Doˆ-iˇ 1:11 - Akha

¹¹ Kʼoeˇ miˇ neh, aˬ yawꞈ maꞈ-ahˇ gaˇ yaw kʼaˆ-ehˇ bi mˇ-awˇ, nui ma bi cawˆ-iˇ-eu gʼaˇ duˬ, zaˬ kʼaˆ deuˬ gaˇ mˇ gaˇ haw-eu tsawˇ haˬ deuˬ-eu aˬ laꞈ laꞈ kʼoeˇ a nehˬ-euˬ meh. Sahˬ paˬ-euˬ myawˬ taˬ-eu gʼaˇ duˬ, Piˇdmˬ hawˇ-eu Laˬmaˬsehˇ meuˬ aˬ yawꞈ maꞈ ya tso-eu meh.

Doˆ-iˇ 1:11 Iomraidhean Croise

Aˇ dahˬ 15:13

Aˬ yawꞈ-ahˇ Sahˬpaˬ Miˬyehˇ ehˇ nehˬ-eu, “Nawˬ-euˬ zaˬ nawˬ-euˬ uˆ deuˬ, aˬ cawˬ miˇ kʼahˬ laꞈ kʼoeˇ boeˇ miˬ siˬ kʼaˬ loꞈ-ehˇ ya jawˇ tehꞈ-a. Oeˬ yaˇ kʼoꞈ keuˆ ni aˬ yawꞈ maꞈ aˬ cawˬ zaˬ kʼaˆ ya geuꞈ-awˇ, aˬ cawˬ kʼehˬ nehˬ kʼaˆ nehˬ gaˇ ya daˬ tehꞈ-a.

Aˇ dahˬ 47:11

Kʼoeˇ naˇ, Yoˇsehˆ-aˬ, sahˬ paˬ neh aˬ yawꞈ-ahˇ ehˇ nehˬ-euˬ loꞈ-ehˇ, aˬ yawꞈ-euˬ aˬ da hawˇ-eu aˬ yawꞈ-euˬ mehˇ nmˇ deuˬ-ahˇ, Iˇjiˇtuˆ miˇ kʼahˬ laꞈ kʼoeˇ aˬ cawˬ naˆ maˬ tseˇ muiˬ-eu jawˇ duˬ pyeuꞈ-eu, Laˬmaˬsehˇ meuˬ dawˬ peh jaˆ-eu miˇ tsaˬ kʼoeˇ tsahˇ-ahˇ jawˇ zaˇ shaˇ nehˬ-euˬ meh.

1 Sahˬpaˬ 9:19

Aˬ yawꞈ-euˬ myawˬ gahˬ deuˬ bi jaˆ-euˬ meuˬ deuˬ, aˬ yawꞈ-euˬ mahˬ deuˬ hawˇ-eu mahˬ laˆ lawˬ deuˬ taˬ-euˬ meuˬ deuˬ, Yeˬluˇsaˬlehˬ meuˬ laꞈ kʼoeˇ maˬ ehˇ, Leˬbaˬnoˬ miˇ kʼahˬ laꞈ kʼoeˇ maˬ ehˇ, aˬ yawꞈ neh kʼaˇ uˆ lahˇ-euˬ miˇ kʼahˬ yawˬ gaˇ na luꞈ maˬ ehˇ, aˬ yawꞈ neh kʼaˇ tsoˆ-euˬ jeˬ hawˇ-eu kʼaˇ mˇ kʼaˇ shaˇ-euˬ jeˬ laꞈ kʼoeˇ, tsawˇ haˬ paˆ-awˇ myawˬ kʼaˆ bi mˇ-euˬ meh.

2 Laˬsaˬbaˬ 16:4

Aˬsaˬ neh ehˇ-euˬ dawˬ-ahˇ Beˬhaˬdaˇ nui ma tsaˬ-awˇ, aˬ yawꞈ-euˬ guiˇ maꞈ deuˬ-ahˇ uˆ lahˇ-eu yaw huiˬ yaw mahˇ deuˬ hawˇ-eu aˬ yawꞈ maꞈ-euˬ guiˇ maꞈ deuˬ-ahˇ pyehˬ gʼeh-awˇ, Iˇsaˬleˬlaˆ miˇ kʼahˬ-ahˇ jaˆ-eu meuˬ deuˬ-ahˇ guiˇ bi deuˆ-iˇ-euˬ meh. Aˬ yawꞈ maꞈ-aˬ, Iˇyoˬ meuˬ, Daˬ meuˬ, Aˬbeˬlaˇbehˬmawˇkah meuˬ hawˇ-eu, dzaˬ dzaˬ dawˇ dawˇ tawˬ uiˬ taˬ-euˬ meuˬ deuˬ pyeuꞈ-eu Naˬtaˬliˇ miˇ kʼahˬ laꞈ kʼoeˇ kʼaˇ jaˆ-euˬ meuˬ dawˬ tawˆ luꞈ-ahˇ deuˆ za-euˬ meh.

