Daˬyeˬlaˇ 8:12 - Akha

¹² Tsawˇ haˬ zaˬ deuˬ kʼoeˇ gaˇ aˬ yawꞈ nah yawꞈ lawˇ-eu jeˬ maˬ paˇ lawˇ ni, iˬ baˇ mˇ-awˇ, yaw tsaˬ yaw dawˇ jeˬ-ahˇ miˇ tsa biˬ dzeh-euˬ meh. Uˬ coeˇ kʼoeˇ kahˬ-aˬ, aˬ yawꞈ kʼaˇ mˇ mawꞈ-eu jeˬ mˇ pyeuꞈ nya-eu meh.

Daˬyeˬlaˇ 8:12 Iomraidhean Croise

Yawˇbaˆ 12:6

Ehˇ kʼawꞈ, smˇ kʼoeˬ tahˇ joe deuˬ hawˇ-eu miˬ yehˇ maˬ baw-eu deuˬ-aˬ, yawˬ ha-euˬ gʼaˬ-ahˇ yawˬ ha-euˬ miˬ yehˇ loꞈ-ehˇ gʼoe kʼawꞈ, saˇ lehˆ ni ya dehꞈ luꞈ meh.

Jaceuq 119:142

Nawˬ-euˬ yaw tsaˬ yaw dawˇ jeˬ mˬ maˬ maˬ byaˆ zaˇ ziˇ gmˬ-awˇ, nawˬ-euˬ zahˇ dawˬ kʼoꞈ dawˬ aˬ myah luꞈ tsaˬ-eu meh.

Jaceuq 119:43

Nawˇ yaˇ kʼaˬ daˇ-eu jeˬ-ahˇ ngaˇ noeˬ tmˬ luꞈ-eu miˇ neh, aˬ myah luꞈ tsaˬ-eu dawˇ-eu dawˬ ngehˬ nya ni caw ba nehˬ laꞈ.

Jaceuq 28:5

SahˬpaˬMiˬyehˇ mˇ-euˬ gaˇ-ahˇ, yawꞈmaꞈ shaˇsawˇ-eu maˬbaw-ehˇ, SahˬpaˬMiˬyehˇ-euˬlaꞈzaˇ-ahˇ, yaw zeu maˬbaw nehˬ-eu miˇneh, aˬyawꞈneh bi kʼehˬbi kʼaˆ-awˇ, mˬmaˬmaˬbyaˆ cawˆ-iˇtehꞈ-a.

Iˇsaˬyaˇ 59:14

Yaw tsaˬ yaw dawˇ jeˬ-ahˇ teh dzeh nehˬ-awˇ, yaw muiˬ yaw jaˬ jeˬ dawˬ peh maˬ nyiˬ laˇ nya-a. Yaw tsaˬ yaw dawˇ jeˬ meuˬ lehˆ kawˆ-ahˇ coˬ-iˇ-awˇ, yaw sui yaw dawˇ jeˬ jawˇ duˬ maˬ jaˆ-a.

Yeˬlaˬmiˇ 12:1

Sahˬpaˬ Miˬyehˇ-oˇ, nawˬ-ahˇ ngaˇ teh ngehˬ naˇ, nawˇ yaw tsaˬ yaw dawˇ ma lehˇ ehˇ tehꞈ-a. Ehˇ kʼawꞈ, yaw tsaˬ yaw dawˇ gaˇ kawˆ, nawˬ-ahˇ ngaˇ naˇ haˬ mawꞈ-eu ma. Aˬ jeˬ miˇ neh haiˬ-eu tsawˇ haˬ deuˬ baw le za le ta. Aˬ jeˬ miˇ neh maˬ sui maˬ dawˇ-eu deuˬ dehꞈ dzaˬ luꞈ ta.

Daˬyeˬlaˇ 11:28

Suˇliˆ sahˬ paˬ-aˬ, aˬ yawꞈ neh guiˇ kʼaˇ deuˆ za-euˬ myawˬ gahˬ deuˬ yuˇ-awˇ gʼoꞈ daˆ leˇ tehꞈ-a. Miˬyehˇ-euˬ tsawˇ haˬ deuˬ-euˬ uˬ duˬ tahˬ-eu zahˇ sahˇ kʼoꞈ-ahˇ laˆ cawˆ ma lehˇ, aˬ yawꞈ-euˬ nui ma laꞈ kʼoeˇ noeˬ tsehˆ tehꞈ-a. Aˬ yawꞈ kʼaˇ jahˇ mawꞈ-eu jeˬ jahˇ yaꞈ-awˇ, aˬ yawꞈ-euˬ miˇ kʼahˬ-ahˇ gʼoꞈ daˆ leˇ tehꞈ-a.

Daˬyeˬlaˇ 7:21

Ngaˇ haw haw-ehˇ jawˇ ngeh, uˬ coeˇ kʼoeˇ kahˬ Miˬyehˇ-euˬ tsawˇ haˬ deuˬ nehˬ-ehˇ guiˇ deuˆ-awˇ, deuˆ gʼaˬ-euˬ meh.

Daˬyeˬlaˇ 8:4

Yawˇ kʼoeˇ mawˇ aˬ yawꞈ-euˬ uˬ coeˇ neh, nahˇ ma ga kʼehˬ paw pyawˬ, laꞈ taˆ paw pyawˬ hawˇ-eu, laꞈ oˆ paw pyawˬ-ahˇ coeˬ tahˬ gʼeh gaˇ ngaˇ ya mawˇ-euˬ ma. Jeˬ zaˬ tiˬ mawˇ-iˬ aˬ yawꞈ-ahˇ maˬ ciˬ daˬ leˇ nya-eu uˬ taꞈ, aˬ yawꞈ-ahˇ maˬ cehˆ dzeuˇ nya-a. Aˬ yawꞈ kʼaˇ gʼeh mawꞈ-eu jeˬ gʼeh-awˇ, huiˬ dui mahˇ dui dui luꞈ-eu meh.

Panmaeq 13:7

Miˬyehˇ-euˬ tsawˇ haˬ deuˬ-ahˇ guiˇ deuˆ-awˇ, deuˆ gʼaˬ-eu gʼaˇ duˬ aˬ yawꞈ-ahˇ aˬ kawˬ-aˬ biꞈ taˬ-euˬ meh. Miˇ tsaˬ tsawˇ jeuˬ tsawˇ ca dawˬ tawˆ luꞈ kʼoeˇ taˆ uˆ lahˇ-eu a kawˬ-aˬ kʼawꞈ, biꞈ taˬ-euˬ meh.

1 Saˬmeuˬlaˆ 23:9

Sawˇluˆ guiˇ deuˆ le-eu lehˇ lehˬ hmˬ taˬ-euˬ gaˇ kawˆ Daˬbiˇ ya gaˬ ngeh, “Piˇ ma dm-eu pehˇ kʼahˬ pehˇ nymˇ yuˇ laꞈ sheˇ” lehˇ, piˇ ma Aˬbyaˬdaˬ-ahˇ aˬ yawꞈ ehˇ nehˬ-euˬ meh.