Gʼaˬkʼehˇ 10:1 - Akha

¹ Gehˇsaˬliˇ miˇ kʼahˬ-ahˇ Gawˬ neˬ liˇ lehˇ myahˇ-euˬ tsawˇ haˬ tiˬ gʼaˬ jawˇ-eu meh. Aˬ yawꞈ-aˬ, “Iˬtaˬliˬ guiˇ maꞈ” lehˇ kuˇ-eu Loˆmaˆ guiˇ maꞈ tiˬ maꞈ kʼoeˇ taˆ uˆ lahˇ luꞈ-eu yaw huiˬyaw mahˇ tiˬ gʼaˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Gaersaqlir-anr Gorneqlir laer kur-eu tiq ghaq jawr-eu mae. Aqyawf-aq, Irdaqliq Guirmaf laer kur-eu guirmaf tiq mur-euq yardzoeq guirhuq tiq ghaq mae.

Gʼaˬkʼehˇ 10:1 Iomraidhean Croise

Maꞈtehˬ 27:27

Kʼoeˇ naˇ, sahˬ paˬ Piˇlaˆ-euˬ yehˇ deuˬ neh Yeˬsuˇ-ahˇ sahˬ paˬ-euˬ hawˇ nymˇ laꞈ kʼoeˇ sheuˬ gʼeh-awˇ, yehˇ tiˬ maꞈ maꞈ lah ni, aˬ yawꞈ-euˬ tiˬ jawˬ uiˬ le-euˬ meh.

Maꞈtehˬ 27:54

Yeˬsuˇ-ahˇ loꞈ luꞈ-eu yehˇ kʼoeˇ deuˬ hawˇ-eu yehˇ kʼoeˇ deuˬ-ahˇ uˆ lahˇ-eu yaw huiˬ gʼaˬ, miˇ luˆ luˆ-eu hawˇ-eu kʼaˇ pyeuꞈ laˇ-euˬ yawˬ jeˬ na luꞈ-ahˇ ya mawˇ ngeh, guˆ dui dui laˇ-awˇ, “Tsawˇ haˬ heu gʼaˬ maˇ maˇ ni Miˬyehˇ-euˬ Zaˬmaˇ ngaˇ” lehˇ ehˇ-eu meh.

Maˬkuˆ 15:16

Yehˇ deuˬ neh Yeˬsuˇ-ahˇ miˇ kʼahˬ sahˬ paˬ-euˬ hawˇ nymˇ gawˬ lahˇ taˬ-euˬ laꞈ kʼoeˇ tsahˇ uˇ gʼeh-awˇ, yehˇ kʼoeˇ maꞈ maꞈ lah-ehˇ kuˇ uiˬ jiˇ-euˬ meh.

Luˇkaꞈ 7:2

Kʼoeˇ gaˇ jawˇ-eu Loˇmaˆ guiˇ maꞈ kʼoeˇ taˆ uˆ lahˇ-eu yaw huiˬ yaw mahˇ tiˬ gʼaˬ, aˬ yawꞈ gaˬ dui dui-eu zaˬ kʼaˆ shiˇ taw tehˬ ni naˇ luꞈ-eu meh.

Yoˇhaˬ 18:12

Kʼoeˇ ngeh, Loˇmaˆ yehˇ kʼoeˇ maꞈ hawˇ-eu aˬ yawꞈ maꞈ kʼoeˇ taˆ uˆ lahˇ-eu yaw huiˬ yaw mahˇ kʼoeˇ gʼaˬ, Uˬ duˬ tahˬ nymˇ nymˇ ma-ahˇ loꞈ-eu yehˇ deuˬ nehˬ-ehˇ tiˬ kawˆ loꞈ-ehˇ, Yeˬsuˇ-ahˇ nyehꞈ-awˇ paꞈ-euˬ meh.

Yoˇhaˬ 18:3

Yuˇdaˆ-aˬ, Loˇmaˆ yehˇ yehˇ maꞈ tiˬ maꞈ hawˇ-eu, piˇ ma aˬ yuiꞈ deuˬ hawˇ-eu Paˬliˬsehˇ deuˬ neh kʼehˇ gʼeh leꞈ-euˬ Uˬ duˬ tahˬ nymˇ nymˇ ma-ahˇ loꞈ-eu yehˇ deuˬ sheuˬ-awˇ, yaˇ kmˇ kʼoeˇ kmˇ-ahˇ iˇ-euˬ meh. Aˬ yawꞈ maꞈ-aˬ, guiˇ deuˆ-eu keu ka yuˇ-awˇ, tsiˇ kʼmˬ hawˇ-eu tsiˇ du keuˬ-awˇ iˇ-euˬ meh.

