Daˬyeˬlaˇ 8:19 - Akha

¹⁹ Aˬ yawꞈ ehˇ-eu, “Miˬyehˇ nui ma pehˇ-eu jeˬ aˬ joˆ-ehˇ gʼeh laˇ nga lehˇ nawˬ-ahˇ ngaˇ mehˬ nehˬ nyaˇ. Nawˬ neh ya siˬ ya mawˇ-euˬ heu-aˬ, aˇ saˬ saˬ-eu aˇ nah aˇ yamˬ-ahˇ taꞈ leˇ-eu meh.

Daˬyeˬlaˇ 8:19 Iomraidhean Croise

Jaceuq 102:13

Ziˇoˬ meuˬ-ahˇ gʼawˬ shaˬ gaˬ-eu aˇ yamˬ tsaˬ laˇ-euˬ meh. Nymˬ-mˇ aˇ yamˬ tsaˬ dui dui meh.

Daˬyeˬlaˇ 11:27

Kʼoeˇ naˇ, sahˬ paˬ kʼoeˇ nyiˬ gʼaˬ hawˬ jeh tiˬ jeh -ahˇ tehꞈ-ehˇ dzaˬ taꞈ tehꞈ-a. Ehˇ kʼawꞈ, aˬ yawꞈ nyaꞈ nui ma laꞈ gʼoꞈ baw-awˇ, tiˬ gʼaˬ tiˇ gʼaˬ jaˬ myawꞈ myawꞈ tehꞈ-a. Aˇ yamˬ maˬ keuˆ laˇ-euˬ miˇ neh, aˬ yawꞈ nyaꞈ neh noeˬ taˬ-euˬ jeˬ maˬ mˇ pyeuꞈ nya-a.

Daˬyeˬlaˇ 12:4

Aˬ yawꞈ ehˇ-eu, “Daˬyeˬlaˇ-oˇ, nymˬ-mˇ poˆ jawˇ-aˬ, sahˬ boꞈ piˬ tehˬ-awˇ, miˇ tsaˬ heu aˇ saˬ saˬ ngeh keuˆ ni jmˬ diˬ-awˇ bi jaˆ-awˬ. Aˇ yamˬ heu tiˬ kʼehˬ laꞈ kʼoeˇ, aˬ joˆ-ehˇ pyeuꞈ laˇ luꞈ-eu gaˇ kawˆ siˬ duˬ mawꞈ-eu tsawˇ haˬ deuˬ, kʼoeˇ paw heu paw coeˬ coeˬ-ehˇ shaˬ tehꞈ-a.”

Daˬyeˬlaˇ 8:23

“Miˇ kʼahˬ kʼoeˇ deuˬ aˇ saˬ saˬ-eu aˇ nah aˇ yamˬ dawˬ peh peh laˇ-awˇ, haiˬ dui dui laˇ ngeh, nui ma gʼahˇ dui dui-awˇ dzawˬ dui gahˇ dui dui-eu sahˬ paˬ tiˬ gʼaˬ doˆ laˇ tehꞈ-a.

Haˬbaˬkuˆ 2:3

Ngaˇ pah mehˬ-eu jeˬ keuˆ le-eu, aˇ yamˬ maˬ tsaˬ laˇ-euˬ miˇ neh, boꞈ doˆ-awˇ tiˬ kʼehˬ dawˬ tawˬ siˬ. Ngaˇ pah mehˬ-eu jeˬ keuˆ le-eu, aˇ yamˬ dawˬ peh peh laˇ-euˬ meh. Yaw kawˇ maˬ keuˆ le gaˇ duˇ kʼawꞈ, tiˬ kʼehˬ dawˬ-awˇ haw tsoˆ taˬ yawˬ. Gʼawˬ myahˇ ni maˬ paˇ nyi naˬ ni, keuˆ le luꞈ-eu yaw duˬ baw meh.

Luˇkaꞈ 21:23

Aˇ nah aˇ yamˬ kʼoeˇ keuˆ le ngeh, aˬ nyiˇ pi luꞈ-eu zaˬ miˬ zaˬ deuˬ hawˇ-eu, zaˬ nahˬ aˬ ma deuˬ shaˬ zahˬ naꞈ dui dui tehꞈ-a. Aˬ jeˬ miˇ neh ehˇ naˇ, noeˬ shaˬ dui dui-eu jeˬ miˇ kʼahˬ heu kʼahˬ kʼoeˇ taˆ keuˆ le-awˇ, Miˬyehˇ nui ma pehˇ-eu jeˬ tsawˇ jeuˬ heu jeuˬ kʼoeˇ taˆ teuˇ le tehꞈ-a.

