Daˬyeˬlaˇ 8:2 - Akha

² Yaw sahˇ laꞈ kʼoeˇ ya siˬ ya mawˇ-eu jeˬ laꞈ kʼoeˇ, Eˇlamˬ miˇ kʼahˬ-ahˇ jaˆ-eu Suˇsaˬ meuˬ-ahˇ ngaˇ jawˇ luꞈ gaˇ ya mawˇ-euˬ ma. Kʼoeˇ gaˇ, Uˇlehˇ lawˇ baˬ dawˬ peh ngaˇ yawꞈ luꞈ-eu ma.

Daˬyeˬlaˇ 8:2 Iomraidhean Croise

Aˇ dahˬ 10:22

Sheˬmaˆ-euˬ aˬ li Eˇlamˬ, Aˬshuˇlaˆ, Aˬpaˬshaˇ, Luˇdaˆ Aˬlamˬ aˬ ha mehˇ nmˇ-aˬ, aˬ yawꞈ maꞈ-euˬ tsawˇ myahˇ kʼaˇ pi luꞈ-eu tsawˇ jeuˬ deuˬ-euˬ aˬ da yaw dzahˇ deuˬ pyeuꞈ-eu meh.

Aˇ dahˬ 14:1

Baˬbuˇloˬ sahˬ paˬ Aˬlaˬpeˬ -laˇ, Eˇlaˬsaˬ sahˬ paˬ Aˬliˇoˬ, Eˇlamˬ sahˬ paˬ Sheˬdawˇlawˇmaˬ, Gawˇiˆ sahˬ paˬ Tiˇdaˬ, heu oeˬ gʼaˬ gm leˇ-awˇ,

Neˬhaˬmiˇ 1:1

Heu-aˬ, Haˬkaˬliˇ-euˬ aˬ li Neˬhaˬmiˇ neh mˇ doˆ shaˇ doˆ yaꞈ-euˬ gaˇ deuˬ gaˇ kawˆ meh. Paˇshaˇ sahˬ paˬ Aˬtaˬdzeuˬsehˆ uˆ lahˇ-eu nyiˬ tseˇ kʼoꞈ tiˬ kʼoꞈ Giˇsaˬlehˆ ba la-ahˇ, ngaˇ Neˬhaˬmiˇ-aˬ, miˇ kʼahˬ kʼoeˇ kʼahˬ laꞈ kʼoeˇ huiˬ dzehˬ-eu meuˬ pyeuꞈ-eu Suˇsaˬ meuˬ-ahˇ jawˇ luꞈ-eu ma.

Iˇsaˬtaˆ 1:2

Aˇ yamˬ kʼoeˇ yamˬ laꞈ kʼoeˇ, sahˬ paˬ Dzeuˬsehˆ-aˬ, Paˇshaˇ miˇ kʼahˬ-euˬ meuˬ meuˬ ma pyeuꞈ-eu Suˇsaˬ meuˬ-ahˇ jawˇ-awˇ uˆ lahˇ luꞈ-eu meh.

Iˇsaˬtaˆ 2:8

Sahˬ paˬ neh dawˬ biꞈ-awˇ, zaˬ miˬ aˬ buˇ gʼawˬ mya ni Suˇsaˬ meuˬ-ahˇ bi sheuˬ uiˬ laꞈ ngeh. Iˇsaˬtaˆ kʼawꞈ ahˇ leˇ-euˬ meh. Aˬ yawꞈ-ahˇ kʼawꞈ sahˬ paˬ-euˬ nymˇ-ahˇ sheuˬ ahˇ taˬ-awˇ, sahˬ paˬ-euˬ zaˬ miˬ zaˬ deuˬ-ahˇ haw-eu pyaˆ-eu gʼaˬ pyeuꞈ-eu Heˬgehˇ uˆ lahˇ-eu uˬ moˆ bi jawˇ-euˬ meh.

