Doˆ-iˇ 15:8 - Akha

⁸ Nawˬ-euˬ saꞈ neh iˬ ma laˆ shaˆ iˇ cuꞈ jehˆ bymˇ baw bymˇ-awˇ, gʼawˬ mahˇ ni bi goˇ laˇ-euˬ meh. Iˇ cuꞈ kaˇ pyawˇ pyawˇ-iˇ-awˇ, naꞈ dui dui-eu iˬ ma laˆ shaˆ gʼahˇ tseuˆ ni pyeuꞈ-iˇ-euˬ meh.

Doˆ-iˇ 15:8 Iomraidhean Croise

2 Saˬmeuˬlaˆ 22:16

Aˬ yawꞈ-ahˇ muiˇ-eu tsawˇ haˬ-ahˇ, Sahˬpaˬ Miˬyehˇ lmˬ doˆ laˇ-awˇ, naˇ mehˇ naˇ saꞈ baw dzeh leꞈ ngeh, laˆ shaˆ duˬ kʼawꞈ mawˇ jiˇ laˇ-awˇ, miˇ tsaˬ dawˬ peh duˬ puˇ dawˬ tawˆ, neˇ myawˆ ni mawˇ jiˇ laˇ tehꞈ-a.

Yawˇbaˆ 4:9

Miˬyehˇ nui ma pehˇ-eu laꞈ kʼoeˇ jaˬ lehˇ lehˇ ma baw-eu loꞈ-ehˇ aˬ yawꞈ maꞈ-ahˇ laˆ cawˆ-eu meh.

Jaceuq 33:7

Maˇtsaꞈ-ahˇ kʼaˇahˇ-eu loꞈ-ehˇ, laˆshaˆiˇcuꞈlaˆuiˬjiˇ-awˇ, yaw naꞈ-ahˇpiˬlahˇtaˬ-euˬmeh.

Jaceuq 78:13

Iˬ ma laˆ shaˆ-ahˇ aˬ yawꞈ dehˬ paˆ-awˇ, aˬ yawꞈ maꞈ-ahˇ sheuˬ doˆ nehˬ-eu laꞈ kʼoeˇ, iˇ cuꞈ-ahˇ kaˇ pyawˇ loꞈ-ehˇ aˬ yawꞈ bi jaˆ-euˬ meh.

Doˆ-iˇ 14:29

Ehˇ kʼawꞈ, Iˇsaˬleˬlaˆ tsawˇ haˬ deuˬ-aˬ, kaˇ pyawˇ loꞈ-ehˇ nyiˬ paw paˆ luꞈ iˇ cuꞈ dahˬ goˇ taˬ-euˬ gʼahˇ ceh, gui coˇ ni gʼeh-eu miˇ tsaˬ-ahˇ nawˬ-awˇ, iˬ ma laˆ shaˆ cehˆ doˆ-euˬ meh.

Iˇsaˬyaˇ 11:4

Iˇ shaˬ zaˬ-ahˇ yaw tsaˬ yaw dawˇ jeˬ bi mawˇ-awˇ, zaˬ coeˬ zaˬ-ahˇ di dehˬ ni haw tehꞈ-a. Aˬ yawꞈ kʼaˬ meh dawˬ ngehˬ dawˬ tmˇ, miˇ tsaˬ zaˬ-ahˇ daˇ cuiˇ sheu juiꞈ nya-awˇ, aˬ yawꞈ mehˬ luˬ-ahˇ gʼawˇ-eu saꞈ, yaw haiˬ deuˬ-ahˇ sehꞈ dzeh tehꞈ-a.

Iˇsaˬyaˇ 37:7

Sahˬ paˬ kʼoeˇ gʼaˬ aˬ yawꞈ-euˬ miˇ kʼahˬ-ahˇ maˬ gʼoꞈ leˇ-ehˇ maˬ jawˇ tehˬ nya ni, gaˇ kawˆ gʼawˬ mya jeˬ aˬ yawꞈ-euˬ naˬ bawˇ-ahˇ bi gaˬ le-awˇ, aˬ yawꞈ-euˬ miˇ kʼahˬ laꞈ kʼoeˇ aˬ yawꞈ-ahˇ bi sehꞈ ni Sahˬpaˬ Miˬyehˇ jahˇ tehꞈ-a.”

Haˬbaˬkuˆ 3:10

Gawˬ jawˬ deuˬ nawˬ-ahˇ ya mawˇ ngeh, guˆ dui dui-awˇ yaw dzuˬ dzuˬ meh. Mˬ-ahˇ iˇ cuꞈ shehˆ dzeh leꞈ-awˇ, miˇ oˆ iˇ cuꞈ teˇ saˇ mahˇ-awˇ, iˇ luˆ dzeh goˇ daˆ leꞈ-eu meh.

Haˬbaˬkuˆ 3:15

Iˬ ma laˆ shaˆ iˇ cuꞈ kʼoeˇ taˆ, nawˇ mahˬ pyehˬ teh sehˇ doˆ gʼeh ngeh, boeˇ loeˇ yoˆ yoˆ-ehˇ jaˆ-eu meh.

2 Teˇsaˬloˇni 2:8

Kʼoeˇ ngeh jawˇ, Haiˬ dui dui-eu gʼaˬ-ahˇ bya cehˆ ni ya mawˇ tehꞈ-a. Ehˇ kʼawꞈ, Sahˬpaˬ Yeˬsuˇ oe ngeh a yawꞈ-euˬ kʼaˬ meh-euˬ saꞈ neh Haiˬ dui dui-eu Gʼaˬ-ahˇ baw sehꞈ-awˇ, aˬ yawꞈ-euˬ yaw sehꞈ kʼahˬ sehˇ naˇ guiˇ guiˇ-eu kʼoeˇ neh laˆ piˬ laˆ byoˆ nehˬ tehꞈ-a.

Yawˇshuˆ 3:13

Miˇ tsaˬ dawˬ tawˆ luꞈ-ahˇ uˆ lahˇ-eu Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ baꞈ luꞈ-eu piˇ ma deuˬ iˇ cuꞈ-ahˇ aˬ kuiˇ cawˬ puꞈ ngeh, Yawˇdaˬ lawˇ baˬ iˇ cuꞈ yoeˇ-eu naˬ leˇ-awˇ, yoeˇ ka luꞈ-eu iˇ cuꞈ deuˬ tiˬ gaˇ tehꞈ-ehˇ dahˬ goˇ leꞈ tehꞈ-a.”

Yawˇshuˆ 3:16

iˇ cuꞈ yoeˇ-eu naˬ leˇ-awˇ, Zaˬleˬdaˬ dawˬ peh jaˆ-eu Aˬdaˬ meuˬ-ahˇ keuˆ ni dahˬ goˇ daˆ leꞈ-euˬ meh. Shiˇ-eu iˬ ma laˆ shaˆ paw yoeˇ ka-eu iˇ cuꞈ tsiˇ jaˆ ni tsiˇ leˇ-awˇ, Iˇsaˬleˬlaˆ tsawˇ haˬ deuˬ Yeˬliˇkoˇ meuˬ dawˬ peh lawˇ baˬ tsehˆ doˆ nya-euˬ meh.