Gʼaˬkʼehˇ 10:3 - Akha

³ Tiˬ nah-aˬ, uˬ ciꞈ uˬ taw paw naˬ liˬ smˇ laꞈ kʼoeˇ yamˬ-ahˇ, yaw sahˇ laꞈ kʼoeˇ aˬ yawꞈ bya cehˆ ni heu loꞈ-ehˇ ya mawˇ duˬ-euˬ meh. Miˬyehˇ-euˬ mˬ taˆ gʼaˬ kʼehˇ tiˬ gʼaˬ aˬ yawꞈ jawˇ gaˇ oe-awˇ, “Gawˬneˬliˇ-oˇ” lehˇ kuˇ le-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Tiqnan, uqciftaw paw naqliq smr laf byanlar ngae, mawrle-eu lafkhoer byacaevni ya’mawr-euq Miqyaer-euq mqtav ghaqkhaer tiq ghaq, aqyawf jawr-eu gar urlar-awr aqyawf-anr aernaeq-eu, “Gorneqlir-or!”

Gʼaˬkʼehˇ 10:3 Iomraidhean Croise

Jaceuq 55:17

Uˬ shawˬ, nah gʼahˇ hawˇ-eu uˬ ciꞈ paw, ngaˇ nui ma cawˆ-eu dawˬ aˬ yawꞈ-ahˇ gaˬ leˇ ngeh, 2 ngaˬ-euˬ shaˇ dawˬ-ahˇ aˬ yawꞈ naˇ haˬ tehꞈ-a.

Doˆ-iˇ 33:17

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Nawˇ ngaˬ-ahˇ kʼaˇ shaˇ-eu loꞈ-ehˇ ngaˇ mˇ ma. Aˬ jeˬ miˇ neh ehˇ naˇ, nawˬ-ahˇ ngaˇ yaw muiˬ paˬ-ehˇ siˬ nya-awˇ, nui ma tsaˬ-eu ma.”

Iˇsaˬyaˇ 45:4

Ngaˬ neh tseˇ doˆ taˬ-euˬ tsawˇ jeuˬ pyeuꞈ-eu, Iˇsaˬleˬlaˆ-ahˇ caw ba-eu gʼaˇ duˬ, nawˬ-ahˇ ngaˇ gaˇ biꞈ taˬ-euˬ ma. Nawˇ ngaˬ-ahˇ maˬ siˬ nya-euˬ kʼawꞈ, nawˬ-ahˇ ngaˇ ciˬ huiˬ taˬ-euˬ ma.

Maꞈtehˬ 27:46

Uˬ ciꞈ uˬ taw naˬ liˬ smˇ laꞈ byah laˇ ngeh, Yeˬsuˇ yaw kʼaˆ-ehˇ guˇ-awˇ, “Eˇliˇ, Eˇliˇ, laˬ maˬ saˬ baˬ taˬ niˬ” lehˇ ehˇ-eu meh. Dawˬ tsuiꞈ-aˬ, “Ngaˬ-euˬ Miˬyehˇ-oˇ, ngaˬ-euˬ Miˬyehˇ-oˇ, aˬ jeˬ miˇ neh ngaˬ-ahˇ byehˇ dzeh nehˬ laꞈ te” lehˇ ehˇ mawꞈ-eu meh.

Luˇkaꞈ 1:11

Kʼoeˇ ngeh, Sahˬpaˬ Miˬyehˇ-euˬ mˬ taˆ gʼaˬ kʼehˇ tiˬ gʼaˬ aˬ yawꞈ mehˬ shi doˆ le-awˇ, yaw saw jeˬ doꞈ damˬ-eu lawˇ duˬ-euˬ aˇ maˇ paw yawꞈ luꞈ-eu meh.