Iˇsaˬtaˆ 3:15

Sahˬ paˬ neh dawˬ biꞈ-euˬ loꞈ-ehˇ, gaˇ kawˆ kʼoeˇ Suˇsaˬ meuˬ-ahˇ jawˇ-eu tsawˇ haˬ dawˬ tawˆ luꞈ-ahˇ bi siˬ bi gaˬ-awˇ, cehˆ coeˬ coeˬ-awˇ sahˬ boꞈ sha-eu tsawˇ haˬ deuˬ neh miˇ kʼahˬ doe ni cehˆ gaˬ-iˇ-euˬ meh. Suˇsaˬ meuˬ laꞈ kʼoeˇ gaˇ kawˆ kʼoeˇ hmˬ baˬ da neh luiˬ gʼaˬ dui dui luꞈ ngeh, sahˬ paˬ hawˇ-eu Haˬmaˬ aˬ nyaꞈ tiˬ gaˇ nuiˇ-awˇ aˬ gaꞈ dzaˇ uiˇ dawˇ luꞈ-eu meh.

Iˇsaˬtaˆ 7:6

Iˇsaˬtaˆ ehˇ-eu, “Nga maꞈ-ahˇ muiˇ-awˇ kʼehˬ-eu lehˇ gʼeh-eu gʼaˬ-aˬ, haiˬ dui dui-eu Haˬmaˬ heu gʼaˬ meh.” Kʼoeˇ ngeh, Haˬmaˬ-aˬ, sahˬ paˬ hawˇ-eu sahˬ paˬ miˬ zaˬ mehˬ shi guˆ-awˇ yaw dzuˬ dzuˬ-eu meh.

Iˇsaˬtaˆ 8:15

Mawˬdaˬkehˇ-aˬ, paˇ puiˇ hawˇ-eu paˇ pyuˇ keuˬ taˬ-euˬ sahˬ paˬ sahˬ ma deuˬ dm-eu pehˇ kʼahˬ dm-awˇ, shawˇ jehˆ ni gʼeh-eu saˬ paˇ neh guꞈ taˬ-euˬ neˇ tseuˆ ni gʼeh-eu pehˇ kʼahˬ pehˇ mahˇ dm daˆ-awˇ, muiˬ dui jaˬ dui dui-eu shuiˇ uˬ kʼoˆ kʼoˆ-awˇ, sahˬ paˬ-euˬ nymˇ-ahˇ neh doˆ-iˇ ngeh, Suˇsaˬ meuˬ-euˬ gaˇ ma doe ni laˬ kʼaˬ cehˇ-awˇ guˇ-eu lawꞈ lawꞈ-ehˇ jaˆ-eu meh.

Iˇsaˬtaˆ 9:11

Aˬ yawꞈ ngeh nah-ahˇ neh, Suˇsaˬ meuˬ laꞈ kʼoeˇ tsawˇ haˬ aˇ myaˆ gʼaˬ sehꞈ-euˬ gaˇ kawˆ sahˬ paˬ-ahˇ gaˬ keuˆ leˇ-euˬ meh.

Iˇsaˬtaˆ 9:15

Aˬdaˬlaˇ ba la tseˇ oeˬ nah-ahˇ Suˇsaˬ meuˬ-ahˇ jawˇ-eu Yuˇdaˆ tsawˇ haˬ deuˬ tiˬ gaˇ uiˬ leˇ-awˇ, meuˬ laꞈ kʼoeˇ tsawˇ haˬ smˬ yaˇ gʼaˬ paˇ sehꞈ-euˬ meh. Ehˇ kʼawꞈ, aˬ yawꞈ maꞈ myawˬ maˬ yuˇ geuꞈ nehˬ-a.

Iˇsaˬyaˇ 11:11

Aˇ nah aˇ yamˬ kʼoeˇ yamˬ keuˆ le ngeh, Sahˬpaˬ Miˬyehˇ aˬ laꞈ cawˬ ja-awˇ, aˬ cawˬ-euˬ miˇ kʼahˬ-ahˇ dzeˇ luꞈ-eu aˬ yawꞈ-euˬ tsawˇ haˬ deuˬ-ahˇ sheuˬ kʼoꞈ laꞈ tehꞈ-a. Aˬshuˇliˆ miˇ kʼahˬ, Iˇjiˇtuˆ miˇ kʼahˬ, Paˬdaˬloˆ miˇ kʼahˬ, Suˬdaˬ miˇ kʼahˬ, Eˇlamˬ miˇ kʼahˬ, Baˬbuˇloˬ miˇ kʼahˬ, Haˬmaˆ miˇ kʼahˬ hawˇ-eu, iˬ ma laˆ shaˆ lawˇ deh caw caw-ehˇ jaˆ-eu miˇ kʼahˬ deuˬ hawˇ-eu iˬ ma laˆ shaˆ laꞈ kʼoeˇ jaˆ-eu iˇ jaw lahˇ deuˬ laꞈ kʼoeˇ kʼaˇ dzeˇ-eu aˬ yawꞈ-euˬ tsawˇ haˬ deuˬ-ahˇ, aˬ yawꞈ sheuˬ kʼoꞈ doˆ laꞈ tehꞈ-a.

