Daˬyeˬlaˇ 2:46 - Akha

⁴⁶ Sahˬ paˬ Neˬbuˬkaˬneˬzaˬ miˇ tsa awˆ byaˆ-awˇ, Daˬyeˬlaˇ-ahˇ lawˇ nehˬ shehˇ nehˬ-eu gʼaˇ duˬ dawˬ biꞈ-euˬ meh.

Daˬyeˬlaˇ 2:46 Iomraidhean Croise

Eˇzaˬlaˬ 6:10

Mˬ taˆ Miˬyehˇ nui ma tsaˬ-eu lawˇ-eu shehˇ-eu jeˬ aˬ yawꞈ maꞈ mˇ-awˇ, ngaˇ hawˇ-eu ngaˬ li deuˬ kʼoeˇ taˆ guiˬ lahˬ biꞈ nehˬ laꞈ ni aˬ yawꞈ maꞈ guiˬ lahˬ bi shaˇ-eu gʼaˇ duˬ, aˬ yawꞈ maꞈ-ahˇ kʼoeˇ loꞈ-ehˇ caw ba nehˬ-awˬ.

Daˬyeˬlaˇ 3:5

daˇ heh baw-awˇ, bawˬ law baw, deuˇ-mˬ diˬ-eu teˇ saˇ naw maꞈ ya gaˬ tehꞈ-a. Kʼoeˇ naˇ, caˇ dawˬ caˇ gaˇ diˬ-eu baw-eu keu ka dawˬ tawˆ luꞈ diˬ-eu baw-eu teˇ saˇ mahˇ doˆ laˇ tehꞈ-a. Kʼoeˇ loꞈ-ehˇ mahˇ doˆ laˇ-eu nehˬ-ehˇ, naw maꞈ dawˬ tawˆ luꞈ awˆ byaˆ-awˇ, sahˬ paˬ Neˬbuˬkaˬneˬzaˬ neh ka tuˇ-euˬ shuiˇ mawˇ kawˇ-ahˇ uˬ duˬ ya tahˬ meh.

Daˬyeˬlaˇ 3:7

Kʼoeˇ naˇ, caˇ dawˬ caˇ gaˇ diˬ-eu baw-eu keu ka deuˬ-euˬ teˇ saˇ mahˇ doˆ laˇ-euˬ nehˬ-ehˇ, miˇ kʼahˬ dawˬ tawˆ luꞈ-ahˇ neh kʼaˇ uiˬ laˇ taˬ-euˬ tsawˇ jeuˬ dawˬ tawˆ luꞈ, sahˬ paˬ Neˬbuˬkaˬneˬza neh ka tuˇ taˬ-euˬ shuiˇ mawˇ kawˇ-ahˇ awˆ byaˆ-awˇ uˬ duˬ tahˬ-euˬ meh.

Daˬyeˬlaˇ 8:17

Gaˬbeˬlaˇ oe-awˇ ngaˬ-euˬ dawˬ peh yawꞈ le ngeh, ngaˇ guˆ dui dui-iˇ-awˇ, miˇ tsa coˬ dzeh-euˬ ma. Aˬ yawꞈ ngaˬ-ahˇ ehˇ-eu, “Tsawˇ haˬ zaˬ-oˇ, nawˬ neh yaw sahˇ laꞈ kʼoeˇ ya siˬ ya mawˇ-euˬ dawˬ tsuiꞈ siˬ nya-awˬ. Kʼoeˇ-aˬ, miˇ tsaˬ heu aˇ saˬ saˬ-eu gaˇ kawˆ-ahˇ taꞈ leˇ-eu meh.”

Uˬ duˬ 26:31

Naw maꞈ-euˬ meuˬ deuˬ hawˇ-eu, uˬ duˬ tahˬ-eu jawˇ duˬ deuˬ ngaˇ laˆ cawˆ byoˆ jiˇ-awˇ, naw maꞈ neh lawˇ-euˬ jeˬ-ahˇ maˬ ha geuꞈ ni ngaˇ jawˇ ma.

Luˇkaꞈ 17:16

Yeˬsuˇ-euˬ aˬ kuiˇ dawˬ peh miˇ tsa awˆ byaˆ-awˇ, Yeˬsuˇ-ahˇ guiˬ lahˬ huiˬ-eu dawˬ ngehˬ-euˬ meh. Aˬ yawꞈ-aˬ, Saˬmaˬliˆ tsawˇ haˬ meh.

Gʼaˬkʼehˇ 10:25

Beˬtuˆluˆ iˇ kahˇ laꞈ kʼoeˇ uˇ leˇ-eu lehˇ gʼeh ngeh, aˬ yawꞈ-euˬ aˬ kuiˇ dawˬ peh Gawˬneˬliˇ pawˬ tsuiꞈ pawˬ dmˬ dmˬ-euˬ meh.

