Daˬyeˬlaˇ 3:26 - Akha

²⁶ Kʼoeˇ naˇ, miˬ dzaˬ tsawˬ bu nymˇ kʼoeˇ nymˇ-euˬ gʼoˆ kʼehˬ-ahˇ Neˬbuˬkaˬneˬzaˬ le daˆ-awˇ, “Dawˬ tawˆ kʼoeˇ taˆ huiˬ-eu Miˬyehˇ-euˬ zaˬ kʼaˆ deuˬ pyeuꞈ-eu, Shaˬdaˬlaˆ, Meˬshaˆ, Aˬbeˬdaˬneˬgoˬ aˬ ha smˇ gʼaˬ-oˇ, doˆ laˇ-awˬ” lehˇ guˇ-euˬ meh.

Daˬyeˬlaˇ 3:26 Iomraidhean Croise

Aˇ dahˬ 14:18

Kʼoeˇ ngeh, Huiˬ dui mahˇ dui dui-eu Miˬyehˇ-euˬ piˇ ma pyeuꞈ-eu Saˬleˬ sahˬ paˬ Maˬlaˬkiˇsaˬdehˇ-aˬ, kaˬ muˇ hawˇ-eu aˬ gaꞈ dzaˇ uiˇ yuˇ-awˇ, Aˬbyaˬ jawˇ gaˇ laˇ-euˬ meh.

1 Sahˬpaˬ 8:51

Aˬ yawꞈ maꞈ-aˬ, shmˇ baw guiˇ-eu baw-ahˇ duˇ-eu Iˇjiˇtuˆ miˇ kʼahˬ laꞈ kʼoeˇ nawˬ neh sheuˬ doˆ nehˬ laꞈ-euˬ nawˬ-euˬ tsawˇ jeuˬ pyeuꞈ-eu meh.

Eˇzaˬlaˬ 5:11

“Aˬ yawꞈ maꞈ heu loꞈ-ehˇ ehˇ-eu meh. ‘Nga maꞈ-aˬ, mˬ hawˇ-eu miˇ-ahˇ uˆ lahˇ-eu Miˬyehˇ-euˬ zaˬ kʼaˆ pyeuꞈ-eu ma. Aˇ hu ba baoˬ huiˬ-eu Iˇsaˬleˬlaˆ sahˬ paˬ tiˬ gʼaˬ neh tsoˆ taˬ yaꞈ-euˬ Uˬ duˬ tahˬ nymˇ nymˇ ma-ahˇ nga maꞈ paˇ tsoˆ muiˬ luꞈ-eu ma.

Jaceuq 66:12

Muiˇ-eu deuˬ neh nga maꞈ-ahˇ mahˬ dziˬ bi dziˬ-awˇ, miˬ dzaˬ hawˇ-eu iˇ jeuˬ laꞈ kʼoeˇ bi cah tsehˆ laꞈ-euˬ meh. Ehˇ kʼawꞈ nui saˇ oꞈ-eu miˇ kʼahˬ laꞈ kʼoeˇ, nymˬ-mˇ nawˇ nga maꞈ-ahˇ sheuˬ keuˆ nehˬ laꞈ-euˬ meh.

Iˇsaˬyaˇ 28:16

Ehˇ kʼawꞈ, Sahˬpaˬ Miˬyehˇ heu loꞈ-ehˇ ehˇ-eu meh. “Ziˇoˬ meuˬ-euˬ dawˬ pehˬ ziꞈ dah ni ngaˇ gawˬ-euˬ ma. ‘Jah-eu ziꞈ-eu jeˬ-aˬ kamˬ coeˇ-eu jeˬ meh’ lehˇ boꞈ taˬ-euˬ, ziꞈ dah ni gʼeh-eu kʼaˬ lo neh, laꞈ coeˇ gawˬ tehˬ-euˬ ma.

