Daˬyeˬlaˇ 4:18 - Akha

¹⁸ “Heu-aˬ, sahˬ paˬ Neˬbuˬkaˬneˬzaˬ pyeuꞈ-eu ngaˇ maˆ mawˇ-euˬ yuꞈ maˆ ma. Nymˬ-mˇ poˆ jawˇ-aˬ, Beˬteˬshaˬzaˬ nawˇ yuꞈ maˆ heu hmˬ-euˬ dawˬ tsuiꞈ yuˇ doˆ nehˬ laꞈ sheˇ. Ngaˬ-ahˇ nui noeˬ nui duˇ biꞈ-eu deuˬ, yuꞈ maˆ heu hmˬ-euˬ dawˬ tsuiꞈ tiˬ gʼaˬ-iˬ maˬ yuˇ doˆ nya-a. Ehˇ kʼawꞈ, muiˬ-eu shawˇ-eu Miˬyehˇ-euˬ yaw sahˇ nawˬ-euˬ laꞈ kʼoeˇ jawˇ-eu miˇ neh, nawˇ yuˇ doˆ nya meh.”

Daˬyeˬlaˇ 4:18 Iomraidhean Croise

Aˇ dahˬ 40:12

Yoˇsehˆ ehˇ-eu, “Nawˬ neh yuꞈ maˆ maˆ mawˇ-euˬ dawˬ tsuiꞈ heu loꞈ-ehˇ meh. Uˬ pyaˬ smˇ pyaˬ kʼoeˇ-aˬ, aˇ nah smˬ nah-ahˇ ehˇ mawꞈ-eu meh.

Aˇ dahˬ 41:15

Sahˬ paˬ ehˇ-eu, “Ngaˇ yuꞈ maˆ maˆ mawˇ-euˬ ma. Ehˇ kʼawꞈ, tsawˇ haˬ tiˬ gʼaˬ-iˬ dawˬ tsuiꞈ maˬ yuˇ doˆ nehˬ laꞈ nya-a. Nawˇ yuꞈ maˆ dawˬ tsuiꞈ yuˇ doˆ nya meh lehˇ aˬ cawˬ ngaˬ-ahˇ ehˇ nehˬ laꞈ-euˬ meh.”

Aˇ dahˬ 41:8

Uˬ bya bya laˇ ngeh, sahˬ paˬ noeˬ shaˬ dui dui-eu miˇ neh, Iˇjiˇtuˆ miˇ kʼahˬ laꞈ kʼoeˇ kʼaˇ jawˇ-eu nyiˇ paˬ shaˆ ma deuˬ hawˇ-eu, zaˬ siˬ tsawˇ gahˇ ahˇ-eu tsawˇ haˬ deuˬ-ahˇ bi kuˇ uiˬ-euˬ meh. Aˬ yawꞈ neh yuꞈ maˆ maˆ mawˇ-euˬ gaˇ kawˆ kʼoeˇ aˬ yawꞈ maꞈ-ahˇ dzawˇ mehˬ nehˬ kʼawꞈ, tiˬ gʼaˬ-iˬ dawˬ tsuiꞈ maˬ yuˇ doˆ nehˬ nya-a.

Iˇsaˬyaˇ 19:3

Iˇjiˇtuˆ tsawˇ haˬ neh kʼaˇ noeˬ taˬ-euˬ jeˬ cawˆ jiˇ-awˇ, aˬ yawꞈ maꞈ nui ma ga ka jiˇ tehꞈ-a. Nyiˇ paˬ shaˆ ma deuˬ-ahˇ aˬ yawꞈ maꞈ gʼoe-awˇ, shiˇ dzeuˇ-euˬ deuˬ-ahˇ mehˬ bawˬ mˇ tehꞈ-a.

Daˬyeˬlaˇ 1:20

Sahˬ paˬ neh kʼaˇ naˇ haˬ-euˬ dawˬ deuˬ hawˇ-eu, zaˬ siˬ tsawˇ gahˇ kʼaˇ pyehˆ tseˇ haw-euˬ yawˬ jeˬ na luꞈ laꞈ kʼoeˇ, miˇ kʼahˬ kʼoeˇ kʼahˬ-ahˇ kʼaˇ jawˇ-eu nyiˇ paˬ shaˆ ma dawˬ tawˆ luꞈ naˆ maˬ tseˇ, aˬ ha oeˬ gʼaˬ tseˇ bymˇ nya dzehˬ gaˇ ya mawˇ-euˬ meh.

Daˬyeˬlaˇ 2:38

Miˇ tsaˬ kʼoeˇ taˆ kʼaˇ jawˇ-eu tsawˇ haˬ dawˬ tawˆ luꞈ kʼoeˇ taˆ maˬ ehˇ, jeˬ zaˬ hawˇ-eu ho zaˬ nga jiˇ dawˬ tawˆ luꞈ kʼoeˇ taˆ maˬ ehˇ, nawˇ bi uˆ lahˇ-euˬ meh. Nawˇ-aˬ, shuiˇ uˬ duˬ kʼoeˇ siˬ meh.

Daˬyeˬlaˇ 2:7

Aˬyawꞈ maꞈ ehˇ-eu, “Yuꞈ maˆ kʼoeˇ hmˬ gaˇ kawˆ sahˬ paˬ dzawˇ nehˬ laꞈ naˇ, nga maꞈ dawˬ tsuiꞈ yuˇ doˆ nehˬ ma.”

Daˬyeˬlaˇ 5:15

Ngaˬ-ahˇ nui noeˬ nui duˇ biꞈ-eu deuˬ hawˇ-eu, mah loˬ ja maw nya-eu deuˬ bi sheuˬ laꞈ-awˇ, heu gaˇ boꞈ taˬ-euˬ gaˇ kawˆ heu bi gui haw-awˇ ngaˬ-ahˇ dawˬ tsuiꞈ bi yuˇ doˆ mehˬ-euˬ kʼawꞈ, tiˬ gʼaˬ-iˬ dawˬ tsuiꞈ maˬ poˆ doˆ nya-a.

Daˬyeˬlaˇ 5:8

Sahˬ paˬ-ahˇ nui noeˬ nui duˇ biꞈ-eu deuˬ mehˬ hu paw doˆ laˇ-awˇ gui haw kʼawꞈ, tiˬ gʼaˬ-iˬ maˬ gui doˆ nya-ehˇ, sahˬ paˬ-ahˇ dawˬ tsuiꞈ maˬ yuˇ doˆ nehˬ nya-a.

Aˬmoˆ 3:7

Baoˬ huiˬ-eu Sahˬpaˬ Miˬyehˇ-aˬ, aˬ yawꞈ-euˬ zaˬ kʼaˆ pyeuꞈ-eu Miˬyehˇ gʼaˇ duˬ ngehˬ dah-eu deuˬ-ahˇ maˬ pah mehˬ nehˬ ni tiˬ jeˬ-iˬ maˬ mˇ dzeuˇ-a.