Daˬyeˬlaˇ 12:1 - Akha

¹ Shawˇ jehˆ ni gʼeh-eu saˬ paˇ neh guꞈ taˬ-euˬ mehˬ tsoeˬ dm luꞈ-eu mˬ taˆ gʼaˬ kʼehˇ kʼoeˇ gʼaˬ heu loꞈ-ehˇ ehˇ-eu meh. “Kʼoeˇ ngeh jawˇ, nawˬ-euˬ tsawˇ jeuˬ-ahˇ haw piˇ-eu gʼaˬ pyeuꞈ-eu Miˇkeˬlaˇ lehˇ myahˇ-euˬ huiˬ-eu mahˇ-eu mˬ taˆ gʼaˬ kʼehˇ kʼoeˇ gʼaˬ doˆ le tehꞈ-a. Kʼoeˇ naˇ, miˇ kʼahˬ tsawˇ jeuˬ deuˬ dehꞈ le jawˇ le ngeh neh tiˬ jawˇ-iˬ maˬ mawˇ haw-euˬ shaˬ dui zahˬ dui dui-eu aˇ yamˬ keuˆ le tehꞈ-a. Aˇ yamˬ kʼoeˇ yamˬ keuˆ le ngeh, Miˬyehˇ-euˬ tsawˇ haˬ laꞈ kʼoeˇ tsawˇ myahˇ ahˇ-eu nawˬ-euˬ tsawˇ haˬ deuˬ ka kʼoꞈ-eu jeˬ za tehꞈ-a.

Daˬyeˬlaˇ 12:1 Iomraidhean Croise

Jaceuq 56:8

Ngaˇ aˇ naˆ ni shaˬ zahˬ naꞈ-eu nawˇ siˬ nya meh. Ngaˬ-euˬ myaˆ biˇ-ahˇ nawˇ maˇ tsaꞈ neh ciˬ kʼmˇ uiˬ taˬ-euˬ meh. Gaˇ kawˆ heu nawˬ-euˬ sahˬ boꞈ laꞈ kʼoeˇ boꞈ ahˇ taˬ-euˬ maˬ ngeuˇ loˇ.

Jaceuq 69:28

Dehꞈ-eu saꞈ laˇ sahˬ boꞈ laꞈ kʼoeˇ aˬ yawꞈ maꞈ-euˬ tsawˇ myahˇ bi shiˆ byoˆ-awˇ, nawˬ-euˬ tsawˇ haˬ jaˇ laˇ laꞈ kʼoeˇ aˬ yawꞈ maꞈ maˬ ahˇ ni ya shaˬ luꞈ-uˇ.

Iˇsaˬyaˇ 4:3

Miˬyehˇ neh bi dzeuˇ-iˇ-awˇ, Yeˬluˇsaˬlehˬ meuˬ-ahˇ kʼaˇ jawˇ yaꞈ-euˬ yawˬ gʼaˬ na luꞈ-ahˇ, yaw muiˬ yaw shawˇ tsawˇ haˬ lehˇ aˬ cawˬ kuˇ tehꞈ-a.

Iˇsaˬyaˇ 9:7

Aˬ yawꞈ uˆ lahˇ-eu baoˬ tiˬ jawˇ saˇ-iˬ tiˬ jawˇ huiˬ laˇ-awˇ, aˬ yawꞈ-euˬ miˇ kʼahˬ aˬ myah luꞈ nui saˇ oꞈ tehꞈ-a. Aˬ yawꞈ-euˬ dzoeˬ dzaˬ sahˬ paˬ Daˬbiˇ-ahˇ taꞈ tehꞈ-a. Yaw tsaˬ yaw dawˇ jeˬ kʼoeˇ taˆ baoˬ bi jaˆ-awˇ, mˬ maˬ maˬ byaˆ zaˇ ziˇ uˆ lahˇ tehꞈ-a. Heu deuˬ dawˬ tawˆ luꞈ bi pyeuꞈ laˇ-eu gʼaˇ duˬ , Sahˬpaˬ Miˬyehˇ noeˬ tsehˆ gʼaˬ taˬ-euˬ meh.