Iˇsaˬyaˇ 52:12

Nymˬ-mˇ poˆ jawˇ naw maꞈ uˬ kʼawˇ teuˆ buˬ-eu maˬ loˬ-a. Guˆ guˆ ci ci-ehˇ cehˆ-eu maˬ loˬ-a. Naw maꞈ-eu Miˬyehˇ pyeuꞈ-eu Sahˬpaˬ Miˬyehˇ-aˬ, yawˬ pyawˬ na luꞈ naw maꞈ-ahˇ haw piˇ luꞈ-eu meh.

Yeˬlaˬmiˇ 11:4

Dawˬ ma saˇ jaˇ heu-aˬ, shmˇ baw guiˇ duˬ loꞈ-ehˇ duˇ-eu Iˇjiˇtuˆ miˇ kʼahˬ-ahˇ neh, aˬ yawꞈ maꞈ-euˬ aˬ poeˬ aˬ bawˇ deuˬ-ahˇ ngaˇ sheuˬ doˆ nehˬ ngeh, aˬ poeˬ aˬ bawˇ kʼoeˇ deuˬ nehˬ-ehˇ dzaˬ taˬ-euˬ dawˬ ma saˇ jaˇ ma. Ngaˬ-euˬ ehˇ dawˬ naˇ haˬ-awˇ, ngaˬ neh dawˬ kʼaˇ biꞈ-euˬ yawˬ jeˬ na luꞈ ya mˇ meh lehˇ, aˬ yawꞈ maꞈ-ahˇ ngaˇ ehˇ nehˬ-euˬ ma. Ngaˬ-euˬ ehˇ dawˬ naˇ haˬ geuꞈ naˇ, aˬ yawꞈ maꞈ ngaˬ-euˬ tsawˇ haˬ pyeuꞈ-awˇ, ngaˇ aˬ yawꞈ maꞈ-euˬ Miˬyehˇ pyeuꞈ ma lehˇ ehˇ nehˬ-euˬ ma.

Daˬyeˬlaˇ 2:47

Sahˬ paˬ ehˇ-eu, “Nawˬ-euˬ Miˬyehˇ-aˬ, miˬ yehˇ dawˬ tawˆ kʼoeˇ taˆ huiˬ-eu Miˬyehˇ pyeuꞈ-awˇ, sahˬ paˬ dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu uˬ taꞈ, naꞈ dui dui-eu gaˇ kawˆ deuˬ pah mehˬ nehˬ nya-eu gʼaˬ meh. Naꞈ dui dui-eu gaˇ kawˆ heu nawˇ dawˬ tsuiꞈ pah mehˬ nya-euˬ miˇ neh, ngaˇ heu loꞈ-ehˇ siˬ duˬ-eu ma.”

Daˬyeˬlaˇ 3:17

Doꞈ luꞈ-eu miˬ dzaˬ tsawˬ bu hawˇ-eu nawˬ-euˬ baoˬ laꞈ kʼoeˇ, nga maꞈ uˬ duˬ tahˬ-eu Miˬyehˇ ngaˬ ha smˇ gʼaˬ-ahˇ ka kʼoꞈ nehˬ laꞈ nya naˇ ka kʼoꞈ nehˬ laꞈ luꞈ-uˇ.

Daˬyeˬlaˇ 4:2

Dawˬ tawˆ kʼoeˇ taˆ huiˬ-eu Miˬyehˇ neh ngaˬ-ahˇ bi siˬ bi mawˇ laꞈ-euˬ zahˬ dui dui leˇ paˬ-ehˇ gʼeh-eu gaˇ kawˆ, naw maꞈ-ahˇ ngaˇ maˬ ja mehˬ-ehˇ maˬ jawˇ coeˇ nya.

Daˬyeˬlaˇ 6:20

Kʼoeˇ gaˇ cehˆ keuˆ ngeh, kʼahˬ lahˇ dui dui-eu laꞈ kʼoeˇ, “Dehꞈ luꞈ-eu Miˬyehˇ-euˬ zaˬ kʼaˆ Daˬyeˬlaˇ-oˇ, nawˇ saˇ jaˇ ziꞈ-awˇ gʼoe-eu nawˬ-euˬ Miˬyehˇ nawˬ-ahˇ aˇ laˬ jaˬ shiˇ neh maˬ bi kawꞈ sehꞈ ni ka kʼoꞈ nehˬ laꞈ mehˬ loˇ” lehˇ guˇ-euˬ meh.

