Daˬyeˬlaˇ 5:8 - Akha

⁸ Sahˬ paˬ-ahˇ nui noeˬ nui duˇ biꞈ-eu deuˬ mehˬ hu paw doˆ laˇ-awˇ gui haw kʼawꞈ, tiˬ gʼaˬ-iˬ maˬ gui doˆ nya-ehˇ, sahˬ paˬ-ahˇ dawˬ tsuiꞈ maˬ yuˇ doˆ nehˬ nya-a.

Daˬyeˬlaˇ 5:8 Iomraidhean Croise

Aˇ dahˬ 41:8

Uˬ bya bya laˇ ngeh, sahˬ paˬ noeˬ shaˬ dui dui-eu miˇ neh, Iˇjiˇtuˆ miˇ kʼahˬ laꞈ kʼoeˇ kʼaˇ jawˇ-eu nyiˇ paˬ shaˆ ma deuˬ hawˇ-eu, zaˬ siˬ tsawˇ gahˇ ahˇ-eu tsawˇ haˬ deuˬ-ahˇ bi kuˇ uiˬ-euˬ meh. Aˬ yawꞈ neh yuꞈ maˆ maˆ mawˇ-euˬ gaˇ kawˆ kʼoeˇ aˬ yawꞈ maꞈ-ahˇ dzawˇ mehˬ nehˬ kʼawꞈ, tiˬ gʼaˬ-iˬ dawˬ tsuiꞈ maˬ yuˇ doˆ nehˬ nya-a.

Iˇsaˬyaˇ 47:9

Ehˇ kʼawꞈ, tiˬ kʼehˇ laˇ kʼehˬ tiˬ nah laꞈ kʼoeˇ, kʼoeˇ nyiˬ jeˬ luꞈ keuˆ le tehꞈ-a. Nyiˇ paˬ shaˆ ma-ahˇ nawˇ gʼoe kʼawꞈ, nawˬ-euˬ kʼaˬ dzeˇ zaˬ hawˇ-eu zaˬ deuˬ shiˇ tehꞈ-a.

Yeˬlaˬmiˇ 50:35

Sahˬpaˬ Miˬyehˇ ehˇ-eu, “Baˬbuˇloˬ-ahˇ mi cehˇ keuˆ le luꞈ-uˇ. Aˬ yawꞈ-euˬ tsawˇ haˬ deuˬ hawˇ-eu, sahˬ paˬ sahˬ ma, zaˬ siˬ tsawˇ siˬ dawˬ tawˆ kʼoeˇ taˆ, mi cehˇ keuˆ le luꞈ-uˇ.

Daˬyeˬlaˇ 2:27

Kʼoeˇ ngeh, Daˬyeˬlaˇ heu loꞈ-ehˇ ehˇ-eu meh. “Sahˬ paˬ-oˇ, gaˇ kawˆ heu nawˬ-ahˇ ehˇ nehˬ nya-eu nyiˇ paˬ shaˆ ma hawˇ-eu mah loˬ ja maw nya-eu tsawˇ haˬ maˬ jawˇ-a.

Daˬyeˬlaˇ 4:18

“Heu-aˬ, sahˬ paˬ Neˬbuˬkaˬneˬzaˬ pyeuꞈ-eu ngaˇ maˆ mawˇ-euˬ yuꞈ maˆ ma. Nymˬ-mˇ poˆ jawˇ-aˬ, Beˬteˬshaˬzaˬ nawˇ yuꞈ maˆ heu hmˬ-euˬ dawˬ tsuiꞈ yuˇ doˆ nehˬ laꞈ sheˇ. Ngaˬ-ahˇ nui noeˬ nui duˇ biꞈ-eu deuˬ, yuꞈ maˆ heu hmˬ-euˬ dawˬ tsuiꞈ tiˬ gʼaˬ-iˬ maˬ yuˇ doˆ nya-a. Ehˇ kʼawꞈ, muiˬ-eu shawˇ-eu Miˬyehˇ-euˬ yaw sahˇ nawˬ-euˬ laꞈ kʼoeˇ jawˇ-eu miˇ neh, nawˇ yuˇ doˆ nya meh.”

Daˬyeˬlaˇ 4:4

“Ngaˇ-aˬ, ngaˬ-euˬ nymˇ pyeuꞈ-eu sahˬ paˬ-euˬ hawˇ nymˇ-ahˇ saˇ lehˆ ni jawˇ-awˇ, pyuˇ shuiˇ myawˬ gahˬ maˬ ehˇ jiˇ coeˇ ni jaˆ-eu ma.

Daˬyeˬlaˇ 4:7

Kʼoeˇ naˇ, nyiˇ paˬ shaˆ ma dawˬ tawˆ luꞈ hawˇ-eu, mah loˬ ja maw kʼaˇ nya-eu deuˬ dawˬ tawˆ luꞈ bi kuˇ uiˬ laꞈ-awˇ, ngaˬ neh yuꞈ maˆ maˆ-euˬ dawˬ tsuiꞈ bi yuˇ doˆ-euˬ ma. Ehˇ kʼawꞈ, aˬ yawꞈ maꞈ tiˬ gʼaˬ-iˬ yuꞈ maˆ dawˬ tsuiꞈ maˬ yuˇ doˆ nya-a.

Daˬyeˬlaˇ 5:15

Ngaˬ-ahˇ nui noeˬ nui duˇ biꞈ-eu deuˬ hawˇ-eu, mah loˬ ja maw nya-eu deuˬ bi sheuˬ laꞈ-awˇ, heu gaˇ boꞈ taˬ-euˬ gaˇ kawˆ heu bi gui haw-awˇ ngaˬ-ahˇ dawˬ tsuiꞈ bi yuˇ doˆ mehˬ-euˬ kʼawꞈ, tiˬ gʼaˬ-iˬ dawˬ tsuiꞈ maˬ poˆ doˆ nya-a.