Daˬyeˬlaˇ 7:5 - Akha

⁵ Bawˇ tsahˬ jeˬ zaˬ nyiˬ mawˇ tiˬ mawˇ-aˬ, kʼaˬ hmˇ-ahˇ duˇ-awˇ, aˬ kuiˇ nyiˬ kuiˇ kʼoeˇ taˆ gawˬ yawꞈ yawꞈ luꞈ-eu meh. Aˬ yawꞈ-euˬ seuˬ-ahˇ behˇ jehˆ smˇ kahˬ tsehꞈ tehˬ taˬ-euˬ meh. ‘Nawˇ kʼaˇ dzaˬ coeˇ-eu myaˆ ni dzaˬ-awˬ’ lehˇ aˬ yawꞈ-ahˇ ehˇ nehˬ-eu teˇ saˇ ngaˇ gaˬ-euˬ ma.

Daˬyeˬlaˇ 7:5 Iomraidhean Croise

2 Sahˬpaˬ 2:24

Eˇliˇshehˇ naˇ kʼah ciˬ pyawˇ-awˇ, aˬ yawꞈ maꞈ-ahˇ lmˬ-awˇ, Sahˬpaˬ Miˬyehˇ-euˬ tsawˇ myahˇ uˬ moˆ yaˬ kʼehˇ yaˬ nehˬ-euˬ meh. Kʼoeˇ ngeh, kʼaˬ hmˇ aˬ ma nyiˬ mawˇ aˇ bawˇ sahˬ kʼaˆ-ahˇ neh doˆ le-awˇ, aˬ li zaˬ guˬ oeˬ tseˇ nyiꞈ gʼaˬ-ahˇ kawꞈ sehꞈ-euˬ meh.

Dawqdaq 17:12

Aˬ dzawˬ aˇ gah yaw haiˬ jeˬ mˇ gaˇ tahˬ puˬ leˇ-eu-aˬ, zaˬ bi nyehꞈ byoˆ-euˬ kʼaˬ hmˇ aˬ ma-ahˇ tahˬ pu-eu naˆ maˬ tseˇ doeˇ-eu meh.

Iˇsaˬyaˇ 56:9

Aˬ cawˬ tsawˇ jeuˬ-ahˇ Sahˬpaˬ Miˬyehˇ ehˇ nehˬ-eu, “Haiˬ-eu kʼaˬ zuiˬ kʼaˬ laˬ loꞈ-ehˇ oe-awˇ, ngaˬ-euˬ tsawˇ jeuˬ-ahˇ kawꞈ sehꞈ dzaˬ le-awˬ.

Daˬyeˬlaˇ 11:2

Mˬ taˆ gʼaˬ kʼehˇ kʼoeˇ gʼaˬ ehˇ-eu, “Nymˬ-mˇ poˆ jawˇ-aˬ, nawˬ-ahˇ ngaˇ aˬ diˇ aˬ maˇ pyeuꞈ laˇ-eu jeˬ ehˇ nehˬ nyaˇ. Paˇshaˇ miˇ kʼahˬ-ahˇ sahˬ paˬ smˇ gʼaˬ paˇ uˆ lahˇ tehꞈ-a. Kʼoeˇ naˇ, yaw beh deuˬ naˆ maˬ tseˇ smˇ muiˬ muiˬ dui dui-eu sahˬ paˬ oeˬ gʼaˬ tiˬ gʼaˬ paˇ uˆ lahˇ tehꞈ-a. Aˬ yawꞈ baoˬ kʼaˇ ahˇ maˬ ahˇ ahˇ-awˇ, pyuˇ shuiˇ kʼaˇ jaˆ maˬ jaˆ jaˆ ngeh, Heˬlaˬshaˆ miˇ kʼahˬ-ahˇ guiˇ deuˆ cawˬ cawˬ tehꞈ-a.

