Daˬyeˬlaˇ 5:25 - Akha

²⁵ “Boꞈ taˬ-euˬ aˇ boꞈ-aˬ, ‘MEˬNEˬ, MEˬNEˬ, TEˬKEˬLAˇ, PAˬSIˬ’ lehˇ meh.

Daˬyeˬlaˇ 5:25 Iomraidhean Croise

2 Laˬsaˬbaˬ 21:12

Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Eˇliˇyaˆ neh, Yeˬhawˇlamˬ-ahˇ sahˬ boꞈ tiˬ taꞈ boꞈ-awˇ heu loꞈ-ehˇ ehˇ nehˬ-euˬ meh. “Nawˬ bawˇ sahˬ paˬ Aˬsaˬ hawˇ-eu nawˬ da sahˬ paˬ Yeˬhawˇshaˬpaˇ-ahˇ nawˇ dzaw geuꞈ-awˇ maˬ dehꞈ-eu miˇ neh, nawˬ poeˬ Daˬbiˇ-euˬ Miˬyehˇ pyeuꞈ-eu Sahˬpaˬ Miˬyehˇ nawˬ-ahˇ nui ma maˬ saˇ-a.

Iˇsaˬyaˇ 14:11

Nawˬ-euˬ yaw shehꞈ kʼahˬ sehˇ dawˬ tawˆ luꞈ, nawˬ-ahˇ taˬ huiˬ-eu deuˇ-mˬ teˇ saˇ nehˬ-ehˇ, lmˬ bymˇ-ahˇ hehˇ ahˇ leꞈ jiˇ-euˬ nga. Luˆ tahˬ kʼawˬ daˬ kʼoeˇ taˆ yuꞈ-awˇ, buˬ joe aˇ bui dm-awˬ’ lehˇ ehˇ laˇ tehꞈ-a.”

Iˇsaˬyaˇ 47:11

Nawˬ-euˬ kʼoeˇ taˆ guˆ-eu gaˆ-eu jeˬ keuˆ le meh. Nyiˇ paˬ shaˆ ma neh maˬ dehˬ tsoeˬ nya-a. Nawˬ neh yuꞈ maˆ maˬ maˆ haw-euˬ luˬ-iˇ seˇ-iˇ-eu jeˬ, nawˬ-euˬ kʼoeˇ taˆ ja pyuˬ ni ga keuˆ le tehꞈ-a.

Yeˬlaˬmiˇ 27:7

Tsawˇ jeuˬ dawˬ tawˆ luꞈ aˬ yawꞈ-euˬ zaˬ kʼaˆ ya geuꞈ tehꞈ-a. Aˬ yawꞈ-euˬ miˇ kʼahˬ maˬ cawˆ-iˇ kʼoeˇ keuˆ ni , aˬ yawꞈ-euˬ zaˬ ziˇ hawˇ-eu oeˬ paˬ oeˬ ma ziˇ-ahˇ keuˆ ni, aˬ yawꞈ maꞈ zaˬ kʼaˆ ya geuꞈ tehꞈ-a. Kʼoeˇ naˇ, aˬ yawꞈ-euˬ miˇ kʼahˬ-aˬ, baoˬ huiˬ-eu tsawˇ jeuˬ deuˬ hawˇ-eu, huiˬ-eu sahˬ paˬ deuˬ-euˬ zaˬ kʼaˆ paˇ ya geuꞈ poˆ tehꞈ-a.

Daˬyeˬlaˇ 5:24

Kʼoeˇ miˇ neh, sahˬ boꞈ heu bi boꞈ-eu lehˇ, Miˬyehˇ neh aˬ laꞈ pyehˬ gʼeh leꞈ-euˬ meh.

Daˬyeˬlaˇ 5:26

Ehˇ mawꞈ-eu dawˬ tsuiꞈ-aˬ, heu loꞈ-ehˇ meh. MEˬNEˬ lehˇ ehˇ-eu-aˬ, naˬ baꞈ-ahˇ ehˇ-eu meh. Dawˬ tsuiꞈ-aˬ, nawˬ-euˬ miˇ kʼahˬ-euˬ aˇ nah aˇ yamˬ-ahˇ Miˬyehˇ gui taˬ-awˇ, aˇ saˬ saˬ-eu aˇ nah bi keuˆ le-eu lehˇ gʼeh-eu meh lehˇ ehˇ mawꞈ-eu meh.

Haˬbaˬkuˆ 2:7

Nawˬ-ahˇ dziˇ dzoˆ poˆ kʼoꞈ-eu deuˬ, ja pyuˬ ni tsawˬ tuˇ laˇ jiˇ-awˇ, nawˇ yaw dzuˬ gah ni ya guˆ-eu, nawˬ-ahˇ muiˇ-eu deuˬ noeˬ laˇ ngeh, aˬ cawˬ yaw haiˬ mˇ poˆ laˇ gaˇ, nawˇ ya daˬ-eu yaw duˬ baw meh.

Luˇkaꞈ 1:51

Baoˬ huiˬ-eu laꞈ du cawˬ doˆ-awˇ, nui ma huiˬ-eu deuˬ-euˬ bawˬ toˆ, dawˬ tawˆ luꞈ byaˆ dzeh nehˬ-eu meh.

Luˇkaꞈ 12:20

Ehˇ kʼawꞈ, aˬ yawꞈ-ahˇ Miˬyehˇ ehˇ nehˬ-eu, ‘Aˬ dzawˬ aˇ gah-oˇ, nymˇ ciꞈ neh nawˬ-euˬ saꞈ laˇ ngaˇ yuˇ kʼoꞈ ma. Nymˬ-mˇ poˆ jawˇ-aˬ, nawˬ neh poˆ uiˬ taˬ-euˬ myawˬ gahˬ deuˬ aˬ suˇ gʼaˬ-euˬ pyeuꞈ-iˇ nmˇ.’

1 Saˬmeuˬlaˆ 28:19

Nawˇ hawˇ-eu Iˇsaˬleˬlaˆ miˇ kʼahˬ-ahˇ, Piˇliˇtiˆ tsawˇ haˬ deuˬ-euˬ aˬ laꞈ laꞈ kʼoeˇ aˬ yawꞈ a nehˬ tehꞈ-a. Ni shawˬ nah, nawˇ hawˇ-eu nawˬ li ngaˬ nehˬ-ehˇ ya jawˇ-awˇ, Iˇsaˬleˬlaˆ tsawˇ jeuˬ-euˬ guiˇ maꞈ-ahˇ , Piˇliˇtiˆ tsawˇ haˬ deuˬ-euˬ aˬ laꞈ laꞈ kʼoeˇ Sahˬpaˬ Miˬyehˇ a nehˬ tehꞈ-a.”