Biblia Todo Logo
Bìoball air-loidhne

- Sanasan -




Daˬyeˬlaˇ 9:19 - Akha

19 Sahˬpaˬ Miˬyehˇ-oˇ, shaˇ dawˬ naˇ haˬ nehˬ laꞈ. Sahˬpaˬ Miˬyehˇ-oˇ, iˬ baˇ pyehˬ nehˬ laꞈ. Sahˬpaˬ Miˬyehˇ-oˇ, nga maꞈ-euˬ shaˇ dawˬ gaˬ-awˇ, mˇ keuˆ shaˇ keuˆ nehˬ laꞈ. Nawˇ Miˬyehˇ pyeuꞈ-eu gaˇ kawˆ tsawˇ haˬ yawˬ gʼaˬ na luꞈ-ahˇ siˬ duˬ leˇ ni, maˬ nyi naˬ ni ngehˬ gʼeh nehˬ laꞈ. Meuˬ heu meuˬ nawˬ-euˬ meuˬ pyeuꞈ-awˇ, tsawˇ haˬ heu deuˬ nawˬ-euˬ tsawˇ haˬ meh.”

Faic an caibideil Dèan lethbhreac




Daˬyeˬlaˇ 9:19
32 Iomraidhean Croise  

Ngaˇ maˬ ehˇ, nawˬ-euˬ tsawˇ haˬ deuˬ maˬ ehˇ, jawˇ duˬ heu tsahˇ-ahˇ mehˬ shiˬ pyawˇ-awˇ guiˬ lahˬ shaˇ ngeh, nawˇ naˇ haˬ geuꞈ nehˬ laꞈ-awˬ. Mˬ kʼoeˇ taˆ jaˆ-eu nawˬ-euˬ nymˇ laꞈ kʼoeˇ nga maꞈ-euˬ shaˇ dawˬ-ahˇ naˇ haˬ-awˇ, nga maꞈ-ahˇ iˬ baˇ pyehˬ nehˬ laꞈ-awˬ.


aˬ yawꞈ maꞈ-euˬ shaˇ dawˬ-ahˇ nawˇ naˇ haˬ nehˬ-awˬ. Mˬ kʼoeˇ taˆ jaˆ-eu nawˬ-euˬ nymˇ laꞈ kʼoeˇ aˬ yawꞈ maꞈ-euˬ shaˇ dawˬ-ahˇ naˇ haˬ-awˇ, aˬ yawꞈ maꞈ-ahˇ gʼawˬ shaˬ gaˬ-eu laꞈ kʼoeˇ nawˬ-euˬ tsawˇ haˬ deuˬ-euˬ iˬ baˇ dawˬ tawˆ luꞈ pyehˬ nehˬ-awˬ.


Aˬ yawꞈ maꞈ ngaˬ-euˬ tsawˇ haˬ ma. Ngaˬ-euˬ yaw shehꞈ kʼahˬ sehˇ bi doˆ laˇ ni, aˬ yawꞈ maꞈ-ahˇ ngaˇ beh-euˬ ma.”


Ngaˬ-euˬ tsawˇ haˬ deuˬ ngaˬ-ahˇ heu loꞈ-ehˇ shaˇ-eu meh. Nga maꞈ iˬ bahˇ ahˇ-eu bya tsehˆ ni jaˆ luꞈ kʼawꞈ, Sahˬpaˬ Miˬyehˇ nawˬ neh saˇ jaˇ dzaˬ-euˬ loꞈ-ehˇ, nga maꞈ-ahˇ ngehˬ gʼeh nehˬ laꞈ-awˬ. Nga maꞈ nawˬ-ahˇ gʼawˬ mya poˆ byehˇ dzeh-awˇ, nawˬ-ahˇ mˇ bahˬ laˆ bahˬ-euˬ ma.


Aˬ cawˬ neh ja pyuˬ ni bi nyehꞈ mi-euˬ tsawˇ haˬ hawˇ-eu ngehˬ maˬ gʼeh nehˬ nya-ehˇ pyeuꞈ-iˇ-euˬ yehˇ loꞈ-ehˇ, aˬ joˆ-ehˇ gʼeh laꞈ te. Sahˬpaˬ Miˬyehˇ nawˇ nga maꞈ nehˬ-ehˇ aˬ diˇ jawˇ luꞈ meh. Nga maꞈ nawˬ-euˬ tsawˇ haˬ pyeuꞈ luꞈ-eu ma. Nga maꞈ-ahˇ taˬ byehˇ dzeh nehˬ laꞈ.”


