Biblia Todo Logo
Bìoball air-loidhne

- Sanasan -




Doˆ-iˇ 32:1 - Akha

1 Gawˬ jawˬ-ahˇ neh Moˇseˬ maˬ zaꞈ ka le ni gʼawˬ myahˇ ni jawˇ gaˇ Iˇsaˬleˬlaˆ tsawˇ haˬ deuˬ ya mawˇ ngeh, Aˬloˬ-euˬ dawˬ peh aˬ yawꞈ maꞈ uiˬ leˇ-awˇ, heu loꞈ-ehˇ ehˇ nehˬ-euˬ meh. “Aˬ dui maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ laꞈ-euˬ Moˇseˬ heu gʼaˬ-ahˇ aˬ jeˬ gʼeh-euˬ lehˇ maˬ paˇ ehˇ nya ngaˇ. Teu miˇ neh, aˬ dui maꞈ-ahˇ bi sheuˬ gʼeh-eu gʼaˇ duˬ, miˬ yehˇ tiˬ gʼaˬ aˬ dui tehˆ kaˇ-euˇ.”

Faic an caibideil Dèan lethbhreac




Doˆ-iˇ 32:1
35 Iomraidhean Croise  

Kʼoeˇ ngeh, Lawˇtaˬ-aˬ, aˬ yawꞈ-euˬ aˬ buˇ deuˬ-ahˇ sheuˬ dahˬ dzaˬ-eu lehˇ lehˬ hmˬ luꞈ-eu kʼaˬ dzeˇ zaˬ zaˬ guˬ deuˬ jawˇ gaˇ iˇ-awˇ, “Yaw kawˇ-ehˇ lehˬ hmˬ-awˇ, meuˬ heu meuˬ laꞈ kʼoeˇ neh doˆ-iˇ-awˬ. Meuˬ heu meuˬ-ahˇ Sahˬpaˬ Miˬyehˇ laˆ cawˆ-eu lehˇ lehˬ hmˬ luꞈ meh” lehˇ ehˇ nehˬ-euˬ meh. Ehˇ kʼawꞈ, aˬ yawꞈ maꞈ-ahˇ Lawˇtaˬ naˬ gʼa le-euˬ nga lehˇ aˬ yawꞈ maꞈ noeˬ-euˬ meh.


Kʼoeˇ ngeh, “Aˬ geu gʼaˬ neh kʼoeˇ loꞈ-ehˇ jahˇ-euˬ gaˇ kawˆ ngaˇ maˬ ya siˬ-aˬ siˬ. Gaˇ kawˆ heu nawˇ ngaˬ-ahˇ maˬ ehˇ nehˬ laꞈ-aˬ siˬ. Nymˬ-mˇ hawˇ-eu ngaˇ gaˬ beh beh-eu ma” lehˇ Aˬbiˇmaˬlehˆ ehˇ-eu meh.


Ehˇ kʼawꞈ, Yoˇsehˆ maˬ tawˆ leˇ-ehˇ, zaˬ miˬ zaˬ kʼoeˇ gʼaˬ-ahˇ heu loꞈ-ehˇ ehˇ nehˬ-euˬ meh. “Haw sheˇ, ngaˇ heu gaˇ jawˇ luꞈ-eu miˇ neh, ngaˬ-euˬ baw leˬ ngaˬ-ahˇ jah-eu laꞈ kʼoeˇ yawˬ jeˬ na luꞈ a nehˬ laꞈ jiˇ-awˇ, kʼahˇ kʼoꞈ duˬ maˬ jaˆ ni dehꞈ-eu meh.


Yoˇsehˆ ehˇ-eu, “Naw maꞈ aˬ jeˬ mˇ yaꞈ teˬ. Ngaˇ loꞈ-ehˇ gʼeh-eu miˇ kʼahˬ-ahˇ uˆ lahˇ-eu tsawˇ haˬ tiˬ gʼaˬ ja maw maw haw-eu laꞈ kʼoeˇ, naw maꞈ neh kʼaˇ mˇ taˬ-euˬ jeˬ-ahˇ haw mawˇ nya tehꞈ-a lehˇ naw maꞈ maˬ siˬ nya te loˇ.”


