Daˬyeˬlaˇ 3:6 - Akha

⁶ Awˆ byaˆ-awˇ uˬ duˬ maˬ tahˬ-eu tsawˇ haˬ aˬ geu gʼaˬ maˬ kaˬ, miˬ dzaˬ doꞈ luꞈ-eu tsawˬ bu bu ma-ahˇ biˬ ahˇ nehˬ gaˇ ya daˬ tehꞈ-a.”

Daˬyeˬlaˇ 3:6 Iomraidhean Croise

Aˇ dahˬ 19:28

Sawˇdoˬ meuˬ hawˇ-eu Gawˇmawˇlaˆ meuˬ-euˬ deh ga paw aˬ yawꞈ haw ka gʼeh ngeh, miˬ dzaˬ tsawˬ bu bu ma-ahˇ uˬ kʼoeˬ du doˆ laˇ-eu loꞈ-ehˇ, miˇ kʼahˬ kʼahˬ lah ni uˬ kʼoeˬ uꞈ uꞈ-ehˇ jaˆ luꞈ gaˇ ya mawˇ-euˬ meh.

Doˆ-iˇ 20:5

Tahˬ pahˬ aˬ ma mawˇ kawˇ mehˬ shi nawˇ maˬ ya awˆ byaˆ-a. Uˬ duˬ maˬ ya tahˬ-a. Aˬ jeˬ miˇ neh ehˇ naˇ, ngaˇ-aˬ, naw maꞈ-euˬ Miˬyehˇ, Sahˬpaˬ Miˬyehˇ pyeuꞈ-awˇ, myaˆ naˆ-eu Miˬyehˇ tiˬ gʼaˬ pyeuꞈ-eu ma. Ngaˬ-ahˇ bye-eu tsawˇ haˬ deuˬ-ahˇ ngaˇ kʼehˬ nehˬ-awˇ, aˬ yawꞈ maꞈ-euˬ zaˬ ziˇ oeˬ ziˇ keuˆ ni ngaˇ kʼehˬ nehˬ ma.

Iˇsaˬyaˇ 44:17

Dzeˇ-eu tiˬ kʼehˆ-ahˇ tahˬ pahˬ aˬ ma mawˇ kawˇ pyaꞈ-awˇ, awˆ byaˆ-awˇ uˬ duˬ tahˬ-eu meh. Tahˬ pahˬ aˬ ma mawˇ kawˇ kʼoeˇ-ahˇ aˬ yawꞈ guiˬ lahˬ shaˇ-awˇ, “Nawˇ ngaˬ-euˬ miˬ yehˇ ma. Ngaˬ-ahˇ ka kʼoꞈ nehˬ laꞈ-awˬ” lehˇ ehˇ-eu meh.

Yeˬlaˬmiˇ 29:22

Yeˬluˇsaˬlehˬ meuˬ-ahˇ neh Baˬbuˇloˬ miˇ kʼahˬ-ahˇ bi nyehꞈ daˆ gʼeh -euˬ tsawˇ haˬ deuˬ, aˬ cawˬ-ahˇ yaˬ kʼehˇ yaˬ ngeh, Baˬbuˇloˬ sahˬ paˬ neh yaw dehꞈ-ehˇ bi tehˬ ba-euˬ Zeˬdaˬkiˇ hawˇ-eu Aˬkaˆ aˬ nyaꞈ loꞈ-ehˇ, Sahˬpaˬ Miˬyehˇ nawˬ-ahˇ jahˇ nehˬ luꞈ-uˇ lehˇ ehˇ-awˇ yaˬ tehꞈ-a.

Daˬyeˬlaˇ 2:5

Kʼoeˇ ngeh, sahˬ paˬ heu loꞈ-ehˇ ehˇ-eu meh. “Ngaˬ neh maˆ-euˬ yuꞈ maˆ gaˇ kawˆ naw maꞈ ngaˬ-ahˇ ya dzawˇ nehˬ laꞈ-awˇ, yuꞈ maˆ kʼoeˇ-euˬ dawˬ tsuiꞈ kʼawꞈ, naw maꞈ ngaˬ-ahˇ ya yuˇ doˆ nehˬ laꞈ meh lehˇ, ngaˇ noeˬ tsehˆ taˬ-euˬ ma. Naw maꞈ ngaˬ-ahˇ kʼoeˇ loꞈ-ehˇ maˬ ehˇ mehˬ nehˬ nya naˇ, naw maꞈ-euˬ gʼawˇ mawˇ deuˆ tm deuˆ tmˇ jiˇ-awˇ, naw maꞈ-euˬ nymˇ deuˬ deh pyaˆ deh shaˆ jiˇ ma.

Daˬyeˬlaˇ 3:11

Awˆ byaˆ-awˇ uˬ duˬ maˬ kʼaˇ tahˬ-eu tsawˇ haˬ-ahˇ miˬ dzaˬ doꞈ luꞈ-eu tsawˬ bu-ahˇ biˬ ahˇ ma lehˇ nawˇ dawˬ biꞈ-euˬ meh.