Laˆ luˬ laˆ seˇ-eu jeˬ, ngaˬ-euˬ meuˬ laꞈ kʼoeˇ ngaˇ mˇ dahˬ beh ma. Aˬ yawꞈ maꞈ kʼoeˇ taˆ kʼehˬ-eu kʼaˆ-eu jeˬ maˬ keuˆ le ni ya dzeuˇ-iˇ tehꞈ-a lehˇ aˬ yawꞈ maꞈ noeˬ ta loˇ. Maˬ ngeuˇ-a. Aˬ yawꞈ maꞈ kʼehˬ-eu kʼaˆ-eu jeˬ-ahˇ ya daˬ-eu yaw duˬ baw meh. Aˬ jeˬ miˇ neh ehˇ naˇ, miˇ tsaˬ kʼoeˇ taˆ kʼaˇ jawˇ-eu tsawˇ haˬ dawˬ tawˆ luꞈ kʼoeˇ taˆ, guiˇ deuˆ-eu jeˬ bi keuˆ le-eu lehˇ gʼeh-eu ma lehˇ, Baoˬ huiˬ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma.


Ehˇ kʼawꞈ, kʼoeˇ loꞈ-ehˇ maˬ jahˇ nehˬ-aˬ. Aˬ jeˬ miˇ neh ehˇ naˇ, kʼoeˇ loꞈ-ehˇ jahˇ-eu baˬ da neh, ngaˬ neh Iˇsaˬleˬlaˆ tsawˇ jeuˬ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ-euˬ gaˇ kʼaˇ ya mawˇ-euˬ tsawˇ jeuˬ deuˬ mehˬ shi, ngaˬ-euˬ tsawˇ myahˇ cawˆ laˇ gaˇ ngaˇ yahˇ-euˬ ma.


Ehˇ kʼawꞈ, Iˇsaˬleˬlaˆ tsawˇ jeuˬ-ahˇ Iˇjiˇtuˆ miˇ kʼahˬ laꞈ kʼoeˇ neh ngaˇ sheuˬ doˆ nehˬ-euˬ gaˇ ya mawˇ-euˬ tsawˇ jeuˬ deuˬ-euˬ mehˬ shi, ngaˬ-euˬ tsawˇ myahˇ cawˆ laˇ gaˇ yahˇ-eu miˇ neh, ngaˇ kʼoeˇ loꞈ-ehˇ maˬ jahˇ-aˬ.


Ehˇ kʼawꞈ, ngaˬ-euˬ tsawˇ myahˇ cawˆ-iˇ gaˇ yahˇ-eu miˇ neh, aˬ yawꞈ maꞈ-ahˇ ngaˇ kʼoeˇ loꞈ-ehˇ maˬ jahˇ nehˬ-aˬ. Aˬ jeˬ miˇ neh ehˇ naˇ, aˬ yawꞈ maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh ngaˇ sheuˬ doˆ nehˬ-eu lehˇ gʼeh-eu gaˇ kawˆ, aˬ yawꞈ maꞈ nehˬ-ehˇ jawˇ luꞈ-eu aˬ cawˬ tsawˇ jeuˬ kʼoeˇ myaˆ ni gʼeh-eu mehˬ shi, aˬ yawꞈ maꞈ-ahˇ ngaˬ neh ehˇ gaˬ taˬ-euˬ jaˆ-eu ma.


“Kʼoeˇ miˇ neh, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˬ-euˬ dawˬ heu, Iˇsaˬleˬlaˆ tsawˇ haˬ deuˬ-ahˇ ehˇ nehˬ-awˬ. Ngaˇ mˇ-eu lehˇ gʼeh-eu heu-aˬ, naw maꞈ baˬ da neh mˇ-eu maˬ ngeuˇ. Naw maꞈ kʼaˇ iˇ kʼaˇ laˇ gaˇ laˆ cawˆ luꞈ-eu ngaˬ-euˬ muiˬ-eu shawˇ-eu tsawˇ myahˇ baˬ da neh mˇ-eu ma.


Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Ehˇ kʼawꞈ, nymˬ-mˇ ngaˇ Yaˬkoˆ-euˬ zaˬ deuˬ uˆ deuˬ pyeuꞈ-eu Iˇsaˬleˬlaˆ tsawˇ haˬ deuˬ-ahˇ gʼawˬ shaˬ gaˬ-awˇ, paˇ bi dehꞈ dzaˬ laˇ ma. Ngaˬ-euˬ muiˬ-eu shawˇ-eu tsawˇ myahˇ maˬ ya cawˆ ni ngaˇ jeˬ hmˬ bo saˆ ma.


Miˬyehˇ-oˇ, nga maꞈ-euˬ shaˇ dawˬ-ahˇ naˇ haˬ nehˬ laꞈ-awˇ, nga maꞈ hawˇ-eu nawˬ-euˬ tsawˇ myahˇ pi luꞈ-eu meuˬ-euˬ shaˬ zahˬ haw mawˇ nehˬ laꞈ. Nga maꞈ yaw tsaˬ yaw dawˇ miˇ neh heu loꞈ-ehˇ guiˬ lahˬ shaˇ-eu maˬ ngeuˇ. Nawˇ gʼawˬ shaˬ gaˬ nya-eu gʼaˬ pyeuꞈ-eu miˇ neh, heu loꞈ-ehˇ shaˇ-eu ma.


