Daˬyeˬlaˇ 4:34 - Akha

³⁴ Sahˬ paˬ Neˬbuˬkaˬneˬzaˬ ehˇ-eu, “Shiꞈ kʼoꞈ dzeuˇ-iˇ ngeh jawˇ, mˬ-ahˇ ngaˇ gʼawˇ leuˇ haw ngeh, nui ma-ahˇ noeˬ laˇ-euˬ miˇ-a. Dawˬ tawˆ kʼoeˇ taˆ huiˬ-eu Miˬyehˇ-ahˇ ngaˇ ja ceuˬ-awˇ, mˬ maˬ maˬ byaˆ zaˇ ziˇ dehꞈ-eu gʼaˬ-ahˇ ciˬ poeˬ-awˇ taˬ huiˬ taˬ mahˇ nehˬ-euˬ ma. “Aˬ yawꞈ dzoeˬ dzaˬ zaˇ ziˇ gmˬ-awˇ, aˬ yawꞈ miˇ kʼahˬ zaˇ ziˇ ziꞈ meh.

Daˬyeˬlaˇ 4:34 Iomraidhean Croise

2 Saˬmeuˬlaˆ 22:31

Miˬyehˇ heu gʼaˬ kuiˇ zaˇ laꞈ zaˇ, byah dui muiˬ dui kuꞈ dui dui meh. Sahˬpaˬ Miˬyehˇ-euˬ saˇ jaˇ-aˬ, maˬ poˆ maˬ paˇ ni ziꞈ-eu meh. Aˬ yawꞈ-ahˇ gʼoe-eu deuˬ gʼaˇ duˬ, dehˬ daˬ duˬ loꞈ-ehˇ ziꞈ-eu meh.

1 Laˬsaˬbaˬ 29:10

Sahˬ paˬ Daˬbiˇ-aˬ, kʼoeˇ gaˇ jawˇ-eu tsawˇ haˬ aˇ maꞈ deuˬ mehˬ shi Sahˬpaˬ Miˬyehˇ-ahˇ ja ceuˬ-euˬ meh. “Nga maꞈ-euˬ aˬ poeˬ Yaˬkoˆ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, mˬ maˬ maˬ byaˆ zaˇ ziˇ nawˬ-ahˇ ja ceuˬ luꞈ-uˇ.

1 Laˬsaˬbaˬ 29:13

Nga maꞈ-eu Miˬyehˇ-oˇ, guiˬ lahˬ huiˬ dui dui miˇ-a. Yaw shehꞈ kʼahˬ sehˇ huiˬ dui dui-eu nawˬ-euˬ tsawˇ myahˇ-ahˇ nga maꞈ ja ceuˬ-eu ma.

Yawˇbaˆ 1:21

Aˬ yawꞈ ehˇ-eu, “Ngaˇ ngaˬ ma-euˬ uˬ maˆ laꞈ kʼoeˇ dehꞈ doˆ le ngeh tiˬ jeˬ-iˬ maˬ yuˇ leꞈ-euˬ loꞈ-ehˇ, shiˇ ngeh kʼawꞈ tiˬ jeˬ-iˬ maˬ paˇ yuˇ gʼeh ma. Sahˬpaˬ Miˬyehˇ-aˬ, biꞈ-eu gʼaˬ pyeuꞈ-eu loꞈ-ehˇ, yuˇ kʼoꞈ-eu gʼaˬ kʼawꞈ pyeuꞈ luꞈ-uˇ. Aˬ yawꞈ-euˬ tsawˇ myahˇ-ahˇ ja ceuˬ-eu jeˬ oꞈ luꞈ-uˇ.”

Jaceuq 10:16

Mˬmaˬmaˬbyaˇzaˇziˇ sahˬpaˬ, SahˬpaˬMiˬyehˇ nawˇpyeuꞈ-eu meh. Miˬyehˇ nui deuˬ-ahˇgʼoe-eu deuˬ, heu kʼahˬlaꞈkʼoeˇ byoˆ-iˇtehꞈ-a.

Jaceuq 102:24

Miˬyehˇ-oˇ, nymˬ-mˇ ngaˇ maˬ mawˬ le mi naˆ-ehˇ, ngaˬ-ahˇ taˬ sheuˬ byoˆ gʼeh nehˬ laꞈ. Sahˬpaˬ Miˬyehˇ-oˇ, nawˇ mˬ maˬ maˬ byaˆ zaˇ ziˇ dehꞈ-euˬ meh.

