Gʼaˬkʼehˇ 1:5 - Akha

⁵ Yoˇhaˬ-aˬ, iˇ cuꞈ laꞈ kʼoeˇ iˇ cuꞈ shawˇ nehˬ-euˬ meh. Ehˇ kʼawꞈ, gʼawˬ myahˇ maˬ gʼeh-ehˇ, Miˬ yehˇ naw maꞈ-ahˇ Yaw sahˇ Miˬyehˇ laꞈ kʼoeˇ iˇ cuꞈ shawˇ nehˬ laꞈ tehꞈ-a.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Yorhaq-aq, ircuf nae bartirsaq mrnaeq-euq mae. Aerkhawf, aqkar nar-aq, ghawqmya nan maqghae-aer, nawmaf-aq, Yawshawr Saflar-euq lafkhoer bartirsaq ya hageuf taef-a.”

Gʼaˬkʼehˇ 1:5 Iomraidhean Croise

Yawˇlaˆ 3:18

Aˇ nah aˇ yamˬ kʼoeˇ keuˆ le ngeh, gawˬ jawˬ aˬ gaꞈ yaˇ mˇ byah-awˇ, gawˬ duˇ jeˬ zaˬ gaˆ byah jiˇ-awˇ, Yuˇdaˆ miˇ kʼahˬ lawˇ gawˆ lawˇ baˬ, iˇ cuꞈ tiˬ byah ni yoeˇ tehꞈ-a. Sahˬpaˬ Miˬyehˇ-euˬ Nymˇ-ahˇ neh, lawˇ gawˆ tiˬ gawˆ yoeˇ doˆ le-awˇ, Aˬ kaˬ shaˆ Deh kʼawꞈ kʼoeˇ kʼawꞈ-ahˇ iˇ cuꞈ tiˬ loꞈ biꞈ le tehꞈ-a.

Maꞈtehˬ 3:11

Naw maꞈ iˬ baˇ noeˬ poˆ-euˬ gaˇ kawˆ bi siˬ bi mawˇ-eu gʼaˇ duˬ, iˇ cuꞈ neh naw maꞈ-ahˇ ngaˇ iˇ cuꞈ shawˇ nehˬ ma. Ehˇ kʼawꞈ, ngaˬ-euˬ mehˬ nah oe luꞈ-eu gʼaˬ-aˬ, Muiˬ-eu shawˇ-eu Yaw sahˇ Miˬyehˇ laꞈ kʼoeˇ hawˇ-eu, miˬ dzaˬ laꞈ kʼoeˇ naw maꞈ-ahˇ iˇ cuꞈ shawˇ nehˬ laꞈ tehꞈ-a. Aˬ yawꞈ-aˬ, ngaˇ naˆ maˬ tseˇ huiˬ dui mahˇ dui dui-awˇ, ngaˇ-aˬ, aˬ yawꞈ-euˬ sehˬ nawˆ yuˇ nehˬ-eu tehꞈ-ehˇ kʼawꞈ maˬ geuˇ nya.

Maꞈtehˬ 3:6

Aˬ yawꞈ maꞈ yawˬ ha-euˬ iˬ baˇ ja doˆ jiˇ-awˇ, Yawˇdaˬ lawˇ baˬ laꞈ kʼoeˇ Yoˇhaˬ neh iˇ cuꞈ bi shawˇ nehˬ-euˬ meh.

Maˬkuˆ 1:8

Ngaˇ naw maꞈ-ahˇ iˇ cuꞈ laꞈ kʼoeˇ iˇ cuꞈ shawˇ nehˬ-euˬ ma. Ehˇ kʼawꞈ, aˬ yawꞈ-aˬ, Muiˬ-eu shawˇ-eu Yaw sahˇ Miˬyehˇ laꞈ kʼoeˇ iˇ cuꞈ shawˇ nehˬ laꞈ tehꞈ-a.”

Luˇkaꞈ 3:16

Kʼoeˇ ngeh, aˬ yawꞈ maꞈ dawˬ tawˆ luꞈ-ahˇ Yoˇhaˬ heu loꞈ-ehˇ ehˇ kʼoꞈ nehˬ-euˬ meh. “Ngaˇ naw maꞈ-ahˇ iˇ cuꞈ laꞈ kʼoeˇ iˇ cuꞈ shawˇ nehˬ-eu ma. Ehˇ kʼawꞈ, ngaˇ naˆ maˬ tseˇ huiˬ dzehˬ mahˇ dzehˬ-eu gʼaˬ oe luꞈ meh. Ngaˇ-aˬ, aˬ yawꞈ-euˬ sehˬ nawˆ aˇ caˆ puiˇ nehˬ-eu tehꞈ-ehˇ kʼawꞈ, mˇ-eu maˬ geuˇ nya. Aˬ yawꞈ-aˬ, Muiˬ-eu shawˇ-eu Yaw sahˇ Miˬyehˇ laꞈ kʼoeˇ hawˇ-eu miˬ dzaˬ laꞈ kʼoeˇ, naw maꞈ-ahˇ iˇ cuꞈ shawˇ nehˬ laꞈ tehꞈ-a.