Luˇkaꞈ 2:13

Jaˬ pyuˬ ni mˬ taˆ gʼaˬ kʼehˇ kʼoeˇ gʼaˬ nehˬ-ehˇ mˬ taˆ gʼaˬ kʼehˇ baˬ maꞈ puˇ jeˬ-ehˇ doˆ le-awˇ, Miˬyehˇ-ahˇ ja ceuˬ-eu caˇ dawˬ heu loꞈ-ehˇ caˇ-eu meh.

Gʼaˬkʼehˇ 10:17

Yaw sahˇ laꞈ kʼoeˇ ya mawˇ-euˬ gaˇ kawˆ kʼoeˇ-euˬ dawˬ tsuiꞈ-ahˇ Beˬtuˆluˆ zahˬ leˇ-awˆ jawˇ ngeh, Gawˬneˬliˇ neh kʼehˇ gʼeh leꞈ-euˬ tsawˇ haˬ kʼoeˇ smˇ gʼaˬ Siˇmoˬ-euˬ nymˇ-ahˇ naˇ haˬ ka leꞈ-awˇ, nymˇ gʼoˆ kʼehˬ-ahˇ oe keuˆ-awˇ yawꞈ luꞈ-eu meh.

Gʼaˬkʼehˇ 10:19

Yaw sahˇ laꞈ kʼoeˇ ya mawˇ-euˬ gaˇ kawˆ kʼoeˇ-euˬ dawˬ tsuiꞈ-ahˇ Beˬtuˆluˆ shaˇ sawˇ haw luꞈ ngeh, Yaw sahˇ Miˬyehˇ aˬ yawꞈ-ahˇ ehˇ-eu, “Naˇhaˬ sheˇ. Tsawˇ haˬ smˇ gʼaˬ nawˬ-ahˇ poˆ le-euˬ meh.

Gʼaˬkʼehˇ 10:30

Gawˬneˬliˇ ehˇ-eu, “Dzeuˇ yaꞈ-euˬ smˬ nah-ahˇ, nymˬ-mˇ loꞈ-ehˇ uˬ ciꞈ uˬ taw naˬ liˬ smˇ laꞈ kʼoeˇ kaˬ-ahˇ, ngaˬ-euˬ nymˇ laꞈ kʼoeˇ ngaˇ guiˬ lahˬ shaˇ luꞈ-eu ma. Ja pyuˬ ni, yaw shehꞈ bya-eu mehˬ tsoeˬ dm luꞈ-eu tsawˇ haˬ tiˬ gʼaˬ ngaˬ-euˬ mehˬ shi yawꞈ le-euˬ meh.

Gʼaˬkʼehˇ 10:9

Yawˬ nah yawˬ aˬ ha smˇ gʼaˬ Yuˇbeˬ meuˬ dawˬ peh iˇ keuˆ ngeh, Beˬtuˆluˆ-aˬ, nah loˆ ceh laˇ-euˬ miˇ neh guiˬ lahˬ shaˇ leˇ-eu lehˇ, nymˇ mˬ -ahˇ daˆ leˇ-euˬ meh.

Gʼaˬkʼehˇ 11:13

Aˬ yawꞈ-euˬ nymˇ laꞈ kʼoeˇ yawꞈ le-euˬ mˬ taˆ gʼaˬ kʼehˇ-ahˇ aˬ yawꞈ aˬ joˆ-ehˇ mawˇ-euˬ gaˇ kawˆ hawˇ-eu, mˬ taˆ gʼaˬ kʼehˇ kʼoeˇ gʼaˬ heu loꞈ-ehˇ ehˇ-eu gaˇ kawˆ, aˬ yawꞈ nga maꞈ-ahˇ dzawˇ nehˬ laꞈ-euˬ meh. ‘Yuˇbeˬ meuˬ-ahˇ tsawˇ haˬ pyehˬ gʼeh-awˇ, Beˬtuˆluˆ lehˇ kuˇ-eu Siˇmoˬ-ahˇ biˬ kuˇ laˬ-iˇ-awˬ.

