Doˆ-iˇ 17:8 - Akha

⁸ Aˬmaˬlehˇ tsawˇ haˬ deuˬ oe-awˇ, Leˬpiˇdeˬ lehˇ kuˇ-eu jawˇ duˬ-ahˇ, Iˇsaˬleˬlaˆ tsawˇ haˬ deuˬ-ahˇ guiˇ deuˆ le-euˬ meh.

Doˆ-iˇ 17:8 Iomraidhean Croise

1 Saˬmeuˬlaˆ 15:2

Aˬmaˬlehˇ tsawˇ jeuˬ-ahˇ Sahˬpaˬ Miˬyehˇ kʼehˬ nehˬ-eu lehˇ gʼeh-eu meh. Aˬ jeˬ miˇ neh ehˇ naˇ, Iˇsaˬleˬlaˆ tsawˇ haˬ deuˬ Iˇjiˇtuˆ miˇ kʼahˬ laꞈ kʼoeˇ neh doˆ laˇ ngeh, Aˬmaˬlehˇ tsawˇ haˬ-euˬ aˬ poeˬ aˬ bawˇ deuˬ gaˇ ma-ahˇ loꞈ tsoeˬ-euˬ meh.

Aˇ dahˬ 36:12

Kʼoeˇ uˬ taꞈ, Eˇliˇpaˬ-euˬ ma nyiˇ Tmˇnaˬ o neh, Aˬmaˬlehˇ lehˇ myahˇ-euˬ aˬ li tiˬ li jawˇ le-euˬ meh. Kʼoeˇ taˆ paw ehˇ dzeuˇ yaꞈ-euˬ tsawˇ haˬ heu deuˬ-aˬ, Iˇsawˇ-euˬ miˬ zaˬ Aˬdaˇ-euˬ aˬ li deuˬ pyeuꞈ-eu meh.

1 Saˬmeuˬlaˆ 30:1

Nyiˬ nah byah laˇ ngeh, Daˬbiˇ hawˇ-eu aˬ yawꞈ-euˬ tsawˇ haˬ deuˬ Ziˇkaˬlehˆ meuˬ-ahˇ gʼoꞈ keuˆ-iˇ-euˬ meh. Aˬmaˬlehˇ tsawˇ haˬ deuˬ Yuˇdaˆ miˇ kʼahˬ laꞈ oˆ paw dzaˬ-ahˇ guiˇ deuˆ le-awˇ, Ziˇkaˬlehˆ meuˬ-ahˇ miˬ dzaˬ keuˬ dzeh yaꞈ-euˬ meh.

Bawˇtsahˬ 24:20

Kʼoeˇ naˇ, Aˬmaˬlehˇ tsawˇ haˬ deuˬ-ahˇ yaw sahˇ laꞈ kʼoeˇ Baˬlamˬ ya mawˇ-awˇ, Miˬyehˇ gʼaˇ duˬ ngehˬ dah-eu laꞈ kʼoeˇ heu loꞈ-ehˇ ehˇ-eu meh. “Aˬmaˬlehˇ miˇ kʼahˬ-aˬ, aˬ cawˬ naˆ maˬ tseˇ baoˬ huiˬ-eu miˇ kʼahˬ pyeuꞈ kʼawꞈ, Aˇ saˬ saˬ laˇ ngeh, mˬ maˬ maˬ byaˆ zaˇ ziˇ ya cawˆ-iˇ tehꞈ-a.”

Jaceuq 83:7

Geˬbaˬlaˆ tsawˇ jeuˬ, Aˬmoˬ tsawˇ jeuˬ, Aˬmaˬlehˇ tsawˇ jeuˬ, Piˇtiˇtiˆ tsawˇ jeuˬ hawˇ-eu Duˇlu tsawˇ jeuˬ maˬ ehˇ,

Aˇ dahˬ 36:16

Kawˇlaˆ tsawˇ jeuˬ, Gaˬtmˬ tsawˇ jeuˬ, Aˬmaˬlehˇ tsawˇ jeuˬ, heu deuˬ-euˬ aˬ da yaw dzahˇ pyeuꞈ-eu meh. Heu deuˬ dawˬ tawˆ luꞈ, Iˇsawˇ-euˬ miˬ zaˬ Aˬdaˇ gʼaˬ o neh jeuˬ le o le-euˬ tsawˇ jeuˬ tsawˇ ca deuˬ pyeuꞈ-eu meh.

