Daˬyeˬlaˇ 9:21 - Akha

²¹ Ngaˇ kʼoeˇ loꞈ-ehˇ guiˬ lahˬ shaˇ shaˇ-ehˇ jawˇ ngeh, yaw beh yaw sahˇ laꞈ kʼoeˇ ya siˬ ya mawˇ-eu jeˬ laꞈ kʼoeˇ ngaˬ neh mawˇ-euˬ Gaˬbeˬlaˇ kʼoeˇ gʼaˬ, ngaˇ jawˇ gaˇ zaw ka gʼeh leꞈ-euˬ meh.

Daˬyeˬlaˇ 9:21 Iomraidhean Croise

1 Sahˬpaˬ 18:29

Nah loˆ ceh laˇ ngeh keuˆ ni aˬ yawꞈ maꞈ toˇ toˇ-ehˇ jawˇ-eu kʼawꞈ, aˬ yawꞈ maꞈ-euˬ shaˇ dawˬ-ahˇ naˇ haˬ nehˬ-eu gʼaˬ maˬ jawˇ-a.

1 Sahˬpaˬ 18:36

Nahˇ ma nahˇ dahˬ yawˬ-iˇ-awˇ, lawˇ-eu shehˇ-eu jeˬ mˇ-eu aˇ yamˬ tsaˬ laˇ ngeh, Miˬyehˇ gʼaˇ duˬ ngehˬ dah-eu Eˇliˇyaˆ gʼaˬ lawˇ duˬ dawˬ peh le-awˇ, heu loꞈ-ehˇ guiˬ lahˬ shaˇ-euˬ meh. “Aˬbyaˬhaˬ, Iˇtsaˆ hawˇ-eu Yaˬkoˆ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, nawˇ-aˬ, Iˇsaˬleˬlaˆ-euˬ Miˬyehˇ pyeuꞈ-awˇ, ngaˇ nawˬ-ahˇ uˬ duˬ tahˬ-awˇ, nawˬ neh kʼaˇ bi mˇ-euˬ loꞈ-ehˇ nymˬ-mˇ ngaˇ mˇ luꞈ-eu gaˇ kawˆ bi siˬ bi mawˇ-awˬ.

Jaceuq 103:20

Sahˬpaˬ Miˬyehˇ-euˬ zahˇ dawˬ kʼoꞈ dawˬ-ahˇ caw teh-awˇ, aˬ yawꞈ-euˬ ehˇ dawˬ naˇ haˬ-eu, gʼaˬ kʼaˆ-awˇ baoˬ huiˬ-eu mˬ taˆ gʼaˬ kʼehˇ deuˬ-oˇ, Sahˬpaˬ Miˬyehˇ-ahˇ ja ceuˬ-awˬ.

Jaceuq 104:4

Jaˬ lehˇ-ahˇ nawˬ-euˬ dawˬ tsaꞈ gaˬ-eu gʼaˬ bi geuꞈ-awˇ, mˬ myawꞈ-ahˇ nawˬ-euˬ gaˇ bi mˇ-euˬ meh.

Jaceuq 141:2

Tsiˇ yaw saw doꞈ damˬ-euˬ gaˇ ha geuꞈ-eu loꞈ-ehˇ, ngaˬ-euˬ shaˇ dawˬ-ahˇ ha geuꞈ nehˬ laꞈ-awˬ. Uˬ ciꞈ uˬ taw paw lawˇ-euˬ jeˬ-ahˇ ha geuꞈ-eu loꞈ-ehˇ, ngaˇ aˬ laꞈ baꞈ diˇ taˬ gaˇ ha geuꞈ nehˬ laꞈ.

Doˆ-iˇ 29:39

Uˬ shawˬ paw tiˬ mawˇ hawˇ-eu, uˬ ciꞈ paw tiˬ mawˇ ya lawˇ meh.

