Daˬyeˬlaˇ 4:14 - Akha

¹⁴ Aˬ yawꞈ yaw kʼaˆ-ehˇ guˇ-awˇ heu loꞈ-ehˇ ehˇ-eu meh. Aˇ bawˇ heu bawˇ tuˇ lawˇ-awˇ uˬ laꞈ deuˆ tsehˆ dzeh jiˇ-awˬ. Aˇ paꞈ juˆ dzeh jiˇ-awˇ, aˇ siˬ byaˆ byoˆ jiˇ-awˬ. Aˇ bawˇ dawˬ pehˬ-ahˇ jawˇ-eu jeˬ zaˬ deuˬ teh dzeh jiˇ-awˇ, uˬ laꞈ-ahˇ dawꞈ-eu aˇ jiˇ deuˬ teh zaw jiˇ-awˬ.

Daˬyeˬlaˇ 4:14 Iomraidhean Croise

Yawˇbaˆ 24:20

Aˬ yawꞈ-euˬ zaˬ baw aˬ ma kʼawꞈ aˬ yawꞈ-ahˇ ngehˇ-euˬ meh. Aˬ yawꞈ-euˬ gʼawˇ mawˇ-ahˇ buˬ joe neh bi dzaˬ jiˇ-awˇ, lawˇ-iˇ-euˬ aˇ bawˇ loꞈ-ehˇ cawˆ-iˇ-eu meh.

Yeˬlaˬmiˇ 27:5

“Huiˬ dui dui-eu ngaˬ-euˬ baoˬ hawˇ-eu gʼaˬ-ahˇ gʼoe-awˇ, miˇ tsaˬ tahˬ kʼawˇ maˬ ehˇ, kʼoeˇ-euˬ kʼoeˇ taˆ jawˇ-eu tsawˇ haˬ zaˬ hawˇ-eu jeˬ zaˬ deuˬ maˬ ehˇ, ngaˇ beh-awˇ, ngaˇ nui ma kʼaˇ tsaˬ-eu gʼaˬ-ahˇ miˇ tsaˬ heu ngaˇ biꞈ-eu ma.

Yeˬlaˬmiˇ 51:6

Baˬbuˇloˬ miˇ kʼahˬ-ahˇ neh cehˆ doˆ-awˬ. Uˬ kʼawˇ buˬ ni cehˆ-awˬ. Baˬbuˇloˬ miˇ kʼahˬ-euˬ iˬ baˇ baˬ da neh shiˇ gaˇ taˬ bi keuˆ. Miˇ kʼahˬ kʼoeˇ kʼahˬ-ahˇ oꞈ-eu geuˇ-eu loꞈ-ehˇ, nymˬ-mˇ ngaˇ kʼehˬ nehˬ luꞈ-eu ma.

Yeˬlaˬmiˇ 51:9

Kʼoeˇ gaˇ jawˇ-eu aˬ cawˬ tsawˇ jeuˬ deuˬ ehˇ-eu, Baˬbuˇloˬ miˇ kʼahˬ-ahˇ caw ba-eu lehˇ nga maꞈ leh jeh haw-euˬ ma. Ehˇ kʼawꞈ, jeˬ nahˬ ga-iˇ miˇ-a. Miˇ kʼahˬ heu kʼahˬ-ahˇ byehˇ dzeh-awˇ, aˬ dui-euˬ miˇ kʼahˬ-ahˇ gʼoꞈ-iˇ kaˇ-euˇ. Miˬyehˇ gʼaˬ kʼaˇ ahˇ-eu yuˇ doˆ-awˇ, Baˬbuˇloˬ miˇ kʼahˬ-ahˇ nui kʼahˇ tiˬ shiˇ laˆ cawˆ nehˬ-euˬ nga.’ ”

Yeˬsaˬgeˬlaˇ 31:10

“Nymˬ-mˇ poˆ jawˇ-aˬ, mˬ dmˇ-ahˇ tuˆ ni goˇ-eu aˇ bawˇ kʼoeˇ bawˇ-ahˇ aˬ jeˬ keuˆ le-eu gʼeh-eu gaˇ kawˆ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ nawˬ-ahˇ ehˇ nehˬ-eu ma. Aˇ bawˇ kʼoeˇ ngehˬ-ehˇ goˇ laˇ naˇ ngehˬ-ehˇ nui ma huiˬ-eu meh.

