Daˬyeˬlaˇ 6:3 - Akha

³ Kʼoeˇ smˇ gʼaˬ laꞈ kʼoeˇ, Daˬyeˬlaˇ gʼaˬ aˬ cawˬ naˆ maˬ tseˇ gaˇ mˇ nya dzehˬ-eu meh. Aˬ yawꞈ bym dui nya dui dui-eu miˇ neh, miˇ kʼahˬ kʼahˬ lah ni kʼoeˇ taˆ bi haw bi pyaˆ-eu gʼaˇ duˬ sahˬ paˬ shaˇ noeˬ-euˬ meh.

Daˬyeˬlaˇ 6:3 Iomraidhean Croise

Eˇzaˬlaˬ 4:22

Ngaˬ-euˬ miˇ kʼahˬ-ahˇ deuˬ laˇ-eu gaˇ kʼoeˇ maˬ paˇ bi mˇ ni tiˬ poˆ tehꞈ-ehˇ bi naˬ-awˬ.”

Neˬhaˬmiˇ 7:2

Yeˬluˇsaˬlehˬ meuˬ-ahˇ bi uˆ lahˇ-eu gʼaˇ duˬ tsawˇ haˬ nyiˬ gʼaˬ-ahˇ ngaˇ tseˇ doˆ-euˬ ma. Aˬ yawꞈ nyaꞈ-euˬ, ngaˬ-euˬ aˬ nyiˇ Haˬnaˬniˇ hawˇ-eu Yehˇ-euˬ taˆ-ahˇ aˬ yuiꞈ geuꞈ-eu gʼaˬ pyeuꞈ-eu Haˬnaˬniˇyaˆ meh. Haˬnaˬniˇyaˆ-aˬ, Miˬyehˇ-ahˇ guˆ-eu nui ma ahˇ-awˇ, aˬ cawˬ naˆ maˬ tseˇ gʼoe coeˇ-eu tsawˇ haˬ tiˬ gʼaˬ pyeuꞈ-eu meh.

Iˇsaˬtaˆ 10:3

Yuˇdaˆ tsawˇ haˬ Mawˬdaˬkehˇ-aˬ, sahˬ paˬ Dzeuˬsehˆ-euˬ laꞈ oˆ teˬ ni gʼeh-eu gʼaˬ pyeuꞈ-eu meh. Yuˇdaˆ tsawˇ haˬ deuˬ aˬ yawꞈ-ahˇ nui kʼahˇ shiˇ-awˇ, taˬ huiˬ taˬ mahˇ-euˬ meh. Aˬ yawꞈ-euˬ tsawˇ jeuˬ gʼaˇ duˬ gaˇ dahˇ tsoeˬ-eu muiˬ-eu gaˇ deuˬ aˬ yawꞈ mˇ-awˇ, aˬ yawꞈ maꞈ-euˬ zaˬ deuˬ uˆ deuˬ dawˬ tawˆ luꞈ kʼoeˇ taˆ, nui saˇ oꞈ-eu jeˬ aˬ yawꞈ mˇ yaꞈ-euˬ meh.

Dawqdaq 17:27

Dawˬ kʼaˇ ngeuˇ-eu maˬ ngehˬ-eu deuˬ tsawˇ gahˇ byah-awˇ, nui ma yaw coꞈ deuˬ noeˬ siˬ noeˬ mawˇ nya-eu meh.

Dawqdaq 22:29

Gaˇ yaw muiˬ muiˬ-ehˇ mˇ-eu tsawˇ haˬ tiˬ gʼaˬ poˆ doˆ laꞈ-awˬ. Sahˬ paˬ nehˬ-ehˇ gaˇ ya mˇ taꞈ-eu aˬ cawˬ naˆ maˬ tseˇ muiˬ dzehˬ-eu tsawˇ haˬ aˬ geu gʼaˬ-a lehˇ ngaˇ mehˬ nehˬ nyaˇ.