Gʼaˬkʼehˇ 14:13

Meuˬ meuˬ dzeˇ jaˆ-eu Juˇsaˆ miˬ yehˇ-euˬ uˬ duˬ tahˬ nymˇ-ahˇ jawˇ-eu piˇ ma tiˬ gʼaˬ, meuˬ-euˬ lahˇ kʼehˬ-ahˇ mawˇ neˇ mawˇ gaw hawˇ-eu aˇ yehˆ hehˇ laꞈ-awˇ, aˬ yawꞈ hawˇ-eu tsawˇ haˬ aˇ maꞈ kʼoeˇ deuˬ gʼaˬ kʼehˇ kʼoeˇ nyiˬ gʼaˬ-ahˇ lawˇ nehˬ-eu lehˇ gʼeh-eu meh.

Gʼaˬkʼehˇ 28:6

Pawˇluˆ-euˬ gʼawˇ mawˇ puˬ laˇ-euˬ loˇ, maˬ ngeuˇ naˇ ja pyuˬ ni coˬ lah-awˇ shiˇ-eu loˇ lehˇ pyeuꞈ laˇ gaˇ aˬ yawꞈ maꞈ haw tsoˆ taˬ-euˬ meh. Ehˇ kʼawꞈ, aˬ yawꞈ maꞈ gʼawˬ myahˇ ni loꞈ keuˆ laꞈ kʼawꞈ tiˬ jeˬ-iˬ maˬ gʼeh gaˇ ya mawˇ ngeh, aˬ yawꞈ maꞈ yawˬ jeˬ yawˬ-ehˇ noeˬ laˇ-awˇ, “Tsawˇ haˬ teu gʼaˬ miˬ yehˇ ngaˇ” lehˇ ehˇ-eu meh.

Panmaeq 11:16

Kʼoeˇ ngeh, Miˬyehˇ mehˬ shi yawˬ ha-euˬ dzoeˬ dzaˬ nuiˇ mahˬ kʼoeˇ taˆ yawˬ ha nuiˇ luꞈ-eu aˬ yuiꞈ aˬ tsu kʼoeˇ nyiˬ tseˇ oeˬ gʼaˬ awˆ byaˆ-awˇ, Miˬyehˇ-ahˇ uˬ duˬ tahˬ-eu meh.

Panmaeq 19:10

Mˬ taˆ gʼaˬ kʼehˇ kʼoeˇ gʼaˬ-euˬ mehˬ shi ngaˇ ga byaˆ-awˇ uˬ duˬ tahˬ-eu lehˇ gʼeh-euˬ ma. Ehˇ kʼawꞈ, aˬ yawꞈ ehˇ-eu, “Teu loꞈ-ehˇ taˬ gʼeh. Ngaˇ-aˬ, nawˬ loꞈ-ehˇ Miˬyehˇ-euˬ zaˬ kʼaˆ tiˬ gʼaˬ pyeuꞈ-eu nawˬ-euˬ cawˬ ma. Nawˬ-euˬ aˬ yuiꞈ aˬ nyiˇ Ka li zaˬ deuˬ hawˇ-eu Yeˬsuˇ neh pah mehˬ-euˬ yaw tsaˬ yaw dawˇ jeˬ-ahˇ kʼaˇ tuˆ tehˬ luꞈ-eu deuˬ-euˬ cawˬ pyeuꞈ-eu ma. Miˬyehˇ-ahˇ uˬ duˬ tahˬ-awˬ.” Aˬ jeˬ miˇ neh ehˇ naˇ, Yeˬsuˇ neh pah mehˬ-euˬ yaw tsaˬ yaw dawˇ kʼoeˇ-aˬ, Miˬyehˇ gʼaˇ duˬ ngehˬ dah-eu deuˬ-ahˇ Miˬyehˇ neh bi noeˬ doˆ-euˬ yaw tsaˬ yaw dawˇ kʼoeˇ meh.

Panmaeq 22:8

Ngaˇ Yoˇhaˬ-aˬ, gaˇ kawˆ heu deuˬ dawˬ tawˆ luꞈ-ahˇ ya gaˬ ya mawˇ-euˬ ma. Gaˇ kawˆ heu deuˬ-ahˇ ngaˇ ya gaˬ ya mawˇ gʼaˬ ngeh, ngaˬ-ahˇ gaˇ kawˆ heu deuˬ bi siˬ bi mawˇ laꞈ-euˬ mˬ taˆ gʼaˬ kʼehˇ kʼoeˇ gʼaˬ-euˬ aˬ kuiˇ dawˬ peh ga byaˆ-awˇ, aˬ yawꞈ-ahˇ uˬ duˬ tahˬ-eu lehˇ gʼeh-euˬ ma.