Jaceuq 107:15

Sahˬpaˬ Miˬyehˇ-euˬ maˬ tsehˆ leˇ nya-eu gʼoeˇ-eu gaˬ-eu jeˬ hawˇ-eu, aˬ yawꞈ maꞈ gʼaˇ duˬ zahˬ leˇ paˬ-ehˇ gʼeh-eu jeˬ mˇ-euˬ guiˬ lahˬ baˬ da neh, aˬ yawꞈ-euˬ guiˬ lahˬ-ahˇ aˬ yawꞈ maꞈ ja ceuˬ-eu tsaˬ meh.

Jaceuq 107:22

Lawˇ-eu shehˇ-eu laꞈ kʼoeˇ aˬ yawꞈ-ahˇ aˬ yawꞈ maꞈ ja ceuˬ-eu tsaˬ-awˇ, laˬ kʼaˬ cehˇ-eu caˇ dawˬ caˇ-eu laꞈ kʼoeˇ, aˬ yawꞈ neh mˇ-euˬ huiˬ-eu gaˇ deuˬ gaˇ kawˆ, aˬ cawˬ-ahˇ ja mehˬ-eu tsaˬ meh.

Jaceuq 107:31

Sahˬpaˬ Miˬyehˇ-euˬ maˬ tsehˆ leˇ nya-eu gʼoeˇ-eu gaˬ-eu jeˬ hawˇ-eu, aˬ yawꞈ maꞈ gʼaˇ duˬ zahˬ leˇ paˬ-ehˇ gʼeh-eu jeˬ mˇ-euˬ guiˬ lahˬ baˬ da neh, aˬ yawꞈ-euˬ guiˬ lahˬ-ahˇ aˬ yawꞈ maꞈ ja ceuˬ-eu tsaˬ meh.

Jaceuq 107:8

Sahˬpaˬ Miˬyehˇ-euˬ maˬ tsehˆ leˇ nya-eu gʼoeˇ-eu gaˬ-eu jeˬ hawˇ-eu, aˬ yawꞈ maꞈ gʼaˇ duˬ zahˬ leˇ paˬ-ehˇ gʼeh-eu jeˬ mˇ-euˬ guiˬ lahˬ baˬ da neh, aˬ yawꞈ-euˬ guiˬ lahˬ-ahˇ aˬ yawꞈ maꞈ ja ceuˬ-eu tsaˬ meh.

Jaceuq 111:7

Aˬ yawꞈ kʼaˇ mˇ-euˬ jeˬ saˇ jaˇ ziꞈ-awˇ sui-eu dawˇ-eu meh. Aˬ yawꞈ-eu dawˬ deuˬ tiˬ jawˇ-iˬ maˬ lehˬ-a.

Jaceuq 121:1

Ngaˬ-ahˇ caw ba-eu jeˬ aˬ gaˇ neh doˆ le nmˇ lehˇ, gawˬ jawˬ-ahˇ ngaˇ gʼawˇ leuˇ haw-eu ma.

Jaceuq 123:1

Sahˬpaˬ Miˬyehˇ-oˇ, nawˬ-ahˇ ngaˇ gʼawˇ leuˇ haw-eu ma. Nawˇ uˆ lahˇ luꞈ-eu mˬ kʼoeˇ taˆ ngaˇ gʼawˇ leuˇ haw-eu ma.

Jaceuq 145:13

Nawˇ uˆ lahˇ-eu jeˬ mˬ maˬ maˬ byaˆ zaˇ ziˇ ziꞈ-awˇ, nawˬ-euˬ dzoeˬ dzaˬ maˬ cawˆ-iˇ nya-a. Sahˬpaˬ Miˬyehˇ-aˬ, aˬ yawꞈ neh dzaˬ taˬ-euˬ dawˬ ma saˇ jaˇ deuˬ-ahˇ ziꞈ-awˇ, aˬ yawꞈ neh kʼaˇ mˇ kʼaˇ shaˇ-euˬ jeˬ muiˬ dui dui-eu meh.

Jaceuq 146:10

Sahˬpaˬ Miˬyehˇ-aˬ, mˬ maˬ maˬ byaˆ zaˇ ziˇ sahˬ paˬ pyeuꞈ-eu meh. Ziˇoˬ meuˬ-oˇ, nawˬ-euˬ Miˬyehˇ uˆ lahˇ-eu jeˬ, mˬ maˬ maˬ byaˆ zaˇ ziˇ ziꞈ tehꞈ-a. Sahˬpaˬ Miˬyehˇ-ahˇ ja ceuˬ-awˬ.