Daˬyeˬlaˇ 2:21

Aˇ yamˬ aˇ law yawꞈ tuˆ tehˬ-awˇ, dzoeˬ dzaˬ dzeˇ paˇ yawꞈ-ahˇ jaˆ-awˇ, zaˬ siˬ nui gahˇ yawꞈ biꞈ-eu meh

Daˬyeˬlaˇ 3:4

Kʼoeˇ ngeh, dawˬ tsaꞈ dawˬ dzawˇ mˇ-eu gʼaˬ yaw kʼaˆ-ehˇ guˇ-awˇ, “Miˇ kʼahˬ gʼawˬ mya kʼahˬ hawˇ-eu, tsawˇ jeuˬ gʼawˬ mya jeuˬ laꞈ kʼoeˇ neh uiˬ laˇ bymˇ laˇ taˬ-euˬ tsawˇ haˬ deuˬ-oˇ,

Daˬyeˬlaˇ 4:12

Aˇ bawˇ kʼoeˇ bawˇ-euˬ aˇ paꞈ haw muiˬ dui dui-eu uˬ taꞈ, aˇ siˬ siˬ dui dui-awˇ, miˇ tsaˬ zaˬ dawˬ tawˆ luꞈ dzaˬ loꞈ-eu meh. Bawˇ tsahˬ jeˬ zaˬ deuˬ aˇ bawˇ naˇ shmˇ uˬ moˆ gʼaˬ naˬ naˬ-awˇ, aˇ jiˇ deuˬ uˬ pyaˬ uˬ laꞈ doe ni bahˬ bahˬ-eu uˬ taꞈ, kʼaˇ dehꞈ kʼaˇ jawˇ-eu jeˬ dawˬ tawˆ luꞈ, aˇ bawˇ kʼoeˇ-euˬ aˇ siˬ dzaˬ-eu meh.

Daˬyeˬlaˇ 4:23

Sahˬ paˬ nawˇ haw luꞈ ngeh, mˬ kʼoeˇ taˆ neh mˬ taˆ gʼaˬ kʼehˇ tiˬ gʼaˬ zaꞈ ka le-awˇ, heu loꞈ-ehˇ ehˇ-eu meh. ‘Aˇ bawˇ heu bawˇ tuˇ dzeh-awˇ laˆ cawˆ-awˬ. Ehˇ kʼawꞈ, sahˬ nyiꞈ hawˇ-eu duˬ ciˇ-ahˇ shmˇ caˆ hawˇ-eu guiˬ caˆ neh lahˇ cuꞈ-awˇ, miˇ tsa bi pahˬ yaꞈ-awˇ, deh ga gʼahˇ ceh yaˇ moꞈ tsahˬ-ahˇ byehˇ dzeh yaꞈ-awˬ. Aˬ yawꞈ-ahˇ ceuˬ deh deh deh-ehˇ, shiꞈ kʼoꞈ byah ni bawˇ tsahˬ jeˬ zaˬ nehˬ-ehˇ kʼoeˇ gaˇ bi jawˇ-awˬ’ lehˇ ehˇ-eu meh.

Daˬyeˬlaˇ 4:29

Ba la tseˇ nyiꞈ siˬ dzeuˇ-iˇ-awˇ, Baˬbuˇloˬ meuˬ-ahˇ jaˆ-eu aˬ yawꞈ jawˇ-eu sahˬ paˬ hawˇ nymˇ-euˬ nymˇ mˬ kʼoeˇ taˆ aˬ yawꞈ cah baˇ luꞈ ngeh,

Daˬyeˬlaˇ 5:20

Ehˇ kʼawꞈ, aˬ yawꞈ nui ma huiˬ-eu mahˇ-eu jeˬ ahˇ laˇ-awˇ nui ma gʼahˇ-eu uˬ taꞈ, aˬ cawˬ-ahˇ gʼawˬ shaˬ gaˬ-eu maˬ siˬ nya-eu miˇ neh, aˬ yawꞈ-euˬ sahˬ paˬ aˇ yaˬ bi yuˇ ka-awˇ, yaw shehꞈ kʼahˬ sehˇ maˬ jaˆ ni pyeuꞈ-iˇ-euˬ meh.

