Daˬyeˬlaˇ 6:4 - Akha

⁴ Daˬyeˬlaˇ nehˬ-ehˇ miˇ kʼahˬ-ahˇ haw pyaˆ uˆ lahˇ luꞈ-eu sahˬ paˬ sahˬ ma kʼoeˇ deuˬ, Daˬyeˬlaˇ miˇ kʼahˬ gaˇ mˇ gaˇ yaw lehˬ yaw ca doˆ laˇ ni poˆ tseˇ kʼawꞈ, maˬ poˆ mawˇ nya-a. Aˬ jeˬ miˇ neh ehˇ naˇ, Daˬyeˬlaˇ-aˬ, saˇ jaˇ ziꞈ-awˇ, nui ma dawˇ-eu uˬ taꞈ, yaw lehˬ maˬ mˇ-a.

Daˬyeˬlaˇ 6:4 Iomraidhean Croise

Aˇ dahˬ 41:38

“Miˬyehˇ-euˬ Yaw sahˇ jawˇ-eu Yoˇsehˆ loꞈ-ehˇ gʼeh-eu tsawˇ haˬ-ahˇ aˬ dui maˬ paˇ poˆ mawˇ nya-aˇ” lehˇ, sahˬ paˬ kʼoeˇ gʼaˬ aˬ yawꞈ maꞈ-ahˇ ehˇ nehˬ-euˬ meh.

Aˇ dahˬ 43:18

Aˬ ha mehˇ nmˇ-aˬ, aˬ cawˬ neh aˬ yawꞈ maꞈ-ahˇ Yoˇsehˆ-euˬ nymˇ-ahˇ sheuˬ gʼeh-euˬ miˇ neh, guˆ laˇ-awˇ, nui ma laꞈ kʼoeˇ heu loꞈ-ehˇ noeˬ-euˬ meh. “Yaw beh poˆ cehˇ zeuˇ dzaˬ le ngeh ngaˬ ha mehˇ nmˇ-euˬ cehˇ pehˇ zeuˇ deuˬ laꞈ kʼoeˇ paˇ dawˆ ahˇ kʼoꞈ taˬ-euˬ pyuˇ kʼoeˇ deuˬ baˬ da neh, ngaˬ ha mehˇ nmˇ-ahˇ heu gaˇ kuˇ ahˇ laꞈ-euˬ jeˬ nga. Ngaˬ ha mehˇ nmˇ-ahˇ iˬ baˇ poˆ-awˇ, mahˬ tahˬ laˆ heu deuˬ tsahˇ geuꞈ-eu uˬ taꞈ, nga maꞈ-ahˇ kʼawꞈ aˬ yawꞈ-euˬ zaˬ kʼaˆ bi geuꞈ-eu lehˇ gʼeh-eu jeˬ nga.”

Dawqdaq 29:27

Tsawˇ muiˬ tsawˇ doeˇ-ahˇ bye-awˇ, tsawˇ doeˇ tsawˇ muiˬ-ahˇ bye-eu meh.

Dawˬ tsoˆ 4:4

Tsawˇ haˬ zaˬ dehꞈ dzaˬ laˇ ni gaˇ mˇ-eu leh jeh-eu-aˬ, yawˬ ha dawˬ peh dehꞈ-eu deuˬ-ahˇ myaˆ naˆ-eu miˇ neh meh lehˇ ngaˇ haw siˬ-euˬ ma. Ehˇ kʼawꞈ, kʼoeˇ loꞈ-ehˇ mˇ-eu tiˬ jeˬ-iˬ gaˇ dahˇ maˬ tsoeˬ-a. Jaˬ lehˇ mehˬ nah teh-eu loꞈ-ehˇ tehꞈ meh.

