Doˆ-iˇ 32:6 - Akha

⁶ Yawˬ nah yawˬ uˬ shawˬ yaw naꞈ-ehˇ, miˬ dzaˬ dzah puiˆ-awˇ lawˇ-eu jeˬ lawˇ-eu gʼaˇ duˬ jeˬ zaˬ deuˬ maˬ ehˇ, cawˬ cawˬ taꞈ-eu lawˇ-eu jeˬ lawˇ-eu gʼaˇ duˬ jeˬ zaˬ deuˬ maˬ ehˇ, aˬ yawꞈ maꞈ yuˇ laꞈ-euˬ meh. Aˬ yawꞈ maꞈ bawˬ-iˬ gʼeh ngeh, dzaˬ yehꞈ dawˇ yehꞈ-awˇ lawꞈ gʼa-eu uˬ taꞈ, kʼaˬ miˬ sheu taꞈ-euˬ meh.

Doˆ-iˇ 32:6 Iomraidhean Croise

1 Gawˇliˬtu 10:7

Aˬ yawꞈ maꞈ tiˬ paˆ na deuˬ tahˬ pahˬ aˬ ma mawˇ kawˇ-ahˇ uˬ duˬ tahˬ-euˬ loꞈ-ehˇ aˬ dui maˬ ya tahˬ ni dzaw geuꞈ duˬ pyeuꞈ-eu meh. “Tsawˇ haˬ kʼoeˇ deuˬ nuiˇ-awˇ dzaˬ boˆ dawˇ boˆ boˆ-awˇ, tuˇ-awˇ gaˇ nyeh nyeh nyeh-ehˇ byawˬ gʼa mo gʼa-euˬ meh” lehˇ Jaˇliꞈ laꞈ kʼoeˇ boꞈ taˬ-euˬ meh.

Bawˇtsahˬ 25:2

Mawˇbaˆ miˬ yehˇ-ahˇ uˬ duˬ tahˬ-eu lawˇ-eu shehˇ-eu bawˬ-iˬ gʼeh gaˇ, zaˬ miˬ zaˬ kʼoeˇ deuˬ aˬ yawꞈ maꞈ-ahˇ sheuˬ gʼeh-euˬ meh. Iˇsaˬleˬlaˆ tsawˇ haˬ deuˬ aˬ cawˬ tsawˇ jeuˬ-euˬ dzaˇ dzaˬ-awˇ, aˬ cawˬ tsawˇ jeuˬ-euˬ miˬ yehˇ-ahˇ uˬ duˬ tahˬ-euˬ meh.

Panmaeq 11:10

Aˬ yawꞈ nyaꞈ shiˇ-euˬ baˬ da neh miˇ tsaˬ zaˬ deuˬ laˬ kʼaˬ cehˇ tehꞈ-a. Aˬ yawꞈ maꞈ bawˬ-iˬ gʼeh-awˇ, tiˬ gʼaˬ tiˇ gʼaˬ laꞈ sawˬ biꞈ ha tehꞈ-a. Aˬ jeˬ miˇ neh ehˇ naˇ, Miˬyehˇ gʼaˇ duˬ ngehˬ dah-eu kʼoeˇ nyiˬ gʼaˬ neh miˇ tsaˬ zaˬ deuˬ kʼoeˇ taˆ shaˬ dui zahˬ dui dui-eu jeˬ bi keuˆ le-euˬ meh.

Aˬmoˆ 8:10

Naw maꞈ bawˬ-iˬ gʼeh luꞈ ngeh, tsawˇ shiˇ tsawˇ naˇ mˇ-eu jeˬ ngaˇ bi keuˆ le-awˇ, naw maꞈ laˬ kʼaˬ cehˇ-eu caˇ dawˬ caˇ luꞈ ngeh, kuiˇ deuˇ gui-eu aˇ yamˬ ngaˇ bi keuˆ le ma. Naw maꞈ uˬ jehˆ ya jehˆ dzeh-awˇ, guˬ daˇ pehˇ zeuˇ mehˬ tsoeˬ dm-eu laꞈ kʼoeˇ, aˬ li tiˬ gʼaˬ jawˇ-eu bi shiˇ cuˆ-awˇ tsawˇ ngoeˇ ngoeˇ luꞈ-eu aˬ ma aˬ da loꞈ-ehˇ shaˬ zahˬ naꞈ ni ngaˇ jahˇ ma. Aˇ nah kʼoeˇ nah-ahˇ, yawˬ jeˬ na luꞈ kʼoeˇ taˆ, dawˇ keuˆ le-awˇ aˇ saˬ ya saˬ tehꞈ-a.

Aˬmoˆ 2:8

Uˬ duˬ tahˬ-eu jawˇ duˬ yawˬ tsahˇ na luꞈ-ahˇ, shaˬ-eu zahˬ-eu tsawˇ haˬ deuˬ pyuˇ shaˇ paˇ gaˇ biꞈ daˇ taˬ-euˬ dm gʼaˬ dm lmˇ deuˬ kʼawˬ-awˇ, aˬ yawꞈ maꞈ yuꞈ-euˬ meh. Aˬ yawꞈ maꞈ-euˬ Miˬyehˇ-euˬ uˬ duˬ tahˬ nymˇ laꞈ kʼoeˇ, aˬ yawꞈ maꞈ-ahˇ dziˇ dzoˆ daˆ-eu deuˬ jawˇ gaˇ yuˇ-euˬ aˬ gaꞈ dzaˇ uiˇ dawˇ-eu meh.

Doˆ-iˇ 32:5

Kʼoeˇ naˇ, shuiˇ mawˇ neˇ mawˇ kawˇ-euˬ mehˬ shi, lawˇ duˬ tiˬ hmˬ Aˬloˬ tsoˆ-awˇ, “Ni shawˬ nah Sahˬpaˬ Miˬyehˇ-ahˇ taˬ huiˬ taˬ mahˇ-eu bawˬ-iˬ gʼeh ma” lehˇ, Iˇsaˬleˬlaˆ tsawˇ haˬ deuˬ-ahˇ guˇ gaˬ nehˬ-euˬ meh.