Jaceuq 50:14

Guiˬ lahˬ-ahˇ noeˬ keuˆ-eu jeˬ naw maꞈ neh Miˬyehˇ-ahˇ lawˇ nehˬ-euˬ jeˬ bi pyeuꞈ-awˇ, naw maꞈ neh saˇ jaˇ kʼaˇ dzaˬ taˬ-euˬ loꞈ-ehˇ, Baoˬ huiˬ-eu gʼaˬ-ahˇ biꞈ-awˬ.

Jaceuq 66:7

Aˬ yawꞈ-euˬ baoˬ-ahˇ gʼoe-awˇ mˬ maˬ maˬ byaˆ zaˇ ziˇ uˆ lahˇ-eu laꞈ kʼoeˇ, tsawˇ jeuˬ dawˬ tawˆ luꞈ-ahˇ myaˆ nuiˆ haw luꞈ-awˇ, tsawˇ haˬ tiˬ gʼaˬ-iˬ aˬ yawꞈ-ahˇ maˬ bi puiˬ-a.

Jaceuq 7:17

SahˬpaˬMiˬyehˇ tsaˬ-eu dawˇ-eu, guiˬlahˬhuiˬ-awˇ ja ceuˬ-eu ma. Huiˬdui mahˇdui dui-eu Miˬyehˇ, aˬdui-euˬ SahˬpaˬMiˬyehˇ-ahˇ, ngaˇcaˇ-awˇ ja ceuˬnehˬ-eu ma.

Jaceuq 9:2

Nawˇbaˬda neh ngaˬ-euˬkʼaˬmeh, laˬkʼaˬcehˇ-eu caˇdawˬcaˇma. Baoˬhuiˬdui dui-eu Miˬyehˇ-oˇ, nawˬ-ahˇcaˇ-awˇ ja ceuˬ-eu ma.

Jaceuq 92:1

Sahˬpaˬ Miˬyehˇ-oˇ, nawˬ-euˬ guiˬ lahˬ-ahˇ ja ceuˬ-eu jeˬ aˇ naˆ ni muiˬ-eu nga. Huiˬ dui mahˇ dui dui-eu Miˬyehˇ-oˇ, nawˬ-ahˇ taˬ huiˬ taˬ mahˇ-eu caˇ dawˬ caˇ-eu jeˬ aˇ naˆ ni jaˬ-eu nga.

Iˇsaˬyaˇ 13:11

Sahˬpaˬ Miˬyehˇ heu loꞈ-ehˇ ehˇ-eu meh. “Yaw haiˬ jeˬ byah-eu miˇ tsaˬ tahˬ kʼawˇ-ahˇ ngaˇ kʼehˬ-awˇ, iˬ baˇ mˇ-eu yaw haiˬ deuˬ-ahˇ ngaˇ kʼehˬ nehˬ ma. Jahˇ gʼeh-eu tsawˇ haˬ deuˬ daˬ bi ga-awˇ, smˇ kʼaˆ kʼaˆ-eu deuˬ-ahˇ ngaˇ nawˬ awˆ ma.

Iˇsaˬyaˇ 2:11

Aˬ cawˬ-ahˇ zuiˆ gʼaˬ-euˬ myaˆ nuiˆ ga juˬ-iˇ-awˇ, tsawˇ haˬ zaˬ nui ma huiˬ-eu jeˬ bi nawˬ awˆ tehꞈ-a. Aˇ nah aˇ yamˬ kʼoeˇ keuˆ laˇ ngeh, Sahˬpaˬ Miˬyehˇ tiˬ gʼaˬ tehꞈ-ehˇ, ciˬ huiˬ ciˬ mahˇ nehˬ gaˇ ya daˬ tehꞈ-a.

Iˇsaˬyaˇ 24:15

Nahˇ ma doˆ kʼehˬ paw jawˇ-eu deuˬ, aˬ yawꞈ-ahˇ ja ceuˬ tehꞈ-a. Iˬ ma laˆ shaˆ dawˬ peh jawˇ-eu tsawˇ haˬ deuˬ, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ, ciˬ huiˬ ciˬ mahˇ tehꞈ-a.