Daˬyeˬlaˇ 6:21

Daˬyeˬlaˇ ehˇ-eu, “Sahˬ paˬ ziˇ baw ziˇ zaˬ luꞈ-uˇ.

Daˬyeˬlaˇ 7:25

Dawˬ tawˆ kʼoeˇ taˆ huiˬ-eu Miˬyehˇ-ahˇ ceh cawˬ cawˬ-eu dawˬ ngehˬ-awˇ, Miˬyehˇ-euˬ tsawˇ haˬ deuˬ-ahˇ aˬ yawꞈ kʼehˬ nehˬ kʼaˆ nehˬ tehꞈ-a. Uˬ duˬ tahˬ-eu zahˇ sahˇ kʼoꞈ deuˬ hawˇ-eu, uˬ duˬ tahˬ-eu zahˇ sahˇ kʼoꞈ-ahˇ taꞈ-eu bawˬ-iˬ deuˬ-ahˇ aˬ yawꞈ laˆ paˇ-awˇ, Miˬyehˇ-euˬ tsawˇ haˬ deuˬ aˬ yawꞈ uˆ lahˇ-eu uˬ moˆ smˇ kʼoꞈ uˬ taꞈ tiˬ paˆ ya jawˇ tehꞈ-a.

Gʼaˬkʼehˇ 16:17

Aˬ buˇ kʼoeˇ gʼaˬ Pawˇluˆ nga maꞈ-euˬ mehˬ nah caw teh-awˇ, “Tsawˇ haˬ heu deuˬ-aˬ, Huiˬ dui mahˇ dui dui-eu Miˬyehˇ-euˬ zaˬ kʼaˆ pyeuꞈ-awˇ, naw maꞈ ka kʼoꞈ-eu jeˬ za nya-eu gaˇ ma mehˬ le-euˬ meh” lehˇ guˇ guˇ-ehˇ cah-eu meh.

Gʼaˬkʼehˇ 16:37

Ehˇ kʼawꞈ, piˆ liˆ aˬ yuiꞈ deuˬ-ahˇ Pawˇluˆ ehˇ nehˬ-eu, “Nga nyaꞈ Loˇmaˆ miˇ kʼahˬ zaˬ pyeuꞈ-eu ma. Ehˇ kʼawꞈ, nga nyaꞈ-euˬ yaw lehˬ yaw ca tiˬ jeˬ-iˬ maˬ poˆ mawˇ-euˬ gaˇ, miˇ kʼahˬ zaˬ mehˬ shi nga nyaꞈ-ahˇ yahˬ caˆ neh juiꞈ-awˇ tawˬ-ahˇ dawˆ nehˬ laꞈ-euˬ meh. Ehˇ kʼawꞈ, nymˬ-mˇ poˆ jawˇ-aˬ, aˬ cawˬ maˬ bi siˬ ni nga nyaꞈ-ahˇ ciˬ cuˇ ni pyehˬ-awˇ bi gʼoꞈ leˇ-eu gʼeh te loˇ. Ma geuꞈ. Loˇmaˆ tsawˇ haˬ yaw huiˬ yaw mahˇ kʼoeˇ deuˬ oe-awˇ nga nyaꞈ-ahˇ pyehˬ doˆ nehˬ le-eu maˬ ngeuˇ naˇ maˬ geuꞈ.”

Gʼaˬkʼehˇ 27:23

Aˬ jeˬ miˇ neh ehˇ naˇ, ngaˇ uˬ duˬ tahˬ luꞈ-eu ngaˬ-ahˇ uˆ lahˇ-eu Miˬyehˇ-euˬ mˬ taˆ gʼaˬ kʼehˇ tiˬ gʼaˬ, miˇ ciꞈ ngaˇ jawˇ gaˇ oe-awˇ heu loꞈ-ehˇ ehˇ le-euˬ meh.