Nyehˇ bahˇ kʼoeˇ deuˬ miˇ kʼahˬ heu kʼahˬ laꞈ kʼoeˇ kʼaˇ jaˆ-eu buˬ nyoeˇ dawˬ tawˆ luꞈ teuꞈ byoˆ jiˇ gaˇ, yaw sahˇ laꞈ kʼoeˇ ngaˇ ya mawˇ-awˇ, ngaˇ heu loꞈ-ehˇ ehˇ-euˬ ma. “Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, nawˬ-euˬ tsawˇ haˬ deuˬ-ahˇ iˬ baˇ pyehˬ nehˬ-awˬ. Aˬ yawꞈ maꞈ-ahˇ aˬ joˆ-ehˇ bi dehꞈ-iˇ nmˇ. Aˬ yawꞈ maꞈ-aˬ, teˬ dui nyiˇ dui dui-awˇ, gʼaˬ baˬ dui dui-eu meh.”


Sahˬpaˬ Miˬyehˇ-oˇ, tiˬ jawˇ-iˬ maˬ paˇ laˇ nya-eu nawˬ-euˬ gʼoeˇ-eu gaˬ-eu jeˬ huiˬ dui dui-eu baˬ da neh, Iˇjiˇtuˆ miˇ kʼahˬ laꞈ kʼoeˇ neh doˆ le ngeh tiˬ nah neh, tsawˇ haˬ heu deuˬ-euˬ iˬ baˇ nawˇ pyehˬ nehˬ luꞈ-eu loꞈ-ehˇ, nymˬ-mˇ kʼawꞈ aˬ yawꞈ maꞈ-euˬ iˬ baˇ pyehˬ nehˬ-awˬ lehˇ nawˬ-ahˇ ngaˇ guiˬ lahˬ shaˇ-eu ma.”


Kʼoeˇ naˇ, Sahˬpaˬ Miˬyehˇ ehˇ-eu, “Ngaˬ-eu tsawˇ myahˇ kuˇ-awˇ Iˇsaˬleˬlaˆ tsawˇ haˬ deuˬ-ahˇ dawˬ ngehˬ gʼeh nehˬ naˇ, ngaˇ guiˬ lahˬ biꞈ ma.”


Ngaˇ naw maꞈ-ahˇ ehˇ nehˬ nyaˇ. Cawˬ aˇ naˆ ni gʼoeˇ kʼawꞈ dui-eu ngaˇ. Tuˇ laˇ-awˇ maˬ paˇ biꞈ le-eu ngaˇ lehˇ kʼawꞈ ehˇ-awˬ. Ehˇ kʼawꞈ, shaˇ-eu nui paw shaˇ tehˇ tehˬ naˇ, kʼaˇ loˬ-eu jeˬ maˬ biꞈ le-ehˇ maˬ paˇ gʼeh nya-aˇ.


Dzeˇ-eu miˇ tsaˬ tsawˇ jeuˬ dawˬ tawˆ, ngaˇ jawˇ gaˇ gʼoꞈ laˇ jiˇ tehꞈ-a. Ngaˬ-euˬ tsawˇ haˬ bi pyeuꞈ-eu lehˇ, ngaˬ neh kuˇ-euˬ aˬ cawˬ tsawˇ jeuˬ, dawˬ tawˆ gʼoꞈ laˇ jiˇ tehꞈ-a lehˇ,


Kʼoeˇ miˇ neh, Ka li-ahˇ noeˬ tmˬ beh beh-euˬ deuˬ pyeuꞈ-eu nga maꞈ-aˬ, Miˬyehˇ-euˬ yaw shehꞈ kʼahˬ sehˇ-ahˇ ja ceuˬ-eu ma.


Aˬ yawꞈ-euˬ huiˬ dui muiˬ dui dui-eu gʼawˬ shaˬ gaˬ-eu guiˬ lahˬ kʼoeˇ, aˬ yawꞈ gaˬ dui dui-eu aˬ yawꞈ-euˬ Zaˬmaˇ laꞈ kʼoeˇ aˬ dui-ahˇ biꞈ laꞈ-euˬ miˇ neh, Miˬyehˇ-ahˇ ja ceuˬ kaˇ-euˇ.


Kʼoeˇ loꞈ-ehˇ dehˬ kaˬ taˬ-euˬ kʼoeˇ-aˬ, nymˬ-mˇ-euˬ aˇ yamˬ-ahˇ Ka li zaˬ aˇ muˇ-ahˇ gʼoe-eu laꞈ kʼoeˇ, mˬ kʼoeˇ taˆ uˆ lahˇ luꞈ-eu mˬ taˆ gʼaˬ kʼehˇ deuˬ hawˇ-eu baoˬ jaˆ-eu deuˬ-ahˇ Miˬyehˇ-euˬ zaˬ siˬ tsawˇ gahˇ gʼawˬ mya jeˬ bi siˬ bi mawˇ-eu gʼaˇ duˬ pyeuꞈ-eu meh.


Lean sinn:

Sanasan


Sanasan