Daˬyeˬlaˇ 3:21 - Akha

²¹ Aˬ ha smˇ gʼaˬ-ahˇ aˬ yawꞈ maꞈ paꞈ cuꞈ-awˇ, miˬ dzaˬ doꞈ nyehˆ taˬ-euˬ tsawˬ bu-ahˇ biˬ ahˇ-euˬ meh. Kʼoeˇ loꞈ-ehˇ biˬ ahˇ nehˬ ngeh, mehˬ tsoeˬ tiˬ kahˇ-iˬ maˬ lehˆ doˆ ni, pehˇ kʼahˬ pehˇ nymˇ hawˇ-eu pehˇ kʼahˬ pehˇ mahˇ kʼawꞈ dm luꞈ-awˇ, uˬ kʼoˆ kʼawꞈ kʼoˆ luꞈ-eu meh.

Daˬyeˬlaˇ 3:21 Iomraidhean Croise

Aˇ dahˬ 39:20

Kʼoeˇ miˇ neh, Yoˇsehˆ-ahˇ aˬ yawꞈ paꞈ-awˇ, sahˬ paˬ-ahˇ mˇ bahˬ-euˬ deuˬ-ahˇ paꞈ uˇ-eu paꞈ kuˆ-ahˇ dawˆ-euˬ meh.

Yeˬlaˬmiˇ 29:22

Yeˬluˇsaˬlehˬ meuˬ-ahˇ neh Baˬbuˇloˬ miˇ kʼahˬ-ahˇ bi nyehꞈ daˆ gʼeh -euˬ tsawˇ haˬ deuˬ, aˬ cawˬ-ahˇ yaˬ kʼehˇ yaˬ ngeh, Baˬbuˇloˬ sahˬ paˬ neh yaw dehꞈ-ehˇ bi tehˬ ba-euˬ Zeˬdaˬkiˇ hawˇ-eu Aˬkaˆ aˬ nyaꞈ loꞈ-ehˇ, Sahˬpaˬ Miˬyehˇ nawˬ-ahˇ jahˇ nehˬ luꞈ-uˇ lehˇ ehˇ-awˇ yaˬ tehꞈ-a.

Daˬyeˬlaˇ 3:20

Kʼoeˇ naˇ, aˬ ha smˇ gʼaˬ-ahˇ paꞈ cuꞈ-awˇ miˬ dzaˬ tsawˬ bu-ahˇ biˬ ahˇ-eu gʼaˇ duˬ, aˬ yawꞈ-euˬ guiˇ maꞈ laꞈ kʼoeˇ gʼaˬ kʼaˆ dui dui-eu tsawˇ haˬ deuˬ-ahˇ aˬ yawꞈ dawˬ biꞈ-euˬ meh.

Daˬyeˬlaˇ 3:27

Sahˬ paˬ zaˬ yo dawˬ tawˆ luꞈ, sahˬ paˬ sahˬ ma dawˬ tawˆ luꞈ, sahˬ paˬ sahˬ ma deuˬ laꞈ oˆ teˬ ni gaˇ mˇ-eu deuˬ dawˬ tawˆ luꞈ hawˇ-eu, yaw huiˬ yaw mahˇ kʼaˇ geuꞈ luꞈ-eu deuˬ dawˬ tawˆ luꞈ laˇ-awˇ, aˬ ha smˇ gʼaˬ miˬ dzaˬ maˬ lahˇ ni jawˇ luꞈ gaˇ haw laˇ-euˬ meh. Aˬ ha smˇ gʼaˬ-euˬ uˬ duˬ tsehˇ kahˇ miˬ dzaˬ maˬ myawꞈ-ehˇ, mehˬ tsoeˬ maˬ puiˆ dzaˬ-euˬ uˬ taꞈ, miˬ shmˇ kʼawꞈ maˬ behꞈ laꞈ-a.

Daˬyeˬlaˇ 3:6

Awˆ byaˆ-awˇ uˬ duˬ maˬ tahˬ-eu tsawˇ haˬ aˬ geu gʼaˬ maˬ kaˬ, miˬ dzaˬ doꞈ luꞈ-eu tsawˬ bu bu ma-ahˇ biˬ ahˇ nehˬ gaˇ ya daˬ tehꞈ-a.”

Maꞈtehˬ 13:42

Kʼoeˇ naˇ, aˬ yawꞈ maꞈ-ahˇ guˆ dui dui laˇ paˬ-ehˇ gʼeh-eu miˬ dzaˬ jehˆ bymˇ-ahˇ bi baꞈ puiˆ-awˇ, kʼoeˇ gaˇ ngoeˇ ngoeˇ-ehˇ, seuˬ teuꞈ teuꞈ-ehˇ ya shaˬ tehꞈ-a.