Doˆ-iˇ 17:1

Iˇsaˬleˬlaˆ tsawˇ haˬ aˇ maꞈ maꞈ lah ni, Siˬ lehˇ kuˇ-eu bawˇ tsahˬ bawˇ dahˇ-ahˇ neh doˆ-iˇ-awˇ, Sahˬpaˬ Miˬyehˇ neh aˬ yawꞈ maˬ-ahˇ bi iˇ-euˬ loꞈ-ehˇ, mehˬ hu paw tiˬ gaˇ saˇ-iˬ tiˬ gaˇ iˇ gʼeh-euˬ meh. Aˬ yawꞈ maꞈ-aˬ, Leˬpiˇdeˬ lehˇ kuˇ-eu jawˇ duˬ-ahˇ sehˬ gʼawˆ gʼawˆ-awˇ naˬ-euˬ meh. Ehˇ kʼawꞈ, jawˇ duˬ kʼoeˇ tsahˇ-ahˇ, aˬ yawꞈ maꞈ dawˇ-eu gʼaˇ duˬ iˇ cuꞈ maˬ jaˆ-a.

1 Saˬmeuˬlaˆ 27:8

Aˇ nah aˇ yamˬ kʼoeˇ yamˬ laꞈ kʼoeˇ, miˇ tsaˬ kʼoeˇ tsahˇ-ahˇ gʼawˬ myahˇ ni jawˇ keuˆ laꞈ-euˬ tsawˇ haˬ deuˬ pyeuꞈ-eu, Geˬshuˇlaˆ tsawˇ jeuˬ, Geˬlaˬziˇ tsawˇ jeuˬ, Aˬmaˬlehˇ tsawˇ jeuˬ kʼoeˇ deuˬ-ahˇ, Daˬbiˇ hawˇ-eu aˬ yawꞈ-euˬ tsawˇ haˬ deuˬ guiˇ deuˆ-euˬ meh. Shuˇyaˆ meuˬ-ahˇ neh Iˇjiˇtuˆ miˇ kʼahˬ-ahˇ tuˆ ni, aˬ yawꞈ maꞈ-euˬ miˇ kʼahˬ-ahˇ Daˬbiˇ guiˇ deuˆ-euˬ meh.

Aˇ dahˬ 14:7

Kʼoeˇ naˇ, aˬ yawꞈ maꞈ naˇ kʼah paw paˇ gʼoꞈ kʼoꞈ laˇ-awˇ, Kaˬdeˬshaˇ meuˬ-ahˇ iˇ-euˬ meh. Kʼoeˇ ngeh yamˬ-ahˇ, Kaˬdeˬshaˇ meuˬ-ahˇ Eˬmiˇshaˬpaˇ meuˬ lehˇ kuˇ-euˬ meh. Aˬ yawꞈ maꞈ-aˬ, Aˬmaˬlehˇ miˇ kʼahˬ kʼahˬ lah ni-ahˇ maˬ ehˇ, Haˬzaˬzoˇdaˬ -maˇ meuˬ-ahˇ jawˇ-eu Aˬmawˇliˆ tsawˇ jeuˬ-ahˇ maˬ ehˇ, deuˆ gʼaˬ-euˬ meh.

Bawˇtsahˬ 13:29

Aˬmaˬlehˇ tsawˇ haˬ deuˬ miˇ kʼahˬ kʼoeˇ kʼahˬ laꞈ oˆ dzaˬ-ahˇ jawˇ luꞈ-eu meh. Heˬtaˆ tsawˇ jeuˬ, Yeˬbuˇ tsawˇ jeuˬ hawˇ-eu Aˬmawˇliˆ tsawˇ jeuˬ deuˬ-aˬ, gawˬ jawˬ gawˬ duˇ-ahˇ jawˇ-awˇ, Kaˬnaˬ tsawˇ jeuˬ-aˬ, Gʼahˇ ceh-euˬ Iˬ ma laˆ shaˆ-euˬ dawˬ peh Yawˇdaˬ lawˇ baˬ caw caw-ehˇ jawˇ-eu meh.”

Yaˇ kʼaˬ daˇ 6:3

Iˇsaˬleˬlaˆ tsawˇ haˬ deuˬ siˬ yoeˬ kʼaˇ sehˬ ngeh, Miˇdiˬyaˬ tsawˇ haˬ deuˬ bawˇ tsahˬ bawˇ dahˇ-ahˇ jawˇ-eu Aˬmaˬlehˇ tsawˇ haˬ deuˬ nehˬ-ehˇ oe-awˇ, Iˇsaˬleˬlaˆ tsawˇ haˬ deuˬ-ahˇ guiˇ deuˆ le-euˬ meh.

1 Saˬmeuˬlaˆ 14:48

Aˬ yawꞈ kʼaˬ duˬ ni guiˇ deuˆ-eu laꞈ kʼoeˇ, Aˬmaˬlehˇ tsawˇ haˬ deuˬ-ahˇ kʼawꞈ deuˆ gʼaˬ-euˬ meh. Guiˇ kʼaˇ deuˆ le-eu tsawˇ jeuˬ deuˬ-euˬ aˬ laꞈ laꞈ kʼoeˇ, Iˇsaˬleˬlaˆ tsawˇ haˬ deuˬ-ahˇ aˬ yawꞈ ka kʼoꞈ nehˬ-euˬ meh.