Daˬyeˬlaˇ 8:23 - Akha

²³ “Miˇ kʼahˬ kʼoeˇ deuˬ aˇ saˬ saˬ-eu aˇ nah aˇ yamˬ dawˬ peh peh laˇ-awˇ, haiˬ dui dui laˇ ngeh, nui ma gʼahˇ dui dui-awˇ dzawˬ dui gahˇ dui dui-eu sahˬ paˬ tiˬ gʼaˬ doˆ laˇ tehꞈ-a.

Daˬyeˬlaˇ 8:23 Iomraidhean Croise

Aˇ dahˬ 15:16

Nawˬ-euˬ zaˬ nawˬ-euˬ uˆ deuˬ-aˬ, miˇ kʼahˬ heu kʼahˬ laꞈ kʼoeˇ maˬ gʼoꞈ keuˆ laˇ dah mi naˆ-ehˇ, aˬ cawˬ miˇ kʼahˬ laꞈ kʼoeˇ oeˬ ziˇ keuˆ ni ya jawˇ tehꞈ-a. Aˬ jeˬ miˇ neh ehˇ naˇ, Aˬmawˇliˆ tsawˇ haˬ kʼoeˇ deuˬ ngaˬ neh kʼehˬ nehˬ kʼaˆ nehˬ-eu jeˬ-ahˇ ya daˬ paˬ-ehˇ, maˬ tsaˬ maˬ dawˇ-eu jeˬ maˬ mˇ kʼaˆ laˇ kʼoeˇ keuˆ ni, Aˬmawˇliˆ tsawˇ haˬ kʼoeˇ deuˬ-ahˇ ngaˇ maˬ teh dzeh te siˬ.”

Dawqdaq 1:6

dawˬ tsuiꞈ naꞈ-eu dawˬ daˬ-ahˇ aˬ yawꞈ maꞈ gʼoˆ shaw nya-awˇ, nui gahˇ byah-eu deuˬ neh tsaˬ dzoˆ dzoˆ-euˬ dawˬ-ahˇ puiˇ pyehˬ nya-eu meh.

Yeˬsaˬgeˬlaˇ 38:16

Miˇ kʼahˬ nyiˬ tsehˆ-ehˇ baw gʼeh leꞈ-eu ja lehˇ lehˇ ma loꞈ-ehˇ, ngaˬ-euˬ tsawˇ jeuˬ Iˇsaˬleˬlaˆ tsawˇ haˬ deuˬ-ahˇ guiˇ deuˆ le-eu lehˇ nawˇ oe tehꞈ-a. Aˇ nah aˇ yamˬ kʼoeˇ keuˆ le ngeh, ngaˇ aˬ suˇ gʼaˬ nga lehˇ tsawˇ jeuˬ dawˬ tawˆ luꞈ bi mawˇ duˬ-eu gʼaˇ duˬ maˬ ehˇ, nawˬ-ahˇ zmˬ-awˇ ngaˬ neh mˇ-euˬ jeˬ baˬ da neh, ngaˬ-euˬ muiˬ-eu shawˇ-eu jeˬ bi siˬ bi mawˇ duˬ-eu gʼaˇ duˬ maˬ ehˇ, nawˬ-ahˇ pyehˬ gʼeh-awˇ, ngaˬ-euˬ miˇ kʼahˬ-ahˇ guiˇ bi deuˆ-iˇ ma.

Yeˬsaˬgeˬlaˇ 38:8

Aˇ nah aˇ yamˬ gʼawˬ myahˇ ni dzeuˇ-iˇ gʼaˬ ngeh jawˇ, aˬ cawˬ miˇ kʼahˬ gʼawˬ mya kʼahˬ-ahˇ neh gʼoꞈ uiˬ laˇ-awˇ jawˇ-eu, guiˇ deuˆ laˇ gaˇ maˬ guˆ ni ya dehꞈ ya jawˇ luꞈ-eu miˇ kʼahˬ tiˬ kʼahˬ-ahˇ, nawˬ-ahˇ ngaˇ guiˇ bi deuˆ-iˇ ma. Dzeuˇ laˇ ngeh aˇ yamˬ gʼawˬ myahˇ ni cawˆ-iˇ-awˇ ciˬ cuˇ ni jaˆ-euˬ kʼawꞈ, nymˬ-mˇ tsawˇ haˬ dawˬ tawˆ luꞈ nui saˇ oꞈ-eu laꞈ kʼoeˇ jawˇ luꞈ-eu miˇ kʼahˬ pyeuꞈ-eu Iˇsaˬleˬlaˆ gawˬ jawˬ deuˬ-ahˇ aˬ yawꞈ guiˇ ya deuˆ-iˇ tehꞈ-a.

