Daˬyeˬlaˇ 6:2 - Akha

² Kʼoeˇ uˬ taꞈ, sahˬ paˬ sahˬ ma kʼoeˇ deuˬ sahˬ paˬ-ahˇ maˬ tsaˬ-eu jeˬ maˬ ya mˇ ni aˬ yawꞈ maˬ kʼoeˇ taˆ bi haw bi pyaˆ-eu gʼaˇ duˬ, Daˬyeˬlaˇ ahˇ leˇ-ehˇ tsawˇ haˬ smˇ gʼaˬ paˇ tseˇ doˆ-euˬ meh.

Daˬyeˬlaˇ 6:2 Iomraidhean Croise

Eˇzaˬlaˬ 4:22

Ngaˬ-euˬ miˇ kʼahˬ-ahˇ deuˬ laˇ-eu gaˇ kʼoeˇ maˬ paˇ bi mˇ ni tiˬ poˆ tehꞈ-ehˇ bi naˬ-awˬ.”

Iˇsaˬtaˆ 7:4

Ngaˇ hawˇ-eu ngaˬ-euˬ tsawˇ jeuˬ-aˬ, aˬ cawˬ neh bi sehꞈ-eu lehˇ bi ahˬ dzaˬ taˬ-euˬ tsawˇ haˬ deuˬ pyeuꞈ-eu ma. Zaˬ kʼaˆ bi geuꞈ-eu gʼaˇ duˬ tehꞈ-ehˇ nga maꞈ-ahˇ ahˬ dzaˬ-euˬ law nmˇ-aˬ, nawˬ-ahˇ heu loꞈ-ehˇ shaˇ shaˇ-ehˇ maˬ paˇ laˆ bahˬ-eu ma. Nymˬ-mˇ-aˬ, nga maꞈ tsawˇ jeuˬ aˇ yoeˬ bi sehꞈ cuˆ-eu keuˆ laˇ taˬ-euˬ meh.”

Dawqdaq 26:6

Aˬ dzawˬ aˇ gah neh dawˬ mehˬ dawˬ tsoˆ bi tsoˆ naˇ, yawˬ ha-euˬ aˬ kuiˇ yawˬ ha deuˆ tsehˆ-awˇ, yawˬ haˇ yawˬ ha laˆ shaˬ gaˇ duˇ tehꞈ-a.

Dawqdaq 3:16

Zaˬ siˬ tsawˇ gahˇ-euˬ aˇ maˇ laꞈ-ahˇ, ziˇ baw ziˇ za-eu jeˬ ahˇ-awˇ, zaˬ siˬ tsawˇ gahˇ-euˬ aˇ caˇ laꞈ-ahˇ, pyuˇ shuiˇ hawˇ-eu myaˆ pyawˬ naˇ mehˇ ahˇ-eu meh.

Daˬyeˬlaˇ 5:16

Zaꞈ taˬ-euˬ gaˇ kawˆ deuˬ hawˇ-eu, naꞈ dui dui-eu dawˬ tsuiꞈ deuˬ nawˇ yuˇ doˆ nya meh lehˇ ngaˇ ya gaˬ-euˬ ma. Heu gaˇ boꞈ taˬ-euˬ sahˬ boꞈ heu nawˇ gui-awˇ ngaˬ-ahˇ dawˬ tsuiꞈ yuˇ doˆ nehˬ laꞈ nya naˇ, sahˬ paˬ dm-eu pehˇ kʼahˬ pehˇ mahˇ yaw neˇ bi dm-awˇ, taˬ huiˬ taˬ mahˇ-eu shuiˇ shuiˇ caˆ nawˬ-euˬ kawˬ lahˇ-ahˇ sheu dah nehˬ-awˇ, miˇ kʼahˬ heu kʼahˬ laꞈ kʼoeˇ aˬ cawˬ taꞈ-ehˇ huiˬ dzehˬ-eu sahˬ paˬ smˇ gʼaˬ tiˬ gʼaˬ bi geuꞈ ma.”

Daˬyeˬlaˇ 5:29

Beˬlaˇshaˬzaˬ neh aˬ yawꞈ-euˬ tsawˇ haˬ deuˬ-ahˇ tiˬ poˆ tehꞈ-ehˇ dawˬ biꞈ-awˇ, Daˬyeˬlaˇ-ahˇ sahˬ paˬ dm-eu pehˇ kʼahˬ pehˇ mahˇ yaw neˇ bi dm-awˇ, taˬ huiˬ taˬ mahˇ-eu shuiˇ shuiˇ caˆ kawˬ lahˇ-ahˇ nyehꞈ dah nehˬ-euˬ meh. Kʼoeˇ naˇ, miˇ kʼahˬ kʼoeˇ taˆ aˬ cawˬ naˆ maˬ tseˇ huiˬ-eu sahˬ paˬ smˇ gʼaˬ tiˬ gʼaˬ bi geuꞈ-euˬ meh.

