Kʼoeˇ miˇ neh, nawˬ-euˬ tsawˇ jeuˬ kʼoeˇ taˆ yaw tsaˬ yaw dawˇ dawˇ-ehˇ uˆ lahˇ nya ni maˬ ehˇ, yaw muiˬ yaw doeˇ tseˇ paˆ geuꞈ nya ni maˬ ehˇ, loˬ-eu zaˬ siˬ tsawˇ gahˇ ngaˬ-ahˇ biꞈ nehˬ laꞈ-awˬ. Kʼoeˇ loꞈ-ehˇ maˬ ngeuˇ naˇ, myaˬ dui dui-eu nawˬ-euˬ tsawˇ jeuˬ heu jeuˬ-ahˇ aˬ suˇ gʼaˬ uˆ lahˇ nya nmˇ.”
Daˬyeˬlaˇ 9:12 - Akha12 Nga maꞈ hawˇ-eu nga maꞈ kʼoeˇ taˆ uˆ lahˇ-eu deuˬ kʼoeˇ taˆ bi keuˆ le ma lehˇ ehˇ taˬ-euˬ jeˬ, nawˇ bi keuˆ le-euˬ meh. Miˇ tsaˬ kʼoeˇ taˆ jaˆ-eu meuˬ tiˬ meuˬ-iˬ maˬ ya daˬ haw-euˬ kʼehˬ-eu kʼaˆ-eu jeˬ-ahˇ, Yeˬluˇsaˬlehˬ meuˬ ya daˬ-euˬ meh. Faic an caibideil |
Daˬyeˬlaˇ 9:12
31 Iomraidhean Croise
Ehˇ kʼawꞈ, ngaˬ-euˬ zaˬ kʼaˆ aˬ kaˇ pyeuꞈ-eu gaˇ kawˆ mehˬ ngeh, ngaˬ-euˬ gʼaˬ kʼehˇ-ahˇ ngaˇ pyehˬ gʼeh leꞈ-awˇ, ngaˬ neh lehˬ hmˬ taˬ-euˬ gaˇ kawˆ bi ja mehˬ ngeh, aˬ yawꞈ neh kʼaˇ ehˇ-euˬ jeˬ ngaˇ bi pyeuꞈ laˇ ma. Yeˬluˇsaˬlehˬ meuˬ-ahˇ tsawˇ haˬ paˇ jawˇ byah-awˇ, Yuˇdaˆ meuˬ deuˬ paˇ teˬ ziꞈ jiˇ tehꞈ-a lehˇ ehˇ-euˬ ma. Meuˬ meuˬ tsoeˬ kʼoeˇ deuˬ meuˬ shuiꞈ paˇ shuiꞈ laˇ tehꞈ-a.
Ehˇ kʼawꞈ, miˇ kʼahˬ heu kʼahˬ aˬ yawꞈ maꞈ za-awˇ jawˇ luꞈ ngeh, nawˬ-euˬ dawˬ-ahˇ aˬ yawꞈ maꞈ maˬ naˇ haˬ geuꞈ-ehˇ, nawˬ neh mehˬ nehˬ tsoˆ nehˬ-euˬ loꞈ-ehˇ maˬ dehꞈ ni, nawˬ neh bi mˇ-euˬ jeˬ-ahˇ aˬ yawꞈ maꞈ maˬ mˇ-a. Kʼoeˇ miˇ neh heu loꞈ-ehˇ gʼeh-eu luˬ-iˇ seˇ-iˇ-eu jeˬ, aˬ yawꞈ maꞈ kʼoeˇ taˆ nawˇ bi keuˆ le-euˬ meh.
“ ‘Iˇsaˬleˬlaˆ-euˬ Miˬyehˇ pyeuꞈ-eu Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh’ lehˇ, Suˬdaˬ tsawˇ haˬ Eˇbehˆmeˬlehˆ-ahˇ ehˇ nehˬ-awˬ lehˇ, aˬ yawꞈ ngaˬ-ahˇ ehˇ-eu meh. ‘Ngaˬ neh ehˇ taˬ-euˬ jaˆ-eu loꞈ-ehˇ, meuˬ heu meuˬ kʼoeˇ taˆ luˬ-iˇ seˇ-iˇ-eu jeˬ bi keuˆ le-eu lehˇ gʼeh-eu ma. Baw le za le-eu jeˬ bi keuˆ le-eu lehˇ gʼeh-eu maˬ ngeuˇ. Kʼoeˇ loꞈ-ehˇ bi keuˆ le ngeh, nawˇ kʼoeˇ gaˇ jawˇ-awˇ ya mawˇ tehꞈ-a.