Yoˇhaˬ 1:26

Yoˇhaˬ ehˇ-eu,“Ngaˇ-aˬ, iˇ cuꞈ neh iˇ cuꞈ shawˇ nehˬ-eu ma. Ehˇ kʼawꞈ, naw maꞈ maˬ siˬ nya-eu tsawˇ haˬ tiˬ gʼaˬ naw maꞈ nehˬ-ehˇ jawˇ luꞈ meh.

Yoˇhaˬ 1:31

Aˬ yawꞈ aˬ suˇ gʼaˬ-a lehˇ ngaˇ maˬ siˬ nya-aˬ. Iˇsaˬleˬlaˆ tsawˇ haˬ deuˬ aˬ yawꞈ-ahˇ siˬ duˬ laˇ nya ni, ngaˇ iˇ cuꞈ neh iˇ cuꞈ shawˇ nehˬ le-euˬ ma.”

Yoˇhaˬ 1:33

Ngaˇ aˬ yawꞈ-ahˇ maˬ siˬ nya-aˬ siˬ. Ehˇ kʼawꞈ, iˇ cuꞈ neh iˇ cuꞈ bi shawˇ nehˬ le-eu lehˇ ngaˬ-ahˇ kʼehˇ gʼeh leꞈ-euˬ Miˬyehˇ ehˇ-eu, ‘Yaw sahˇ Miˬyehˇ tsawˇ haˬ tiˬ gʼaˬ kʼoeˇ taˆ zaꞈ le-awˇ jawˇ gaˇ nawˇ ya mawˇ tehꞈ-a. Aˬ yawꞈ-aˬ, Yaw sahˇ Miˬyehˇ neh iˇ cuꞈ shawˇ nehˬ-euˬ gʼaˬ meh’ lehˇ ehˇ-eu meh.

Gʼaˬkʼehˇ 10:45

Yuˇdaˆ tsawˇ haˬ maˬ ngeuˇ-eu deuˬ-ahˇ kʼawꞈ, Miˬyehˇ neh Muiˬ-eu shawˇ-eu Yaw sahˇ Miˬyehˇ shehˆ daˆ nehˬ-euˬ gaˇ, Beˬtuˆluˆ nehˬ-ehˇ Yuˇbeˬ meuˬ-ahˇ neh laˇ-euˬ jah-eu Yuˇdaˆ tsawˇ haˬ deuˬ zahˬ leˇ-euˬ meh.

Gʼaˬkʼehˇ 19:4

Kʼoeˇ ngeh, Pawˇluˆ ehˇ-eu, “Yoˇhaˬ neh iˇ cuꞈ shawˇ-euˬ kʼoeˇ-aˬ, iˬ baˇ noeˬ poˆ-euˬ tsawˇ haˬ deuˬ gʼaˇ duˬ meh. Kʼoeˇ miˇ neh, aˬ yawꞈ-euˬ jeˬ nah oe luꞈ-eu gʼaˬ-ahˇ jah-awˬ lehˇ, Iˇsaˬleˬlaˇ tsawˇ haˬ deuˬ-ahˇ Yoˇhaˬ ehˇ nehˬ-euˬ meh. Aˬ yawꞈ-euˬ jeˬ nah oe-eu gʼaˬ lehˇ ehˇ-eu kʼoeˇ-aˬ, Yeˬsuˇ-ahˇ ehˇ-eu meh.”

1 Gawˇliˬtu 12:13

Kʼoeˇ loꞈ-ehˇ duˇ ni, aˬ dui dawˬ tawˆ luꞈ, Yuˇdaˆ tsawˇ haˬ maˬ ehˇ, Yuˇdaˆ tsawˇ haˬ maˬ ngeuˇ-eu deuˬ maˬ ehˇ, zaˬ kʼaˆ maˬ ehˇ, zaˬ kʼaˆ maˬ ngeuˇ-eu deuˬ maˬ ehˇ, Yaw sahˇ Miˬyehˇ neh gʼawˇ mawˇ tiˬ mawˇ laꞈ kʼoeˇ iˇ cuꞈ bi shawˇ gʼaˬ-awˇ, aˬ dui dawˬ tawˆ luꞈ Yaw sahˇ Miˬyehˇ tiˬ gʼaˬ-ahˇ tehꞈ-ehˇ dawˇ luꞈ-eu ma.

Tiˇtuˆ 3:5

Aˬ dui-ahˇ ka kʼoꞈ nehˬ laꞈ-euˬ kʼoeˇ-aˬ, aˬ dui yaw muiˬ jeˬ mˇ-euˬ miˇ neh maˬ ngeuˇ-ehˇ, aˬ yawꞈ-euˬ gʼawˬ shaˬ gaˬ-eu jeˬ baˬ da neh Muiˬ-eu shawˇ-eu Yaw sahˇ-ahˇ gʼoe-awˇ ka kʼoꞈ nehˬ laꞈ-euˬ jeˬ pyeuꞈ-eu meh. Yaw sahˇ Miˬyehˇ aˬ dui-ahˇ yaw shuiꞈ bi dehꞈ paˇ laꞈ-awˇ, aˬ dui-euˬ iˬ baˇ tsiˬ shawˇ nehˬ laꞈ-eu laꞈ kʼoeˇ, dehꞈ-eu yaw shuiꞈ biꞈ laꞈ-euˬ meh.