Daˬyeˬlaˇ 10:14

Aˬ kaˇ mehˬ hu paw nawˬ-euˬ tsawˇ jeuˬ kʼoeˇ taˆ aˬ joˆ-ehˇ pyeuꞈ laˇ-eu gaˇ kawˆ nawˇ gʼoˆ shaw nya ni ngaˇ ja mehˬ le-euˬ ma. Heu-aˬ, aˬ kaˇ mehˬ hu paw pyeuꞈ laˇ-eu gaˇ kawˆ-ahˇ taꞈ leˇ-eu yaw sahˇ laꞈ kʼoeˇ ya siˬ ya mawˇ-eu jeˬ meh.”

Daˬyeˬlaˇ 11:21

Mˬ taˆ gʼaˬ kʼehˇ kʼoeˇ gʼaˬ heu loꞈ-ehˇ paˇ ja mehˬ nehˬ laꞈ-euˬ meh. “Mehˬ hu paw daˆ laˇ-eu Suˇliˆ sahˬ paˬ-aˬ, haiˬ dui dui-awˇ, sahˬ paˬ geuꞈ geuˇ-eu tsawˇ haˬ maˬ ngeuˇ-a. Ehˇ kʼawꞈ, tiˬ gʼaˬ-iˬ maˬ noeˬ maˬ duˇ-euˬ gaˇ, tsawˇ gahˇ gahˇ-awˇ sahˬ paˬ geuꞈ-euˬ meh.

Daˬyeˬlaˇ 11:24

Smˇ muiˬ muiˬ-eu miˇ kʼahˬ deuˬ maˬ noeˬ maˬ duˇ-ehˇ jawˇ luꞈ gaˇ aˬ yawꞈ guiˇ deuˆ-awˇ, aˬ yawꞈ-euˬ aˬ poeˬ aˬ bawˇ deuˬ tiˬ jawˇ-iˬ maˬ mˇ haw-euˬ jeˬ aˬ yawꞈ mˇ tehꞈ-a. Kʼoeˇ naˇ, guiˇ deuˆ za-euˬ pyuˇ shuiˇ myawˬ gahˬ deuˬ-ahˇ, aˬ yawꞈ mehˬ nah caw teh-eu tsawˇ haˬ deuˬ nehˬ-ehˇ tiˬ kawˆ loꞈ-ehˇ biˇ geuꞈ tehꞈ-a. Aˬ cawˬ taˆ tsoˆ gaˇ guiˇ deuˆ-iˇ-eu gʼaˇ duˬ aˬ yawꞈ aˇ kawˆ kawˆ-awˇ lehˬ hmˬ tehꞈ-a. Ehˇ kʼawꞈ, aˬ yawꞈ-euˬ aˇ nah aˇ yamˬ jiˇ le tehˇ tehˬ tehꞈ-a.

Daˬyeˬlaˇ 7:11

Ngaˇ haw haw-ehˇ jawˇ ngeh, uˬ coeˇ coeˇ zaˬ kʼoeˇ kahˬ kʼahˬ sehˇ jehˆ-eu teˇ saˇ ngaˬ-ahˇ gaˬ le luꞈ-eu meh. Ngaˇ haw luꞈ ngeh, bawˇ tsahˬ jeˬ zaˬ oeˬ mawˇ tiˬ mawˇ bi sehꞈ-awˇ, aˬ yawꞈ-euˬ gʼawˇ mawˇ miˬ dzaˬ miˬ lmˇ-ahˇ bi biˬ ahˇ-awˇ, bi puiˆ dzaˬ jiˇ-euˬ meh.

Daˬyeˬlaˇ 7:20

Aˬ yawꞈ-euˬ uˬ duˬ-ahˇ tsoꞈ-eu uˬ coeˇ tseˇ kahˬ hawˇ-eu, aˬ cawˬ jeˬ nah doˆ laˇ-awˇ, uˬ coeˇ smˇ kahˬ tahˬ juˆ dzeh-euˬ uˬ coeˇ kʼoeˇ kahˬ-euˬ dawˬ tsuiꞈ ngaˇ siˬ nya mawꞈ-eu ma. Uˬ coeˇ kʼoeˇ kahˬ tsawˇ haˬ-euˬ myaˆ nuiˆ tsoꞈ-awˇ, kʼahˬ sehˇ jehˆ dui dui-eu kʼaˬ meh ti meh tsoꞈ-eu meh. Jeˬ zaˬ kʼoeˇ mawˇ-aˬ, jeˬ zaˬ nui deuˬ naˆ maˬ tseˇ guˆ dui dui laˇ paˬ-ehˇ gʼeh-eu meh.