Yeˬlaˬmiˇ 10:10

Ehˇ kʼawꞈ Sahˬpaˬ Miˬyehˇ nawˇ-aˬ, maˇ maˇ ni gʼeh-eu Miˬyehˇ meh. Nawˇ dehꞈ luꞈ-eu Miˬyehˇ pyeuꞈ-awˇ, mˬ maˬ maˬ byaˆ zaˇ ziˇ nawˇ sahˬ paˬ meh. Nawˇ nui ma pehˇ laˇ ngeh, miˇ tsaˬ tahˬ kʼawˇ yaw dzuˬ dzuˬ-awˇ, miˇ kʼahˬ tsawˇ jeuˬ nawˬ-euˬ nui pehˇ maˬ daˬ coeˇ-a.

Ngoeˇ dawˬ 3:38

Muiˬ muiˬ doeˇ doeˇ kʼaˇ pyeuꞈ laˇ-euˬ, yawꞈ-euˬ dawˬ-ahˇ doˆ le-euˬ meh.

Daˬyeˬlaˇ 12:7

Mˬ taˆ gʼaˬ kʼehˇ kʼoeˇ gʼaˬ aˬ laꞈ nyiˬ laꞈ luꞈ mˬ paw baꞈ diˇ-awˇ, Mˬ maˬ maˬ byaˆ zaˇ ziˇ dehꞈ-eu Miˬyehˇ-euˬ tsawˇ myahˇ uˬ moˆ heu loꞈ-ehˇ saˇ jaˇ dawˬ ngehˬ-euˬ meh. “Miˬyehˇ-euˬ tsawˇ haˬ deuˬ-ahˇ kʼehˬ neh kʼaˆ nehˬ-eu aˇ saˬ saˬ-awˇ, pyeuꞈ luꞈ-eu gaˇ kawˆ heu deuˬ dzeuˇ jiˇ-eu gʼaˇ duˬ, aˇ yamˬ smˇ kʼoꞈ uˬ taꞈ tiˬ paˆ jaˆ-a siˬ.”

Daˬyeˬlaˇ 2:44

Sahˬ paˬ sahˬ ma kʼoeˇ deuˬ dzoeˬ dzaˬ-eu aˇ yamˬ-ahˇ, mˬ taˆ Miˬyehˇ miˇ kʼahˬ tiˬ kʼahˬ beh tehꞈ-a. Miˇ kʼahˬ kʼoeˇ kʼahˬ-aˬ, mˬ maˬ maˬ byaˆ zaˇ ziˇ ziꞈ-eu miˇ kʼahˬ pyeuꞈ-awˇ, aˬ cawˬ maˬ deuˆ gʼaˬ nya-eu miˇ kʼahˬ meh. Ehˇ kʼawꞈ, miˇ kʼahˬ kʼoeˇ kʼahˬ neh miˇ kʼahˬ kʼoeˇ deuˬ dawˬ tawˆ luꞈ-ahˇ tiˬ saˬ tiˬ li laˆ cawˆ byoˆ nehˬ jiˇ-awˇ, mˬ maˬ maˬ byaˆ zaˇ ziˇ ziꞈ dah ni gʼeh-eu miˇ kʼahˬ pyeuꞈ laˇ tehꞈ-a.

Daˬyeˬlaˇ 4:2

Dawˬ tawˆ kʼoeˇ taˆ huiˬ-eu Miˬyehˇ neh ngaˬ-ahˇ bi siˬ bi mawˇ laꞈ-euˬ zahˬ dui dui leˇ paˬ-ehˇ gʼeh-eu gaˇ kawˆ, naw maꞈ-ahˇ ngaˇ maˬ ja mehˬ-ehˇ maˬ jawˇ coeˇ nya.

Daˬyeˬlaˇ 4:26

Sahˬ nyiꞈ hawˇ-eu duˬ ciˇ deuˬ-ahˇ miˇ tsa bi pahˬ yaꞈ-awˬ lehˇ, mˬ taˆ gʼaˬ kʼehˇ deuˬ dawˬ biꞈ-euˬ dawˬ tsuiꞈ-aˬ, miˇ tsaˬ dawˬ tawˆ kʼoeˇ taˆ Miˬyehˇ uˆ lahˇ luꞈ-eu gaˇ kawˆ nawˇ siˬ duˬ ngeh, nawˇ sahˬ paˬ paˇ ya geuꞈ kʼoꞈ tehꞈ-a lehˇ ehˇ mawꞈ-eu meh.

