Daˬyeˬlaˇ 5:11 - Akha

¹¹ Nawˬ-euˬ miˇ kʼahˬ laꞈ kʼoeˇ muiˬ-eu shawˇ-eu Miˬyehˇ-euˬ yaw sahˇ ahˇ-eu tsawˇ haˬ tiˬ gʼaˬ jawˇ meh. Nawˬ da dzoeˬ dzaˬ ngeh, tsawˇ haˬ kʼoeˇ gʼaˬ zaˬ siˬ tsawˇ gahˇ ahˇ dui dui-awˇ, Miˬyehˇ tiˬ gʼaˬ loꞈ-ehˇ siˬ nya mawˇ nya gaˇ ya mawˇ-euˬ meh. Nawˬ da sahˬ paˬ Neˬbuˬkaˬneˬzaˬ neh aˬ yawꞈ-ahˇ, nyiˇ paˬ shaˆ ma hawˇ-eu mah loˬ ja maw dawˬ tawˆ luꞈ kʼoeˇ taˆ huiˬ dzehˬ-eu gʼaˬ bi geuꞈ-euˬ meh.

Daˬyeˬlaˇ 5:11 Iomraidhean Croise

Aˇ dahˬ 41:38

“Miˬyehˇ-euˬ Yaw sahˇ jawˇ-eu Yoˇsehˆ loꞈ-ehˇ gʼeh-eu tsawˇ haˬ-ahˇ aˬ dui maˬ paˇ poˆ mawˇ nya-aˇ” lehˇ, sahˬ paˬ kʼoeˇ gʼaˬ aˬ yawꞈ maꞈ-ahˇ ehˇ nehˬ-euˬ meh.

2 Saˬmeuˬlaˆ 14:17

Ngaˬ-euˬ saˇ jaˇ baˬ da neh, ngaˇ guˆ kʼaˇ maˬ za ni ya dehꞈ tehꞈ-a lehˇ yawˬ haˇ yawˬ ha ehˇ-euˬ ma. Aˬ jeˬ miˇ neh ehˇ naˇ, sahˬ paˬ nawˇ-aˬ, Miˬyehˇ-euˬ mˬ taˆ gʼaˬ kʼehˇ-ahˇ duˇ-awˇ, yaw muiˬ yaw doeˇ tseˇ paˆ nya-eu meh. Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ nawˬ nehˬ-ehˇ jawˇ luꞈ-uˇ.”

Yeˬsaˬgeˬlaˇ 28:3

Daˬyeˬlaˇ naˆ maˬ tseˇ gahˇ-awˇ, nawˬ-euˬ mehˬ shi zaꞈ taˬ-euˬ jeˬ, maˬ paˇ jaˆ ma lehˇ nawˇ noeˬ meh.

Yeˬsaˬgeˬlaˇ 28:4

Nawˬ-euˬ zaˬ siˬ nui gahˇ baˬ da, nawˇ smˇ muiˬ smˇ baw baw laˇ-awˇ, Shuiˇ cehˇ jiˇ deuˬ pyuˇ cehˇ jiˇ deuˬ, nawˇ gaꞈ byah poˆ byah taˬ-euˬ meh.

Daˬyeˬlaˇ 1:4

Aˬ yawꞈ maꞈ-aˬ, sahˬ paˬ-euˬ hawˇ nymˇ laꞈ kʼoeˇ gaˇ mˇ nya ni, tsawˇ haˬ aˇ gʼehˇ muiˬ-awˇ, zaˬ siˬ nui gahˇ ahˇ-eu uˬ taꞈ, dzaw bym taˬ-euˬ deuˬ ya bi pyeuꞈ-awˇ, kʼaˇ mehˬ nehˬ-eu jeˬ-ahˇ yaw kawˇ-ehˇ gʼoˆ siˬ gʼoˆ shaw nya-eu tsawˇ haˬ ya bi pyeuꞈ-eu meh. Kʼoeˇ uˬ taꞈ, pyawˬ naˬ mawˇ do ehˇ kʼaˇ maˬ za-eu tsawˇ haˬ ya biˬ pyeuꞈ-eu meh. Aˬ yawꞈ maꞈ Baˬbuˇloˬ dawˬ boꞈ nya gui nya laˇ ni, Aˬshaˇpeˬnaˆ ya mehˬ meh lehˇ ehˇ taˬ-euˬ meh.

Daˬyeˬlaˇ 2:11

Nawˬ neh naˇ haˬ-euˬ dawˬ heu kʼaˆ dui dui-eu miˇ neh, miˬ yehˇ deuˬ maˬ ngeuˇ naˇ, tsawˇ haˬ zaˬ nawˬ-ahˇ maˬ ehˇ nehˬ nya-a. Miˬ yehˇ kʼoeˇ deuˬ kʼawꞈ, tsawˇ haˬ zaˬ nehˬ-ehˇ maˬ jawˇ-a.”

Daˬyeˬlaˇ 2:22

Naꞈ-eu dawˬ tsuiꞈ yawꞈ pah mehˬ-awˇ, yaw zahˇ zaꞈ taˬ-euˬ mawˇ nya-awˇ, yawꞈ jawˇ tiˬ jawˬ yaw shehꞈ bya meh.