Iˇsaˬyaˇ 6:2

Seˬlaˬpeˬ lehˇ kuˇ-eu mˬ taˆ gʼaˬ kʼehˇ tiˬ deuˬ, aˬ yawꞈ-euˬ tiˬ jawˬ jawˇ-eu meh. Mˬ taˆ gʼaˬ kʼehˇ kʼoeˇ deuˬ aˬ dahˇ koꞈ dahˇ tsoꞈ-awˇ, myaˆ pyawˬ-ahˇ nyiˬ dahˇ, bawˇ kʼahˇ-ahˇ nyiˬ dahˇ dehˬ kaˬ-awˇ, nyiˬ dahˇ-aˬ, zaw-eu gʼaˇ duˬ zmˬ-eu meh.

Yeˬsaˬgeˬlaˇ 1:11

Aˬ yawꞈ mawˇ yawꞈ-euˬ aˬ dahˇ nyiˬ pyawˬ-aˬ, mˇ pyeh taˬ-awˇ, tiˬ mawˇ tiˇ mawˇ aˬ dahˇ mehˬ dzaˬ tuˆ-eu meh. Dzeˇ-eu aˬ dahˇ nyiˬ pyawˬ-aˬ, gʼawˇ mawˇ-ahˇ byaˆ dmˇ kʼoꞈ taˬ-euˬ meh.

Yeˬsaˬgeˬlaˇ 1:14

Aˇ mawˇ kʼoeˇ deuˬ, mˬ myawꞈ kʼaˇ myawꞈ-eu loꞈ-ehˇ mehˬ shi naˇ kʼah jiˆ luꞈ-eu meh.

Yeˬsaˬgeˬlaˇ 14:14

Noˇaˬ, Daˬneˬlaˇ hawˇ-eu Yawˇbaˆ aˬ ha smˇ gʼaˬ paˇ dehꞈ law hawˇ kʼawꞈ, aˬ yawꞈ ha neh mˇ-euˬ yaw muiˬ jeˬ baˬ da neh, aˬ yawꞈ ha smˇ gʼaˬ-ahˇ maˬ ngeuˇ naˇ, aˬ cawˬ-ahˇ maˬ ka kʼoꞈ nehˬ nya-aˇ” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Daˬyeˬlaˇ 10:10

Kʼoeˇ naˇ, aˬ laꞈ tiˬ laꞈ ngaˬ-ahˇ ciˬ tuˇ le-awˇ, ngaˬ-euˬ aˬ laꞈ hawˇ-eu aˬ kuiˇ pawˬ tsuiꞈ yaw dzuˬ dzuˬ-euˬ ma.

Daˬyeˬlaˇ 10:16

Kʼoeˇ ngeh, tsawˇ haˬ zaˬ-ahˇ duˇ leˇ-eu mˬ taˆ gʼaˬ kʼehˇ kʼoeˇ gʼaˬ, aˬ laꞈ cawˬ ja leꞈ-awˇ, ngaˬ-euˬ mehˬ luꞈ-ahˇ toeˬ ciˆ-euˬ meh. Kʼoeˇ naˇ, ngaˬ-euˬ kʼaˬ meh mˇ nga-awˇ dawˬ ngehˬ dahˬ beh-awˇ, aˬ yawꞈ-ahˇ heu loꞈ-ehˇ ehˇ nehˬ-euˬ ma. “Yaw huiˬ yaw mahˇ gʼaˬ-oˇ, yaw sahˇ laꞈ kʼoeˇ ya siˬ ya mawˇ-euˬ heu ngaˬ-ahˇ gʼaˬ baˬ dui dui-iˇ-awˇ, yaw dzuˬ dzuˬ-eu maˬ naˬ leˇ nya.

Daˬyeˬlaˇ 10:18

Aˬ yawꞈ ngaˬ-ahˇ tiˬ poˆ paˇ nyehꞈ tehꞈ ngeh, gʼaˬ ui cuiˆ paˇ ahˇ dzehˬ laˇ-euˬ miˇ-a.

