Gʼaˬkʼehˇ 1:6 - Akha

⁶ Zaˬ lahˇ deuˬ tiˬ gaˇ uiˬ leˇ-awˇ Yeˬsuˇ-ahˇ ya tahˬ dzoeˇ ngeh heu loꞈ-ehˇ naˇ haˬ-euˬ meh. “Sahˬpaˬ-oˇ, nymˬ-mˇ poˆ jawˇ Miˇ kʼahˬ heu kʼahˬ Iˇsaˬleˬlaˆ tsawˇ jeuˬ-ahˇ nawˇ biꞈ kʼoꞈ-eu lehˇ gʼeh-eu ma loˇ.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Khoermirnae, aqyawfmaf uiqler taq-awr jawr ngae, Yeqsur-anr narhaq-eu, “Sanqpaq-or! Nymq-mr nawr, Irsaqleqlav tsawrhaq yawqhar yawqha parbi uvlanr-eu laer ghae-eu ma lor?”

Gʼaˬkʼehˇ 1:6 Iomraidhean Croise

Aˇ dahˬ 49:10

Sahˬ paˬ-euˬ gawˬ yoeˬ-ahˇ aˬ yawꞈ tuˆ tehˬ taˬ-awˇ, Aˬ yawꞈ-euˬ zaˬ deuˬ tiˬ ziˇ saˇ-iˬ tiˬ ziˇ dzoeˬ dzaˬ oꞈ tehꞈ-a. Aˬ cawˬ tsawˇ jeuˬ deuˬ aˬ yawꞈ jawˇ gaˇ pyuˇ shuiˇ myawˬ gahˬ taꞈ ha laˇ-awˇ, Aˬ yawꞈ mehˬ shi awˆ byaˆ-eu laꞈ kʼoeˇ aˬ yawꞈ ehˇ dawˬ naˇ haˬ tehꞈ-a.

Iˇsaˬyaˇ 1:26

Aˇ hu-euˬ sahˬ paˬ sahˬ ma-ahˇ duˇ-eu sahˬ paˬ sahˬ ma deuˬ, nawˬ-ahˇ ngaˇ biꞈ paˇ ma. Kʼoeˇ ngeh jawˇ Yeˬluˇsaˬlehˬ meuˬ-oˇ nawˬ-ahˇ, yaw tsaˬ yaw dawˇ-euˬ meuˬ lehˇ kuˇ-awˇ, saˇ jaˇ ziꞈ-eu meuˬ nga lehˇ aˬ cawˬ ehˇ tehꞈ-a.”

Yeˬlaˬmiˇ 33:26

Yaˬkoˆ-euˬ zaˬ deuˬ uˆ deuˬ hawˇ-eu ngaˬ-euˬ zaˬ kʼaˆ Daˬbiˇ-ahˇ ngaˬ neh dzaˬ taˬ-euˬ saˇ jaˇ heu, maˬ poˆ maˬ paˇ laˇ ni bi ziꞈ ma. Aˬbyaˬhaˬ, Iˇtsaˆ hawˇ-eu Yaˬkoˆ-euˬ zaˬ deuˬ uˆ deuˬ-ahˇ bi uˆ lahˇ-eu gʼaˇ duˬ, Daˬbiˇ-euˬ zaˬ deuˬ uˆ deuˬ laꞈ kʼoeˇ, sahˬ paˬ tiˬ gʼaˬ ngaˇ tseˇ doˆ ma. Ngaˬ-euˬ tsawˇ jeuˬ-ahˇ ngaˇ gʼawˬ shaˬ gaˬ-awˇ, paˇ bi dehꞈ dzaˬ laˇ ma.”

Daˬyeˬlaˇ 7:27

Miˇ tsaˬ kʼoeˇ taˆ kʼaˇ jaˆ-eu miˇ kʼahˬ dawˬ tawˆ luꞈ-euˬ baoˬ hawˇ-eu yaw shehꞈ kʼahˬ sehˇ dawˬ tawˆ luꞈ, Dawˬ tawˆ kʼoeˇ taˆ huiˬ-eu Miˬyehˇ-euˬ tsawˇ haˬ deuˬ-ahˇ biꞈ nehˬ tehꞈ-a. Aˬ yawꞈ maꞈ uˆ lahˇ-eu baoˬ aˇ saˬ saˬ-eu maˬ baw-ehˇ, miˇ tsaˬ kʼoeˇ taˆ kʼaˇ jawˇ-eu sahˬ paˬ sahˬ ma dawˬ tawˆ luꞈ, aˬ yawꞈ maꞈ-euˬ ehˇ dawˬ naˇ haˬ-awˇ, aˬ yawꞈ maꞈ neh kʼaˇ kʼehˇ-euˬ jeˬ ya mˇ tehꞈ-a.”