2 Laˬsaˬbaˬ 8:4

Kʼaˇ shuiꞈ deh yaˇ-ahˇ jaˆ-eu Paˬlaˬmeˬlaˇ meuˬ-ahˇ kʼawꞈ, meuˬ lahˇ ziꞈ dah ni aˬ yawꞈ gawˬ muiˬ-euˬ meh. Haˬmaˆ gahˬ kaˬ laꞈ kʼoeˇ, myawˬ gahˬ hawˇ-eu dzaˬ dzaˬ dawˇ dawˇ tawˬ taˬ-awˇ jeˬ hmˬ taˬ-eu gʼaˇ duˬ, gʼahˇ ceh tsaˬ-eu meuˬ dawˬ tawˆ luꞈ-ahˇ aˬ yawꞈ tsoˆ muiˬ-euˬ meh.

Jaceuq 105:13

Miˇ gahˬ tiˬ gahˬ saˇ-iˬ tiˬ gahˬ aˬ yawꞈ maꞈ cah doe-awˇ, miˇ kʼahˬ tiˬ kʼahˬ saˇ-iˬ tiˬ kʼahˬ cah paˇ-euˬ meh.

Jaceuq 129:1

Iˇsaˬleˬlaˆ-oˇ, nyiˇ ngeh neh muiˇ-eu deuˬ nawˬ-ahˇ aˬ joˆ-ehˇ kʼehˬ nehˬ laꞈ-euˬ gaˇ kawˆ, nga maꞈ-ahˇ dzawˇ nehˬ laꞈ sheˇ.

Jaceuq 129:2

Ngaˇ nyiˇ ngeh neh muiˇ-eu deuˬ ngaˬ-ahˇ kʼehˬ dui kʼaˆ dui dui nehˬ laꞈ-euˬ meh. Ehˇ kʼawꞈ, ngaˬ-ahˇ maˬ gʼaˬ laˇ-a.

Jaceuq 68:13

Aˬ dahˇ guiˇ nyiˬ ni shuiˇ yaw taˬ-awˇ, gʼawˇ mawˇ pyuˇ yaw taˬ-euˬ kʼaˬ kʼoeˬ mawˇ kawˇ deuˬ aˬ yawꞈ maꞈ biˇ geuꞈ-eu meh. (Aˬ jeˬ miˇ neh naw maꞈ tiˬ paˆ na deuˬ, aˬ cawˬ guiˇ deuˆ-eu tehˬ gʼa luꞈ ngeh, yawˇ kuˆ laꞈ kʼoeˇ jawˇ byoˆ yaꞈ te.)

Jaceuq 81:6

“Nawˬ-euˬ naˇ kʼah daˬ luꞈ-eu kʼaˆ behˆ ngaˇ ciˬ dzeh ma. Nawˬ-euˬ tsaˬ byaˆ kʼaˆ behˆ ngaˇ bi pi taˬ ma.

Doˆ-iˇ 1:14

Iˇsaˬleˬlaˆ tsawˇ haˬ deuˬ-ahˇ aˬ yawꞈ maꞈ gʼawˬ shaˬ maˬ gaˬ ni, nymˇ tsoˆ gaˇ maˬ ehˇ, deh yaˇ mˇ gaˇ maˬ ehˇ, maˬ mˇ coeˇ gaˇ keuˆ ni myawˬ kʼaˆ bi mˇ-euˬ meh.

Doˆ-iˇ 2:11

Moˇseˬ huiˬ loˆ laˇ ngeh jawˇ, aˬ yawꞈ-euˬ tsawˇ jeuˬ pyeuꞈ-eu Heˬbyehˇ tsawˇ haˬ deuˬ jawˇ gaˇ doe doe-ehˇ cah haw-iˇ-awˇ, aˬ yawꞈ maꞈ-ahˇ kʼehˬ-awˇ myawˬ kʼaˆ bi mˇ luꞈ gaˇ ya mawˇ-euˬ meh. Tiˬ nah-aˬ, Iˇjiˇtuˆ tsawˇ haˬ tiˬ gʼaˬ, aˬ yawꞈ-euˬ tsawˇ jeuˬ Heˬbyehˇ tsawˇ haˬ tiˬ gʼaˬ-ahˇ sehꞈ-euˬ gaˇ, aˬ yawꞈ ya mawˇ-euˬ meh.