Daˬyeˬlaˇ 7:25

Dawˬ tawˆ kʼoeˇ taˆ huiˬ-eu Miˬyehˇ-ahˇ ceh cawˬ cawˬ-eu dawˬ ngehˬ-awˇ, Miˬyehˇ-euˬ tsawˇ haˬ deuˬ-ahˇ aˬ yawꞈ kʼehˬ nehˬ kʼaˆ nehˬ tehꞈ-a. Uˬ duˬ tahˬ-eu zahˇ sahˇ kʼoꞈ deuˬ hawˇ-eu, uˬ duˬ tahˬ-eu zahˇ sahˇ kʼoꞈ-ahˇ taꞈ-eu bawˬ-iˬ deuˬ-ahˇ aˬ yawꞈ laˆ paˇ-awˇ, Miˬyehˇ-euˬ tsawˇ haˬ deuˬ aˬ yawꞈ uˆ lahˇ-eu uˬ moˆ smˇ kʼoꞈ uˬ taꞈ tiˬ paˆ ya jawˇ tehꞈ-a.

Daˬyeˬlaˇ 7:8

Uˬ coeˇ kʼoeˇ deuˬ-ahˇ ngaˇ zahˬ leˇ-awˇ haw haw-ehˇ jawˇ ngeh, uˬ coeˇ kʼoeˇ deuˬ yaw kaˬ-ahˇ uˬ coeˇ coeˇ zaˬ tiˬ coeˇ doˆ laˇ-euˬ meh. Uˬ coeˇ coeˇ zaˬ kʼoeˇ neh kʼoeˇ gaˇ tsoꞈ-eu uˬ coeˇ smˇ kahˬ tahˬ juˆ dzeh-euˬ meh. Uˬ coeˇ kʼoeˇ coeˇ-ahˇ tsawˇ haˬ zaˬ-euˬ myaˆ nuiˆ tsoꞈ-awˇ, kʼahˬ sehˇ jehˆ-eu kʼaˬ meh tiˬ meh tsoꞈ-eu meh.

Daˬyeˬlaˇ 8:22

Uˬ coeˇ yaw beh kahˬ lehˆ dzeh-awˇ paˇ doˆ laˇ-euˬ uˬ coeˇ kʼoeˇ oeˬ kahˬ-aˬ, miˇ kʼahˬ kʼoeˇ kʼahˬ laꞈ kʼoeˇ miˇ kʼahˬ oeˬ kʼahˬ paˆ doˆ-iˇ-awˇ, yaw beh loꞈ-ehˇ gʼaˬ maˬ kʼaˆ ni pyeuꞈ-iˇ gaˇ ehˇ mawꞈ-eu meh.

Daˬyeˬlaˇ 8:24

Aˬ yawꞈ-aˬ, baoˬ huiˬ dui dui tehꞈ-a. Ehˇ kʼawꞈ, aˬ yawˇ yawꞈ baoˬ huiˬ laˇ-euˬ maˬ ngeuˇ-a. Aˬ yawꞈ-aˬ, guˆ laˇ paˬ-ehˇ gʼeh-eu laˆ cawˆ-eu jeˬ mˇ-awˇ, aˬ yawꞈ kʼaˇ mˇ mawꞈ-euˬ yawˬ jeˬ na luꞈ mˇ pyeuꞈ shaˇ pyeuꞈ nya-eu meh. Baoˬ huiˬ-eu tsawˇ haˬ deuˬ hawˇ-eu Miˬyehˇ-euˬ tsawˇ haˬ deuˬ kʼoeˇ taˆ, yaw cawˆ jeˬ keuˆ le ni aˬ yawꞈ mˇ tehꞈ-a.

Daˬyeˬlaˇ 8:25

Aˬ yawꞈ tsawˇ gahˇ gahˇ-awˇ jaˬ myawꞈ mehˇ shuiˇ zmˬ-eu laꞈ kʼoeˇ, gʼawˬ mya jeˬ mˇ doˆ laꞈ tehꞈ-a. Aˬ yawˆ yawꞈ huiˬ dui mahˇ dui dui miˇ-a lehˇ noeˬ-awˇ, tsawˇ haˬ gʼawˬ mya ni-ahˇ maˬ noeˬ maˬ duˇ-ehˇ jawˇ gaˇ tiˬ jeˬ-iˬ maˬ ehˇ ni sehꞈ tehꞈ-a. Sahˬ paˬ dawˬ tawˆ kʼoeˇ taˆ huiˬ-eu Sahˬpaˬ-ahˇ kʼawꞈ, aˬ yawꞈ yehˬ bawˬ sehˇ lu-ehˇ ehˇ-eu meh. Laˆ luˬ laˆ seˇ nehˬ gaˇ aˬ yawꞈ ya daˬ tehꞈ-a. Ehˇ kʼawꞈ, tsawˇ haˬ zaˬ-euˬ baoˬ neh laˆ luˬ laˆ seˇ nehˬ-eu jeˬ maˬ ngeuˇ-a.