Daˬyeˬlaˇ 4:3

Miˬyehˇ aˬ dui-ahˇ mehˬ laꞈ-euˬ, kʼaˆjeˬ-ehˇ gʼeh-eu gaˇkawˆdeuˬ, aˇ naˆ ni huiˬ-eu gaˇ kawˆ nga. Aˬ yawꞈ neh mˇ mehˬ shaˇ mehˬ-euˬ, zahˬ leˇ paˬ-ehˇ gʼeh-eu gaˇ deuˬ, aˇ naˆ ni baoˬ jaˆ-eu gaˇ nga. Aˬ yawꞈ miˇ kʼahˬ mˬ maˬ maˬ byaˆ, aˬ yawꞈ dzoeˬ dzaˬ zaˇ ziˇ ziꞈ meh.

Daˬyeˬlaˇ 4:32

Tsawˇ haˬ baꞈ tsahˬ laꞈ kʼoeˇ nawˬ-ahˇ teh dzeh-awˇ, bawˇ tsahˬ jeˬ zaˬ nehˬ-ehˇ ya jawˇ-iˇ-awˇ, shiꞈ kʼoꞈ keuˆ ni mawˇ neˇ loꞈ-ehˇ yaˇ moꞈ ya dzaˬ tehꞈ-a. Kʼoeˇ ngeh jawˇ, dawˬ tawˆ kʼoeˇ taˆ huiˬ-eu Miˬyehˇ tsawˇ haˬ zaˬ-euˬ miˇ kʼahˬ kʼoeˇ taˆ baoˬ jaˆ-awˇ, aˬ yawꞈ biꞈ mawꞈ-eu gʼaˬ-ahˇ miˇ kʼahˬ dzoeˬ dzaˬ biꞈ nya-eu gaˇ kawˆ, nawˇ siˬ duˬ tehꞈ-a.”

Daˬyeˬlaˇ 4:36

“Ngaˇ nui ma-ahˇ paˇ noeˬ laˇ ngeh, ngaˬ-euˬ yaw shehꞈ kʼahˬ sehˇ hawˇ-eu ngaˬ-euˬ miˇ kʼahˬ-euˬ yaw shehꞈ kʼahˬ sehˇ kʼoeˇ deuˬ, ngaˬ-ahˇ paˇ biꞈ kʼoꞈ laꞈ-euˬ meh. Ngaˬ-euˬ gaˇ mˇ-eu yaw huiˬ yaw mahˇ deuˬ hawˇ-eu, ngaˬ-euˬ laꞈ oˆ sahˬ paˬ sahˬ ma geuꞈ luꞈ-eu deuˬ ngaˬ-ahˇ paˇ ha geuꞈ-awˇ, ngaˬ-euˬ dzoeˬ dzaˬ-euˬ baoˬ paˇ za kʼoꞈ-euˬ uˬ taꞈ, yaw beh naˆ maˬ tseˇ ngaˬ-ahˇ taˬ huiˬ taˬ mahˇ nehˬ laꞈ-euˬ meh.

Daˬyeˬlaˇ 5:18

“Dawˬ tawˆ kʼoeˇ taˆ huiˬ-eu Miˬyehˇ neh nawˬ da-ahˇ huiˬ dui dui-eu sahˬ paˬ tiˬ gʼaˬ bi pyeuꞈ laˇ-awˇ, baoˬ yaw shehꞈ kʼahˬ sehˇ biꞈ nehˬ-euˬ meh.

Daˬyeˬlaˇ 5:21

Tsawˇ haˬ zaˬ-euˬ baꞈ tsahˬ-ahˇ neh aˬ yawꞈ-ahˇ teh dzeh-awˇ, bawˇ tsahˬ jeˬ zaˬ-euˬ nui ma ahˇ laˇ-euˬ meh. Bawˇ tsahˬ mahˬ tahˬ laˆ deuˬ nehˬ-ehˇ aˬ yawꞈ jawˇ-awˇ, mawˇ neˇ loꞈ-ehˇ yaˇ moꞈ tseuˆ dzaˬ-awˇ, deh ga-ahˇ naˇ shmˇ maˬ baw gaˇ, ceuˬ deh deh deh-ehˇ yuꞈ-euˬ meh. Aˇ saˬ saˬ laˇ ngeh jawˇ, tsawˇ haˬ zaˬ-euˬ miˇ kʼahˬ dawˬ tawˆ luꞈ, Dawˬ tawˆ kʼoeˇ taˆ huiˬ-eu Miˬyehˇ-euˬ laꞈ-ahˇ jaˆ-awˇ, aˬ yawꞈ kʼaˇ biꞈ mawꞈ-eu gʼaˬ-ahˇ miˇ kʼahˬ dzoeˬ dzaˬ biꞈ nya-eu gaˇ kawˆ, aˬ yawꞈ-ahˇ siˬ duˬ leˇ-euˬ meh.