Gʼaˬkʼehˇ 27:23

Aˬ jeˬ miˇ neh ehˇ naˇ, ngaˇ uˬ duˬ tahˬ luꞈ-eu ngaˬ-ahˇ uˆ lahˇ-eu Miˬyehˇ-euˬ mˬ taˆ gʼaˬ kʼehˇ tiˬ gʼaˬ, miˇ ciꞈ ngaˇ jawˇ gaˇ oe-awˇ heu loꞈ-ehˇ ehˇ le-euˬ meh.

Gʼaˬkʼehˇ 3:1

Tiˬ nah-aˬ, guiˬ lahˬ shaˇ yamˬ pyeuꞈ-eu uˬ ciꞈ uˬ taw paw naˬ liˬ smˇ laꞈ kʼoeˇ yamˬ-ahˇ, Beˬtuˆluˆ hawˇ-eu Yoˇhaˬ aˬ nyaꞈ Uˬ duˬ tahˬ nymˇ nymˇ ma-ahˇ le-euˬ meh.

Gʼaˬkʼehˇ 5:19

Ehˇ kʼawꞈ, kʼoeˇ ngeh miˇ Sahˬpaˬ Miˬyehˇ-euˬ mˬ taˆ gʼaˬ kʼehˇ tiˬ gʼaˬ paꞈ kuˆ laˇ gʼoˆ pah le-awˇ, gʼaˬ kʼehˇ deuˬ-ahˇ sheuˬ doˆ nehˬ-awˇ, heu loꞈ-ehˇ ehˇ nehˬ-euˬ meh.

Gʼaˬkʼehˇ 9:10

Daˬmaˬsehˇ meuˬ laꞈ kʼoeˇ, Aˬnaˬniˇ lehˇ myahˇ-euˬ jah-eu tsawˇ haˬ tiˬ gʼaˬ jawˇ-eu meh. Yaw sahˇ laꞈ kʼoeˇ bi siˬ bi mawˇ-eu jeˬ laꞈ kʼoeˇ, “Aˬnaˬniˇ-oˇ” lehˇ Sahˬpaˬ Yeˬsuˇ kuˇ ngeh, “Sahˬpaˬ-oˇ, ngaˇ heu gaˇ jawˇ ma” lehˇ, Aˬnaˬniˇ oˬ toˬ nehˬ-euˬ meh.

Gʼaˬkʼehˇ 9:4

Aˬ yawꞈ miˇ tsa coˬ dzeh-awˇ, heu loꞈ-ehˇ ehˇ-eu teˇ saˇ-ahˇ ya gaˬ-euˬ meh. “Sawˇluˆ-oˇ, Sawˇluˆ-oˇ, aˬ jeˬ miˇ neh nawˇ ngaˬ-ahˇ kʼehˬ te.”

HeˬByehˇ 1:14

Toˆ-ehˇ ngeuˇ naˇ, mˬ taˆ gʼaˬ kʼehˇ deuˬ aˬ jeˬ-a. Aˬ yawꞈ maꞈ-aˬ, ka kʼoꞈ-eu jeˬ za-eu tsawˇ haˬ deuˬ-ahˇ bi caw ba-eu gʼaˇ duˬ Miˬyehˇ neh kʼehˇ gʼeh leꞈ-euˬ, aˬ yawꞈ-euˬ gaˇ mˇ-eu yaw sahˇ deuˬ pyeuꞈ-eu meh.

HeˬByehˇ 1:4

Miˬyehˇ neh Zaˬmaˇ-ahˇ biꞈ taˬ-euˬ tsawˇ myahˇ-aˬ, mˬ taˆ gʼaˬ kʼehˇ deuˬ-ahˇ biꞈ taˬ-euˬ tsawˇ myahˇ naˆ maˬ tseˇ huiˬ dzehˬ mahˇ dzehˬ-eu loꞈ-ehˇ, Zaˬmaˇ-aˬ, mˬ taˆ gʼaˬ kʼehˇ deuˬ naˆ maˬ tseˇ huiˬ-eu mahˇ-eu meh.