Yeˬlaˬmiˇ 18:18

Aˬ yawꞈ maꞈ ehˇ-eu, “Yeˬlaˬmiˇ-ahˇ tiˬ jeˬ paˬ jahˇ nehˬ kaˇ-euˇ. Aˬ dui-ahˇ mehˬ nehˬ tsoˆ nehˬ laꞈ-eu gʼaˇ duˬ piˇ ma aˬ myah luꞈ jawˇ tehꞈ-a. Aˬ dui-ahˇ ja noeˬ ja duˇ nehˬ-eu gʼaˇ duˬ, zaˬ siˬ tsawˇ gahˇ byah-eu tsawˇ haˬ kʼawꞈ aˬ myah luꞈ jawˇ-awˇ, aˬ dui-ahˇ Miˬyehˇ gʼaˇ duˬ ngehˬ dah nehˬ laꞈ-eu tsawˇ haˬ kʼawꞈ, aˬ myah luꞈ jawˇ tehꞈ-a. Aˬ dui aˬ yawꞈ-ahˇ ceh-awˇ, aˬ yawꞈ ehˇ gaˇ maˬ naˇ haˬ nehˬ ni byehˇ kaˇ-euˇ.”

Yeˬlaˬmiˇ 18:23

Ehˇ kʼawꞈ, aˬ yawꞈ maꞈ ngaˬ-ahˇ sehꞈ-eu lehˇ gʼeh-eu gaˇ kawˆ, Sahˬpaˬ Miˬyehˇ nawˇ mawˇ jiˇ luꞈ-eu meh. Aˬ yawꞈ maꞈ-ahˇ iˬ baˇ maˬ pyehˬ nehˬ-ehˇ, aˬ yawꞈ maꞈ-euˬ yaw lehˬ taˬ byehˇ byoˆ nehˬ. Aˬ yawꞈ maꞈ-ahˇ aˬ cawˬ neh guiˇ bi deuˆ gʼaˬ-awˇ, nawˇ nui ma pehˇ ngeh aˬ yawꞈ maꞈ-ahˇ kʼehˬ nehˬ-awˬ.

Yeˬlaˬmiˇ 20:10

“Yawˬ gaˇ na luꞈ guˆ-eu gaˆ-eu jeˬ keuˆ le-euˬ gaˆ kawˆ, Sahˬ paˬ sahˬ ma deuˬ-ahˇ tsaꞈ gaˬ-iˇ kaˇ-euˇ” lehˇ, yawˬ gʼaˬ na luꞈ dawˬ saˆ saˆ kʼoeˬ luꞈ-eu ngaˇ gaˬ-euˬ ma. Ngaˇ gʼoeˇ dui dui-eu cawˬ deuˬ-ahˇ keuˆ ni, ngaˇ coˬ-iˇ gaˇ dawˬ luꞈ-eu meh. “Aˬ dui maꞈ aˬ yawꞈ-ahˇ tsawˇ gahˇ gahˇ-awˇ, aˬ yawꞈ-ahˇ kʼmˇ paꞈ-awˇ laꞈ poˆ poˆ kaˇ-euˇ” lehˇ, aˬ yawꞈ maꞈ ngaˬ-euˬ gaˇ kawˆ ja luꞈ meh.

Yeˬlaˬmiˇ 29:7

Ngaˬ neh naw maꞈ-ahˇ bi nyehꞈ gʼeh-awˇ, naw maꞈ-ahˇ bi jawˇ-euˬ meuˬ kʼoeˇ deuˬ muiˬ laˇ jaˬ laˇ ni leh jeh-awˬ. Aˬ yawꞈ maꞈ gʼaˇ duˬ ngaˬ-ahˇ guiˬ lahˬ shaˇ-awˬ. Aˬ jeˬ miˇ neh ehˇ naˇ, aˬ yawꞈ maꞈ baw le za le naˇ, naw maꞈ kʼawꞈ baw le za le tehꞈ-a.

Daˬyeˬlaˇ 3:8

Kʼoeˇ ngeh, Baˬbuˇloˬ tsawˇ haˬ tiˬ paˆ na deuˬ Yuˇdaˆ tsawˇ haˬ deuˬ-ahˇ laˆ shaˬ-eu jeˬ jahˇ-euˬ meh.