Hawˇseˬ 3:4

Kʼoeˇ loꞈ-ehˇ duˇ ni, Iˇsaˬleˬlaˆ tsawˇ haˬ deuˬ kʼawꞈ, sahˬ paˬ maˬ baw, aˬ yuiꞈ aˬ tsu maˬ baw ni, lawˇ-eu shehˇ-eu jeˬ maˬ mˇ-ehˇ, uˬ duˬ tahˬ-eu zahˇ sahˇ kʼoꞈ-ahˇ taꞈ leˇ-eu muiˬ-eu shawˇ-eu kʼaˬ lo kʼawˇ zeuˇ deuˬ kʼawꞈ maˬ bi jaˆ-eu uˬ taꞈ, mah loˬ ja maw mˇ-eu gʼaˇ duˬ tahˬ pahˬ aˬ ma mawˇ kawˇ deuˬ kʼawꞈ maˬ bi jaˆ ni, aˇ yamˬ gʼawˬ myahˇ ni ya dehꞈ meh.

Aˬmoˆ 9:11

Sahˬpaˬ Miˬyehˇ ehˇ-eu, “Coˬ pyaˆ coˬ shaˆ taˬ-euˬ nymˇ tiˬ nymˇ-ahˇ duˇ-eu Daˬbiˇ-euˬ miˇ kʼahˬ-ahˇ ngaˇ paˇ ciˬ tuˇ nehˬ-eu aˇ nah keuˆ le tehꞈ-a. Meuˬ meuˬ lahˇ deuˬ-ahˇ ngaˇ gawˬ muiˬ-awˇ, meuˬ deuˬ paˇ tsoˆ muiˬ nehˬ-eu laꞈ kʼoeˇ, aˇ hu ba kʼaˇ jaˆ-euˬ loꞈ-ehˇ aˬ yawꞈ yaw oeˇ-ahˇ duˇ ni laˆ saˆ muiˬ nehˬ ma.

Miˇkaˬ 5:2

Sahˬpaˬ Miˬyehˇ ehˇ-eu, “Eˇpaˬlaˬdaˬ miˇ kʼahˬ-ahˇ jaˆ-eu Behˬlehˬhehˬ meuˬ-oˇ, nawˇ-aˬ Yuˇdaˆ miˇ kʼahˬ laꞈ kʼoeˇ jaˆ-eu nyiˇ dui teˬ dui dui-eu meuˬ tiˬ meuˬ pyeuꞈ-eu meh. Ehˇ kʼawꞈ, nawˬ-euˬ laꞈ kʼoeˇ, Iˇsaˬleˬlaˆ miˇ kʼahˬ-ahˇ uˆ lahˇ-eu sahˬ paˬ tiˬ gʼaˬ ngaˇ bi doˆ laˇ ma. Aˬ yawꞈ-euˬ tsuiꞈ-aˬ, aˇ hu ba-euˬ ziˇ-ahˇ keuˆ ni jaˆ luꞈ-eu meh.”

Zaˬkaˬliˇ 9:9

Ziˇoˬ tsawˇ haˬ laˬ kʼaˬ cehˇ-awˬ. Yeˬluˇsaˬlehˬ meuˬ-euˬ tsawˇ haˬ, laˬ kʼaˬ cehˇ-awˇ guˇ dui dui-awˬ. Naw maꞈ-euˬ sahˬpaˬ oe luꞈ meh. Aˬ yawꞈ baoˬ kʼahˬ sehˇ huiˬ-eu kʼawꞈ, nui nahˬ nui yu ahˇ-eu laꞈ kʼoeˇ, mahˬ tahˬ laˆ zaˬ-ahˇ dziˬ-eu meh.

Maꞈtehˬ 17:11

Yeˬsuˇ ehˇ-eu, “Aˬ diˇ aˬ maˇ Eˇliˇyaˆ jeˬ huˬ oe-awˇ, yawˬ jeˬ na luꞈ lehˬ hmˬ laˆ saˆ dah le tehꞈ-a.