Daˬyeˬlaˇ 5:21

Tsawˇ haˬ zaˬ-euˬ baꞈ tsahˬ-ahˇ neh aˬ yawꞈ-ahˇ teh dzeh-awˇ, bawˇ tsahˬ jeˬ zaˬ-euˬ nui ma ahˇ laˇ-euˬ meh. Bawˇ tsahˬ mahˬ tahˬ laˆ deuˬ nehˬ-ehˇ aˬ yawꞈ jawˇ-awˇ, mawˇ neˇ loꞈ-ehˇ yaˇ moꞈ tseuˆ dzaˬ-awˇ, deh ga-ahˇ naˇ shmˇ maˬ baw gaˇ, ceuˬ deh deh deh-ehˇ yuꞈ-euˬ meh. Aˇ saˬ saˬ laˇ ngeh jawˇ, tsawˇ haˬ zaˬ-euˬ miˇ kʼahˬ dawˬ tawˆ luꞈ, Dawˬ tawˆ kʼoeˇ taˆ huiˬ-eu Miˬyehˇ-euˬ laꞈ-ahˇ jaˆ-awˇ, aˬ yawꞈ kʼaˇ biꞈ mawꞈ-eu gʼaˬ-ahˇ miˇ kʼahˬ dzoeˬ dzaˬ biꞈ nya-eu gaˇ kawˆ, aˬ yawꞈ-ahˇ siˬ duˬ leˇ-euˬ meh.

Maꞈtehˬ 3:10

Aˇ bawˇ duˬ ciˇ-ahˇ tuˆ ni tuˇ coˬ-eu gʼaˇ duˬ, deuˆ haˬ lehˬ hmˬ taˬ-euˬ meh. Aˇ siˬ yaw muiˬ paˬ-ehˇ maˬ siˬ le-eu aˇ bawˇ deuˬ bi tuˇ dzeh-awˇ, miˬ dzaˬ-ahˇ bi baꞈ puiˆ tehꞈ-a.

Maꞈtehˬ 7:19

Aˇ siˬ yaw muiˬ maˬ kʼaˇ siˬ le-eu aˇ bawˇ deuˬ tuˇ dzeh-awˇ, miˬ dzaˬ-ahˇ baꞈ puiˆ-eu meh.

Luˇkaꞈ 3:9

Nymˬ-mˇ mi naˆ-ehˇ, aˇ bawˇ duˬ ciˇ-ahˇ deuˆ haˬ baꞈ mawˬ taˬ-euˬ meh. Aˇ siˬ yaw muiˬ maˬ siˬ le-eu aˇ bawˇ yawˬ bawˇ na luꞈ bi tuˇ dzeh-awˇ, miˬ dzaˬ-ahˇ bi baꞈ puiˆ tehꞈ-a.”

Panmaeq 10:3

Aˇ laˬ jaˬ shiˇ joeˬ-eu teˇ saˇ loꞈ-ehˇ, aˬ yawꞈ yaw kʼaˆ-ehˇ guˇ-eu meh. Aˬ yawꞈ kʼoeˇ loꞈ-ehˇ guˇ gʼaˬ ngeh, mˬ jeˬ shiꞈ teˇ jeˬ-euˬ meh.

Panmaeq 18:2

Aˬ yawꞈ teˇ saˇ yaw kʼaˆ-ehˇ guˇ-awˇ ehˇ-eu, “Aˬ yawꞈ coˬ-iˇ-euˬ meh. Huiˬ dui dui-eu Baˬbuˇloˬ meuˬ coˬ-iˇ-euˬ meh. Aˬ yawꞈ-aˬ, nehꞈ deuˬ hawˇ-eu maˬ muiˬ maˬ shawˇ-eu yaw sahˇ deuˬ yaw bui bui duˬ pyeuꞈ-iˇ-euˬ meh. Jawꞈ dui dui-awˇ maˬ haw cawˬ nahˇ paˬ-ehˇ gʼeh-eu aˇ jiˇ dawˬ tawˆ luꞈ kʼoeˇ gaˇ jawˇ-eu meh.