehˇ mawꞈ-eu meh.) Aˬ yawꞈ-aˬ, aˬ myah luꞈ yaw muiˬ jeˬ mˇ-awˇ, shaˬ-eu zahˬ-eu tsawˇ haˬ deuˬ-ahˇ maˬ tsehˆ leˇ ni caw na nehˬ-eu meh.

Gʼaˬkʼehˇ 9:38

Yuˇbeˬ meuˬ-aˬ, Luˇda meuˬ-ahˇ yaw kʼaˆ-ehˇ maˬ kaˬ-a. Yuˇbeˬ meuˬ-ahˇ jawˇ-eu jah-eu tsawˇ haˬ deuˬ, Luˇdaˆ meuˬ-ahˇ Beˬtuˆluˆ jawˇ luꞈ-eu gaˇ kawˆ ya gaˬ ngeh, tsawˇ haˬ nyiˬ gʼaˬ pyehˬ gʼeh-awˇ, “Nga maꞈ jawˇ Gaˇ yaw kawˇ-ehˇ tiˬ poˆ oe nehˬ laꞈ sheˇ” lehˇ bi ehˇ gaˬ leˇ-euˬ meh.

Gʼaˬkʼehˇ 9:42

Gaˇ kawˆ kʼoeˇ Yuˇbeˬ meuˬ meuˬ lah-ehˇ gaˬ doe-iˇ-awˇ, tsawˇ haˬ gʼawˬ mya ni Sahˬpaˬ Yeˬsuˇ-ahˇ jah laˇ-euˬ mehl.

Gʼaˬkʼehˇ 9:43

Beˬtuˆluˆ-aˬ, Yuˇbeˬ meuˬ laꞈ kʼoeˇ Siˇmoˬ lehˇ myahˇ-euˬ shaˬ kʼoˆ jahˇ-eu gʼaˬ nehˬ-ehˇ gʼawˬ mya nah jawˇ-euˬ meh.