Doˆ-iˇ 3:7

Kʼoeˇ naˇ, Miˬyehˇ ehˇ-eu, “Iˇjiˇtuˆ miˇ kʼahˬ laꞈ kʼoeˇ, ngaˬ-euˬ tsawˇ haˬ deuˬ-ahˇ aˬ cawˬ aˇ naˆ ni kʼehˬ nehˬ kʼaˆ nehˬ luꞈ-eu ngaˇ ya mawˇ gʼaˬ-euˬ ma. Aˬ yawꞈ maꞈ-ahˇ kʼehˬ luꞈ-eu, zaˬ kʼaˆ-ahˇ gaˇ bi mˇ-eu tsawˇ haˬ deuˬ-euˬ aˬ laꞈ laꞈ kʼoeˇ, aˬ yawꞈ maꞈ-ahˇ ka kʼoꞈ nehˬ laꞈ-awˬ lehˇ ngoeˇ luꞈ-eu teˇ saˇ-ahˇ ngaˇ ya gaˬ gʼaˬ-euˬ ma. Aˬ yawꞈ maꞈ ya daˬ luꞈ-eu jeˬ dawˬ tawˆ luꞈ, ngaˇ siˬ luꞈ mawˇ luꞈ ma.

Doˆ-iˇ 5:10

Zaˬ kʼaˆ-ahˇ uˆ lahˇ-eu deuˬ hawˇ-eu, zaˬ kʼaˆ deuˬ gaˇ mˇ gaˇ haw-eu Iˇsaˬleˬlaˆ tsawˇ haˬ deuˬ doˆ-iˇ-awˇ, Iˇsaˬleˬlaˆ tsawˇ haˬ deuˬ-ahˇ heu loꞈ-ehˇ ehˇ nehˬ-iˇ-euˬ meh. “Naw maꞈ-ahˇ gʼo yoeˬ maˬ paˇ biꞈ ma lehˇ sahˬ paˬ ehˇ-eu meh.

Doˆ-iˇ 5:15

Kʼoeˇ ngeh, gaˇ mˇ gaˇ haw-eu tsawˇ haˬ kʼoeˇ deuˬ sahˬ paˬ jawˇ gaˇ iˇ-awˇ ehˇ-eu, “Sahˬ paˬ-oˇ, aˬ jeˬ miˇ neh nga maꞈ-ahˇ heu loꞈ-ehˇ jahˇ nehˬ laꞈ te.

Doˆ-iˇ 5:8

Ehˇ kʼawꞈ, tsaˬ byaˆ tehˆ-eu paw tiˬ siˬ tehꞈ-ehˇ kʼawꞈ maˬ bi teˬ-iˇ ni, dzeuˇ laˇ ngeh aˬ yawꞈ maꞈ kʼaˇ tehˆ-euˬ myaˆ ni bi tehˆ doˆ-awˬ. Aˬ yawꞈ maꞈ-euˬ kʼaˆ behˆ pyaˇ-awˇ gaˇ maˬ mˇ loꞈ-eu miˇ neh, aˬ yawꞈ maꞈ-euˬ Miˬyehˇ-ahˇ lawˇ-eu shehˇ-eu gʼaˇ duˬ bi iˇ laꞈ lehˇ, ngaˬ-ahˇ shaˇ luꞈ-eu meh.

Dawqdaq 27:4

Nui ma pehˇ-eu jeˬ-aˬ, gʼawˬ shaˬ gaˬ-eu maˬ siˬ nya-ehˇ, yaw cawˆ jeˬ tehꞈ-ehˇ mˇ doˆ laꞈ-eu meh. Ehˇ kʼawꞈ, myaˆ naˆ-eu jeˬ nehˬ-ehˇ shaˇ cehˆ haw ngeh, ehˇ nyaꞈ maˬ nyeuˆ-a.

Bawˇtsahˬ 20:15

Nga maꞈ-euˬ aˬ poeˬ aˬ bawˇ deuˬ Iˇjiˇtuˆ miˇ kʼahˬ-ahˇ aˬ joˆ-ehˇ iˇ-euˬ gaˇ kawˆ maˬ ehˇ, kʼoeˇ gaˇ nga maꞈ gʼawˬ mya kʼoꞈ jawˇ yaꞈ-euˬ gaˇ kawˆ maˬ ehˇ, nga maꞈ-euˬ aˬ poeˬ aˬ bawˇ deuˬ hawˇ-eu nga maꞈ-ahˇ Iˇjiˇtuˆ tsawˇ haˬ deuˬ aˬ joˆ-ehˇ kʼehˬ nehˬ kʼaˆ nehˬ laꞈ-euˬ gaˇ kawˆ maˬ ehˇ,

Dawˬmehˬ 26:6

Iˇjiˇtuˆ tsawˇ haˬ deuˬ nga maꞈ-ahˇ kʼehˬ-awˇ, zaˬ kʼaˆ loꞈ-ehˇ gaˇ bi mˇ laꞈ-euˬ meh.