Daˬyeˬlaˇ 8:3 - Akha

³ Lawˇ baˬ lawˇ dzeˇ-ahˇ, uˬ coeˇ coeˇ mahˇ nyiˬ kahˬ tsoꞈ-eu yawˇ tiˬ mawˇ ngaˇ mawˇ-euˬ ma. Uˬ coeˇ tiˬ kahˬ-aˬ, mahˇ dzehˬ-awˇ shuiꞈ dzehˬ-eu meh.

Daˬyeˬlaˇ 8:3 Iomraidhean Croise

1 Laˬsaˬbaˬ 21:16

Mˬ taˆ gʼaˬ kʼehˇ kʼoeˇ gʼaˬ mi cehˇ tuˆ tehˬ taˬ-awˇ, Yeˬluˇsaˬlehˬ meuˬ-ahˇ laˆ cawˆ nehˬ-eu gʼaˇ duˬ lehˬ hmˬ dah-awˇ, jaˬ lehˇ kʼoeˇ taˆ yawꞈ luꞈ gaˇ Daˬbiˇ ya mawˇ-euˬ meh. Kʼoeˇ ngeh, Daˬbiˇ hawˇ-eu Iˇsaˬleˬlaˆ tsawˇ haˬ aˬ yuiꞈ aˬ tsu deuˬ, baˬ ba miˇ tsa tuˆ ni awˆ byaˆ-euˬ meh. Aˬ yawꞈ maꞈ dawˬ tawˆ luꞈ, guˬ daˇ pehˇ zeuˇ mehˬ tsoeˬ dm luꞈ-eu meh.

Eˇzaˬlaˬ 1:2

“Heu-aˬ, Paˇshaˇ sahˬ paˬ Guˇluˆ-euˬ dawˬ pyeuꞈ-eu meh. Mˬ kʼoeˇ taˆ jawˇ-eu Miˬyehˇ pyeuꞈ-eu Sahˬpaˬ Miˬyehˇ-aˬ, miˇ tsaˬ dawˬ tawˆ luꞈ kʼoeˇ taˆ ngaˬ-ahˇ bi uˆ lahˇ laꞈ-awˇ, Yuˇdaˆ miˇ kʼahˬ Yeˬluˇsaˬlehˬ meuˬ-ahˇ aˬ yawꞈ gʼaˇ duˬ uˬ duˬ tahˬ nymˇ tiˬ nymˇ tsoˆ-awˬ lehˇ ngaˬ-ahˇ kʼehˇ-eu meh.

Eˇzaˬlaˬ 4:5

Yuˇdaˆ tsawˇ haˬ kʼoeˇ loꞈ-ehˇ mˇ luꞈ gaˇ laˆ tsoeˬ ni, Paˇshaˇ tsawˇ haˬ pyeuꞈ-eu miˇ kʼahˬ-ahˇ uˆ lahˇ-eu yaw huiˬ yaw mahˇ deuˬ-ahˇ kʼawꞈ, aˬ yawꞈ maꞈ laꞈ nmꞈ nmꞈ nehˬ-euˬ meh. Sahˬ paˬ Guˇluˆ uˆ lahˇ-eu yamˬ-ahˇ neh sahˬ paˬ Daˬliˇ uˆ lahˇ-eu yamˬ-ahˇ keuˆ ni, aˬ yawꞈ maꞈ kʼoeˇ loꞈ-ehˇ laˆ bahˬ laˆ bahˬ-ehˇ jawˇ-euˬ meh.

Iˇsaˬtaˆ 1:3

Aˬ yawꞈ uˆ lahˇ-eu smˇ kʼoꞈ tiˬ kʼoꞈ-ahˇ, aˬ yawꞈ-euˬ laꞈ oˆ gaˇ mˇ luꞈ-eu yaw huiˬ yaw mahˇ deuˬ hawˇ-eu miˇ kʼahˬ-ahˇ haw luꞈ pyaˆ luꞈ-eu sahˬ paˬ sahˬ ma deuˬ-ahˇ aˬ yawꞈ dzaˬ byawˇ lawˇ nehˬ-euˬ meh. Paˇshaˇ miˇ kʼahˬ hawˇ-eu Meˬdiˇ miˇ kʼahˬ-euˬ guiˇ maꞈ deuˬ maˬ ehˇ, aˬ yawꞈ-euˬ miˇ kʼahˬ deuˬ-ahˇ uˆ lahˇ-eu sahˬ paˬ sahˬ ma geuꞈ luꞈ-eu deuˬ maˬ ehˇ, dzaˬ byawˇ-ahˇ laˇ uiˬ taˬ-euˬ meh.