Gʼaˬkʼehˇ 10:24

Yawˬ nah yawˬ Geˇsaˬliˇ meuˬ-ahˇ le keuˆ-euˬ meh. Gawˬneˬliˇ-aˬ, aˬ yawꞈ-euˬ aˬ yuiꞈ aˬ nyiˇ hawˇ-eu cawˬ deuˬ kuˇ uiˬ taˬ-awˇ, Beˬtuˆluˆ laˇ keuˆ gaˇ dawˬ luꞈ-eu meh.

Gʼaˬkʼehˇ 21:31

Tsawˇ haˬ aˇ maꞈ kʼoeˇ deuˬ Pawˇluˆ-ahˇ sehꞈ-eu lehˇ leh jeh-eu meh. Kʼoeˇ ngeh, Yeˬluˇsaˬlehˬ meuˬ meuˬ lah-ehˇ luiˬ gʼa luꞈ-eu gaˇ kawˆ, Loˇmaˆ guiˇ maꞈ kʼoeˇ taˆ uˆ lahˇ-eu yaw huiˬ yaw mahˇ jawˇ gaˇ gaˬ keuˆ leˇ-euˬ meh.

Gʼaˬkʼehˇ 21:8

Yawˬ nah yawˬ paˇ doˆ-iˇ-awˇ, Gehˇsaˬliˇ meuˬ-ahˇ iˇ keuˆ-euˬ ma. Piˇliˇpuˆ lehˇ myahˇ-euˬ Laˬ kʼaˬ cehˇ-eu Guiˬ lahˬ dawˬ mehˬ-eu gʼaˬ-euˬ nymˇ-ahˇ nga maꞈ yaꞈ-euˬ ma. Yeˬluˇsaˬlehˬ meuˬ laꞈ kʼoeˇ gaˇ bi caw mˇ-eu gʼaˇ duˬ tsawˇ haˬ shiꞈ gʼaˬ tseˇ doˆ ngeh, aˬ yawꞈ kʼawꞈ ahˇ-eu meh.

Gʼaˬkʼehˇ 22:25

Ehˇ kʼawꞈ, aˬ yawꞈ-ahˇ yahˬ caˆ neh juiꞈ-eu lehˇ paꞈ tawꞈ gʼaˬ ngeh, yehˇ kʼoeˇ deuˬ kʼoeˇ taˆ aˬ yuiꞈ geuꞈ-eu gʼaˬ-ahˇ Pawˇluˆ ehˇ nehˬ-eu, “Loˇmaˆ miˇ kʼahˬ zaˬ tiˬ gʼaˬ-ahˇ yaˇ kʼaˬ maˬ daˇ tsehˆ ni teu loꞈ-ehˇ juiꞈ-eu aˬ kawˬ-aˬ jaˆ ta loˇ.”

Gʼaˬkʼehˇ 23:23

Kʼoeˇ ngeh, Loˇmaˆ guiˇ maꞈ kʼoeˇ taˆ uˆ lahˇ-eu yaw huiˬ yaw mahˇ kʼoeˇ gʼaˬ, aˬ yawꞈ-euˬ yehˇ deuˬ kʼoeˇ taˆ aˬ yuiꞈ bi geuꞈ-eu nyiˬ gʼaˬ-ahˇ kuˇ-awˇ ehˇ nehˬ-eu, “Yehˇ nyiˬ yaˇ gʼaˬ, mahˬ dziˬ-eu yehˇ shiꞈ tseˇ gʼaˬ hawˇ-eu, gahˬ baꞈ-eu yehˇ nyiˬ yaˇ gʼaˬ lehˬ hmˬ-awˇ, nymˇ ciꞈ naˬ liˬ gʼoeˬ laꞈ-ahˇ Gehˇsaˬliˇ meuˬ-ahˇ iˇ-eu gʼaˇ duˬ lehˬ hmˬ dah taˬ-awˬ.