Daˬyeˬlaˇ 5:12

Aˬ yawꞈ-aˬ, siˬ dui gahˇ dui dui-awˇ, yuꞈ maˆ dawˬ tsuiꞈ yuˇ doˆ-eu paw maˬ ehˇ, zahˬ dui dui leˇ taˬ-euˬ gaˇ kawˆ deuˬ sawˇ doˆ-eu paw maˬ ehˇ, tsawˇ haˬ zaˬ maˬ noeˬ doˆ coeˇ-eu naꞈ dui dui-eu dawˬ tsuiꞈ deuˬ yuˇ doˆ nehˬ-eu paw maˬ ehˇ, aˬ cawˬ-ahˇ maˬ duˇ-eu zaˬ siˬ nui gahˇ ahˇ-eu meh. Kʼoeˇ miˇ neh, sahˬ paˬ neh Beˬteˬshaˬzaˬ lehˇ myahˇ nehˬ-euˬ Daˬyeˬlaˇ lehˇ kuˇ-eu tsawˇ haˬ kʼoeˇ gʼaˬ bi kuˇ laˬ-iˇ-awˬ. Sahˬ boꞈ boꞈ taˬ-euˬ dawˬ tsuiꞈ heu aˬ yawꞈ nawˬ-ahˇ ehˇ nehˬ laꞈ tehꞈ-a.”

Daˬyeˬlaˇ 6:22

Aˇ laˬ jaˬ shiˇ ngaˬ-ahˇ maˬ ya kawꞈ sehꞈ dzaˬ ni, Miˬyehˇ aˬ yawꞈ-euˬ mˬ taˆ gʼaˬ kʼehˇ pyehˬ gʼeh leꞈ-awˇ aˇ laˬ jaˬ shiˇ-euˬ kʼaˬ meh-ahˇ paꞈ tsoeˬ tsoeˬ-euˬ meh. Ngaˇ iˬ baˇ maˬ ahˇ-ehˇ, sahˬ paˬ nawˬ-ahˇ ngaˬ neh mˇ lehˬ taˬ-euˬ maˬ jaˆ-a lehˇ aˬ yawꞈ siˬ nya-eu miˇ neh, aˬ yawꞈ heu loꞈ-ehˇ mˇ-euˬ meh.”

Maꞈtehˬ 26:4

Yeˬsuˇ-ahˇ ciˬ cuˇ ni paꞈ-awˇ sehꞈ-eu gʼaˇ duˬ, aˬ yawꞈ maꞈ bawˬ kʼoeˬ-euˬ meh.

Maꞈtehˬ 27:18

Yuˇdaˆ tsawˇ haˬ aˬ yuiꞈ aˬ tsu deuˬ Yeˬsuˇ-ahˇ myaˆ naˆ-eu miˇ neh, aˬ yawꞈ jawˇ gaˇ nyehꞈ ha laˇ-euˬ gaˇ kawˆ sahˬ paˬ Piˇlaˆ siˬ duˬ taˬ-euˬ meh.

Luˇkaꞈ 20:20

Kʼoeˇ miˇ neh, aˬ myah yehꞈ laˇ nga lehˇ aˬ yawꞈ maꞈ jawˬ luꞈ-eu meh. Kʼoeˬ sho-eu tsawˇ haˬ kʼehˇ-awˇ, tsawˇ haˬ yaw muiˬ bi geuꞈ-awˇ bi iˇ-euˬ meh. Yeˬsuˇ dawˬ ngehˬ bahˬ gaˇ nyehꞈ-awˇ, miˇ kʼahˬ kʼoeˇ kʼahˬ-ahˇ uˆ lahˇ-eu Loˇmaˆ sahˬ paˬ-euˬ laꞈ-ahˇ bi a nehˬ-eu gʼaˇ duˬ, aˬ yawꞈ maꞈ-ahˇ kʼehˇ gʼeh-euˬ meh.

Luˇkaꞈ 20:26

Tsawˇ haˬ aˇ maꞈ mehˬ shi Yeˬsuˇ dawˬ ngehˬ bahˬ ni aˬ yawꞈ maꞈ maˬ jahˇ nya-eu miˇ neh, Yeˬsuˇ-ahˇ aˬ yawꞈ maꞈ maˬ nyehꞈ nya-a. Ehˇ kʼawꞈ, Yeˬsuˇ neh ehˇ-euˬ dawˬ-ahˇ zahˬ leˇ-awˇ, ciˬ cuˇ ni jawˇ-euˬ meh.