Yeˬlaˬmiˇ 30:10

“Ngaˬ-euˬ tsawˇ haˬ deuˬ-oˇ, taˬ guˆ. Iˇsaˬleˬlaˆ tsawˇ haˬ deuˬ-oˇ, nui ma taˬ baˬ. Naw maꞈ-ahˇ nyehꞈ daˆ gʼeh-awˇ bi jawˇ-euˬ, gaˇ mahˇ kaˬ gaˇ jaˆ-eu miˇ kʼahˬ kʼoeˇ kʼahˬ laꞈ kʼoeˇ, naw maꞈ-ahˇ ngaˇ ka kʼoꞈ doˆ ma. Naw maꞈ iˇ kahˇ gʼoꞈ keuˆ laˇ-awˇ, nui saˇ oꞈ-eu laꞈ kʼoeˇ ya dehꞈ tehꞈ-a. naw maꞈ kʼahˬ lahˇ kʼaˇ maˬ za-ehˇ, noeˬ guˆ kʼaˇ maˬ za ni ya dehꞈ tehꞈ-a.

Yeˬlaˬmiˇ 30:7

Guˆ laˇ paˬ-ehˇ gʼeh-eu aˇ nah keuˆ le luꞈ meh. Ngaˬ-euˬ tsawˇ haˬ shaˬ zahˬ naꞈ dui dui-eu, aˇ nah kʼoeˇ-ahˇ duˇ-eu yawˬ nah yawˬ maˬ jaˆ-a. Ehˇ kʼawꞈ, aˬ yawꞈ maꞈ ya buˬ-iˇ tehꞈ-a.”

Yeˬsaˬgeˬlaˇ 13:9

Yaw sahˇ laꞈ kʼoeˇ maˬ tsaˬ-eu jeˬ ya mawˇ-awˇ, aˬ cawˬ gaˇ ma bahˬ-iˇ ni aˬ kaˇ pyeuꞈ laˇ-eu gaˇ kawˆ ngehˬ dah luꞈ-eu Miˬyehˇ gʼaˇ duˬ ngehˬ dah-eu tsawˇ haˬ ma lehˇ yawˬ haˇ yawˬ ha tsaˬ geuꞈ luꞈ-eu naw maꞈ-ahˇ ngaˇ kʼehˬ nehˬ kʼaˆ nehˬ-eu aˇ yamˬ peh le luꞈ meh. Ngaˬ-euˬ tsawˇ haˬ deuˬ mehˬ bawˬ mˇ gaˇ naw maꞈ maˬ ya uˇ leˇ-ehˇ, Iˇsaˬleˬlaˆ miˇ kʼahˬ zaˬ deuˬ-euˬ tsawˇ myahˇ jaˇ laˇ laꞈ kʼoeˇ, naw maꞈ-euˬ tsawˇ myahˇ maˬ ahˇ-a. Naw maꞈ yawˬ ha-euˬ miˇ kʼahˬ-ahˇ tiˬ jawˇ-iˬ maˬ paˇ ya gʼoꞈ leˇ meh. Kʼoeˇ ngeh jawˇ, ngaˇ Sahˬpaˬ Miˬyehˇ pyeuꞈ-eu gaˇ kawˆ naw maꞈ ya siˬ duˬ tehꞈ-a.

Yeˬsaˬgeˬlaˇ 34:24

Sahˬpaˬ Miˬyehˇ-aˬ, aˬ yawꞈ maꞈ-euˬ Miˬyehˇ pyeuꞈ-awˇ, ngaˬ-euˬ zaˬ kʼaˆ Daˬbiˇ-ahˇ duˇ-eu sahˬ paˬ tiˬ gʼaˬ, aˬ yawꞈ maꞈ-ahˇ uˆ lahˇ tehꞈ-a lehˇ ngaˇ ehˇ taˬ-euˬ ma.

