Daˬyeˬlaˇ 8:16 - Akha

¹⁶ Kʼoeˇ ngeh, “Gaˬbeˬlaˇ-oˇ, tsawˇ haˬ teu gʼaˬ-ahˇ, aˬ yawꞈ neh ya mawˇ-euˬ gaˇ kawˆ dawˬ tsuiꞈ ehˇ mehˬ nehˬ-awˬ” lehˇ, Uˇlehˇ lawˇ baˬ paw neh guˇ-eu teˇ saˇ ngaˇ ya gaˬ-euˬ ma.

Daˬyeˬlaˇ 8:16 Iomraidhean Croise

Daˬyeˬlaˇ 10:14

Aˬ kaˇ mehˬ hu paw nawˬ-euˬ tsawˇ jeuˬ kʼoeˇ taˆ aˬ joˆ-ehˇ pyeuꞈ laˇ-eu gaˇ kawˆ nawˇ gʼoˆ shaw nya ni ngaˇ ja mehˬ le-euˬ ma. Heu-aˬ, aˬ kaˇ mehˬ hu paw pyeuꞈ laˇ-eu gaˇ kawˆ-ahˇ taꞈ leˇ-eu yaw sahˇ laꞈ kʼoeˇ ya siˬ ya mawˇ-eu jeˬ meh.”

Daˬyeˬlaˇ 10:21

Ehˇ kʼawꞈ, yaw tsaˬ yaw dawˇ sahˬ boꞈ laꞈ kʼoeˇ boꞈ ahˇ taˬ-euˬ gaˇ kawˆ nawˬ-ahˇ ngaˇ ehˇ nehˬ ma. Iˇsaˬleˬlaˆ miˇ kʼahˬ-ahˇ haw piˇ-eu mˬ taˆ gʼaˬ kʼehˇ pyeuꞈ-eu Miˇkeˬlaˇ maˬ ngeuˇ naˇ, gaˇ kawˆ heu hmˬ-ahˇ taꞈ leˇ-awˇ ngaˇ jawˇ paw pyawˬ-eu tiˬ gʼaˬ-iˬ maˬ jawˇ-a.

Daˬyeˬlaˇ 7:16

Kʼoeˇ gaˇ yawꞈ luꞈ-eu tsawˇ haˬ tiˬ gʼaˬ jawˇ gaˇ ngaˇ le-awˇ, gaˇ kawˆ kʼoeˇ deuˬ dawˬ tawˆ luꞈ-euˬ dawˬ tsuiꞈ ehˇ nehˬ laꞈ lehˇ ehˇ nehˬ ngeh, heu loꞈ-ehˇ ehˇ mehˬ nehˬ laꞈ-euˬ meh.

Daˬyeˬlaˇ 8:2

Yaw sahˇ laꞈ kʼoeˇ ya siˬ ya mawˇ-eu jeˬ laꞈ kʼoeˇ, Eˇlamˬ miˇ kʼahˬ-ahˇ jaˆ-eu Suˇsaˬ meuˬ-ahˇ ngaˇ jawˇ luꞈ gaˇ ya mawˇ-euˬ ma. Kʼoeˇ gaˇ, Uˇlehˇ lawˇ baˬ dawˬ peh ngaˇ yawꞈ luꞈ-eu ma.

Zaˬkaˬliˇ 1:9

“Yaw huiˬ yaw mahˇ gʼaˬ-oˇ, mahˬ teu deuˬ-euˬ dawˬ tsuiꞈ aˬ jeˬ-a” lehˇ ngaˬ-ahˇ dawˬ ngeh cawˬ-eu gʼaˬ pyeuꞈ-eu mˬ taˆ gʼaˬ kʼehˇ yawˬ gʼaˬ yawˬ-ahˇ ngaˇ naˇ haˬ ngeh, “Mahˬ heu deuˬ-euˬ dawˬ tsuiꞈ ngaˇ nawˬ-ahˇ mehˬ nehˬ ma.