Ehˇ kʼawꞈ, aˬ yawꞈ maꞈ meuˬ-ahˇ gʼawˬ mahˇ ni maˬ iˇ kaˬ mi naˆ-ehˇ, aˬ yawꞈ-euˬ nymˇ-ahˇ bi haw bi pyaˆ-euˬ zaˬ kʼaˆ kʼoeˇ gʼaˬ-ahˇ Yoˇsehˆ heu loꞈ-ehˇ ehˇ nehˬ-euˬ meh. “Tsawˇ haˬ kʼoeˇ deuˬ-euˬ mehˬ nah yaw kawˇ-ehˇ caw teh gʼeh-awˇ, aˬ yawꞈ maꞈ-ahˇ teh miˇ naˇ, heu loꞈ-ehˇ ehˇ nehˬ-awˬ. ‘Aˬ cawˬ naw maꞈ-ahˇ yaw muiˬ jeˬ jahˇ nehˬ naˇ, aˬ jeˬ miˇ neh naw maꞈ yaw doeˇ paˇ jahˇ kʼoꞈ te.


Siˇnaˆ gawˬ jawˬ-ahˇ shuiˇ mawˇ neˇ mawˇ kawˇ tehˆ-awˇ, aˬ yawꞈ maꞈ uˬ duˬ tahˬ-euˬ meh.


Uˬ ciꞈ nah gʼahˇ maˬ-ehˇ, aˬ yawꞈ maꞈ gaˇ ma doˆ-iˇ nya ni, nah gʼahˇ paw aˬ yawꞈ maꞈ-ahˇ gaˇ ma mehˬ-eu gʼaˇ duˬ, mˬ dmˇ kʼawˇ zeuˇ laꞈ kʼoeˇ, Sahˬpaˬ Miˬyehˇ aˬ yawꞈ maꞈ-euˬ mehˬ hu iˇ-awˇ, uˬ ciꞈ paw miˬ dzaˬ kʼawˇ zeuˇ laꞈ kʼoeˇ aˬ yawꞈ maꞈ-euˬ meh hu aˬ yawꞈ iˇ-eu laꞈ kʼoeˇ, aˬ yawꞈ maꞈ-ahˇ yaw shehꞈ bya nehˬ-euˬ meh.


Aˬ yawꞈ maꞈ Moˇseˬ-ahˇ ehˇ-eu, “Iˇjiˇtuˆ miˇ kʼahˬ-ahˇ lmˬ bymˇ maˬ jaˆ-eu miˇ neh, bawˇ tsahˬ bawˇ dahˇ laꞈ kʼoeˇ bi shiˇ-eu lehˇ, nga maꞈ-ahˇ nawˇ heu gaˇ sheuꞈ leꞈ teˬ loˇ. Nga maꞈ-ahˇ nawˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ leꞈ-euˬ miˇ neh aˬ jeˬ keuˆ le-euˬ nga lehˇ haw sheˇ.


Iˇsaˬleˬlaˆ tsawˇ haˬ deuˬ aˬ yawꞈ nyaꞈ-ahˇ ehˇ nehˬ-eu, “Iˇjiˇtuˆ miˇ kʼahˬ laꞈ kʼoeˇ, Sahˬpaˬ Miˬyehˇ nga maꞈ-ahˇ bi shiˇ laꞈ law nmˇ-aˬ, muiˬ dzehˬ tehꞈ-a. Nga maꞈ kʼoeˇ gaˇ jawˇ ngeh, saˇ suˬ ni nuiˇ-awˇ hawˬ ya dzaˬ-euˬ ma. Shaˬ jiˇ hawˇ-eu nui jeˬ nui jeˇ kʼawꞈ, yawˬ ha kʼaˇ dzaˬ mawꞈ-eu loꞈ-ehˇ dzaˬ-euˬ ma. Ehˇ kʼawꞈ, naw nyaꞈ-aˬ, nga maꞈ bi mehꞈ sehꞈ jiˇ-eu lehˇ bawˇ tsahˬ bawˇ dahˇ laꞈ kʼoeˇ sheuˬ ahˇ laꞈ-euˬ ngaˇ.”