Daˬyeˬlaˇ 3:15

Nymˬ-mˇ poˆ jawˇ, daˇ heh baw, bawˬ law baw, deuˇ-mˬ diˬ-eu teˇ saˇ hawˇ-eu, caˇ dawˬ caˇ gaˇ zmˬ-eu keu ka nui deuˬ-euˬ teˇ saˇ mahˇ doˆ laˇ gaˇ naw maꞈ ya gaˬ-eu nehˬ-ehˇ, shuiˇ mawˇ kawˇ kʼoeˇ kawˇ mehˬ shi awˆ byaˆ-awˇ uˬ duˬ tahˬ-awˬ. Naw maꞈ uˬ duˬ maˬ tahˬ de leˇ ngeuˇ naˇ, tiˬ poˆ tehꞈ-ehˇ miˬ dzaˬ doꞈ luꞈ-eu tsawˬ bu-ahˇ biˬ ahˇ ma. Naw maꞈ-ahˇ ka kʼoꞈ nya-eu miˬ yehˇ jawˇ tehꞈ-a lehˇ naw maꞈ noeˬ te loˇ.”

Daˬyeˬlaˇ 3:21

Aˬ ha smˇ gʼaˬ-ahˇ aˬ yawꞈ maꞈ paꞈ cuꞈ-awˇ, miˬ dzaˬ doꞈ nyehˆ taˬ-euˬ tsawˬ bu-ahˇ biˬ ahˇ-euˬ meh. Kʼoeˇ loꞈ-ehˇ biˬ ahˇ nehˬ ngeh, mehˬ tsoeˬ tiˬ kahˇ-iˬ maˬ lehˆ doˆ ni, pehˇ kʼahˬ pehˇ nymˇ hawˇ-eu pehˇ kʼahˬ pehˇ mahˇ kʼawꞈ dm luꞈ-awˇ, uˬ kʼoˆ kʼawꞈ kʼoˆ luꞈ-eu meh.

Daˬyeˬlaˇ 3:7

Kʼoeˇ naˇ, caˇ dawˬ caˇ gaˇ diˬ-eu baw-eu keu ka deuˬ-euˬ teˇ saˇ mahˇ doˆ laˇ-euˬ nehˬ-ehˇ, miˇ kʼahˬ dawˬ tawˆ luꞈ-ahˇ neh kʼaˇ uiˬ laˇ taˬ-euˬ tsawˇ jeuˬ dawˬ tawˆ luꞈ, sahˬ paˬ Neˬbuˬkaˬneˬza neh ka tuˇ taˬ-euˬ shuiˇ mawˇ kawˇ-ahˇ awˆ byaˆ-awˇ uˬ duˬ tahˬ-euˬ meh.

Daˬyeˬlaˇ 5:19

Aˬ yawꞈ huiˬ dui mahˇ dui dui-eu miˇ neh, miˇ tsaˬ kʼoeˇ taˆ kʼaˇ jawˇ-eu tsawˇ jeuˬ tsawˇ ca dawˬ tawˆ luꞈ, aˬ yawꞈ-ahˇ guˆ-awˇ yaw dzuˬ dzuˬ-eu meh. Aˬ yawꞈ sehꞈ mawꞈ-eu gʼaˬ-ahˇ sehꞈ-awˇ, aˬ yawꞈ bi dehꞈ mawꞈ-eu gʼaˬ-ahˇ maˬ sehꞈ ni bi dehꞈ-euˬ meh. Aˬ yawꞈ ciˬ huiˬ mawꞈ-eu gʼaˬ-ahˇ ciˬ huiˬ-awˇ, aˬ yawꞈ dehˬ awˆ mawꞈ-eu gʼaˬ-ahˇ dehˬ awˆ nehˬ-euˬ meh.