Yeˬsaˬgeˬlaˇ 5:9

Ngaˇ bye dui dui-eu jeˬ mˇ-euˬ baˬ da neh, dzeuˇ laˇ ngeh tiˬ jawˇ-iˬ maˬ keuˆ le haw-ehˇ, aˬ kaˇ tiˬ jawˇ-iˬ maˬ paˇ keuˆ le-eu kʼehˬ-eu kʼaˆ-eu jeˬ, Yeˬluˇsaˬlehˬ meuˬ kʼoeˇ taˆ ngaˇ bi keuˆ le ma.

Daˬyeˬlaˇ 10:13

Paˇshaˇ miˇ kʼahˬ-ahˇ haw piˇ luꞈ-eu mˬ taˆ gʼaˬ kʼehˇ kʼoeˇ gʼaˬ, nyiˬ tseˇ tiꞈ nah keuˆ ni ngaˬ-ahˇ laˆ tsoeˬ nehˬ laꞈ-euˬ meh. Kʼoeˇ ngeh, mˬ taˆ gʼaˬ kʼehˇ deuˬ laꞈ kʼoeˇ yaw huiˬ tiˬ gʼaˬ pyeuꞈ-eu Miˇkeˬlaˇ-aˬ, ngaˇ tiˬ gʼaˬ tehꞈ-ehˇ Paˇshaˇ miˇ kʼahˬ-ahˇ shaˬ luꞈ gaˇ ya mawˇ-awˇ, ngehˬ gʼeh le-euˬ meh.

Daˬyeˬlaˇ 10:21

Ehˇ kʼawꞈ, yaw tsaˬ yaw dawˇ sahˬ boꞈ laꞈ kʼoeˇ boꞈ ahˇ taˬ-euˬ gaˇ kawˆ nawˬ-ahˇ ngaˇ ehˇ nehˬ ma. Iˇsaˬleˬlaˆ miˇ kʼahˬ-ahˇ haw piˇ-eu mˬ taˆ gʼaˬ kʼehˇ pyeuꞈ-eu Miˇkeˬlaˇ maˬ ngeuˇ naˇ, gaˇ kawˆ heu hmˬ-ahˇ taꞈ leˇ-awˇ ngaˇ jawˇ paw pyawˬ-eu tiˬ gʼaˬ-iˬ maˬ jawˇ-a.

Daˬyeˬlaˇ 11:45

Iˬ ma laˆ shaˆ hawˇ-eu Uˬ duˬ tahˬ nymˇ nymˇ ma tsoˆ taˬ-euˬ gawˬ jawˬ yaw kaˬ-ahˇ, sahˬ paˬ-euˬ sehˬ gʼawˆ gʼawˆ ma deuˬ aˬ yawꞈ gʼawˆ tehꞈ-a. Ehˇ kʼawꞈ, aˬ yawꞈ-ahˇ ngehˬ gʼeh nehˬ-eu gʼaˬ maˬ jawˇ-ehˇ pyeuꞈ-iˇ-awˇ, ya shiˇ tehꞈ-a.”

Daˬyeˬlaˇ 7:10

Kʼoeˇ gaˇ neh miˬ dzaˬ lawˇ gawˆ yoeˇ ka luꞈ-eu meh. Aˬ yawꞈ-euˬ myawˬ kʼehˇ gʼoˆ-eu aˇ heˇ aˇ muiˇ gʼaˬ jawˇ-awˇ, aˬ yawꞈ-euˬ mehˬ shi yawꞈ luꞈ-eu tsawˇ haˬ aˇ lam aˇ lam byah -eu meh. Yaˇ kʼaˬ daˇ-eu gʼaˬ yaˇ kʼaˬ daˇ dahˬ beh-awˇ, sahˬ boꞈ deuˬ dehˬ pah-euˬ meh.

Daˬyeˬlaˇ 9:12

Nga maꞈ hawˇ-eu nga maꞈ kʼoeˇ taˆ uˆ lahˇ-eu deuˬ kʼoeˇ taˆ bi keuˆ le ma lehˇ ehˇ taˬ-euˬ jeˬ, nawˇ bi keuˆ le-euˬ meh. Miˇ tsaˬ kʼoeˇ taˆ jaˆ-eu meuˬ tiˬ meuˬ-iˬ maˬ ya daˬ haw-euˬ kʼehˬ-eu kʼaˆ-eu jeˬ-ahˇ, Yeˬluˇsaˬlehˬ meuˬ ya daˬ-euˬ meh.