Ngaˇ uˬ taꞈ, yawˬ ha-euˬ gʼaˇ duˬ, pyuˇ neh maˬ ehˇ, shuiˇ neh maˬ ehˇ, miˬyehˇ tehˆ-awˇ, naw maꞈ uˬ duˬ maˬ ya tahˬ-a.


Moˇseˬ-ahˇ Sahˬpaˬ Miˬyehˇ ehˇ nehˬ-eu, “Gawˬ jawˬ-ahˇ, ngaˇ jawˇ gaˇ daˆ laˇ-awˬ. Nawˇ heu gaˇ laˇ keuˆ-awˇ jawˇ ngeh, Iˇsaˬleˬlaˆ tsawˇ haˬ-ahˇ mehˬ nehˬ tsoˆ nehˬ-eu gʼaˇ duˬ, ngaˬ neh zahˇ dawˬ kʼoꞈ dawˬ boꞈ ahˇ taˬ-euˬ kʼaˬ lo teˇ byaꞈ nyiˬ byaꞈ nawˬ-ahˇ ngaˇ biꞈ ma.”


Gawˬ jawˬ-ahˇ Moˇseˬ daˆ leˇ-awˇ, mˬ dmˇ laꞈ kʼoeˇ le uˇ leꞈ-euˬ meh. Oeˬ tseˇ nah oeˬ tseˇ miˇ keuˆ ni, aˬ yawꞈ kʼoeˇ gaˇ jawˇ-euˬ meh.


Ehˇ kʼawꞈ, Moˇseˬ-aˬ, aˬ yawꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ shaˇ-eu laꞈ kʼoeˇ, heu loꞈ-ehˇ ehˇ-eu meh. “Sahˬpaˬ Miˬyehˇ-oˇ, huiˬ dui dui-eu nawˬ-euˬ baoˬ-ahˇ gʼoe-awˇ, Iˇjiˇtuˆ miˇ kʼahˬ laꞈ kʼoeˇ nawˬ neh ka kʼoꞈ doˆ laꞈ-euˬ nawˬ-eu tsawˇ haˬ deuˬ-ahˇ aˬ jeˬ miˇ neh nawˇ teu naˆ naˆ-ehˇ nui ma pehˇ te.


Aˬloˬ ehˇ-eu, “Ngaˬ-euˬ kʼoeˇ taˆ iˬ baˇ taˬ taˬ. Tsawˇ haˬ heu deuˬ maˬ muiˬ maˬ jaˬ-eu jeˬ aˇ naˆ ni mˇ mawꞈ-eu nawˇ siˬ nya-eu meh.


Aˬ yawꞈ maꞈ ngaˇ jawˇ gaˇ laˇ-awˇ, ‘Aˬ dui maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ laꞈ-euˬ Moˇseˬ heu gʼaˬ-ahˇ aˬ jeˬ gʼeh-euˬ lehˇ maˬ paˇ ehˇ nya ngaˇ. Teu miˇ neh, nga maꞈ gʼaˇ duˬ, nga maꞈ-ahˇ bi sheuˬ gʼeh-eu miˬyehˇ tiˬ gʼaˬ tehˆ nehˬ laꞈ-awˬ’ lehˇ ehˇ laˇ-euˬ meh.


Moˇseˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Yaw kawˇ ma-ehˇ gʼoꞈ ka-iˇ-awˬ. Aˬ jeˬ miˇ neh ehˇ naˇ, Iˇjiˇtuˆ miˇ kʼahˬ laꞈ kʼoeˇ nawˬ neh sheuˬ doˆ laꞈ-euˬ tsawˇ haˬ deuˬ iˬ baˇ mˇ-awˇ ngaˬ-ahˇ puiˬ luꞈ meh.