Luˇkaꞈ 22:2

Piˇ ma aˬ yuiꞈ deuˬ hawˇ-eu, Zahˇ dawˬ kʼoꞈ dawˬ mehˬ-eu saˬ laˬ deuˬ-aˬ, tsawˇ haˬ aˇ maꞈ-ahˇ guˆ-eu meh. Kʼoeˇ miˇ neh, Yeˬsuˇ-ahˇ ciˬ cuˇ ni sehꞈ kʼoeˬ-eu gaˇ ma poˆ luꞈ-eu meh.

Yoˇhaˬ 19:4

Sahˬpaˬ Piˇlaˆ tiˬ poˆ paˇ iˇ doˆ-awˇ, tsawˇ haˬ aˇ maꞈ-ahˇ heu loꞈ-ehˇ ehˇ nehˬ-euˬ meh, “Naˇ haˬ sheˇ. Tsawˇ haˬ heu gʼaˬ-euˬ yaw lehˬ ngaˇ maˬ poˆ mawˇ nya-euˬ naw maꞈ ya siˬ duˬ ni, aˬ yawꞈ-ahˇ naw maꞈ jawˇ gaˇ sheuˬ doˆ nehˬ leꞈ ma.”

2 Gawˇliˬtu 11:12

Gʼaˬ kʼehˇ kʼoeˇ deuˬ gʼeh nga maꞈ kʼaˇ mˇ-eu loꞈ-ehˇ mˇ luꞈ-eu ma lehˇ ehˇ-awˇ kʼahˬ sehˇ jehˆ kʼaˇ maˬ bi za ni, nymˬ-mˇ ngaˇ kʼaˇ mˇ luꞈ-eu jeˬ-ahˇ maˬ byehˇ dzeh ni mˇ daˆ leꞈ ma.

Piˇliˇpiˆ 2:15

Kʼoeˇ loꞈ-ehˇ mˇ naˇ, iˬ baˇ mˇ-awˇ bahˬ-eu muˆ-eu tsawˇ haˬ deuˬ jawˇ-eu miˇ tsaˬ heu kʼoeˇ taˆ, naw maꞈ-aˬ, iˬ baˇ taˬ kʼaˇ maˬ za ni muiˬ dui dui-eu Miˬyehˇ-euˬ zaˬ deuˬ pyeuꞈ laˇ tehꞈ-a. Mˬ kʼoeˇ taˆ tsehˬ-eu aˬ guiˇ loꞈ-ehˇ aˬ yawꞈ maꞈ-ahˇ yaw shehꞈ bya nehˬ-awˬ.

1 Tiˆmoˇseˬ 5:14

Kʼoeˇ miˇ neh, aˬ dui-ahˇ muiˇ-eu deuˬ aˬ dui-euˬ gaˇ kawˆ ja bu ja doeˇ kʼaˇ maˬ bi za ni, aˇ kʼoꞈ maˬ kʼawˆ laˇ-euˬ zaˬ miˬ zaˬ deuˬ bi dahˬ dzaˬ-iˇ-awˇ, zaˬ ciˬ zaˬ cu mˇ-eu laꞈ kʼoeˇ yawˬ ha-euˬ nymˇ jiˇ-ahˇ bo saˆ-eu jeˬ-ahˇ ngaˇ geuꞈ mawꞈ-eu ma.

Tiˇtuˆ 2:8

Nawˬ-ahˇ muiˇ-eu tsawˇ haˬ deuˬ aˬ dui-ahˇ ja bu ja doeˇ kʼaˇ maˬ za ni bi shaꞈ dawˇ-iˇ pa-ehˇ, yaw lehˬ maˬ poˆ doˆ nya-eu tsaˬ-eu muiˬ-eu dawˬ deuˬ zmˬ-awˇ mehˬ-awˬ tsoˆ-awˬ.

1 Beˬtuˆluˆ 2:12

Miˬyehˇ-ahˇ maˬ jah-eu tsawˇ haˬ deuˬ-euˬ mehˬ shi naw maꞈ dehꞈ-eu jawˇ-eu gaˇ kawˆ muiˬ dui bi dui-awˬ. Kʼoeˇ loꞈ-ehˇ dehꞈ naˇ, naw maꞈ-ahˇ yaw haiˬ jeˬ mˇ-eu tsawˇ haˬ lehˇ aˬ yawꞈ maꞈ ja doeˇ kʼawꞈ, naw maꞈ yaw muiˬ jeˬ mˇ-euˬ meh lehˇ aˬ yawꞈ maꞈ ya ha geuꞈ-awˇ, Miˬyehˇ yaˇ kʼaˬ daˇ le ngeh Nah, aˬ yawꞈ maꞈ Miˬyehˇ-ahˇ ja ceuˬ tehꞈ-a.