Daˬyeˬlaˇ 4:18

“Heu-aˬ, sahˬ paˬ Neˬbuˬkaˬneˬzaˬ pyeuꞈ-eu ngaˇ maˆ mawˇ-euˬ yuꞈ maˆ ma. Nymˬ-mˇ poˆ jawˇ-aˬ, Beˬteˬshaˬzaˬ nawˇ yuꞈ maˆ heu hmˬ-euˬ dawˬ tsuiꞈ yuˇ doˆ nehˬ laꞈ sheˇ. Ngaˬ-ahˇ nui noeˬ nui duˇ biꞈ-eu deuˬ, yuꞈ maˆ heu hmˬ-euˬ dawˬ tsuiꞈ tiˬ gʼaˬ-iˬ maˬ yuˇ doˆ nya-a. Ehˇ kʼawꞈ, muiˬ-eu shawˇ-eu Miˬyehˇ-euˬ yaw sahˇ nawˬ-euˬ laꞈ kʼoeˇ jawˇ-eu miˇ neh, nawˇ yuˇ doˆ nya meh.”

Daˬyeˬlaˇ 4:5

Ehˇ kʼawꞈ, ngaˇ yuꞈ kʼaˆ luꞈ ngeh, guˆ laˇ paˬ-ehˇ gʼeh-eu yuꞈ maˆ maˆ-awˇ, guˆ dui dui laˇ paˬ-ehˇ gʼeh-eu jeˬ ya mawˇ-euˬ ma.

Daˬyeˬlaˇ 4:6

Ngaˬ-ahˇ yuꞈ maˆ dawˬ tsuiꞈ bi dzawˇ mehˬ-eu lehˇ, Baˬbuˇloˬ meuˬ-ahˇ kʼaˇ jawˇ-eu sahˬ paˬ-ahˇ nui noeˬ nui duˇ biꞈ-eu tsawˇ haˬ deuˬ-ahˇ, ngaˇ dawˬ biꞈ-awˇ bi kuˇ uiˬ jiˇ-euˬ ma.

Daˬyeˬlaˇ 5:14

Muiˬ-eu shawˇ-eu Miˬyehˇ-euˬ yaw sahˇ nawˬ-euˬ laꞈ kʼoeˇ jawˇ-awˇ, nawˇ bym dui nya dui dui-eu gaˇ kawˆ hawˇ-eu, zaˬ siˬ tsawˇ gahˇ byah dui dui-eu gaˇ kawˆ ngaˇ ya gaˬ-euˬ ma.

Daˬyeˬlaˇ 5:7

Nyiˇ paˬ shaˆ ma deuˬ hawˇ-eu mah loˬ ja maw deuˬ kuˇ laꞈ-eu gʼaˇ duˬ aˬ yawꞈ dawˬ biꞈ-euˬ meh. Aˬ yawꞈ maꞈ laˇ keuˆ ngeh, heu loꞈ-ehˇ ehˇ nehˬ-euˬ meh. “Heu gaˇ boꞈ taˬ-euˬ gaˇ kawˆ heu gui doˆ nya-awˇ, ngaˬ-ahˇ kʼaˇ dzawˇ poˆ nehˬ laꞈ nya-eu gʼaˬ-ahˇ, sahˬ paˬ dm-eu pehˇ kʼahˬ pehˇ mahˇ yaw neˇ bi dm-awˇ, kawˬ lahˇ-ahˇ taˬ huiˬ taˬ mahˇ-eu shuiˇ shuiˇ caˆ bi dah-awˇ, miˇ kʼahˬ heu kʼahˬ laꞈ kʼoeˇ aˬ cawˬ taꞈ-ehˇ huiˬ-eu sahˬ paˬ smˇ gʼaˬ tiˬ gʼaˬ bi geuꞈ-ma.”

Gʼaˬkʼehˇ 12:22

“Tsawˇ haˬ zaˬ dawˬ ngehˬ gaˇ maˬ duˇ nya. Miˬyehˇ dawˬ ngehˬ gaˇ duˇ nya” lehˇ aˬ yawꞈ maꞈ guˇ-eu meh.

Gʼaˬkʼehˇ 14:11

Pawˇluˆ kʼoeˇ loꞈ-ehˇ mˇ-euˬ gaˇ tsawˇ haˬ aˇ maꞈ ya mawˇ ngeh, “Miˬ yehˇ kʼoeˇ deuˬ tsawˇ haˬ loꞈ-ehˇ pyeuꞈ le-awˇ, aˬ dui jawˇ gaˇ zaꞈ le-euˬ ngaˇ” lehˇ, aˬ yawꞈ maꞈ-euˬ Luˇgawˇni dawˬ-ahˇ neh guˇ-eu meh.

Gʼaˬkʼehˇ 16:16

Tiˬ nah-aˬ, uˬ duˬ tahˬ-eu jawˇ duˬ-ahˇ nga maꞈ iˇ luꞈ ngeh, ja maw maw nya-eu nehꞈ uˇ-eu aˬ buˇ zaˬ kʼaˆ tiˬ gʼaˬ tahˬ puˬ le-euˬ meh. Aˬ buˇ kʼoeˇ buˇ ja maw maw nehˬ-eu pyuˇ gʼawˬ mya ni za-eu miˇ neh, aˬ yawꞈ-euˬ baw leˬ deuˬ smˇ muiˬ muiˬ laˇ-euˬ meh.

Panmaeq 3:9

Naˇ haˬ-awˬ. Yuˇdaˆ tsawˇ haˬ maˬ ngeuˇ gaˇ yawˬ haˇ yawˬ ha ngeuˇ ma lehˇ ehˇ-eu nehꞈ Saˬdaˬ-ahˇ taꞈ-eu aˇ muˇ kʼoeˇ muˇ-ahˇ, nawˬ-euˬ aˬ kuiˇ dawˬ peh uˬ duˬ bi shaˇ tahˬ laˇ ma. Ngaˇ nawˬ-ahˇ gaˬ-eu gaˇ kawˆ aˬ yawꞈ maꞈ dawˬ tawˆ luꞈ ya siˬ tehꞈ-a.