Dawˬ tsoˆ 2:13

Yaw zahˇ naˆ maˬ tseˇ yaw shehꞈ muiˬ dzehˬ-eu loꞈ-ehˇ, aˬ dzawˬ aˇ gah gah-eu jeˬ naˆ maˬ tseˇ zaˬ siˬ tsawˇ gahˇ muiˬ dzehˬ meh.

Daˬyeˬlaˇ 5:12

Aˬ yawꞈ-aˬ, siˬ dui gahˇ dui dui-awˇ, yuꞈ maˆ dawˬ tsuiꞈ yuˇ doˆ-eu paw maˬ ehˇ, zahˬ dui dui leˇ taˬ-euˬ gaˇ kawˆ deuˬ sawˇ doˆ-eu paw maˬ ehˇ, tsawˇ haˬ zaˬ maˬ noeˬ doˆ coeˇ-eu naꞈ dui dui-eu dawˬ tsuiꞈ deuˬ yuˇ doˆ nehˬ-eu paw maˬ ehˇ, aˬ cawˬ-ahˇ maˬ duˇ-eu zaˬ siˬ nui gahˇ ahˇ-eu meh. Kʼoeˇ miˇ neh, sahˬ paˬ neh Beˬteˬshaˬzaˬ lehˇ myahˇ nehˬ-euˬ Daˬyeˬlaˇ lehˇ kuˇ-eu tsawˇ haˬ kʼoeˇ gʼaˬ bi kuˇ laˬ-iˇ-awˬ. Sahˬ boꞈ boꞈ taˬ-euˬ dawˬ tsuiꞈ heu aˬ yawꞈ nawˬ-ahˇ ehˇ nehˬ laꞈ tehꞈ-a.”

Daˬyeˬlaˇ 5:14

Muiˬ-eu shawˇ-eu Miˬyehˇ-euˬ yaw sahˇ nawˬ-euˬ laꞈ kʼoeˇ jawˇ-awˇ, nawˇ bym dui nya dui dui-eu gaˇ kawˆ hawˇ-eu, zaˬ siˬ tsawˇ gahˇ byah dui dui-eu gaˇ kawˆ ngaˇ ya gaˬ-euˬ ma.

Daˬyeˬlaˇ 5:7

Nyiˇ paˬ shaˆ ma deuˬ hawˇ-eu mah loˬ ja maw deuˬ kuˇ laꞈ-eu gʼaˇ duˬ aˬ yawꞈ dawˬ biꞈ-euˬ meh. Aˬ yawꞈ maꞈ laˇ keuˆ ngeh, heu loꞈ-ehˇ ehˇ nehˬ-euˬ meh. “Heu gaˇ boꞈ taˬ-euˬ gaˇ kawˆ heu gui doˆ nya-awˇ, ngaˬ-ahˇ kʼaˇ dzawˇ poˆ nehˬ laꞈ nya-eu gʼaˬ-ahˇ, sahˬ paˬ dm-eu pehˇ kʼahˬ pehˇ mahˇ yaw neˇ bi dm-awˇ, kawˬ lahˇ-ahˇ taˬ huiˬ taˬ mahˇ-eu shuiˇ shuiˇ caˆ bi dah-awˇ, miˇ kʼahˬ heu kʼahˬ laꞈ kʼoeˇ aˬ cawˬ taꞈ-ehˇ huiˬ-eu sahˬ paˬ smˇ gʼaˬ tiˬ gʼaˬ bi geuꞈ-ma.”

Daˬyeˬlaˇ 9:23

Nawˇ guiˬ lahˬ shaˇ dahˬ beh ngeh neh, nawˬ-euˬ shaˇ dawˬ-ahˇ Miˬyehˇ naˇ haˬ geuꞈ-euˬ meh. Aˬ yawꞈ nawˬ-ahˇ gaˬ-eu meh. Kʼoeˇ miˇ neh, ngaˇ nawˬ-ahˇ ehˇ mehˬ le-eu lehˇ oe-euˬ ma. Yaw sahˇ laꞈ kʼoeˇ ya siˬ ya mawˇ-euˬ gaˇ kawˆ heu ngaˇ ja mehˬ ngeh, nawˇ yaw muiˬ paˬ-ehˇ naˇ haˬ taˬ-awˬ.