Daˬyeˬlaˇ 5:13 - Akha

¹³ Daˬyeˬlaˇ-ahˇ sahˬ paˬ jawˇ gaˇ sheuˬ keuˆ laꞈ-awˇ, sahˬ paˬ neh heu loꞈ-ehˇ ehˇ nehˬ-euˬ meh. “Ngaˬ da neh Yuˇdaˆ miˇ kʼahˬ-ahˇ nyehꞈ-awˇ sheuˬ kʼoꞈ laꞈ-euˬ Daˬyeˬlaˇ lehˇ kuˇ-eu kʼoeˇ gʼaˬ nawˇ ma loˇ.

Daˬyeˬlaˇ 5:13 Iomraidhean Croise

Eˇzaˬlaˬ 10:16

Baˬbuˇloˬ miˇ kʼahˬ-ahˇ neh gʼoꞈ laˇ-euˬ deuˬ-aˬ, ehˇ taˬ-euˬ loꞈ-ehˇ mˇ ma lehˇ nui ma tsaˬ-euˬ meh. Kʼoeˇ naˇ, piˇ ma Eˇzaˬlaˬ gʼaˬ aˇ jeuˬ aˇ ca deuˬ kʼoeˇ taˆ aˬ yuiꞈ aˬ tsu geuꞈ luꞈ-eu deuˬ laꞈ kʼoeˇ tsawˇ haˬ tseˇ doˆ-awˇ, tsawˇ myahˇ boꞈ ahˇ taˬ-euˬ meh. Ba la tseˇ siˬ tiˬ siˬ yaw beh nah-ahˇ, gaˇ kʼoeˇ deuˬ-ahˇ aˬ yawꞈ maꞈ pyehˆ tseˇ dahˬ beh-euˬ meh.

Eˇzaˬlaˬ 10:7

Baˬbuˇloˬ miˇ kʼahˬ-ahˇ neh gʼoꞈ laˇ-euˬ tsawˇ haˬ dawˬ tawˆ luꞈ Yeˬluˇsaˬlehˬ meuˬ-ahˇ ya uiˬ laˇ meh lehˇ, Yeˬluˇsaˬlehˬ meuˬ hawˇ-eu Yuˇdaˆ miˇ kʼahˬ doe ni bi tsaꞈ gaˬ doe-euˬ meh.

Eˇzaˬlaˬ 4:1

Baˬbuˇloˬ miˇ kʼahˬ-ahˇ neh gʼoꞈ laˇ-euˬ tsawˇ haˬ deuˬ Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma tsoˆ luꞈ-eu gaˇ kawˆ-ahˇ, Yuˇdaˆ tsawˇ jeuˬ hawˇ-eu Beˬyaˬmiˬ tsawˇ jeuˬ-ahˇ muiˇ-eu tsawˇ haˬ deuˬ ya gaˬ-euˬ meh.

Eˇzaˬlaˬ 6:16

Kʼoeˇ naˇ, Iˇsaˬleˬlaˆ tsawˇ haˬ pyeuꞈ-eu piˇ ma deuˬ, Leˬbiˇ tsawˇ haˬ deuˬ hawˇ-eu, Baˬbuˇloˬ miˇ kʼahˬ-ahˇ neh gʼoꞈ laˇ-euˬ deuˬ dawˬ tawˆ luꞈ, laˬ kʼaˬ tiˬ cehˇ Uˬ duˬ tahˬ nymˇ nymˇ ma a nehˬ-euˬ meh.

Daˬyeˬlaˇ 1:1

Yuˇdaˆ miˇ kʼahˬ-ahˇ Yeˬhawˇyaˬkmˬ sahˬ paˬ geuꞈ-awˇ uˆ lahˇ-euˬ smˇ kʼoꞈ tiˬ kʼoꞈ-ahˇ, Baˬbuˇloˬ sahˬ paˬ Neˬbuˬkaˬneˬzaˬ Yeˬluˇsaˬlehˬ meuˬ-ahˇ guiˇ deuˆ le-awˇ, loꞈ jawˬ taˬ-euˬ meh.

Daˬyeˬlaˇ 1:2

Sahˬpaˬ Miˬyehˇ neh aˬ yawꞈ-ahˇ sahˬ paˬ Yeˬhawˇyaˬkmˬ-ahˇ bi nyehꞈ mi-awˇ, Uˬ duˬ tahˬ nymˇ nymˇ ma-ahˇ jaˆ-eu pyuˇ shuiˇ myawˬ gahˬ tiˬ paˆ na deuˬ bi yuˇ geuꞈ-euˬ meh. Tsawˇ haˬ tiˬ paˆ na deuˬ-ahˇ nyehꞈ-awˇ, Baˬbuˇloˬ miˇ kʼahˬ-ahˇ jawˇ-eu aˬ yawꞈ-euˬ miˬ yehˇ deuˬ-euˬ uˬ duˬ tahˬ nymˇ-ahˇ nyehꞈ kʼoꞈ gʼeh-awˇ, guiˇ deuˆ za-euˬ pyuˇ shuiˇ myawˬ gahˬ deuˬ, uˬ duˬ tahˬ nymˇ kʼoeˇ deuˬ laꞈ kʼoeˇ jaˆ-eu myawˬ jeˬ hmˬ-eu kuˆ lawˆ deuˬ laꞈ kʼoeˇ bi jaˆ-euˬ meh.