Daˬyeˬlaˇ 6:26

Ngaˬ-euˬ miˇ kʼahˬ kʼahˬ ma heu kʼahˬ laꞈ kʼoeˇ kʼaˇ jawˇ-eu tsawˇ haˬ dawˬ tawˆ luꞈ, Daˬyeˬlaˇ-euˬ Miˬyehˇ-ahˇ guˆ-awˇ yaw zeu baw-awˬ lehˇ, ngaˇ dawˬ biꞈ-eu ma. “Aˬ yawꞈ dehꞈ-eu Miˬyehˇ pyeuꞈ-awˇ, mˬ maˬ maˬ byaˆ uˆ lahˇ tehꞈ-a. Yawꞈ-euˬ miˇ kʼahˬ maˬ cawˆ-iˇ-ehˇ, yawꞈ-euˬ dzoeˬ dzaˬ maˬ byoˆ-iˇ-a.

Daˬyeˬlaˇ 7:14

Miˇ tsaˬ tsawˇ jeuˬ tsawˇ ca dawˬ tawˆ luꞈ hawˇ-eu, miˇ kʼahˬ dawˬ tawˆ luꞈ aˬ yawꞈ-euˬ laꞈ oˆ bi jawˇ-eu gʼaˇ duˬ, uˆ lahˇ-eu baoˬ hawˇ-eu miˇ kʼahˬ dawˬ tawˆ luꞈ maˬ ehˇ, taˬ huiˬ taˬ mahˇ-eu jeˬ hawˇ-eu yaw shehꞈ kʼahˬ sehˇ dawˬ tawˆ luꞈ maˬ ehˇ, aˬ yawꞈ-ahˇ biꞈ-euˬ meh. Aˬ yawꞈ uˆ lahˇ-eu jeˬ mˬ maˬ maˬ byaˆ zaˇ ziˇ ziꞈ-awˇ, aˬ yawꞈ-euˬ miˇ kʼahˬ tiˬ jawˇ-iˬ maˬ cawˆ-iˇ-a.

Daˬyeˬlaˇ 7:27

Miˇ tsaˬ kʼoeˇ taˆ kʼaˇ jaˆ-eu miˇ kʼahˬ dawˬ tawˆ luꞈ-euˬ baoˬ hawˇ-eu yaw shehꞈ kʼahˬ sehˇ dawˬ tawˆ luꞈ, Dawˬ tawˆ kʼoeˇ taˆ huiˬ-eu Miˬyehˇ-euˬ tsawˇ haˬ deuˬ-ahˇ biꞈ nehˬ tehꞈ-a. Aˬ yawꞈ maꞈ uˆ lahˇ-eu baoˬ aˇ saˬ saˬ-eu maˬ baw-ehˇ, miˇ tsaˬ kʼoeˇ taˆ kʼaˇ jawˇ-eu sahˬ paˬ sahˬ ma dawˬ tawˆ luꞈ, aˬ yawꞈ maꞈ-euˬ ehˇ dawˬ naˇ haˬ-awˇ, aˬ yawꞈ maꞈ neh kʼaˇ kʼehˇ-euˬ jeˬ ya mˇ tehꞈ-a.”

Daˬyeˬlaˇ 9:14

Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, nawˇ aˬ myah luꞈ yaw tsaˬ yaw dawˇ dawˇ-ehˇ mˇ-eu gʼaˬ pyeuꞈ-eu loꞈ-ehˇ, nawˬ-euˬ ehˇ dawˬ-ahˇ nga maꞈ maˬ naˇ haˬ-euˬ miˇ neh, nga maꞈ-ahˇ kʼehˬ-eu kʼaˆ-eu gʼaˇ duˬ nawˬ neh lehˬ hmˬ taˬ-euˬ loꞈ-ehˇ, kʼehˬ nehˬ kʼaˆ nehˬ laꞈ-euˬ meh.