Daˬyeˬlaˇ 2:39

Nawˇ jiˇ naˇ, nawˬ-euˬ miˇ kʼahˬ taꞈ-ehˇ nyiˇ teˬ-eu miˇ kʼahˬ tiˬ kʼahˬ paˇ doˆ laˇ tehꞈ-a. Kʼoeˇ jiˇ naˇ, miˇ kʼahˬ smˇ kʼahˬ tiˬ kʼahˬ pyeuꞈ-eu guiˬ shuiˇ miˇ kʼahˬ paˇ doˆ laˇ-awˇ, miˇ tsaˬ dawˬ tawˆ luꞈ-ahˇ uˆ lahˇ tehꞈ-a.

Daˬyeˬlaˇ 5:28

PEˬLEˬ lehˇ ehˇ-eu-aˬ, biˇ paˆ gaˇ ehˇ-eu meh. Dawˬ tsuiꞈ-aˬ, nawˬ-euˬ miˇ kʼahˬ deuˆ paˆ biˇ paˆ-awˇ, Meˬdiˇ tsawˇ jeuˬ hawˇ-eu Paˇshaˇ tsawˇ jeuˬ-ahˇ biꞈ nehˬ gaˇ ehˇ mawꞈ-eu meh.”

Daˬyeˬlaˇ 7:4

Yaw beh mawˇ-aˬ, aˇ laˬ jaˬ shiˇ-ahˇ duˇ-eu meh. Ehˇ kʼawꞈ, kʼaˬ dzeˇ dzeˇ ma loꞈ-ehˇ aˬ dahˇ tsoꞈ-eu meh. Ngaˇ haw haw-ehˇ jawˇ ngeh, aˬ dahˇ kʼoeˇ ga-iˇ jiˇ-awˇ, tuˇ laˇ-awˇ tsawˇ haˬ loꞈ-ehˇ gawˬ yawꞈ yawꞈ laˇ-euˬ meh. Kʼoeˇ naˇ aˬ yawꞈ laꞈ kʼoeˇ tsawˇ haˬ zaˬ-euˬ nui ma ahˇ laˇ-euˬ meh.

Daˬyeˬlaˇ 7:6

Ngaˇ haw haw-ehˇ paˇ jawˇ ngeh, bawˇ tsahˬ jeˬ zaˬ tiˬ mawˇ paˇ doˆ laˇ-euˬ meh. Kʼoeˇ mawˇ-aˬ, kʼaˬ zuiˬ-ahˇ duˇ-eu meh. Ehˇ kʼawꞈ, dahˇ teˇ-ahˇ aˇ jiˇ-euˬ aˬ dahˇ-ahˇ duˇ-eu aˬ dahˇ oeˬ dahˇ tsoꞈ-awˇ, uˬ duˬ oeˬ siˬ tsoꞈ-eu meh. Aˬ yawꞈ-ahˇ haw ngeh, uˆ lahˇ-eu baoˬ biꞈ taˬ-euˬ gaˇ duˇ-eu meh.

Hawˇseˬ 13:8

Zaˬ bi nyehꞈ-euˬ kʼaˬ hmˇ loꞈ-ehˇ, naw maꞈ-euˬ kʼahˬ ngawˬ paˆ dzeh ma. Haiˬ-eu aˇ laˬ jaˬ shiˇ loꞈ-ehˇ, naw maꞈ-ahˇ ngaˇ kawꞈ sehꞈ dzaˬ ma. Bawˇ tsahˬ jeˬ zaˬ yaw haiˬ loꞈ-ehˇ, naw maꞈ-ahˇ ngaˇ cehˬ paˆ dzeh ma.

Panmaeq 13:2

Jeˬ zaˬ kʼoeˇ mawˇ kʼaˬ zuiˬ-ahˇ duˇ-eu meh. Aˬ kuiˇ aˬ laꞈ kʼaˬ hmˇ-ahˇ duˇ-awˇ, kʼaˬ meh aˇ laˬ jaˬ shiˇ-ahˇ duˇ-eu meh. Byaˆ yahˬ kʼoeˇ mawˇ-aˬ, aˬ yawꞈ-euˬ baoˬ maˬ ehˇ, dzoeˬ dzaˬ nuiˇ mahˬ maˬ ehˇ, huiˬ dui dui-eu uˆ lahˇ-eu baoˬ maˬ ehˇ, jeˬ zaˬ kʼoeˇ mawˇ-ahˇ biꞈ-euˬ meh.