Iˇsaˬyaˇ 13:17

Sahˬpaˬ Miˬyehˇ heu loꞈ-ehˇ ehˇ-eu meh. “Baˬbuˇloˬ miˇ kʼahˬ-ahˇ guiˇ bi deuˆ-eu lehˇ, pyuˇ-ahˇ mehˇ juiˇ maˬ juiˇ-eu tsawˇ jeuˬ, shuiˇ-ahˇ nui kʼahˇ maˬ jaˆ-eu Meˬdeˬ tsawˇ haˬ deuˬ-ahˇ ngaˇ laˆ noeˬ luꞈ-eu ma.

Iˇsaˬyaˇ 21:2

Kʼehˬ-eu kʼaˆ-eu jeˬ hawˇ-eu ceh geuꞈ lu geuꞈ-eu jeˬ maˬ ehˇ, saˇ jaˇ puiˬ-eu jeˬ hawˇ-eu laˆ luˬ laˆ seˇ-eu jeˬ maˬ ehˇ, yaw sahˇ laꞈ kʼoeˇ ngaˇ ya mawˇ-euˬ ma. Eˇlamˬ guiˇ maꞈ deuˬ-oˇ, guiˇ deuˆ-awˬ. Meˬdiˇ guiˇ maꞈ deuˬ-oˇ, meuˬ deuˬ-ahˇ loꞈ jawˬ-awˬ. Baˬbuˇloˬ meuˬ baˬ da neh myaˆ biˇ ya yoeˇ-eu jeˬ, Miˬyehˇ aˇ saˬ bi saˬ tehꞈ-a.

Iˇsaˬyaˇ 44:28

Guˇluˆ-ahˇ ngaˇ heu loꞈ-ehˇ ehˇ nehˬ-euˬ ma. ‘Ngaˬ-euˬ gʼaˇ duˬ nawˇ dzoeˬ ya dzaˬ tehꞈ-a. Ngaˬ-euˬ nui kʼahˇ-ahˇ nawˇ mˇ byah tehꞈ-a. Yeˬluˇsaˬlehˬ meuˬ-ahˇ nawˇ paˇ bi tsoˆ muiˬ-awˇ, Uˬ duˬ tahˬ nymˇ nymˇ ma-euˬ dawˬ pehˬ gawˬ tehꞈ-a.’ ”

Yeˬlaˬmiˇ 51:11

Baˬbuˇloˬ miˇ kʼahˬ-ahˇ Sahˬpaˬ Miˬyehˇ laˆ cawˆ mawꞈ-eu miˇ neh, Meˬdiˇ sahˬ paˬ deuˬ uˇ laˇ ni aˬ yawꞈ jahˇ-euˬ meh. Aˬ yawꞈ-euˬ Uˬ duˬ tahˬ nymˇ nymˇ ma-ahˇ laˆ cawˆ-euˬ aˇ poeˬ aˬ yawꞈ kʼoeˇ loꞈ-ehˇ jahˇ kʼoꞈ nehˬ tehꞈ-a. Guiˇ maꞈ kʼoeˇ taˆ uˆ lahˇ-eu deuˬ heu loꞈ-ehˇ dawˬ biꞈ tehꞈ-a. “Naw maꞈ-euˬ kaˆ myaˬ shiˬ taˆ-awˬ. Dehˬ daˬ duˬ lehˬ hmˬ-awˬ.

Daˬyeˬlaˇ 10:5

Ngaˇ haw daˆ gʼeh leꞈ ngeh, shawˇ jehˆ ni gʼeh-eu saˬ paˇ neh guꞈ taˬ-euˬ mehˬ tsoeˬ dm-awˇ, maˇ jawˆ ni gʼeh-eu shuiˇ joꞈ paꞈ paꞈ luꞈ-eu tsawˇ haˬ tiˬ gʼaˬ-ahˇ ngaˇ mawˇ-euˬ ma.