Daˬyeˬlaˇ 6:7

Nawˬ-euˬ miˇ kʼahˬ-ahˇ uˆ lahˇ-eu paw gaˇ mˇ luꞈ-eu deuˬ pyeuꞈ-eu nga maꞈ, sahˬ paˬ sahˬ ma deuˬ kʼoeˇ taˆ haw pyaˆ uˆ lahˇ-eu deuˬ, sahˬ paˬ sahˬ ma geuꞈ-eu deuˬ hawˇ-eu, sahˬ paˬ sahˬ ma deuˬ-euˬ laꞈ oˆ teˬ ni miˇ kʼahˬ-ahˇ uˆ lahˇ-eu gaˇ mˇ-eu deuˬ dawˬ tawˆ luꞈ, nui ma tiˬ siˬ tehꞈ-ehˇ taˬ-awˇ heu loꞈ-ehˇ ehˇ-eu ma. Nawˇ zahˇ sahˇ kʼoꞈ tiˬ hmˬ taˬ-awˇ, ziꞈ dah ni bi nyehꞈ tehˬ mawꞈ-eu ma. Aˇ yamˬ smˬ tseˇ nah laꞈ kʼoeˇ, nawˬ-ahˇ maˬ ngeuˇ naˇ, miˬ yehˇ aˬ geu gʼaˬ-ahˇ maˬ ehˇ, tsawˇ haˬ-ahˇ maˬ ehˇ, tiˬ gʼaˬ-iˬ uˬ duˬ maˬ ya tahˬ, guiˬ lahˬ maˬ ya shaˇ-a lehˇ zahˇ sahˇ kʼoꞈ taˬ-awˇ, zahˇ sahˇ kʼoꞈ heu hmˬ-ahˇ maˬ caw teh-eu tsawˇ haˬ aˬ geu gʼaˬ maˬ kaˬ, aˇ laˬ jaˬ shiˇ kuˆ-ahˇ biˬ ahˇ ma lehˇ bi ehˇ tsehˆ mawꞈ miˇ-a.

Maꞈtehˬ 13:42

Kʼoeˇ naˇ, aˬ yawꞈ maꞈ-ahˇ guˆ dui dui laˇ paˬ-ehˇ gʼeh-eu miˬ dzaˬ jehˆ bymˇ-ahˇ bi baꞈ puiˆ-awˇ, kʼoeˇ gaˇ ngoeˇ ngoeˇ-ehˇ, seuˬ teuꞈ teuꞈ-ehˇ ya shaˬ tehꞈ-a.

Maꞈtehˬ 13:50

Haiˬ-eu tsawˇ haˬ deuˬ-aˬ, guˆ dui dui laˇ paˬ-ehˇ gʼeh-eu miˬ dzaˬ jehˆ bymˇ-ahˇ bi biˬ ahˇ-awˇ, ngoeˇ ngoeˇ-ehˇ, seuˬ teuꞈ teuꞈ-ehˇ ya shaˬ tehꞈ-a.

Maꞈtehˬ 4:9

Nehꞈ sahˬ paˬ ehˇ-eu, “Nawˇ pawˬ tsuiꞈ pawˬ dmˬ dmˬ-awˇ ngaˬ-ahˇ uˬ duˬ tahˬ naˇ, miˇ kʼahˬ heu deuˬ dawˬ tawˆ luꞈ nawˬ-ahˇ biꞈ ma.”

Maˬkuˆ 6:27

Kʼoeˇ miˇ neh, kʼoeˇ gaˇ loꞈ luꞈ-eu yehˇ tiˬ gʼaˬ-ahˇ yaw kawˇ-ehˇ kʼehˇ gʼeh-awˇ, Yoˇhaˬ-euˬ uˬ duˬ yuˇ laꞈ-eu gʼaˇ duˬ dawˬ biꞈ-euˬ meh. Yehˇ kʼoeˇ gʼaˬ tawˬ-ahˇ iˇ-awˇ, Yoˇhaˬ-euˬ uˬ duˬ coeˇ tsehˆ-euˬ meh.

Panmaeq 14:11

Aˬ yawꞈ maꞈ-ahˇ kʼehˬ-euˬ miˬ dzaˬ kʼoeˇ, mˬ maˬ maˬ byaˆ zaˇ ziˇ uˬ kʼoeˬ doˆ tehꞈ-a. Jeˬ zaˬ yaw haiˬ kʼoeˇ mawˇ hawˇ-eu aˬ yawꞈ-euˬ tahˬ pahˬ aˬ ma mawˇ kawˇ-ahˇ uˬ duˬ kʼaˇ tahˬ-eu tsawˇ haˬ deuˬ hawˇ-eu, aˬ yawꞈ neh tsaˬ kʼaˇ bi tsoˆ-euˬ tsawˇ haˬ deuˬ-aˬ, uˬ ciꞈ nah gʼahˇ maˬ ehˇ, saꞈ gʼawˇ dah kʼaˇ maˬ za-a.”

Panmaeq 9:2

Aˬ guiˇ kʼoeˇ siˬ maˬ li-iˇ nya-eu duˬ kʼahˬ-ahˇ pah dzeh-euˬ meh. Kʼoeˇ ngeh, miˬ dzaˬ tsawˬ bu bu ma-ahˇ uˬ kʼoeˬ doˆ laˇ-eu loꞈ-ehˇ, duˬ kʼahˬ kʼoeˇ kʼahˬ uˬ kʼoeˬ du doˆ luꞈ-eu meh. Maˬ li-iˇ nya-eu duˬ kʼahˬ-euˬ uˬ kʼoeˬ kʼoeˇ, nahˇ ma yaw shehꞈ hawˇ-eu jaˬ lehˇ-ahˇ zahˇ tsui ni bi pyeuꞈ-iˇ-euˬ meh.