Gaˬlaˬtiˆ 1:10

Tsawˇ haˬ zaˬ ngaˬ-ahˇ nui ma tsaˬ ni ngaˇ mˇ luꞈ-eu nga loˇ. Maˬ ngeuˇ. Miˬyehˇ nui ma tsaˬ-eu jeˬ-ahˇ ngaˇ mawꞈ-eu ma. Tsawˇ haˬ zaˬ nui kʼahˇ shiˇ-eu jeˬ-ahˇ ngaˇ leh jeh luꞈ-eu nga loˇ. Kʼoeˇ loꞈ-ehˇ mˇ naˇ, ngaˇ Ka li-euˬ zaˬ kʼaˆ maˬ paˇ ngeuˇ-aˇ.

Dawˬmehˬ 4:20

Ehˇ kʼawꞈ, naw maꞈ-aˬ, shmˇ baw guiˇ-eu baw laꞈ kʼoeˇ neh ka kʼoꞈ doˆ laꞈ-euˬ loꞈ-ehˇ, Iˇjiˇtuˆ miˇ kʼahˬ laꞈ kʼoeˇ neh aˬ yawꞈ neh bi ka kʼoꞈ doˆ laꞈ-euˬ tsawˇ jeuˬ pyeuꞈ-eu meh. Iˬ nah naw maꞈ aˬ yawꞈ-euˬ tsawˇ haˬ pyeuꞈ luꞈ-eu meh. Heu loꞈ-ehˇ bi pyeuꞈ laˇ-eu gʼaˇ duˬ, naw maꞈ-ahˇ aˬ yawꞈ neh sheuˬ doˆ laꞈ-euˬ meh.

Yawˇshuˆ 3:17

Iˇsaˬleˬlaˆ tsawˇ haˬ deuˬ gui coˇ ni gʼeh-eu miˇ tsaˬ-ahˇ nawˬ-awˇ lawˇ baˬ tsehˆ luꞈ ngeh, aˬ yawꞈ maꞈ dawˬ tawˆ luꞈ maˬ tsehˆ doˆ jiˇ kʼoeˇ keuˆ ni, Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ baꞈ luꞈ-eu piˇ ma deuˬ gui coˇ ni gʼeh-eu lawˇ baˬ gʼahˇ ceh yawꞈ luꞈ-eu meh.

Yawˇshuˆ 4:10

Iˇsaˬleˬlaˆ tsawˇ haˬ deuˬ-ahˇ bi mˇ-eu gʼaˇ duˬ Sahˬpaˬ Miˬyehˇ neh Yawˇshuˆ-ahˇ dawˬ kʼaˇ biꞈ nehˬ-euˬ yawˬ jeˬ na luꞈ mˇ gʼaˬ jiˇ ngeh keuˆ ni, piˇ ma deuˬ Yawˇdaˬ lawˇ baˬ gʼahˇ ceh yawꞈ-euˬ meh. Kʼoeˇ loꞈ-ehˇ mˇ-awˬ lehˇ Moˇseˬ neh dawˬ biꞈ taˬ-euˬ jaˆ-eu meh. Iˇsaˬleˬlaˆ tsawˇ haˬ deuˬ Yawˇdaˬ lawˇ baˬ-ahˇ yaw kawˇ-ehˇ tsehˆ doˆ-euˬ meh.

Panmaeq 19:5

Kʼoeˇ naˇ, dzoeˬ dzaˬ nuiˇ mahˬ-ahˇ neh heu loꞈ-ehˇ ehˇ doˆ leꞈ gaˇ ngaˇ ya gaˬ-euˬ ma. “Miˬyehˇ-euˬ zaˬkʼaˆ dawˬ tawˆ luꞈ, yawꞈ-ahˇ yaw zeu kʼaˇ baw-eu deuˬ, huiˬ zaˬ nyiˇ zaˬ kʼaˇ jawˇ kʼaˇ deuˬ, Aˬ dui Miˬyehˇ-ahˇ ja ceuˬ-awˬ.”