Daˬyeˬlaˇ 8:16

Kʼoeˇ ngeh, “Gaˬbeˬlaˇ-oˇ, tsawˇ haˬ teu gʼaˬ-ahˇ, aˬ yawꞈ neh ya mawˇ-euˬ gaˇ kawˆ dawˬ tsuiꞈ ehˇ mehˬ nehˬ-awˬ” lehˇ, Uˇlehˇ lawˇ baˬ paw neh guˇ-eu teˇ saˇ ngaˇ ya gaˬ-euˬ ma.

Daˬyeˬlaˇ 8:18

Aˬ yawꞈ kʼoeˇ loꞈ-ehˇ ehˇ luꞈ ngeh, ngaˇ miˇ tsa coˬ dzeh-awˇ maˬ noeˬ-ehˇ pyeuꞈ-iˇ-euˬ ma. Ehˇ kʼawꞈ, aˬ yawꞈ ngaˬ-ahˇ baꞈ tuˇ nehˬ laꞈ-euˬ meh.

Maꞈtehˬ 27:46

Uˬ ciꞈ uˬ taw naˬ liˬ smˇ laꞈ byah laˇ ngeh, Yeˬsuˇ yaw kʼaˆ-ehˇ guˇ-awˇ, “Eˇliˇ, Eˇliˇ, laˬ maˬ saˬ baˬ taˬ niˬ” lehˇ ehˇ-eu meh. Dawˬ tsuiꞈ-aˬ, “Ngaˬ-euˬ Miˬyehˇ-oˇ, ngaˬ-euˬ Miˬyehˇ-oˇ, aˬ jeˬ miˇ neh ngaˬ-ahˇ byehˇ dzeh nehˬ laꞈ te” lehˇ ehˇ mawꞈ-eu meh.

Luˇkaꞈ 1:19

Mˬ taˆ gʼaˬ kʼehˇ kʼoeˇ gʼaˬ ehˇ-eu, “Ngaˇ-aˬ, Miˬyehˇ-euˬ mehˬ shi yawꞈ-awˇ myawˬ kʼehˇ gʼoˆ luꞈ-eu Gaˬbeˬlaˇ ma. Aˬ yawꞈ ngaˬ-ahˇ kʼehˇ gʼeh leꞈ-awˇ, laˬ kʼaˬ cehˇ dui dui laˇ paˬ-ehˇ gʼeh-eu gaˇ kawˆ heu nawˬ-ahˇ bi tsaꞈ gaˬ le-euˬ meh.

Luˇkaꞈ 1:26

Eˇliˇsaˬbehˆ aˬ nyiˇ pi leˇ-euˬ ba la koꞈ siˬ byah laˇ ngeh, mˬ taˆ gʼaˬ kʼehˇ Gaˬbeˬlaˇ-ahˇ Miˬyehˇ kʼehˇ gʼeh-awˇ, Gaˬliˬlehˇ miˇ kʼahˬ Naˬzaˬlehˇ meuˬ-ahˇ bi iˇ-euˬ meh.

Gʼaˬkʼehˇ 10:3

Tiˬ nah-aˬ, uˬ ciꞈ uˬ taw paw naˬ liˬ smˇ laꞈ kʼoeˇ yamˬ-ahˇ, yaw sahˇ laꞈ kʼoeˇ aˬ yawꞈ bya cehˆ ni heu loꞈ-ehˇ ya mawˇ duˬ-euˬ meh. Miˬyehˇ-euˬ mˬ taˆ gʼaˬ kʼehˇ tiˬ gʼaˬ aˬ yawꞈ jawˇ gaˇ oe-awˇ, “Gawˬneˬliˇ-oˇ” lehˇ kuˇ le-euˬ meh.

Gʼaˬkʼehˇ 10:9

Yawˬ nah yawˬ aˬ ha smˇ gʼaˬ Yuˇbeˬ meuˬ dawˬ peh iˇ keuˆ ngeh, Beˬtuˆluˆ-aˬ, nah loˆ ceh laˇ-euˬ miˇ neh guiˬ lahˬ shaˇ leˇ-eu lehˇ, nymˇ mˬ -ahˇ daˆ leˇ-euˬ meh.