Daˬyeˬlaˇ 2:39

Nawˇ jiˇ naˇ, nawˬ-euˬ miˇ kʼahˬ taꞈ-ehˇ nyiˇ teˬ-eu miˇ kʼahˬ tiˬ kʼahˬ paˇ doˆ laˇ tehꞈ-a. Kʼoeˇ jiˇ naˇ, miˇ kʼahˬ smˇ kʼahˬ tiˬ kʼahˬ pyeuꞈ-eu guiˬ shuiˇ miˇ kʼahˬ paˇ doˆ laˇ-awˇ, miˇ tsaˬ dawˬ tawˆ luꞈ-ahˇ uˆ lahˇ tehꞈ-a.

Daˬyeˬlaˇ 5:31

Kʼoeˇ naˇ, aˇ kʼoꞈ koꞈ tseˇ nyiˬ kʼoꞈ byah-eu Daˬliˇ lehˇ kuˇ-eu Meˬdiˇ tsawˇ haˬ tiˬ gʼaˬ, miˇ kʼahˬ kʼoeˇ kʼahˬ-ahˇ sahˬ paˬ geuꞈ-awˇ uˆ lahˇ-euˬ meh.

Daˬyeˬlaˇ 6:28

Daˬliˇ uˆ lahˇ-eu aˇ yamˬ hawˇ-eu, Paˇshaˇ tsawˇ jeuˬ Guˇluˆ uˆ lahˇ-eu aˇ yamˬ laꞈ kʼoeˇ, Daˬyeˬlaˇ dehꞈ dzaˬ dui dui-euˬ meh.

Daˬyeˬlaˇ 7:5

Bawˇ tsahˬ jeˬ zaˬ nyiˬ mawˇ tiˬ mawˇ-aˬ, kʼaˬ hmˇ-ahˇ duˇ-awˇ, aˬ kuiˇ nyiˬ kuiˇ kʼoeˇ taˆ gawˬ yawꞈ yawꞈ luꞈ-eu meh. Aˬ yawꞈ-euˬ seuˬ-ahˇ behˇ jehˆ smˇ kahˬ tsehꞈ tehˬ taˬ-euˬ meh. ‘Nawˇ kʼaˇ dzaˬ coeˇ-eu myaˆ ni dzaˬ-awˬ’ lehˇ aˬ yawꞈ-ahˇ ehˇ nehˬ-eu teˇ saˇ ngaˇ gaˬ-euˬ ma.

Daˬyeˬlaˇ 8:2

Yaw sahˇ laꞈ kʼoeˇ ya siˬ ya mawˇ-eu jeˬ laꞈ kʼoeˇ, Eˇlamˬ miˇ kʼahˬ-ahˇ jaˆ-eu Suˇsaˬ meuˬ-ahˇ ngaˇ jawˇ luꞈ gaˇ ya mawˇ-euˬ ma. Kʼoeˇ gaˇ, Uˇlehˇ lawˇ baˬ dawˬ peh ngaˇ yawꞈ luꞈ-eu ma.

Daˬyeˬlaˇ 8:20

“Nawˬ neh ya mawˇ-euˬ uˬ coeˇ nyiˬ kahˬ tsoꞈ-eu yawˇ kʼoeˇ mawˇ-aˬ, Meˬdiˇ miˇ kʼahˬ hawˇ-eu Paˇshaˇ miˇ kʼahˬ-ahˇ ehˇ mawꞈ-eu meh.

Zaˬkaˬliˇ 1:18

Yaw sahˇ laꞈ kʼoeˇ ya siˬ ya mawˇ-eu jeˬ laꞈ kʼoeˇ, mawˇ neˇ uˬ coeˇ oeˬ kahˬ ngaˇ paˇ mawˇ-euˬ ma.

Zaˬkaˬliˇ 2:1

Yaw sahˇ laꞈ kʼoeˇ ya siˬ ya mawˇ-euˬ jeˬ laꞈ kʼoeˇ, daˇ dza aˇ caˆ yuˇ luꞈ-eu tsawˇ haˬ tiˬ gʼaˬ ngaˇ paˇ ya mawˇ-euˬ ma.

Zaˬkaˬliˇ 5:1

Ngaˇ tiˬ paw paˇ haw gʼeh ngeh, zaw luꞈ-eu sahˬ boꞈ paˇ yoˆ tiˬ yoˆ mawˇ-euˬ ma.