Daˬyeˬlaˇ 5:7

Nyiˇ paˬ shaˆ ma deuˬ hawˇ-eu mah loˬ ja maw deuˬ kuˇ laꞈ-eu gʼaˇ duˬ aˬ yawꞈ dawˬ biꞈ-euˬ meh. Aˬ yawꞈ maꞈ laˇ keuˆ ngeh, heu loꞈ-ehˇ ehˇ nehˬ-euˬ meh. “Heu gaˇ boꞈ taˬ-euˬ gaˇ kawˆ heu gui doˆ nya-awˇ, ngaˬ-ahˇ kʼaˇ dzawˇ poˆ nehˬ laꞈ nya-eu gʼaˬ-ahˇ, sahˬ paˬ dm-eu pehˇ kʼahˬ pehˇ mahˇ yaw neˇ bi dm-awˇ, kawˬ lahˇ-ahˇ taˬ huiˬ taˬ mahˇ-eu shuiˇ shuiˇ caˆ bi dah-awˇ, miˇ kʼahˬ heu kʼahˬ laꞈ kʼoeˇ aˬ cawˬ taꞈ-ehˇ huiˬ-eu sahˬ paˬ smˇ gʼaˬ tiˬ gʼaˬ bi geuꞈ-ma.”

Daˬyeˬlaˇ 6:1

Daˬliˇ-aˬ, huiˬ dui dui-eu aˬ yawꞈ-euˬ miˇ kʼahˬ-ahˇ bi uˆ lahˇ-eu gʼaˇ duˬ, sahˬ paˬ sahˬ ma tiˬ yaˇ nyiˬ tseˇ gʼaˬ tseˇ doˆ-euˬ meh.

Maꞈtehˬ 18:23

Aˬ jeˬ miˇ neh ehˇ naˇ, mˬ taˆ miˇ kʼahˬ-aˬ, heu loꞈ-ehˇ meh. Tiˬ poˆ-aˬ, sahˬ paˬ tiˬ gʼaˬ aˬ yawꞈ-euˬ zaˬ kʼaˆ deuˬ nehˬ-ehˇ dziˇ dzoˆ sawˇ tsaˬ-eu lehˇ noeˬ tsehˆ-euˬ meh.

Luˇkaꞈ 16:2

Kʼoeˇ miˇ neh, myawˬ jeˬ hmˬ-eu kʼoeˇ gʼaˬ-ahˇ aˬ yawꞈ kuˇ-awˇ ehˇ nehˬ-eu, ‘Nawˬ-euˬ gaˇ kawˆ ngaˇ ya gaˬ-euˬ maˬ muiˬ nya. Nawˬ neh ngaˬ-euˬ myawˬ jeˬ hmˬ-euˬ jaˇ laˇ dawˬ tawˆ luꞈ ngaˇ jawˇ gaˇ yuˇ laꞈ sheˇ. Nawˬ-ahˇ ngaˬ-euˬ myawˬ jeˬ hmˬ-eu gʼaˬ maˬ paˇ gi geuꞈ nya ngaˇ.’

1 Gawˇliˬtu 4:2

Zaˬ kʼaˆ tiˬ gʼaˬ-aˬ, yawˬ ha-euˬ baw leˬ-ahˇ saˇ jaˇ maˬ ziꞈ-ehˇ maˬ gʼeh nya-a.

1 Saˬmeuˬlaˆ 2:30

Ngaˇ-aˬ, Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ ma. Nawˬ-euˬ nymˇ jiˇ hawˇ-eu nawˬ-euˬ aˇ jeuˬ-ahˇ, aˬ myah luꞈ ngaˬ-euˬ gaˇ mˇ-eu piˇ ma deuˬ bi geuꞈ ma lehˇ, dzeuˇ laˇ ngeh ngaˇ saˇ jaˇ dzaˬ taˬ-euˬ ma. Ehˇ kʼawꞈ, nymˬ-mˇ kʼoeˇ loꞈ-ehˇ maˬ paˇ geuꞈ nya meh lehˇ ngaˇ ehˇ-eu ma. Ngaˬ-ahˇ taˬ huiˬ-eu tsawˇ haˬ-ahˇ ngaˇ taˬ huiˬ nehˬ-awˇ, ngaˬ-ahˇ yaw zeu maˬ baw-eu tsawˇ haˬ-ahˇ ngaˇ yaw zeu maˬ baw.