Bawˇtsahˬ 24:24

Guˇbaˬluˇ paw neh aˬ cawˬ guiˇ deuˆ ahˇ laꞈ tehꞈ-a. 1 Aˬshuˇliˆ miˇ kʼahˬ hawˇ-eu Eˬbaˬ miˇ kʼahˬ-ahˇ aˬ yawꞈ maꞈ deuˆ gʼaˬ tehꞈ-a. Ehˇ kʼawꞈ, aˬ yawꞈ maꞈ gʼeh mˬ maˬ maˬ byaˆ zaˇ ziˇ ya luˬ ya seˇ-iˇ tehꞈ-a.”

Maꞈtehˬ 23:32

Toˆ-ehˇ ngeuˇ naˇ, naw maꞈ-euˬ aˬ poeˬ aˬ bawˇ deuˬ neh mˇ bahˬ yaꞈ-euˬ jeˬ-ahˇ, naw maꞈ mˇ saˬ mˇ li li-awˬ.

Dawˬmehˬ 28:50

Aˬ yawꞈ maꞈ-aˬ, haiˬ dui dui-awˇ, tsawˇ mawˬ-ahˇ maˬ ehˇ, zaˬ guˬ-ahˇ maˬ ehˇ, gʼawˬ shaˬ gaˬ-eu maˬ siˬ nya-a.

1 Teˇsaˬloˇni 2:16

Aˬ cawˬ tsawˇ jeuˬ ka kʼoꞈ-eu jeˬ bi za-eu lehˇ nga maꞈ Miˬyehˇ dawˬ kawˬ mehˬ nehˬ gaˇ keuˆ ni laˆ tsoeˬ-eu lehˇ leh jeh-eu meh. Kʼoeˇ loꞈ-ehˇ gʼeh-eu laꞈ kʼoeˇ, aˬ yawꞈ maꞈ aˬ myah luꞈ mˇ luꞈ-eu iˬ baˇ dawˬ tawˆ luꞈ byah jiˇ laˇ ni kaꞈ gʼa-eu meh. Nymˬ-mˇ aˇ saˬ saˬ laˇ ngeh, Miˬyehˇ nui ma pehˇ-eu jeˬ aˬ yawꞈ maꞈ kʼoeˇ taˆ keuˆ le teuˇ le-euˬ meh.

1 Tiˆmoˇseˬ 4:1

Aˇ nah aˇ nah-ehˇ, tsawˇ haˬ tiˬ paˆ na deuˬ jah-eu jeˬ-ahˇ byehˇ dzeh tehꞈ-a lehˇ Yaw sahˇ Miˬyehˇ ehˇ-eu meh. Jaˬ myawꞈ myawꞈ-eu yaw sahˇ deuˬ-euˬ dawˬ-ahˇ aˬ yawꞈ maꞈ naˇ haˬ-awˇ, nehꞈ mehˬ-eu tsoˆ-eu mehˬ nah caw teh gʼeh tehꞈ-a.

Panmaeq 19:20

Jeˬ zaˬ yaw haiˬ kʼoeˇ mawˇ hawˇ-eu, aˬ yawꞈ mehˬ shi aˬ cawˬ-ahˇ zahˬ leˇ paˬ-ehˇ gʼeh-eu jeˬ mˇ mehˬ-euˬ maˬ ngeuˇ-eu Miˬyehˇ gʼaˇ duˬ ngeh dah-eu kʼoeˇ gʼaˬ-ahˇ bi nyehꞈ mi-euˬ meh. (Kʼoeˇ loꞈ-ehˇ zahˬ leˇ paˬ-ehˇ gʼeh-eu jeˬ mˇ mehˬ-eu laꞈ kʼoeˇ, jeˬ zaˬ yaw haiˬ kʼoeˇ mawˇ neh jmˬ diˬ taˬ-euˬ tsawˇ haˬ deuˬ hawˇ-eu, jeˬ zaˬ yaw haiˬ kʼoeˇ mawˇ-euˬ tahˬ pahˬ aˬ ma mawˇ kawˇ-ahˇ uˬ duˬ tahˬ-eu tsawˇ haˬ deuˬ-ahˇ mehˇ shuiˇ shuiˇ za taˬ-euˬ jeˬ pyeuꞈ-eu meh.) Jeˬ zaˬ yaw haiˬ kʼoeˇ mawˇ hawˇ-eu maˬ ngeuˇ-eu Miˬyehˇ gʼaˇ duˬ ngehˬ dah-eu kʼoeˇ gʼaˬ-ahˇ, miˬ dzaˇ dzaˇ shuiˇ doꞈ luꞈ-eu miˬ dzaˬ lah laꞈ kʼoeˇ yaw dehꞈ-ehˇ baꞈ puꞈ nehˬ-euˬ meh.