Yawˇnaˆ 1:14

Kʼoeˇ ngeh, aˬ yawꞈ maꞈ Sahˬpaˬ Miˬyehˇ-ahˇ guˇ-awˇ, “Sahˬpaˬ Miˬyehˇ-oˇ, tsawˇ haˬ heu gʼaˬ-ahˇ bi shiˇ-euˬ baˬ da neh nga maꞈ-ahˇ kʼehˬ-awˇ taˬ sehꞈ nehˬ laꞈ lehˇ nawˬ-ahˇ nga maꞈ shaˇ-eu ma. Sahˬpaˬ Miˬyehˇ-oˇ, heu loꞈ-ehˇ pyeuꞈ laˇ ni dawˬ tawˆ luꞈ nawˬ neh jahˇ-euˬ meh” lehˇ shaˇ-euˬ meh.

Miˇkaˬ 4:7

Aˬ yawꞈ maꞈ-aˬ, aˬ kuiˇ kuiˇ tawˆ bi dawˆ-awˇ, iˇ kahˇ-ahˇ gʼawˬ mahˇ kaˬ gaˇ jawˇ luꞈ meh. Ehˇ kʼawꞈ, dzeˇ yaꞈ-euˬ deuˬ-ahˇ ngaˇ yaw shuiꞈ shuiꞈ-ehˇ aˇ dahˬ paˇ beh nehˬ-awˇ, huiˬ-eu tsawˇ jeuˬ paˇ bi pyeuꞈ laˇ ma. Kʼoeˇ ngeh neh naˇ, Ziˇoˬ gawˬ jawˬ-ahˇ neh aˬ yawꞈ maꞈ-ahˇ ngaˇ mˬ maˬ maˬ byaˆ zaˇ ziˇ uˆ lahˇ ma.”

Luˇkaꞈ 1:33

Yaˬkoˆ-euˬ zaˬ deuˬ uˆ deuˬ kʼoeˇ taˆ aˬ yawꞈ sahˬ paˬ geuꞈ-awˇ, Aˬ yawꞈ uˆ lahˇ-eu miˇ kʼahˬ kʼoeˇ, mˬ maˬ maˬ byaˆ zaˇ ziˇ aˇ saˬ saˬ-eu maˬ baw-a.”

Luˇkaꞈ 18:13

Ehˇ kʼawꞈ, kawˬ taꞈ-eu tsawˇ haˬ kʼoeˇ gʼaˬ-aˬ, ui cuiˆ yaw taw yawꞈ-awˇ, myaˆ pyawˬ mˬ paw maˬ ciˬ diˇ peuˬ ni, noeˬ shaˬ dui dui-eu miˇ neh kʼahˬ-ahˇ teˇ teˇ-ehˇ, ‘Miˬyehˇ-oˇ, ngaˇ iˬ baˇ zaˬ ma. Gʼawˬ shaˬ gaˬ nehˬ laꞈ-awˬ’ lehˇ shaˇ-euˬ meh.

Yoˇhaˬ 5:26

Aˬda-aˬ, dehꞈ-eu jeˬ doˆ le duˬ pyeuꞈ-eu loꞈ-ehˇ, aˬ yawꞈ-euˬ Zaˬmaˇ kʼawꞈ dehꞈ-eu jeˬ doˆ le duˬ pyeuꞈ ni aˬ yawꞈ jahˇ nehˬ-euˬ meh.

Dawˬmehˬ 32:4

“Aˬ dui lo guˇ Sahˬpaˬ Miˬyehˇ, yawꞈ mˇ-euˬ jeˬ tsaˬ meh byah meh. Aˬ dui Miˬyehˇ saˇ jaˇ ziꞈ-awˇ, tsaˬ dui, sui dui, dawˇ dui dui meh.

1 Tiˆmoˇseˬ 1:17

Aˬ yawꞈ tiˬ gʼaˬ tehꞈ-ehˇ maˇ maˇ ni Miˬyehˇ pyeuꞈ-eu, maˬ shiˇ nya-eu uˬ taꞈ, tsawˇ haˬ zaˬ-euˬ myaˆ nuiˆ neh maˬ haw mawˇ nya-eu mˬ maˬ maˬ byaˆ zaˇ ziˇ Sahˬpaˬ-ahˇ, taˬ huiˬ taˬ mahˇ nehˬ-eu jeˬ hawˇ-eu yaw shehꞈ kʼahˬ sehˇ mˬ maˬ maˬ byaˆ zaˇ ziˇ jaˆ luꞈ-uˇ.