Gʼaˬkʼehˇ 12:7

Ja pyuˬ ni SahˬpaˬMiˬyehˇ-euˬ mˬ taˆ gʼaˬ kʼehˇ tiˬ gʼaˬ kʼoeˇ gaˇ yawꞈ le-awˇ, paˬ kuˆ aˇ lawˆ kʼoeˇ lawˆ-ahˇ yaw shehꞈ bya le-euˬ meh. Mˬ taˆ gʼaˬ kʼehˇ kʼoeˇ gʼaˬ Beˬtuˆluˆ-euˬ baꞈ pu-ahˇ ngawˬ zuˆ-awˇ, “Yaw kawˇ-ehˇ tuˇ-awˬ” lehˇ laˆ noeˬ-euˬ meh. Beˬtuˆluˆ-euˬ aˬ laꞈ-ahˇ paꞈ taˬ-euˬ shmˇ caˆ kʼoeˇ deuˬ ga puiˇ-iˇ-euˬ meh.

Gʼaˬkʼehˇ 3:1

Tiˬ nah-aˬ, guiˬ lahˬ shaˇ yamˬ pyeuꞈ-eu uˬ ciꞈ uˬ taw paw naˬ liˬ smˇ laꞈ kʼoeˇ yamˬ-ahˇ, Beˬtuˆluˆ hawˇ-eu Yoˇhaˬ aˬ nyaꞈ Uˬ duˬ tahˬ nymˇ nymˇ ma-ahˇ le-euˬ meh.

HeˬByehˇ 1:14

Toˆ-ehˇ ngeuˇ naˇ, mˬ taˆ gʼaˬ kʼehˇ deuˬ aˬ jeˬ-a. Aˬ yawꞈ maꞈ-aˬ, ka kʼoꞈ-eu jeˬ za-eu tsawˇ haˬ deuˬ-ahˇ bi caw ba-eu gʼaˇ duˬ Miˬyehˇ neh kʼehˇ gʼeh leꞈ-euˬ, aˬ yawꞈ-euˬ gaˇ mˇ-eu yaw sahˇ deuˬ pyeuꞈ-eu meh.

HeˬByehˇ 1:7

Ehˇ kʼawꞈ, mˬ taˆ gʼaˬ kʼehˇ deuˬ-ahˇ-aˬ, “Miˬyehˇ-euˬ mˬ taˆ gʼaˬ kʼehˇ deuˬ, jaˬ lehˇ loꞈ-ehˇ bi pyeuꞈ-iˇ-awˇ, aˬ yawꞈ-euˬ zaˬ kʼaˆ deuˬ-ahˇ-aˬ, miˬ dzaˬ miˬ lmˇ bi pyeuꞈ-iˇ meh” lehˇ, Miˬyehˇ neh ehˇ taˬ-euˬ jaˆ-eu meh.

Panmaeq 9:17

Yaw sahˇ laꞈ kʼoeˇ ya mawˇ-euˬ jeˬ laꞈ kʼoeˇ, mahˬ kʼoeˇ deuˬ hawˇ-eu mahˬ dziˬ-eu yehˇ kʼoeˇ deuˬ-ahˇ ngaˇ ya mawˇ-euˬ ma. Aˬ yawꞈ maꞈ-aˬ, miˬ dzaˬ loꞈ-ehˇ neˇ-eu, nyoeˇ leuˬ leuˬ-eu kʼaˬ lo sehˇ loꞈ-ehˇ nyoeˇ-eu, miˬ dzaˇ dzaˇ shuiˇ loꞈ-ehˇ shuiˇ-eu kʼahˬ-ahˇ dehˬ daˬ duˬ deuˬ-ahˇ dm luꞈ-eu meh. Mahˬ kʼoeˇ deuˬ-euˬ uˬ duˬ-aˬ, aˇ laˬ jaˬ shiˇ-euˬ uˬ duˬ-ahˇ duˇ-awˇ, kʼaˬ meh-ahˇ miˬ dzaˬ maˬ ehˇ, uˬ kʼoeˬ maˬ ehˇ, miˬ dzaˇ dzaˇ shuiˇ maˬ ehˇ, doˆ luꞈ-eu meh.