Iˇsaˬyaˇ 21:2

Kʼehˬ-eu kʼaˆ-eu jeˬ hawˇ-eu ceh geuꞈ lu geuꞈ-eu jeˬ maˬ ehˇ, saˇ jaˇ puiˬ-eu jeˬ hawˇ-eu laˆ luˬ laˆ seˇ-eu jeˬ maˬ ehˇ, yaw sahˇ laꞈ kʼoeˇ ngaˇ ya mawˇ-euˬ ma. Eˇlamˬ guiˇ maꞈ deuˬ-oˇ, guiˇ deuˆ-awˬ. Meˬdiˇ guiˇ maꞈ deuˬ-oˇ, meuˬ deuˬ-ahˇ loꞈ jawˬ-awˬ. Baˬbuˇloˬ meuˬ baˬ da neh myaˆ biˇ ya yoeˇ-eu jeˬ, Miˬyehˇ aˇ saˬ bi saˬ tehꞈ-a.

Yeˬlaˬmiˇ 25:25

Zmˇliˬ sahˬ paˬ dawˬ tawˆ luꞈ, Eˇlamˬ sahˬ paˬ dawˬ tawˆ luꞈ hawˇ-eu, Meˬdiˇ sahˬ paˬ dawˬ tawˆ luꞈ,

Yeˬsaˬgeˬlaˇ 1:1

Aˇ kʼoꞈ smˬ tseˇ kʼoꞈ tiˬ kʼoꞈ, ba la oeˬ siˬ tiˬ siˬ, aˇ nah ngaˬ nah tiˬ nah-ahˇ, Buˇziꞈ-euˬ aˬ li pyeuꞈ-eu ngaˇ piˇ ma Yeˬsaˬgeˬlaˇ-aˬ, Baˬbuˇloˬ miˇ kʼahˬ-ahˇ bi nyehꞈ daˆ gʼeh-euˬ Yuˇdaˆ tsawˇ haˬ deuˬ nehˬ-ehˇ, Baˬbuˇloˬ miˇ kʼahˬ-ahˇ jaˆ-eu Ceˬbaˬ lawˇ baˬ dawˬ peh jawˇ luꞈ-eu ma. Mˬ pah dzeh le-awˇ, yaw sahˇ laꞈ kʼoeˇ Miˬyehˇ-ahˇ ngaˇ ya mawˇ-euˬ ma.

Yeˬsaˬgeˬlaˇ 32:24

“Eˇlamˬ kʼoeˇ gaˇ ga luꞈ meh. Aˬ yawꞈ-euˬ yehˇ deuˬ-euˬ lmˬ bymˇ, aˬ yawꞈ jawˇ-eu tiˬ jawˬ jaˆ luꞈ meh. Aˬ yawꞈ maꞈ dawˬ tawˆ luꞈ guiˇ deuˆ gaˇ bi sehꞈ jiˇ-awˇ, baˆ kʼoˆ mehˬ dzaˬ maˬ yehˬ ni shiˇ-eu miˇ kʼahˬ-ahˇ keuˆ-iˇ-euˬ meh. Dehꞈ ngeh aˬ yawꞈ maꞈ aˬ cawˬ-ahˇ laˆ guˆ-euˬ kʼawꞈ, nymˬ-mˇ yaw shiˇ-ehˇ ga-awˇ, myaˆ pyawˬ naˇ mehˇ maˬ paˇ jaˆ meh.

Daˬyeˬlaˇ 10:4

Tiˬ kʼoꞈ laꞈ kʼoeˇ ba la yaw beh siˬ nyiˬ tseˇ oeˬ nah-ahˇ, Tiˇgaˬliˇ lawˇ baˬ baˬ ma-euˬ lawˇ dzeˇ-ahˇ ngaˇ yawꞈ luꞈ-eu ma.