Zaˬkaˬliˇ 2:4

Mˬ taˆ gʼaˬ kʼehˇ yaw beh gʼaˬ, aˬ yawꞈ jawˇ gaˇ oe-euˬ mˬ taˆ gʼaˬ kʼehˇ kʼoeˇ gʼaˬ-ahˇ heu loꞈ-ehˇ ehˇ nehˬ-euˬ meh. “Yaw kawˇ-ehˇ cehˆ coeˬ coeˬ-awˇ, daˇ dza aˇ caˆ yuˇ luꞈ-eu zaˬ guˬ kʼoeˇ gʼaˬ-ahˇ heu loꞈ-ehˇ ehˇ nehˬ-iˇ-awˬ. Yeˬluˇsaˬlehˬ meuˬ laꞈ kʼoeˇ, jeˬ zaˬ hawˇ-eu tsawˇ haˬ aˇ dzehˬ myaˬ dzeuˇ-eu miˇ neh, meuˬ meuˬ lahˇ kʼoeˇ maˬ deˇ leˇ-a. Teu miˇ neh meuˬ meuˬ lahˇ maˬ bi jaˆ nya-a lehˇ ehˇ nehˬ-awˬ.

Luˇkaꞈ 1:19

Mˬ taˆ gʼaˬ kʼehˇ kʼoeˇ gʼaˬ ehˇ-eu, “Ngaˇ-aˬ, Miˬyehˇ-euˬ mehˬ shi yawꞈ-awˇ myawˬ kʼehˇ gʼoˆ luꞈ-eu Gaˬbeˬlaˇ ma. Aˬ yawꞈ ngaˬ-ahˇ kʼehˇ gʼeh leꞈ-awˇ, laˬ kʼaˬ cehˇ dui dui laˇ paˬ-ehˇ gʼeh-eu gaˇ kawˆ heu nawˬ-ahˇ bi tsaꞈ gaˬ le-euˬ meh.

Luˇkaꞈ 1:26

Eˇliˇsaˬbehˆ aˬ nyiˇ pi leˇ-euˬ ba la koꞈ siˬ byah laˇ ngeh, mˬ taˆ gʼaˬ kʼehˇ Gaˬbeˬlaˇ-ahˇ Miˬyehˇ kʼehˇ gʼeh-awˇ, Gaˬliˬlehˇ miˇ kʼahˬ Naˬzaˬlehˇ meuˬ-ahˇ bi iˇ-euˬ meh.

Gʼaˬkʼehˇ 10:13

Teˇ saˇ tiˬ saˇ ehˇ-eu, “Beˬtuˆluˆ-oˇ, tuˇ-awˇ sehꞈ dzaˬ-awˬ.”

Gʼaˬkʼehˇ 9:7

Sawˇluˆ nehˬ-ehˇ le luꞈ-eu tsawˇ haˬ kʼoeˇ deuˬ, dawˬ maˬ ngehˬ ni tsoˆ leˇ jiˇ-euˬ meh. Aˬ yawꞈ maꞈ teˇ saˇ ya gaˬ-euˬ kʼawꞈ, tsawˇ haˬ maˬ ya mawˇ-a.

HeˬByehˇ 1:14

Toˆ-ehˇ ngeuˇ naˇ, mˬ taˆ gʼaˬ kʼehˇ deuˬ aˬ jeˬ-a. Aˬ yawꞈ maꞈ-aˬ, ka kʼoꞈ-eu jeˬ za-eu tsawˇ haˬ deuˬ-ahˇ bi caw ba-eu gʼaˇ duˬ Miˬyehˇ neh kʼehˇ gʼeh leꞈ-euˬ, aˬ yawꞈ-euˬ gaˇ mˇ-eu yaw sahˇ deuˬ pyeuꞈ-eu meh.

Panmaeq 1:12

Ngaˬ-ahˇ dawˬ ngehˬ cawˬ-eu gʼaˬ-ahˇ haw-eu lehˇ ngaˇ zeuˆ pyawˇ ngeh, shuiˇ neh jahˇ taˬ-euˬ tsiˇ kʼmˬ doꞈ taˬ duˬ shiꞈ hmˬ jaˆ gaˇ ya mawˇ-euˬ ma.

Panmaeq 22:16

“Ngaˇ Yeˬsuˇ-aˬ, Ka li zaˬ aˇ muˇ laꞈ kʼoeˇ gaˇ kawˆ heu deuˬ naw maꞈ-ahˇ bi ehˇ gaˬ-eu gʼaˇ duˬ, ngaˬ-euˬ mˬ taˆ gʼaˬ kʼehˇ-ahˇ kʼehˇ gʼeh leꞈ-euˬ ma. Ngaˇ-aˬ, Daˬbiˇ-euˬ zaˬ ma. Aˬ guiˇ shawˬ ga shawˬ muiˇ pyeuꞈ-eu ma.”