Daˬyeˬlaˇ 1:21

Paˇshaˇ sahˬ paˬ Guˇluˆ neh Baˬbuˇloˬ miˇ kʼahˬ-ahˇ deuˆ gʼaˬ ngeh keuˆ ni, sahˬ paˬ-euˬ gaˇ-ahˇ Daˬyeˬlaˇ mˇ mˇ-ehˇ jawˇ-euˬ meh.

Daˬyeˬlaˇ 1:6

Tseˇ doˆ-euˬ tsawˇ haˬ deuˬ laꞈ kʼoeˇ, Daˬyeˬlaˇ, Haˬnaˬniˇyaˆ, Miˇsheˬlaˇ, Aˬzaˬyiˇ aˬ ha oeˬ gʼaˬ kʼawꞈ ahˇ-eu meh. Aˬ yawꞈ maꞈ oeˬ gʼaˬ luꞈ, Yuˇdaˆ tsawˇ jeuˬ pyeuꞈ-eu meh.

Daˬyeˬlaˇ 2:25

Aˬliˇoˆ-aˬ, Daˬyeˬlaˇ-ahˇ sahˬ paˬ Neˬbuˬkaˬneˬzaˬ jawˇ gaˇ tiˬ poˆ tehꞈ-ehˇ sheuˬ gʼeh-awˇ, “Sahˬ paˬ-oˇ, Yuˇdaˆ miˇ kʼahˬ-ahˇ neh nyehꞈ laꞈ-euˬ deuˬ laꞈ kʼoeˇ, nawˬ-euˬ yuꞈ maˆ dawˬ tsuiꞈ yuˇ doˆ nehˬ nya-eu tiˬ gʼaˬ ngaˇ mawˇ-euˬ ma” lehˇ ehˇ nehˬ-euˬ meh.

Daˬyeˬlaˇ 2:48

Kʼoeˇ naˇ, sahˬ paˬ neh Daˬyeˬlaˇ-ahˇ yaw huiˬ yaw mahˇ bi keuˆ leˇ-awˇ, muiˬ dui dui-eu laꞈ sawˬ deuˬ biꞈ-euˬ uˬ taꞈ, Baˬbuˇloˬ meuˬ-euˬ gahˬ kaˬ-ahˇ uˆ lahˇ-eu gʼaˬ bi geuꞈ-awˇ, sahˬ paˬ-ahˇ nui noeˬ nui duˇ biꞈ-eu tsawˇ gahˇ ahˇ-eu tsawˇ haˬ dawˬ tawˆ luꞈ kʼoeˇ taˆ bi uˆ lahˇ-euˬ meh.

Daˬyeˬlaˇ 5:11

Nawˬ-euˬ miˇ kʼahˬ laꞈ kʼoeˇ muiˬ-eu shawˇ-eu Miˬyehˇ-euˬ yaw sahˇ ahˇ-eu tsawˇ haˬ tiˬ gʼaˬ jawˇ meh. Nawˬ da dzoeˬ dzaˬ ngeh, tsawˇ haˬ kʼoeˇ gʼaˬ zaˬ siˬ tsawˇ gahˇ ahˇ dui dui-awˇ, Miˬyehˇ tiˬ gʼaˬ loꞈ-ehˇ siˬ nya mawˇ nya gaˇ ya mawˇ-euˬ meh. Nawˬ da sahˬ paˬ Neˬbuˬkaˬneˬzaˬ neh aˬ yawꞈ-ahˇ, nyiˇ paˬ shaˆ ma hawˇ-eu mah loˬ ja maw dawˬ tawˆ luꞈ kʼoeˇ taˆ huiˬ dzehˬ-eu gʼaˬ bi geuꞈ-euˬ meh.

Daˬyeˬlaˇ 5:14

Muiˬ-eu shawˇ-eu Miˬyehˇ-euˬ yaw sahˇ nawˬ-euˬ laꞈ kʼoeˇ jawˇ-awˇ, nawˇ bym dui nya dui dui-eu gaˇ kawˆ hawˇ-eu, zaˬ siˬ tsawˇ gahˇ byah dui dui-eu gaˇ kawˆ ngaˇ ya gaˬ-euˬ ma.