Sahˬpaˬ Miˬyehˇ noeˬ taˬ-euˬ jeˬ, aˬ yawꞈ jahˇ ma lehˇ ehˇ-euˬ jeˬ, nymˬ-mˇ bi keuˆ le gʼaˬ-euˬ meh. Aˇ hu neh ehˇ taˬ-euˬ loꞈ-ehˇ, gʼawˬ shaˬ gaˬ-eu jeˬ maˬ ahˇ ni, yaw cawˆ jeˬ bi keuˆ le-euˬ meh. Muiˇ-eu deuˬ neh bi gʼaˬ leˇ-awˇ, nawˇ cawˆ-iˇ-awˇ ya shaˬ luꞈ gaˇ, haw-awˇ laˬ kʼaˬ bi cehˇ-euˬ meh.
Aˬ yawꞈ maꞈ neh yaw sahˇ laꞈ kʼoeˇ ya siˬ ya mawˇ-euˬ jeˬ maˬ tsaˬ-ehˇ, aˬ yawꞈ maꞈ neh ngehˬ dah-euˬ jeˬ jaˬ myawꞈ myawꞈ-eu tehꞈ meh. Ngaˬ neh kʼehˇ gʼeh leꞈ-euˬ maˬ ngeuˇ gaˇ, ngaˬ-euˬ gʼaˇ duˬ ngehˬ dah-eu ma lehˇ aˬ yawꞈ maꞈ ehˇ-eu meh. Ehˇ kʼawꞈ, aˬ yawꞈ maꞈ neh kʼaˇ ehˇ-euˬ loꞈ-ehˇ pyeuꞈ laˇ tehꞈ-a lehˇ aˬ yawꞈ maꞈ noeˬ tmˬ-eu meh.
Shawˇ jehˆ ni gʼeh-eu saˬ paˇ neh guꞈ taˬ-euˬ mehˬ tsoeˬ dm luꞈ-eu mˬ taˆ gʼaˬ kʼehˇ kʼoeˇ gʼaˬ heu loꞈ-ehˇ ehˇ-eu meh. “Kʼoeˇ ngeh jawˇ, nawˬ-euˬ tsawˇ jeuˬ-ahˇ haw piˇ-eu gʼaˬ pyeuꞈ-eu Miˇkeˬlaˇ lehˇ myahˇ-euˬ huiˬ-eu mahˇ-eu mˬ taˆ gʼaˬ kʼehˇ kʼoeˇ gʼaˬ doˆ le tehꞈ-a. Kʼoeˇ naˇ, miˇ kʼahˬ tsawˇ jeuˬ deuˬ dehꞈ le jawˇ le ngeh neh tiˬ jawˇ-iˬ maˬ mawˇ haw-euˬ shaˬ dui zahˬ dui dui-eu aˇ yamˬ keuˆ le tehꞈ-a. Aˇ yamˬ kʼoeˇ yamˬ keuˆ le ngeh, Miˬyehˇ-euˬ tsawˇ haˬ laꞈ kʼoeˇ tsawˇ myahˇ ahˇ-eu nawˬ-euˬ tsawˇ haˬ deuˬ ka kʼoꞈ-eu jeˬ za tehꞈ-a.
Miˬyehˇ gʼaˇ duˬ ngehˬ dah-eu ngaˬ-euˬ zaˬ kʼaˆ deuˬ-ahˇ kʼehˇ-awˇ, naw maꞈ-euˬ aˬ poeˬ aˬ bawˇ deuˬ-ahˇ ngaˬ-euˬ dawˬ biꞈ-eu laꞈ kʼoeˇ, dehꞈ paˇ-eu gʼaˇ duˬ yaw kʼaˆ kʼaˆ-ehˇ mehˬ nehˬ-euˬ kʼawꞈ, aˬ yawꞈ maꞈ maˬ naˇ haˬ geuꞈ-euˬ miˇ neh, yaw kʼaˆ-ehˇ ya shaˬ-euˬ meh. Kʼoeˇ naˇ, aˬ yawꞈ maꞈ iˬ baˇ noeˬ poˆ-awˇ, Baoˬ huiˬ-eu Sahˬpaˬ Miˬyehˇ pyeuꞈ-eu ngaˇ-aˬ, ngaˬ neh noeˬ tsehˆ taˬ-euˬ loꞈ-ehˇ, aˬ yawꞈ maꞈ-ahˇ oꞈ-eu geuˇ-eu kʼehˬ-eu kʼaˆ-eu jeˬ bi keuˆ le-euˬ meh lehˇ, aˬ yawꞈ maꞈ noeˬ siˬ noeˬ mawˇ-euˬ meh.”
Sanasan