Byaˬ byaˬ uiˇ hawˇ-eu mawˇ neˇ aˬ coeˇ yoeˇ-eu miˇ kʼahˬ-ahˇ naw maꞈ le-awˬ. Ehˇ kʼawꞈ, naw maꞈ nehˬ-ehˇ ngaˇ maˬ le. Aˬ jeˬ miˇ neh ehˇ naˇ, naw maꞈ nui ma gʼahˇ-eu miˇ neh, gaˇ pehˇ gaˇ laˆ naw maꞈ-ahˇ ngaˇ ya laˆ cawˆ gaˇ keuˆ tehꞈ-a.”


Ehˇ kʼawꞈ, aˬ yawꞈ maꞈ ngaˬ-ahˇ puiˬ-awˇ, ngaˬ-euˬ ehˇ dawˬ maˬ naˇ haˬ geuꞈ-a. Nui daˆ daˆ laˇ paˬ-ehˇ gʼeh-eu aˬ yawꞈ maꞈ-euˬ tahˬ pahˬ aˬ ma mawˇ kawˇ kʼoeˇ deuˬ-ahˇ maˬ biˬ dzeh-ehˇ, nui daˆ daˆ laˇ paˬ-ehˇ gʼeh-eu Iˇjiˇtuˆ miˬyehˇ deuˬ-ahˇ kʼawꞈ, aˬ yawꞈ maꞈ maˬ byehˇ coeˇ-a. Kʼoeˇ gaˇ, Iˇjiˇtuˆ miˇ kʼahˬ laꞈ kʼoeˇ, aˬ yawꞈ maꞈ-ahˇ ngaˬ-euˬ nui ma bi mawˇ-eu lehˇ ngaˇ noeˬ tsehˆ-euˬ ma.


Iˇjiˇtuˆ-ahˇ zaˬ kʼaˆ geuꞈ-eu, Iˇsaˬleˬlaˆ tsawˇ haˬ deuˬ-ahˇ, ka kʼoꞈ-awˇ sheuˬ gʼeh-eu gʼaˇ duˬ, aˬ dui Miˬyehˇ neh kʼehˇ doˆ-euˬ, Bawˇlawˇpeh tiˬ gʼaˬ oe-euˬ meh.


Iˇjiˇtuˆ miˇ kʼahˬ laꞈ kʼoeˇ neh naw maꞈ-ahˇ ngaˇ sheuˬ doˆ laꞈ-euˬ ma. Naw maꞈ aˬ cawˬ zaˬ kʼaˆ geuꞈ luꞈ gaˇ ngaˇ ka kʼoꞈ le-euˬ ma. Naw maꞈ-ahˇ bi sheuˬ gʼeh-eu lehˇ, Moˇseˬ, Aˬloˬ, Miˇliˬyaˬ aˬ ha maꞈ-ahˇ ngaˇ pyehˬ gʼeh leꞈ-euˬ ma.


tsawˇ haˬ heu deuˬ laꞈ kʼoeˇ tiˬ gʼaˬ-iˬ miˇ kʼahˬ kʼoeˇ kʼahˬ laꞈ kʼoeˇ uˇ keuˆ leˇ ngeh keuˆ ni maˬ ya dehꞈ keuˆ-eu jeˬ kʼawꞈ, yaw duˬ baw tehꞈ-a. Ngaˬ-euˬ yaw shehꞈ kʼahˬ sehˇ laꞈ kʼoeˇ ngaˇ jawˇ luꞈ-eu jeˬ-ahˇ maˬ ehˇ, Iˇjiˇtuˆ miˇ kʼahˬ laꞈ kʼoeˇ hawˇ-eu bawˇ tsahˬ bawˇ dahˇ laꞈ kʼoeˇ ngaˬ neh mˇ-euˬ zahˬ leˇ paˬ-ehˇ gʼeh-eu jeˬ-ahˇ maˬ ehˇ, aˬ yawꞈ maꞈ ya mawˇ gʼaˬ-euˬ kʼawꞈ, ngaˬ-euˬ oˇ oꞈ nya-eu nui ma-ahˇ aˬ yawꞈ maꞈ tiˬ poˆ saˇ-iˬ tiˬ poˆ lawˬ haw-awˇ, ngaˬ-euˬ ehˇ dawˬ-ahˇ maˬ naˇ haˬ geuꞈ-a.


Smˇ kʼoeˬ kʼoeˬ laˇ-eu aˇ yamˬ-ahˇ nymˇ sahˇ gʼaˬ siˬ nya law nmˇ-aˬ, smˇ kʼoeˬ-ahˇ iˇ kahˇ laꞈ kʼoeˇ maˬ bi uˇ keuˆ laˇ ni, yaw beuˇ beuˇ-ehˇ jawˇ-awˇ loꞈ kʼmˬ taˬ-eu yaw duˬ baw tehꞈ-a lehˇ naw maꞈ siˬ nya meh.


Ehˇ kʼawꞈ, aˬ yawꞈ maˬ muiˬ-eu zaˬ kʼaˆ pyeuꞈ lawˬ naˇ, ‘Ngaˬ-euˬ baw leˬ yaw awˬ awˬ-ehˇ maˬ gʼoꞈ le-aˇ’ lehˇ, yawˬ haˇ yawˬ ha ehˇ tehꞈ-a.


Aˬ dui-aˬ, Miˬyehˇ-euˬ zaˬ pyeuꞈ-eu miˇ neh, Miˬyehˇ-aˬ, tsawˇ haˬ zaˬ-euˬ zaˬ siˬ tsawˇ gahˇ neh noeˬ doˆ-awˇ jahˇ taˬ-euˬ shuiˇ mawˇ kawˇ, pyuˇ mawˇ kawˇ, kʼaˬ lo mawˇ kawˇ heu deuˬ-ahˇ duˇ tehꞈ-a lehˇ aˬ dui noeˬ-eu maˬ tsaˬ-a.


Nymˬ-mˇ, Pawˇluˆ lehˇ kuˇ-eu tsawˇ haˬ kʼoeˇ gʼaˬ aˬ jeˬ ehˇ luꞈ-eu gaˇ kawˆ naw maꞈ ya siˬ ya mawˇ luꞈ meh. Tsawˇ haˬ zaˬ-euˬ aˬ laꞈ neh jahˇ-euˬ miˬ yehˇ-aˬ, miˬ yehˇ maˬ ngeuˇ-a lehˇ ehˇ ehˇ-ehˇ, Eˇpeˇsu meuˬ heu meuˬ laꞈ kʼoeˇ tehꞈ-ehˇ maˬ ngeuˇ-ehˇ, Aˬshaˆ miˇ kʼahˬ kʼahˬ lah ni ehˇ gʼaˬ ni tsawˇ haˬ gʼawˬ mya ni nui ma paˇ laˇ ni aˬ yawꞈ neh laˆ jah jiˇ taˬ-euˬ meh.


Kʼoeˇ miˇ neh, ‘Nga maꞈ-ahˇ mehˬ hu paw bi sheuˬ gʼeh-eu gʼaˇ duˬ, Miˬyehˇ tiˬ deuˬ tehˆ nehˬ laꞈ-awˬ. Nga maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ laꞈ-euˬ Moˇseˬ kʼoeˇ gʼaˬ aˬ jeˬ gʼeh-euˬ maˬ siˬ miˇ-a’ lehˇ, Aˬloˬ-ahˇ aˬ yawꞈ maꞈ ehˇ nehˬ-euˬ meh.


Sahˬpaˬ Miˬyehˇ aˬ yawꞈ nawˬ nehˬ-ehˇ jawˇ-awˇ, nawˬ-ahˇ sheuˬ gʼeh tehꞈ-a. Aˬ yawꞈ nawˬ-ahˇ byehˇ dzeh-awˇ maˬ bi jawˇ-aˇ. Teu miˇ neh, gʼaˬ baˬ-awˇ guˆ-eu nui ma taˬ bi ahˇ.”