Zaˬkaˬliˇ 5:5

Mˬ taˆ gʼaˬ kʼehˇ kʼoeˇ gʼaˬ mehˬ hu paw paˇ doˆ le-awˇ, “Aˬ jeˬ oe luꞈ nga lehˇ haw sheˇ” lehˇ, ngaˬ-ahˇ ehˇ-eu meh.

Zaˬkaˬliˇ 5:9

Ngaˇ paˇ haw daˆ leꞈ ngeh, hahˬ byaꞈ-euˬ aˬ dahˇ loꞈ-ehˇ gʼaˬ kʼaˆ dui dui-eu aˬ dahˇ tsoꞈ-eu zaˬ miˬ zaˬ nyiˬ gʼaˬ, ngaˇ jawˇ paw zaw ka leꞈ gaˇ ya mawˇ-euˬ ma. Aˬ yawꞈ nyaꞈ pawˬ tuˇ kʼoeˇ siˬ tsi-awˇ paˇ zaw daˆ kʼoꞈ leꞈ-euˬ meh.

Zaˬkaˬliˇ 6:1

Yaw sahˇ laꞈ kʼoeˇ, ngaˇ heu loꞈ-ehˇ paˇ ya mawˇ-euˬ ma. Guiˬ shuiˇ gawˬ jawˬ nyiˬ jawˬ yaw kaˬ-ahˇ mahˬ laˆ lawˬ oeˬ laˇ doˆ le gaˇ ngaˇ mawˇ-euˬ ma.

Bawˇtsahˬ 24:2

Kʼoeˇ ngeh, Iˇsaˬleˬlaˆ tsawˇ jeuˬ aˬ yawꞈ jeuˬ yawꞈ, yawˬ ha-euˬ jawˇ duˬ-ahˇ yawˬ ha jawˇ naˬ luꞈ gaˇ Baˬlamˬ ya mawˇ-euˬ meh. Miˬyehˇ-euˬ yaw sahˇ aˬ yawꞈ-ahˇ uˆ lahˇ le-awˇ,

Yawˇshuˆ 5:13

Yeˬliˇkoˇ meuˬ dawˬ peh Yawˇshuˆ le keuˆ ngeh, aˬ yawꞈ mehˬ shi mi cehˇ tuˆ tehˬ-awˇ yawꞈ luꞈ-eu tsawˇ haˬ tiˬ gʼaˬ-ahˇ ja pyuˬ ni aˬ yawꞈ ya mawˇ-euˬ meh. Tsawˇ haˬ kʼoeˇ gʼaˬ dawˬ peh Yawˇ shuˆ le-awˇ, “Nawˇ nga maꞈ-euˬ guiˇ zaˬ te loˇ. Maˬ ngeuˇ naˇ, nga maꞈ-ahˇ muiˇ-eu tsawˇ haˬ te loˇ” lehˇ naˇ haˬ-euˬ meh.

Panmaeq 13:11

Kʼoeˇ naˇ, miˇ tsaˬ-ahˇ doˆ laˇ-euˬ jeˬ zaˬ yaw haiˬ tiˬ mawˇ ngaˇ paˇ ya mawˇ-euˬ ma. Yawˇ-euˬ uˬ coeˇ-ahˇ duˇ-eu uˬ coeˇ nyiˬ coeˇ tsoꞈ-awˇ, byaˆ yahˬ loꞈ-ehˇ dawˬ ngehˬ-eu meh.

Panmaeq 5:6

Kʼoeˇ naˇ, jeˬ zaˬ kʼoeˇ oeˬ mawˇ hawˇ-eu aˬ yuiꞈ aˬ tsu kʼoeˇ deuˬ tiˬ jawˬ jawˇ luꞈ-eu gʼahˇ ceh jaˆ-eu dzoeˬ dzaˬ nuiˇ mahˬ kʼoeˇ taˆ, Yawˇzaˬ yawꞈ luꞈ gaˇ ya mawˇ-euˬ ma. Yawˇzaˬ kʼoeˇ-aˬ, bi sehꞈ-euˬ gaˇ duˇ-eu meh. Uˬ coeˇ shiꞈ coeˇ tsoꞈ-awˇ, myaˆ nuiˆ shiꞈ nuiˆ tsoꞈ-eu meh. Kʼoeˇ-aˬ, miˇ tsaˬ doe ni pyehˬ taˬ-euˬ Miˬyehˇ-euˬ yaw sahˇ shiꞈ sahˇ pyeuꞈ-eu meh.