Daˬyeˬlaˇ 3:25 - Akha

²⁵ “Toˆ-ehˇ ngeuˇ naˇ, aˬ jeˬ miˇ neh miˬ dzaˬ laꞈ kʼoeˇ tsawˇ haˬ oeˬ gʼaˬ cah luꞈ-eu ngaˬ-ahˇ mawˇ laˇ ta. Aˬ yawꞈ maꞈ-ahˇ aˇ caˆ gʼeh maˬ paꞈ taˬ-ehˇ, miˬ dzaˬ lahˇ leˇ gaˇ jiˇ maˬ duˇ nga. Oeˬ gʼaˬ tiˬ gʼaˬ miˬ yehˇ-euˬ aˬ li-ahˇ duˇ nga” lehˇ, aˬ yawꞈ ehˇ-eu meh.

Daˬyeˬlaˇ 3:25 Iomraidhean Croise

Yawˇbaˆ 1:6

Mˬ taˆ gʼaˬ kʼehˇ deuˬ Sahˬpaˬ Miˬyehˇ jawˇ gaˇ ya uiˬ laˇ-eu aˇ nah keuˆ laˇ ngeh, nehꞈ Saˬdaˬ gʼaˬ kʼawꞈ laˇ taˬ-euˬ meh.

Yawˇbaˆ 38:7

Kʼoeˇ ngeh nah uˬ bya bya laˇ ngeh, aˬ guiˇ deuˬ tiˬ kawˆ loꞈ-ehˇ caˇ dawˬ caˇ-awˇ, mˬ taˆ gʼaˬ kʼehˇ deuˬ laˬ kʼaˬ cehˇ-awˇ guˇ-euˬ meh.

Yawˇbaˆ 5:19

Shaˬ-eu zahˬ-eu jeˬ laꞈ kʼoeˇ tiˬ poˆ saˇ-i tiˬ poˆ aˬ yawꞈ nawˬ-ahˇ ka kʼoꞈ tehꞈ-a.

Jaceuq 34:7

Yawꞈ-ahˇzeu-eu deuˬ-euˬtiˬjawˬ, mˬtaˆgʼaˬkʼehˇloꞈpiˇle-awˇ, guˆgaˆlaꞈkʼoeˇka kʼoꞈ-eu meh.

Dawqdaq 30:4

Mˬ taˆ tsawˇ gahˇ dawˬ tawˆ luꞈ tuˆ tehˬ taˬ-euˬ aˬ suˇ gʼaˬ-a. Jaˬ lehˇ-ahˇ nyehꞈ tehˬ taˬ-euˬ aˬ suˇ gʼaˬ-a. Iˇ cuꞈ-ahˇ saˬ paˇ neh paꞈ cu cu taˬ-euˬ aˬ suˇ gʼaˬ-a. Miˇ tsaˬ tahˬ kʼawˇ-euˬ miˇ kaˬ dehˬ biˇ-euˬ aˬ suˇ gʼaˬ-a. Nawˇ siˬ nya-eu jeˬ maˇ-iˬ, aˬ yawꞈ aˬ suˇ gʼaˬ-a. Aˬ yawꞈ-euˬ aˬ li aˬ suˇ gʼaˬ-a.

Iˇsaˬyaˇ 43:2

Iˇ cuꞈ naꞈ gaˇ nawˇ tsehˆ doˆ ngeh, nawˬ nehˬ-ehˇ ngaˇ jawˇ ma. Guˆ-eu gaˆ-eu jeˬ-ahˇ nawˇ tahˬ puˬ kʼawꞈ, nawˇ maˬ ya cawˆ-iˇ-a. Miˬ dzaˬ laꞈ kʼoeˇ nawˇ cah tsehˆ kʼawꞈ, nawˬ-ahˇ maˬ puiˆ dzaˬ-a. Shaˬ zahˬ nawˬ-ahˇ lawˬ haw le kʼawꞈ, nawˬ-ahˇ coeˬ ni maˬ jahˇ nya-a.

Yeˬlaˬmiˇ 1:19

Aˬ yawꞈ maꞈ nawˬ-ahˇ ceh kʼawꞈ, maˬ ceh gʼaˬ laˇ nya-aˇ. Aˬ jeˬ miˇ neh ehˇ naˇ, nawˬ nehˬ-ehˇ ngaˇ jawˇ-awˇ haw piˇ nehˬ ma lehˇ Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 1:8

Ngaˇ nawˬ nehˬ-ehˇ jawˇ-awˇ haw piˇ nehˬ-eu miˇ neh, aˬ yawꞈ maꞈ-ahˇ nawˇ taˬ guˆ lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 15:21

Maˬ tsaˬ maˬ dawˇ-eu tsawˇ haˬ yaw haiˬ deuˬ-euˬ baoˬ uˬ moˆ, nawˬ-ahˇ ngaˇ ka kʼoꞈ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Daˬyeˬlaˇ 3:18

Aˬ yawꞈ maˬ ka kʼoꞈ nehˬ laꞈ law hawˇ kʼawꞈ, nawˬ-euˬ miˬ yehˇ-ahˇ nga maꞈ uˬ duˬ maˬ tahˬ-ehˇ, nawˬ neh ka tuˇ taˬ-euˬ shuiˇ mawˇ kawˇ mehˬ shi maˬ awˆ byaˆ lehˇ, kʼaˬ duˬ ni nawˬ-ahˇ ehˇ tsehˆ-eu ma.”