Yawˇlaˆ 2:2

Aˇ nah kʼoeˇ nah zahˇ dui dui-awˇ, juˬ kʼoeˬ tmˬ-awˇ naˆ dui dui meh. Gawˬ jawˬ kʼaˬ naˆ naˆ-eu loꞈ-ehˇ, nyehˇ bahˇ baˬ maꞈ laˇ gʼeh laꞈ meh. Kʼoeˇ naˆ naˆ-ehˇ gʼeh-eu gaˇ kawˆ, aˇ hu keuˆ le-euˬ maˬ jaˆ-ehˇ, aˬ kaˇ maˬ paˇ keuˆ le haw-aˇ.

Maˬlaˬkiˇ 3:16

Kʼoeˇ naˇ, Sahˬpaˬ Miˬyehˇ-ahˇ guˆ-eu tsawˇ haˬ deuˬ tiˬ gʼaˬ tiˇ gʼaˬ dawˬ ja ja cawˬ gaˇ Sahˬpaˬ Miˬyehˇ naˇ haˬ-eu meh. Sahˬpaˬ Miˬyehˇ-ahˇ guˆ-awˇ yaw zeu baw-eu tsawˇ haˬ deuˬ gaˇ kawˆ, aˬ yawꞈ-euˬ mehˬ shi jaˆ-eu sahˬ boꞈ paˇ dmˬ laꞈ kʼoeˇ boꞈ ahˇ taˬ-eu meh.

Maꞈtehˬ 24:21

Aˬ jeˬ miˇ neh ehˇ naˇ, kʼoeˇ ngeh poˆ keuˆ le-eu guˆ-eu gaˆ-eu jeˬ kʼoeˇ-aˬ, miˇ tsaˬ tahˬ kʼawˇ heu aˇ dahˬ beh ngeh neh kʼaˇ keuˆ le dzeuˇ yaꞈ-euˬ jeˬ hawˇ-eu, aˬ kaˇ kʼaˇ keuˆ le-eu jeˬ dawˬ tawˆ luꞈ naˆ maˬ tseˇ, guˆ dui dui laˇ paˬ-ehˇ gʼeh-eu meh.

Maˬkuˆ 13:19

Aˬ jeˬ miˇ neh ehˇ naˇ, kʼoeˇ ngeh poˆ keuˆ le-eu guˆ-eu gaˆ-eu jeˬ kʼoeˇ-aˬ, Miˬyehˇ mˬ beh miˇ beh beh ngeh neh kʼaˇ keuˆ le dzeuˇ yaꞈ-euˬ jeˬ hawˇ-eu, aˬ kaˇ kʼaˇ keuˆ le-eu jeˬ dawˬ tawˆ luꞈ naˆ maˬ tseˇ, guˆ dui dui laˇ paˬ-ehˇ gʼeh-eu meh.

Luˇkaꞈ 10:20

Ehˇ kʼawꞈ, nehꞈ deuˬ naw maꞈ-euˬ dawˬ-ahˇ naˇ haˬ gaˇ laˬ kʼaˬ taˬ cehˇ. Mˬ kʼoeˇ taˆ naw maꞈ-euˬ tsawˇ myahˇ boꞈ ahˇ taˬ-euˬ gaˇ laˬ kʼaˬ cehˇ-awˬ.”

Lormav 11:15

Aˬ yawꞈ maꞈ-ahˇ Miˬyehˇ byehˇ dzeh nehˬ ngeh, Miˬyehˇ-ahˇ muiˇ-euˬ aˬ cawˬ tsawˇ jeuˬ kʼoeˇ deuˬ Miˬyehˇ-ahˇ cawˬ cawˬ taꞈ nya-eu tsawˇ haˬ bi pyeuꞈ laˇ-euˬ-aˬ, aˬ yawꞈ maꞈ-ahˇ ha geuꞈ nehˬ ngeh jawˇ aˬ joˆ-ehˇ paˇ pyeuꞈ laˇ nmˇ. Shiˇ-euