Doˆ-iˇ 20:1 - Akha

¹ Kʼoeˇ naˇ, Miˬyehˇ heu loꞈ-ehˇ ehˇ-eu meh.

Doˆ-iˇ 20:1 Iomraidhean Croise

Neˬhaˬmiˇ 9:13

Siˇnaˆ gawˬ jawˬ kʼoeˇ taˆ mˬ-ahˇ neh nawˇ oe-awˇ, nawˬ-euˬ tsawˇ jeuˬ-ahˇ dawˬ ngehˬ cawˬ le-awˇ, muiˬ-eu tsaˬ-eu zahˇ sahˇ kʼoꞈ dawˬ kawˬ deuˬ, aˬ yawꞈ maꞈ-ahˇ nawˇ biꞈ le-euˬ meh.

Doˆ-iˇ 19:25

Kʼoeˇ naˇ, Iˇsaˬleˬlaˆ tsawˇ haˬ deuˬ jawˇ gaˇ Moˇseˬ zaꞈ ka-iˇ-awˇ, Sahˬpaˬ Miˬyehˇ neh aˬ yawꞈ-ahˇ kʼaˇ ehˇ nehˬ-euˬ jeˬ, aˬ yawꞈ maꞈ-ahˇ dzawˇ nehˬ-euˬ meh.

Doˆ-iˇ 20:2

“Ngaˇ-aˬ, nawˇ aˬ cawˬ zaˬ kʼaˆ ya geuꞈ luꞈ-eu Iˇjiˇtuˆ miˇ kʼahˬ laꞈ kʼoeˇ neh, nawˬ-ahˇ sheuˬ doˆ nehˬ-euˬ nawˬ-euˬ Miˬyehˇ pyeuꞈ-eu Sahˬpaˬ Miˬyehˇ ma.

Gʼaˬkʼehˇ 7:38

Iˇsaˬleˬlaˆ tsawˇ haˬ deuˬ bawˇ tsahˬ bawˇ dahˇ kʼaˇ shuiꞈ deh yaˇ-ahˇ uiˬ leˇ-awˇ jawˇ ngeh, aˬ yawꞈ maꞈ nehˬ-ehˇ jawˇ-euˬ kʼoeˇ gʼaˬ Moˇseˬ meh. Aˬ dui-euˬ aˬ poeˬ aˬ bawˇ deuˬ nehˬ-ehˇ jawˇ-euˬ kʼoeˇ gʼaˬ aˬ yawꞈ meh. Siˇnaˆ Gawˬ jawˬ-ahˇ mˬ taˆ gʼaˬ kʼehˇ dawˬ ngehˬ cawˬ le ngeh jawˇ-euˬ gʼaˬ kʼawꞈ, aˬ yawꞈ meh. Aˬ dui-ahˇ biꞈ-eu gʼaˇ duˬ Miˬyehˇ dawˬ kawˬ za-euˬ gʼaˬ kʼawꞈ, aˬ yawꞈ meh.

Gʼaˬkʼehˇ 7:53

Mˬ taˆ gʼaˬ kʼehˇ neh biꞈ le-euˬ Miˬyehˇ-euˬ zahˇ dawˬ kʼoꞈ dawˬ-ahˇ za-euˬ tsawˇ haˬ deuˬ-aˬ, naw maꞈ meh. Ehˇ kʼawꞈ, zahˇ dawˬ kʼoꞈ dawˬ kʼoeˇ-ahˇ naw maꞈ maˬ naˇ haˬ geuꞈ-a.”

Dawˬmehˬ 10:4

Kʼoeˇ ngeh, yaw beh poˆ boꞈ-euˬ dawˬ deuˬ pyeuꞈ-eu, gawˬ jawˬ dawˬ peh naw maꞈ uiˬ leˇ-awˇ jawˇ ngeh nah, miˬ dzaˬ laꞈ kʼoeˇ Sahˬpaˬ Miˬyehˇ naw maꞈ-ahˇ dawˬ ngehˬ cawˬ ngeh nah biꞈ laꞈ-euˬ Zahˇ dawˬ kʼoꞈ dawˬ kʼoeˇ Tseˇ dawˬ, kʼaˬ lo teˇ byaꞈ kʼoeˇ taˆ aˬ yawꞈ paˇ boꞈ poˆ-awˇ, kʼaˬ lo teˇ byaꞈ kʼoeˇ nyiˬ byaꞈ aˬ yawˬ ngaˬ-ahˇ biꞈ laꞈ-euˬ meh.

Dawˬmehˬ 4:33

Naw maꞈ loꞈ-ehˇ miˬ dzaˬ laꞈ kʼoeˇ miˬ yehˇ dawˬ ngehˬ gaˇ ya gaˬ haw-awˇ, maˬ shiˇ ni dehꞈ-euˬ tsawˇ haˬ jawˇ meh loˇ.

Dawˬmehˬ 4:36

Mˬ kʼoeˇ taˆ neh aˬ yawꞈ-euˬ teˇ saˇ bi gaˬ le-awˇ, naw maꞈ-ahˇ aˬ yawꞈ mehˬ nehˬ tsoˆ nehˬ-awˇ, miˇ tsaˬ kʼoeˇ taˆ aˬ yawꞈ-euˬ muiˬ-eu shawˇ-eu miˬ dzaˬ naw maꞈ-ahˇ bi mawˇ-awˇ, kʼoeˇ laꞈ kʼoeˇ naw maꞈ-ahˇ dawˬ ngehˬ cawˬ-euˬ meh.

Dawˬmehˬ 5:22

“Heu-aˬ, gawˬ jawˬ dawˬ peh naw maꞈ uiˬ leˇ-awˇ jawˇ ngeh, naw maꞈ dawˬ tawˆ luꞈ-ahˇ Sahˬpaˬ Miˬyehˇ neh biꞈ-euˬ zahˇ dawˬ kʼoꞈ dawˬ deuˬ meh. Miˬ dzaˬ laꞈ kʼoeˇ hawˇ-eu zahˇ tsui ni gʼeh-eu mˬ dmˇ laꞈ kʼoeˇ, aˬ yawꞈ-euˬ baoˬ huiˬ-eu teˇ saˇ dawˬ ngehˬ doˆ laˇ ngeh, zahˇ dawˬ kʼoꞈ dawˬ heu deuˬ tehꞈ-ehˇ biꞈ laꞈ-euˬ meh. Kʼoeˇ naˇ, kʼaˬ lo teˇ byaꞈ nyiˬ byaꞈ kʼoeˇ taˆ zahˇ dawˬ kʼoꞈ dawˬ heu deuˬ aˬ yawꞈ boꞈ-awˇ, ngaˬ-ahˇ biꞈ laꞈ-euˬ meh.

Dawˬmehˬ 5:4

Gawˬ jawˬ kʼoeˇ jawˬ kʼoeˇ taˆ, miˬ dzaˬ laꞈ kʼoeˇ Sahˬpaˬ Miˬyehˇ naw maꞈ-ahˇ myaˆ pyawˬ ciˬ daˬ-awˇ dawˬ ngehˬ cawˬ-euˬ meh.

Dawˬmehˬ 5:6

“Ngaˇ-aˬ, naw maꞈ aˬ cawˬ zaˬ kʼaˆ ya geuꞈ luꞈ-eu Iˇjiˇtuˆ miˇ kʼahˬ laꞈ kʼoeˇ neh naw maꞈ-ahˇ ka kʼoꞈ-euˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ma.