“Iˇsaˬleˬlaˆ tsawˇ haˬ deuˬ-oˇ, naˇ haˬ sheˇ. Iˬ nah naw maꞈ Yawˇdaˬ lawˇ baˬ tsehˆ-awˇ, naw maꞈ myaˆ maˬ tseˇ myaˬ dzehˬ-awˇ baoˬ huiˬ dzehˬ-eu tsawˇ jeuˬ deuˬ-euˬ miˇ kʼahˬ-ahˇ deuˆ geuꞈ leˇ-eu aˇ yamˬ peh laˇ-euˬ meh.


Sahˬpaˬ Miˬyehˇ neh naw maꞈ nehˬ-ehˇ dzaˬ-euˬ dawˬ ma saˇ jaˇ boꞈ taˬ-euˬ kʼaˬ lo teˇ byaꞈ laˬ leˇ-eu gʼaˇ duˬ, Siˇnaˆ gawˬ jawˬ-ahˇ ngaˇ daˆ leˇ-euˬ ma. Oeˬ tseˇ nah oeˬ tseˇ miˇ keuˆ ni, tiˬ jeˬ-iˬ maˬ dzaˬ maˬ dawˇ-ehˇ, kʼoeˇ gaˇ ngaˇ jawˇ-euˬ ma.


Tuˇ-awˬ. Iˇsaˬleˬlaˆ tsawˇ haˬ deuˬ-ahˇ gʼawˇ mawˇ shawˇ-eu zahˇ jahˇ nehˬ-awˇ, ngaˇ jawˇ gaˇ laˇ-eu gʼaˇ duˬ bi lehˬ hmˬ dah-awˬ. Ni shawˬ nah lehˬ hmˬ dah taˬ-awˬ lehˇ aˬ yawꞈ maꞈ-ahˇ ehˇ nehˬ-awˬ. Aˬ jeˬ miˇ neh ehˇ naˇ, Iˇsaˬleˬlaˆ tsawˇ jeuˬ-euˬ Miˬyehˇ, Sahˬpaˬ Miˬyehˇ pyeuꞈ-eu ngaˇ heu loꞈ-ehˇ ehˇ paˬ-ehˇ gʼeh-eu jeˬ jaˆ-eu ma. ‘Iˇsaˬleˬlaˆ tsawˇ jeuˬ-oˇ. Ngaˬ neh ya laˆ luˬ ya laˆ seˇ meh lehˇ ehˇ taˬ-euˬ myawˬ tiˬ deuˬ na, naw maꞈ-euˬ myawˬ gahˬ nehˬ-ehˇ jaˆ luꞈ meh. Myawˬ kʼoeˇ deuˬ naw maꞈ nehˬ-ehˇ kʼaˇ jaˆ kʼoeˇ keuˆ ni, muiˇ-eu deuˬ-ahˇ naw maꞈ guiˇ maˬ deuˆ gʼaˬ nya-a’ lehˇ ehˇ nehˬ paˬ-ehˇ jaˆ-eu ma.


Aˬ yawꞈ maꞈ naw maꞈ-ahˇ heu loꞈ-ehˇ naˇ haˬ laˇ tehꞈ-a. “Aˬ yawꞈ zaꞈ le ma lehˇ saˇ jaˇ dzaˬ taˬ-euˬ maˬ ngeuˇ-a loˇ. Aˬ yawꞈ zaꞈ le-euˬ aˬ lehˬ. Aˬ dui-euˬ aˬ poeˬ aˬ bawˇ deuˬ shiˇ dzeuˇ jiˇ-euˬ kʼawꞈ, miˇ tsaˬ tahˬ kʼawˇ heu tiˬ jeˬ-iˬ maˬ paˇ laˇ nya ni, kʼaˇ beh taˬ-euˬ loꞈ-ehˇ jaˆ luꞈ-eu maˬ ngeuˇ-a loˇ.”


Lean sinn:

Sanasan


Sanasan