1 Beˬtuˆluˆ 3:16

Ehˇ kʼawꞈ, kʼoeˇ loꞈ-ehˇ ja mehˬ nehˬ ngeh, nui ma nahˬ yu ni taˬ-awˇ yaw zeu baw-eu laꞈ kʼoeˇ ja mehˬ nehˬ-awˬ. Aˬ cawˬ yehˬ bawˬ sehˇ lu-ehˇ ehˇ laˇ gaˇ naw maꞈ ya daˬ ngeh, Ka li laꞈ kʼoeˇ naw maꞈ yaw muiˬ jeˬ mˇ luꞈ gaˇ ja doeˇ-eu tsawˇ haˬ deuˬ yawˬ ha-euˬ dawˬ-ahˇ yawˬ ha ya shaꞈ dawˇ-iˇ ni, naw maꞈ-euˬ siˬ nya-eu nui ma shawˇ jehˆ ni taˬ-awˬ.

Yaˇ kʼaˬ daˇ 14:4

Sahˬpaˬ Miˬyehˇ-aˬ, Piˇliˇtiˆ tsawˇ haˬ deuˬ-ahˇ guiˇ deuˆ mawꞈ-eu miˇ neh, Saˬsoˬ kʼoeˇ loꞈ-ehˇ mˇ ni laˆ saˆ taˬ-euˬ gaˇ kawˆ aˬ yawꞈ-euˬ aˬ da aˬ ma maˬ siˬ nya-a. Aˇ yamˬ kʼoeˇ yamˬ laꞈ kʼoeˇ, Piˇliˇtiˆ tsawˇ haˬ deuˬ Iˇsaˬleˬlaˆ tsawˇ jeuˬ-ahˇ uˆ lahˇ luꞈ-eu meh.

1 Saˬmeuˬlaˆ 12:4

Iˇsaˬleˬlaˆ tsawˇ haˬ deuˬ ehˇ-eu, “Nawˇ nga maꞈ kʼoeˇ taˆ myawꞈ dzaˬ shuiˇ dzaˬ-awˇ, smˇ kʼaˆ kʼaˆ dzaˬ taˬ-euˬ tiˬ jeˬ-iˬ maˬ jaˆ-a. Aˬ cawˬ-euˬ myawˬ nawˬ neh yuˇ geuꞈ-euˬ kʼawꞈ, tiˬ jeˬ-iˬ maˬ jaˆ-a.”

1 Saˬmeuˬlaˆ 18:14

Daˬbiˇ neh kʼaˇ mˇ kʼaˇ shaˇ-euˬ jeˬ huiˬ laˇ mahˇ laˇ luꞈ-eu meh. Aˬ jeˬ miˇ neh ehˇ naˇ, aˬ yawꞈ nehˬ-ehˇ Sahˬpaˬ Miˬyehˇ jawˇ-eu meh.

1 Saˬmeuˬlaˆ 22:14

Aˬhiˇmaˬlehˇ ehˇ-eu, “Daˬbiˇ-aˬ, nawˬ-euˬ gaˇ mˇ-eu yaw huiˬ yaw mahˇ dawˬ tawˆ luꞈ kʼoeˇ taˆ, nawˬ-ahˇ saˇ jaˇ ziꞈ dui dui-eu tiˬ gʼaˬ meh. Aˬ yawꞈ-aˬ, nawˬ-euˬ aˬ zaˬ pyeuꞈ-awˇ, nawˬ-ahˇ loꞈ piˇ-eu guiˇ maꞈ kʼoeˇ taˆ uˆ lahˇ-eu gʼaˬ pyeuꞈ-eu uˬ taꞈ, sahˬ paˬ-euˬ nymˇ laꞈ kʼoeˇ kʼaˇ jawˇ-eu tsawˇ haˬ dawˬ tawˆ luꞈ aˬ yawꞈ-ahˇ yaw zeu baw dui dui-eu meh.