Daˬyeˬlaˇ 7:15

Ngaˬ neh yaw sahˇ laꞈ kʼoeˇ ya mawˇ-euˬ jeˬ-ahˇ ngaˇ tsawˬ guˆ-iˇ-awˇ, nui ma maˬ saˇ ni pyeuꞈ-iˇ-euˬ ma.

Daˬyeˬlaˇ 7:2

Daˬyeˬlaˇ ehˇ-eu, “Mˬ-ahˇ neh oe-euˬ jaˬ lehˇ, miˇ ma oeˬ coeˇ oeˬ pyawˬ luꞈ baw gʼeh leꞈ-awˇ, iˬ ma laˆ shaˆ-ahˇ ciˬ tahˬ ciˬ tuˆ-euˬ meh.

Daˬyeˬlaˇ 8:1

Beˬlaˇshaˬzaˬ sahˬ paˬ geuꞈ-euˬ smˇ kʼoꞈ tiˬ kʼoꞈ-ahˇ, yaw sahˇ laꞈ kʼoeˇ heu loꞈ-ehˇ paˇ ya mawˇ-euˬ ma.

Daˬyeˬlaˇ 8:3

Lawˇ baˬ lawˇ dzeˇ-ahˇ, uˬ coeˇ coeˇ mahˇ nyiˬ kahˬ tsoꞈ-eu yawˇ tiˬ mawˇ ngaˇ mawˇ-euˬ ma. Uˬ coeˇ tiˬ kahˬ-aˬ, mahˇ dzehˬ-awˇ shuiꞈ dzehˬ-eu meh.

Bawˇtsahˬ 12:6

Sahˬpaˬ Miˬyehˇ ehˇ-eu, “Ngaˇ ehˇ gaˇ naˇ haˬ-awˬ. Naw maꞈ laꞈ kʼoeˇ Miˬyehˇ gʼaˇ duˬ ngehˬ dah-eu deuˬ jawˇ naˇ, yaw sahˇ laꞈ kʼoeˇ aˬ yawꞈ maꞈ-ahˇ ngaˇ pah mehˬ nehˬ-awˇ, yuꞈ maˆ maˆ-eu laꞈ kʼoeˇ ngaˇ dawˬ ngehˬ cawˬ ma.

HeˬByehˇ 1:1

Aˇ hu ba, Miˬyehˇ gʼaˇ duˬ ngehˬ dah-eu deuˬ-ahˇ gʼoe-eu laꞈ kʼoeˇ, aˬ dui-euˬ aˬ poeˬ aˬ bawˇ deuˬ-ahˇ Miˬyehˇ gʼawˬ mya poˆ, gʼawˬ mya jeˬ dawˬ ngehˬ cawˬ-euˬ meh.

Panmaeq 9:17

Yaw sahˇ laꞈ kʼoeˇ ya mawˇ-euˬ jeˬ laꞈ kʼoeˇ, mahˬ kʼoeˇ deuˬ hawˇ-eu mahˬ dziˬ-eu yehˇ kʼoeˇ deuˬ-ahˇ ngaˇ ya mawˇ-euˬ ma. Aˬ yawꞈ maꞈ-aˬ, miˬ dzaˬ loꞈ-ehˇ neˇ-eu, nyoeˇ leuˬ leuˬ-eu kʼaˬ lo sehˇ loꞈ-ehˇ nyoeˇ-eu, miˬ dzaˇ dzaˇ shuiˇ loꞈ-ehˇ shuiˇ-eu kʼahˬ-ahˇ dehˬ daˬ duˬ deuˬ-ahˇ dm luꞈ-eu meh. Mahˬ kʼoeˇ deuˬ-euˬ uˬ duˬ-aˬ, aˇ laˬ jaˬ shiˇ-euˬ uˬ duˬ-ahˇ duˇ-awˇ, kʼaˬ meh-ahˇ miˬ dzaˬ maˬ ehˇ, uˬ kʼoeˬ maˬ ehˇ, miˬ dzaˇ dzaˇ shuiˇ maˬ ehˇ, doˆ luꞈ-eu meh.