Maꞈtehˬ 20:21

Yeˬsuˇ aˬ yawꞈ-ahˇ ehˇ nehˬ-eu, “Nawˇ aˬ jeˬ shaˇ mawꞈ te.” Aˬ yawꞈ ehˇ-eu, “Nawˇ sahˬ paˬ keuˆ leˇ ngeh, ngaˬ li heu nyiˬ li-ahˇ, nawˬ-euˬ aˇ maˇ paw tiˬ gʼaˬ bi nuiˇ-awˇ, aˇ caˇ paw tiˬ gʼaˬ bi nuiˇ ma lehˇ, ngaˬ-ahˇ tiˬ poˆ ehˇ tsehˆ nehˬ laꞈ-awˬ.”

Maꞈtehˬ 24:3

Saˬloˬ gawˬ jawˬ-ahˇ Yeˬsuˇ nuiˇ luꞈ ngeh, zaˬ lahˇ deuˬ tehꞈ-ehˇ aˬ yawꞈ jawˇ gaˇ laˇ-awˇ ehˇ-eu, “Uˬ duˬ tahˬ nymˇ nymˇ ma cawˆ-iˇ-eu aˇ yamˬ kʼoeˇ aˬ myah keuˆ le ta lehˇ ehˇ nehˬ laꞈ sheˇ. Miˇ tsaˬ heu aˇ saˬ saˬ-eu dawˬ peh peh laˇ-awˇ, nawˇ zaꞈ le-eu aˇ yamˬ keuˆ le-euˬ nga lehˇ, aˬ jeˬ-ahˇ haw-awˇ ya siˬ nmˇ.”

Maˬkuˆ 9:12

Yeˬsuˇ ehˇ-eu, “Yawˬ jeˬ na luꞈ lehˬ hmˬ laˆ saˆ le-eu gʼaˇ duˬ, Eˇliˇyaˆ jeˬ huˬ ya oe tehꞈ-a. Ehˇ kʼawꞈ, Tsawˇhaˬ-euˬ Zaˬmaˇ-aˬ, gʼawˬ mya jeˬ-ahˇ ya daˬ-awˇ, aˬ cawˬ neh bi byehˇ dzeh tehꞈ-a lehˇ, Jaˇliꞈ laꞈ kʼoeˇ aˬ jeˬ miˇ neh ehˇ taˬ ta.

Luˇkaꞈ 17:20

Miˬyehˇ Miˇkʼahˬ aˬ myah keuˆ le-eu gaˇ kawˆ Paˬliˬsehˇ deuˬ Yeˬsuˇ-ahˇ naˇ haˬ ngeh, Yeˬsuˇ heu loꞈ-ehˇ ehˇ kʼoꞈ nehˬ-euˬ meh. “Miˬyehˇ Miˇkʼahˬ-aˬ, tsawˇ haˬ zaˬ-ahˇ mawˇ laˇ mawˇ laˇ-ehˇ keuˆ le-eu jeˬ maˬ ngeuˇ-a.

Luˇkaꞈ 19:11

Yeˬsuˇ kʼoeˇ loꞈ-ehˇ ehˇ gaˇ aˬ yawꞈ maꞈ naˇ haˬ luꞈ ngeh, Yeˬsuˇ aˬ yawꞈ maꞈ-ahˇ yaw jeˬ ma jeˬ heu hmˬ ja mehˬ nehˬ-euˬ meh. Aˬ jeˬ miˇ neh ehˇ naˇ, aˬ yawꞈ Yeˬluˇsaˬlehˬ meuˬ-ahˇ le keuˆ-eu dawˬ peh peh laˇ-awˇ, Miˬyehˇ Miˇkʼahˬ keuˆ le shaw-iˬ meh lehˇ aˬ yawꞈ maꞈ noeˬ luꞈ-eu meh.

Luˇkaꞈ 22:29

Ngaˬ Da neh ngaˬ-ahˇ uˆ lahˇ-eu baoˬ biꞈ laꞈ-euˬ loꞈ-ehˇ, naw maꞈ-ahˇ kʼawꞈ baoˬ kʼoeˇ ngaˇ biꞈ-eu ma.

Yoˇhaˬ 21:21

Beˬtuˆluˆ zaˬ lahˇ kʼoeˇ gʼaˬ-ahˇ mawˇ ngeh, Yeˬsuˇ-ahˇ heu loꞈ-ehˇ naˇ haˬ-euˬ meh. “Sahˬpaˬ-oˇ, heu gʼaˬ toe. Aˬ yawꞈ-euˬ gʼaˇ duˬ mehˬ hu paw aˬ joˆ-ehˇ jaˆ ta.”