Daˬyeˬlaˇ 3:24

Neˬbuˬkaˬneˬzaˬ zahˬ leˇ-awˇ, ja pyuˬ ni tsawˬ tuˇ laˇ-euˬ meh. “Tsawˇ haˬ smˇ gʼaˬ-ahˇ paꞈ cuꞈ-awˇ miˬ dzaˬ tsawˬ bu-ahˇ biˬ ahˇ-euˬ maˬ ngeuˇ loˇ” lehˇ, aˬ yawꞈ-euˬ gaˇ mˇ-euˬ yaw huiˬ yaw mahˇ deuˬ-ahˇ aˬ yawꞈ naˇ haˬ ngeh, “Ngeuˇ ma. Tsawˇ haˬ smˇ gʼaˬ paꞈ cuꞈ-awˇ biˬ ahˇ-euˬ ma” lehˇ, yaw huiˬ yaw mahˇ kʼoeˇ deuˬ ehˇ-eu meh.

Daˬyeˬlaˇ 3:28

Kʼoeˇ ngeh, sahˬ paˬ heu loꞈ-ehˇ ehˇ-eu meh. “Shaˬdaˬlaˆ, Meˬshaˆ, Aˬbeˬdaˬneˬgoˬ aˬ ha smˇ gʼaˬ-euˬ Miˬyehˇ-ahˇ ja ceuˬ-awˬ. Aˬ yawꞈ-ahˇ gʼoe-awˇ aˬ yawꞈ-euˬ nui kʼahˇ mˇ-eu tsawˇ haˬ heu smˇ gʼaˬ-ahˇ, aˬ yawꞈ-euˬ mˬ taˆ gʼaˬ kʼehˇ pyehˬ leꞈ-awˇ bi ka kʼoꞈ le-euˬ meh. Aˬ yawꞈ maꞈ-euˬ Miˬyehˇ-ahˇ maˬ ngeuˇ naˇ miˬ yehˇ nui gʼaˬ-ahˇ uˬ duˬ maˬ tahˬ lehˇ, shiˇ gaˇ maˬ guˆ ni ngaˬ-euˬ ehˇ dawˬ-ahˇ puiˬ-euˬ meh.

Daˬyeˬlaˇ 6:23

Sahˬ paˬ laˬ kʼaˬ cehˇ dui dui-awˇ, Daˬyeˬlaˇ-ahˇ aˇ laˬ jaˬ shiˇ kuˆ-ahˇ neh gʼeu doˆ-eu gʼaˇ duˬ dawˬ biꞈ-euˬ meh. Aˬ yawꞈ maꞈ aˬ yawꞈ-ahˇ gʼeu doˆ ngeh, aˬ yawꞈ Miˬyehˇ-ahˇ jah-eu miˇ neh tiˬ jeˬ-iˬ maˬ gʼeh ni jawˇ gaˇ ya mawˇ-euˬ meh.

Maˬkuˆ 16:18

Aˬ yawꞈ maꞈ aˇ lawˇ-ahˇ nyehꞈ-eu maˬ kaˬ, dzaˇ doꞈ dzaˬ-eu maˬ kaˬ, tiˬ jeˬ-iˬ maˬ gʼeh-aˇ. Aˬ yawꞈ maꞈ naˇ-eu tsawˇ haˬ deuˬ kʼoeˇ taˆ aˬ laꞈ baꞈ daˆ nehˬ ngeh, naˇ-eu taˬ leˇ tehꞈ-a.”

Luˇkaꞈ 1:35

Mˬ taˆ gʼaˬ kʼehˇ ehˇ-eu, “Muiˬ-eu shawˇ-eu Yaw sahˇ Miˬyehˇ nawˬ-euˬ kʼoeˇ taˆ zaꞈ le-awˇ, Huiˬ dui Mahˇ dui dui-eu Miˬyehˇ-euˬ baoˬ nawˬ-ahˇ joe shmˇ le tehꞈ-a. Kʼoeˇ miˇ neh, dehꞈ le-euˬ muiˬ-eu shawˇ-eu aˬ li kʼoeˇ gʼaˬ-ahˇ, Miˬyehˇ-euˬ Zaˬmaˇ lehˇ kuˇ tehꞈ-a.

Gʼaˬkʼehˇ 28:5

Ehˇ kʼawꞈ, Pawˇluˆ tiˬ jeˬ-iˬ maˬ gʼeh ni, aˇ lawˇ kʼoeˇ mawˇ-ahˇ miˬ dzaˬ-ahˇ juiꞈ ahˇ-euˬ meh.

Lormav 1:4

Miˬyehˇ-ahˇ taꞈ-eu paw neh sawˇ leꞈ naˇ, aˬ yawꞈ-aˬ, Miˬyehˇ-euˬ Zaˬmaˇ pyeuꞈ-eu gaˇ kawˆ, huiˬ dui dui-eu baoˬ laꞈ kʼoeˇ aˬ dui-ahˇ bi mawˇ laꞈ-euˬ meh. Aˬ yawꞈ shiˇ gʼaˬ-euˬ gaˇ Miˬyehˇ neh paˇ bi gʼoꞈ dehꞈ laˇ-eu laꞈ kʼoeˇ bi mawˇ laꞈ-euˬ meh.

1 Beˬtuˆluˆ 3:13

Naw maꞈ yaw muiˬ jeˬ mˇ gaˇ leh jeh naˇ, naw maꞈ-ahˇ laˆ coeˬ laˆ ciˆ laˇ-eu aˬ suˇ gʼaˬ jawˇ nmˇ.