Daˬyeˬlaˇ 5:18

“Dawˬ tawˆ kʼoeˇ taˆ huiˬ-eu Miˬyehˇ neh nawˬ da-ahˇ huiˬ dui dui-eu sahˬ paˬ tiˬ gʼaˬ bi pyeuꞈ laˇ-awˇ, baoˬ yaw shehꞈ kʼahˬ sehˇ biꞈ nehˬ-euˬ meh.

Daˬyeˬlaˇ 5:2

Aˬ yawꞈ maꞈ aˬ gaꞈ dzaˇ uiˇ dawˇ luꞈ ngeh, aˬ yawꞈ-euˬ aˬ da Neˬbuˬkaˬneˬzaˬ neh Yeˬluˇsaˬlehˬ meuˬ Uˬ duˬ tahˬ nymˇ nymˇ ma-ahˇ jaˆ gaˇ yuˇ laꞈ-euˬ pyuˇ kʼmˬ maˬ shuiˇ kʼmˬ maˬ deuˬ yuˇ laꞈ-awˬ lehˇ, Beˬlaˇshaˬzaˬ dawˬ biꞈ-euˬ meh. Aˬ yawꞈ-euˬ gaˇ mˇ-eu yaw huiˬ yaw mahˇ deuˬ, aˬ yawꞈ-euˬ miˬ zaˬ deuˬ hawˇ-eu, aˬ yawꞈ-euˬ ma nyiˇ deuˬ bi dawˇ-eu gʼaˇ duˬ, kʼmˬ maˬ kʼoeˇ deuˬ bi yuˇ laˬ-iˇ-euˬ meh.

Daˬyeˬlaˇ 6:13

Aˬ yawꞈ maꞈ sahˬ paˬ-ahˇ ehˇ-eu, “Yuˇdaˆ miˇ kʼahˬ-ahˇ neh nyehꞈ laꞈ-euˬ Daˬyeˬlaˇ kʼoeˇ gʼaˬ-aˬ, sahˬ paˬ nawˬ-ahˇ yaw zeu maˬ baw-eu uˬ taꞈ, nawˬ neh taˬ taˬ-euˬ zahˇ sahˇ kʼoꞈ-ahˇ maˬ caw teh ni, tiˬ nah smˬ poˆ guiˬ lahˬ shaˇ-eu ma byehˇ-a.”

Daˬyeˬlaˇ 8:1

Beˬlaˇshaˬzaˬ sahˬ paˬ geuꞈ-euˬ smˇ kʼoꞈ tiˬ kʼoꞈ-ahˇ, yaw sahˇ laꞈ kʼoeˇ heu loꞈ-ehˇ paˇ ya mawˇ-euˬ ma.

Daˬyeˬlaˇ 8:27

Ngaˇ Daˬyeˬlaˇ nui ma gʼaˬ baˬ dui dui-iˇ-awˇ, gʼawˬ mya nah jawˇ saˇ maˬ doˆ ni jawˇ-euˬ ma. Kʼoeˇ naˇ, ngaˇ paˇ tuˇ laˇ-awˇ, sahˬ paˬ-euˬ gaˇ paˇ mˇ daˆ leꞈ-euˬ ma. Ehˇ kʼawꞈ, ngaˬ neh yaw sahˇ laꞈ kʼoeˇ ya siˬ ya mawˇ-euˬ jeˬ-ahˇ noeˬ-eu nui ma maˬ byoˆ-iˇ-ehˇ, gaˇ kawˆ kʼoeˇ maˬ noeˬ shaw nya ni jawˇ-euˬ ma.”

Yoˇhaˬ 7:1

Kʼoeˇ naˇ, Gaˬliˬlehˇ miˇ kʼahˬ-ahˇ Yeˬsuˇ cah-euˬ meh. Yuˇdaˆ miˇ kʼahˬ-ahˇ aˬ yawꞈ maˬ cah mawꞈ-a. Aˬ jeˬ miˇ neh ehˇ naˇ, Yuˇdaˆ tsawˇ haˬ aˬ yuiꞈ aˬ tsu deuˬ aˬ yawꞈ-ahˇ sehꞈ mawꞈ-eu meh.

Yoˇhaˬ 7:3

Kʼoeˇ miˇ neh, aˬ yawꞈ-euˬ mehˇ nmˇ deuˬ aˬ yawꞈ-ahˇ ehˇ-eu, “Nawˬ-euˬ mehˬ nah caw teh-eu tsawˇ haˬ deuˬ nawˬ neh mˇ mehˬ-euˬ zahˬ leˇ paˬ-ehˇ gʼeh-eu gaˇ deuˬ-ahˇ ya mawˇ ni, heu gaˇ dzuˇ dzuˇ-ehˇ maˬ jawˇ ni Yuˇdaˆ miˇ kʼahˬ-ahˇ iˇ-awˬ.