Doˆ-iˇ 6:5 - Akha

⁵ Nymˬ-mˇ, Iˇsaˬleˬlaˆ tsawˇ haˬ deuˬ Iˇjiˇtuˆ tsawˇ haˬ-euˬ zaˬ kʼaˆ geuꞈ-awˇ ngoeˇ luꞈ-eu teˇ saˇ-ahˇ ngaˇ ya gaˬ ngeh, ngaˬ neh dzaˬ taˬ-euˬ dawˬ ma saˇ jaˇ-ahˇ ngaˇ paˇ noeˬ keuˆ-eu ma.

Doˆ-iˇ 6:5 Iomraidhean Croise

Aˇ dahˬ 8:1

Noˇaˬ hawˇ-eu aˬ yawꞈ nehˬ-ehˇ saˇ baoˬ laꞈ kʼoeˇ kʼaˇ uˇ-eu jeˬ zaˬ deuˬ-ahˇ Miˬyehˇ maˬ ngehˇ-a. Aˬ yawꞈ jaˬ lehˇ bi baw laˇ-awˇ, iˇ cuꞈ bi aw-iˇ-euˬ meh.

Aˇ dahˬ 9:15

miˇ tsaˬ kʼoeˇ taˆ kʼaˇ dehꞈ kʼaˇ jawˇ-eu jeˬ dawˬ tawˆ luꞈ-ahˇ laˆ cawˆ-eu gʼaˇ duˬ, miˇ tsaˬ-ahˇ iˇ cuꞈ tiˬ jawˇ-iˬ maˬ paˇ bi dahˬ pymˬ ma lehˇ, naw maꞈ-ahˇ maˬ ehˇ, jeˬ zaˬ dawˬ tawˆ luꞈ-ahˇ maˬ ehˇ, ngaˬ neh biꞈ taˬ-euˬ dawˬ ma saˇ jaˇ heu hmˬ-ahˇ ngaˇ noeˬ keuˆ ma.

Jaceuq 105:8

Aˬ yawꞈ-euˬ dawˬ ma saˇ jaˇ-ahˇ mˬ maˬ maˬ byaˆ zaˇ ziˇ aˬ yawꞈ ziꞈ-awˇ, aˬ yawꞈ-euˬ saˇ jaˇ dawˬ-ahˇ aˇ heˇ ziˇ ziꞈ tehꞈ-a.

Doˆ-iˇ 2:23

Aˇ kʼoꞈ aˇ la myahˇ laˇ ngeh jawˇ, Iˇjiˇtuˆ miˇ kʼahˬ-ahˇ uˆ lahˇ-eu sahˬ paˬ ziˇ jiˇ-euˬ meh. Ehˇ kʼawꞈ, Iˇsaˬleˬlaˆ tsawˇ haˬ deuˬ shaˬ dui zahˬ dui dui-eu laꞈ kʼoeˇ, aˬ cawˬ zaˬ kʼaˆ ya geuꞈ luꞈ-awˇ, caw ba le-awˬ lehˇ guˇ guˇ-ehˇ ngoeˇ luꞈ-eu meh. Aˬ yawꞈ maꞈ ngoeˇ luꞈ-eu teˇ saˇ Miˬyehˇ-ahˇ gaˬ leˇ-euˬ meh.

Doˆ-iˇ 2:24

Aˬ yawꞈ maꞈ shaˬ zahˬ naꞈ-eu laꞈ kʼoeˇ ngoeˇ luꞈ-eu teˇ saˇ-ahˇ Miˬyehˇ ya gaˬ ngeh, Aˬbyaˬhaˬ, Iˇtsaˆ hawˇ-eu Yaˬkoˆ-ahˇ aˬ yawꞈ neh dawˬ ma saˇ jaˇ dzaˬ taˬ-euˬ gaˇ noeˬ keuˆ-euˬ meh.

Doˆ-iˇ 3:7

Kʼoeˇ naˇ, Miˬyehˇ ehˇ-eu, “Iˇjiˇtuˆ miˇ kʼahˬ laꞈ kʼoeˇ, ngaˬ-euˬ tsawˇ haˬ deuˬ-ahˇ aˬ cawˬ aˇ naˆ ni kʼehˬ nehˬ kʼaˆ nehˬ luꞈ-eu ngaˇ ya mawˇ gʼaˬ-euˬ ma. Aˬ yawꞈ maꞈ-ahˇ kʼehˬ luꞈ-eu, zaˬ kʼaˆ-ahˇ gaˇ bi mˇ-eu tsawˇ haˬ deuˬ-euˬ aˬ laꞈ laꞈ kʼoeˇ, aˬ yawꞈ maꞈ-ahˇ ka kʼoꞈ nehˬ laꞈ-awˬ lehˇ ngoeˇ luꞈ-eu teˇ saˇ-ahˇ ngaˇ ya gaˬ gʼaˬ-euˬ ma. Aˬ yawꞈ maꞈ ya daˬ luꞈ-eu jeˬ dawˬ tawˆ luꞈ, ngaˇ siˬ luꞈ mawˇ luꞈ ma.

Doˆ-iˇ 5:4

Ehˇ kʼawꞈ, sahˬ paˬ kʼoeˇ gʼaˬ aˬ yawꞈ nyaꞈ-ahˇ ehˇ-eu, “Aˬ jeˬ miˇ neh tsawˇ haˬ heu deuˬ-ahˇ gaˇ maˬ bi mˇ ni, naw nyaꞈ sheuˬ-awˇ iˇ-eu gʼeh te. Zaˬ kʼaˆ kʼoeˇ deuˬ-ahˇ gaˇ paˇ bi mˇ-iˇ-awˬ.

Iˇsaˬyaˇ 63:9

Aˬ yawꞈ maꞈ ya daˬ-eu shaˬ zahˬ dawˬ tawˆ laꞈ kʼoeˇ, aˬ yawꞈ maꞈ-ahˇ aˬ yawꞈ ka kʼoꞈ-euˬ meh. Mˬ taˆ gʼaˬ kʼehˇ aˬ yawꞈ maꞈ-ahˇ ka kʼoꞈ-euˬ maˬ ngeuˇ-a. Sahˬpaˬ Miˬyehˇ mawˇ do oe-awˇ ka kʼoꞈ-euˬ meh. Aˬ yawꞈ maꞈ-ahˇ aˬ yawꞈ maˬ haw ni byehˇ dzeh-euˬ, tiˬ jawˇ-iˬ maˬ jaˆ-a.

Luˇkaꞈ 1:54

Poeˬ piˬ deuˬ-ahˇ dzaˬ taˬ yaꞈ-euˬ, saˇ jaˇ dawˬ-ahˇ aˬ yawꞈ ziꞈ-awˇ, zaˬ kʼaˆ Iˇsaˬleˬlaˆ jawˇ gaˇ, oe keuˆ-awˇ caw ba le-euˬ meh.

Luˇkaꞈ 1:72

Aˬ dui-euˬ poeˬ piˬ kʼoeˇ deuˬ-ahˇ, aˬ yawꞈ gʼawˬ shaˬ gaˬ-eu laꞈ kʼoeˇ, muiˬ-eu shawˇ-eu dawˬ ma saˇ jaˇ, noeˬ keuˆ ma lehˇ yawꞈ ehˇ-eu meh.