Gʼaˬkʼehˇ 23:33

Aˬ yawꞈ maꞈ aˬ yawꞈ-ahˇ Gehˇsaˬliˇ meuˬ-ahˇ sheuˬ keuˆ gʼeh-awˇ, sahˬ boꞈ kʼoeˇ taꞈ sahˬ paˬ kʼoeˇ gʼaˬ-ahˇ biꞈ-awˇ, Pawˇluˆ-ahˇ kʼawꞈ aˬ yawꞈ-euˬ aˬ laꞈ laꞈ kʼoeˇ a nehˬ-euˬ meh.

Gʼaˬkʼehˇ 25:1

Sahˬ paˬ Beˬtuˇ miˇ kʼahˬ kʼoeˇ kʼahˬ-ahˇ oe keuˆ-euˬ smˬ nah byah laˇ ngeh, Gehˇsaˬliˇ meuˬ-ahˇ neh Yeˬluˇsaˬlehˬ meuˬ-ahˇ le-euˬ meh.

Gʼaˬkʼehˇ 25:13

Aˇ nah ui cuiˆ myahˇ laˇ ngeh, miˇ kʼahˬ kʼoeˇ kʼahˬ-ahˇ uˆ lahˇ le-euˬ sahˬ paˬ Beˬtuˇ-ahˇ dawˬ deh gʼa mawˇ le-awˇ ha-eu gʼaˇ duˬ, sahˬ paˬ Aˬgiˇpaˆ hawˇ-eu Beˬlaˬniˇ aˬ nyaꞈ dzeˇ zaˬ Gehˇsaˬliˇ meuˬ-ahˇ oe-euˬ meh.

Gʼaˬkʼehˇ 27:1

Nga maꞈ-ahˇ Iˇdaˬliˬ miˇ kʼahˬ-ahˇ bi iˇ-eu lehˇ ehˇ tsehˆ gʼaˬ ngeh jawˇ, Pawˇluˆ hawˇ-eu tawˬ-ahˇ dawˆ taˬ-euˬ tsawˇ haˬ nui deuˬ-ahˇ, “Awˇguˆtuˆ guiˇ maꞈ” lehˇ kuˇ-eu Loˇmaˆ guiˇ maꞈ tiˬ maꞈ-ahˇ aˬ yuiꞈ geuꞈ luꞈ-eu Yuˇluˆ lehˇ myahˇ-euˬ gʼaˬ-euˬ aˬ laꞈ laꞈ kʼoeˇ a nehˬ-euˬ meh.

Gʼaˬkʼehˇ 27:31

Ehˇ kʼawꞈ, yehˇ-euˬ aˬ yuiꞈ kʼoeˇ gʼaˬ hawˇ-eu yehˇ deuˬ-ahˇ Pawˇluˆ ehˇ nehˬ-eu, “Saˇ baoˬ laꞈ kʼoeˇ gaˇ mˇ-eu tsawˇ haˬ teu deuˬ saˇ baoˬ heu laˇ laꞈ kʼoeˇ maˬ jawˇ ni cehˆ jiˇ naˇ, naw maꞈ dehꞈ-iˇ-eu gaˇ ma maˬ paˇ dahˇ meh.”

Gʼaˬkʼehˇ 27:43

Ehˇ kʼawꞈ, yehˇ deuˬ kʼoeˇ taˆ aˬ yuiꞈ geuꞈ-eu gʼaˬ Pawˇluˆ-ahˇ bi dzeuˇ-iˇ mawꞈ-eu miˇ neh, kʼoeˇ loꞈ-ehˇ maˬ bi jahˇ ni laˆ tsoeˬ-euˬ meh. Iˇ diˬ diˬ nya-eu tsawˇ haˬ deuˬ jeˬ huˬ tsawˬ ka-awˇ, iˇ diˬ diˬ doˆ gʼeh-eu gʼaˇ duˬ aˬ yawˬ dawˬ biꞈ-euˬ meh.

Gʼaˬkʼehˇ 8:40

Piˇliˇpuˆ-aˬ, Aˬzoˇtuˆ meuˬ-ahˇ bi ciˬ kʼoꞈ keuˆ gʼeh-euˬ meh. Kʼoeˇ naˇ, Geˇsaˬliˇ miˇ kʼahˬ-ahˇ aˬ yawꞈ le-euˬ meh. Gaˇ pehˇ kʼaˇ jaˆ-eu meuˬ yawˬ meuˬ na luꞈ-ahˇ aˬ yawꞈ Laˬ kʼaˬ cehˇ-eu Guiˬ lahˬ dawˬ mehˬ-euˬ meh.