Panmaeq 1:1

Sahˬ boꞈ heu taꞈ-aˬ, Yeˬsuˇ Ka li neh pah mehˬ laꞈ-euˬ gaˇ kawˆ deuˬ boꞈ taˬ-euˬ sahˬ boꞈ pyeuꞈ-eu meh. Gʼawˬ myahˇ maˬ gʼeh-ehˇ aˬ joˆ-ehˇ pyeuꞈ laˇ-eu lehˇ gʼeh-eu gaˇ kawˆ aˬ yawꞈ-euˬ zaˬ kʼaˆ deuˬ-ahˇ bi siˬ bi mawˇ-eu gʼaˇ duˬ, Miˬyehˇ neh aˬ yawꞈ-ahˇ heu loꞈ-ehˇ pah mehˬ nehˬ-euˬ jeˬ pyeuꞈ-eu meh. Ka li-aˬ, Yoˇhaˬ jawˇ gaˇ aˬ yawꞈ-euˬ mˬ taˆ gʼaˬ kʼehˇ bi oe-awˇ gaˇ kawˆ heu deuˬ bi siˬ bi mawˇ le-euˬ meh.

Panmaeq 10:7

Mˬ taˆ gʼaˬ kʼehˇ shiꞈ gʼaˬ tiˬ gʼaˬ daˇ heh baw laˇ-awˇ, Miˬyehˇ aˬ yawꞈ neh zaꞈ taˬ-euˬ jeˬ pyeuꞈ-eu, aˬ yawꞈ gʼaˇ duˬ ngehˬ dah-eu aˬ yawꞈ-euˬ zaˬ kʼaˆ deuˬ-ahˇ ehˇ nehˬ taˬ-euˬ zaꞈ taˬ-euˬ jeˬ bi keuˆ le-euˬ meh.”

Panmaeq 11:18

Nawˬ-euˬ nui pehˇ keuˆ le luꞈ-awˇ, shiˇ-eu deuˬ-ahˇ yaˇ kʼaˬ daˇ-eu aˇ yamˬ keuˆ le taˬ-euˬ miˇ neh, aˬ cawˬ tsawˇ jeuˬ tsawˇ ca kʼoeˇ deuˬ, nui ma pehˇ dui dui luꞈ-eu meh. Miˬyehˇ gʼaˇ duˬ ngehˬ dah nehˬ-euˬ, nawˬ-ahˇ yaw zeu baw-awˇ dehꞈ-eu, nawˬ-euˬ tsawˇ haˬ dawˬ tawˆ luꞈ-ahˇ, huiˬ zaˬ nyiˇ zaˬ maˬ tseˇ paˆ ni, guiˬ lahˬ biꞈ yamˬ keuˆ le-euˬ meh. Miˇ tsaˬ-ahˇ laˆ cawˆ-euˬ deuˬ-ahˇ, laˆ cawˆ kʼoꞈ yamˬ keuˆ le-euˬ meh.”

Panmaeq 15:1

Kʼoeˇ naˇ, zahˬ leˇ paˬ-ehˇ gʼeh-eu huiˬ dui dui-eu bi siˬ bi mawˇ-eu jeˬ mˬ-ahˇ ya mawˇ-euˬ ma. Kʼoeˇ-aˬ, mˬ taˆ gʼaˬ kʼehˇ shiꞈ gʼaˬ hawˇ-eu aˇ saˬ saˬ-eu kʼehˬ-eu kʼaˆ-eu shiꞈ jeˬ meh. Aˬ jeˬ miˇ neh ehˇ naˇ, kʼoeˇ-aˬ, Miˬyehˇ nui ma pehˇ-eu jeˬ bi siˬ bi mawˇ-eu aˇ saˬ saˬ-eu poˆ pyeuꞈ-eu meh.

Panmaeq 17:17

Aˬ jeˬ miˇ neh ehˇ naˇ, Miˬyehˇ neh ehˇ taˬ-euˬ dawˬ byah laˇ ngeh keuˆ ni, aˬ yawꞈ maꞈ kuiˇ ciˬ laꞈ ciˬ gm-awˇ, aˬ yawꞈ maꞈ-euˬ baoˬ jeˬ zaˬ yaw haiˬ kʼoeˇ mawˇ-ahˇ a nehˬ-eu laꞈ kʼoeˇ, Miˬyehˇ-euˬ nui noeˬ mˇ-eu nui ma aˬ yawꞈ maꞈ-ahˇ Miˬyehˇ dawˆ ahˇ nehˬ taˬ-euˬ meh.