1 Tiˆmoˇseˬ 6:16

Aˬ yawꞈ tiˬ gʼaˬ tehꞈ-ehˇ mˬ maˬ maˬ byaˆ zaˇ ziˇ dehꞈ-awˇ, tsawˇ haˬ tiˬ gʼaˬ-iˬ maˬ tah tehˬ leˇ nya-eu yaw shehꞈ laꞈ kʼoeˇ aˬ yawꞈ jawˇ-eu meh. Tsawˇ haˬ tiˬ gʼaˬ-iˬ aˬ yawꞈ-ahˇ maˬ mawˇ haw-aˬ. Tsawˇ haˬ tiˬ gʼaˬ-iˬ aˬ yawꞈ-ahˇ tiˬ jawˇ-iˬ maˬ mawˇ nya-a. Taˬ huiˬ taˬ mahˇ nehˬ-eu jeˬ hawˇ-eu mˬ maˬ maˬ byaˆ zaˇ ziˇ uˆ lahˇ-eu baoˬ aˬ yawꞈ-ahˇ jaˆ luꞈ-uˇ.

Panmaeq 10:6

Kʼoeˇ naˇ, mˬ maˬ maˬ byaˆ zaˇ ziˇ dehꞈ-eu gʼaˬ pyeuꞈ-eu, mˬ, miˇ, iˬ ma laˆ shaˆ hawˇ-eu kʼoeˇ deuˬ-euˬ laꞈ kʼoeˇ kʼaˇ dehꞈ kʼaˇ jawˇ-eu jeˬ dawˬ tawˆ luꞈ-ahˇ beh-euˬ Miˬyehˇ-euˬ tsawˇ myahˇ uˬ moˆ heu loꞈ-ehˇ kamˬ-eu meh. “Aˇ yamˬ maˬ paˇ jiˆ nya meh.

Panmaeq 11:15

Kʼoeˇ naˇ, mˬ taˆ gʼaˬ kʼehˇ shiꞈ gʼaˬ tiˬ gʼaˬ daˇ heh baw ngeh, mˬ kʼoeˇ taˆ teˇ saˇ yaw kʼaˆ-ehˇ lawꞈ gʼa laˇ-awˇ ehˇ-eu, “Miˇ tsaˬ heu kʼoeˇ taˆ uˆ lahˇ-eu baoˬ, nymˬ-mˇ aˬ dui-euˬ Sahˬpaˬ Miˬyehˇ hawˇ-eu aˬ yawꞈ-euˬ Ka li-ahˇ oꞈ-awˇ, mˬ maˬ maˬ byaˆ zaˇ ziˇ aˬ yawꞈ uˆ lahˇ tehꞈ-a.”

Panmaeq 4:10

aˬ yuiꞈ aˬ tsu kʼoeˇ nyiˬ tseˇ oeˬ gʼaˬ, dzoeˬ dzaˬ nuiˇ mahˬ kʼoeˇ taˆ nuiˇ luꞈ-eu gʼaˬ mehˬ shi awˆ byaˆ-awˇ, mˬ maˬ maˬ byaˆ zaˇ ziˇ dehꞈ-eu gʼaˬ pyeuꞈ-eu aˬ yawꞈ-ahˇ uˬ duˬ tahˬ-eu meh. Dzoeˬ dzaˬ nuiˇ mahˬ mehˬ shi aˬ yawꞈ maꞈ shuiˇ uˬ kʼoˆ dzeh taˬ-awˇ,

Panmaeq 4:9

Jeˬ zaˬ kʼoeˇ oeˬ mawˇ-aˬ, dzoeˬ dzaˬ nuiˇ mahˬ kʼoeˇ taˆ nuiˇ luꞈ-eu mˬ maˬ maˬ byaˆ zaˇ ziˆ dehꞈ-eu gʼaˬ-ahˇ, yaw shehꞈ kʼahˬ sehˇ huiˬ gaˇ ja ceuˬ-eu caˇ dawˬ, ciˬ huiˬ ciˬ mahˇ-eu caˇ dawˬ hawˇ-eu, guiˬ lahˬ-ahˇ ja ceuˬ-eu caˇ dawˬ caˇ-eu meh. Aˬ yawꞈ maꞈ kʼoeˇ loꞈ-ehˇ caˇ ngeh,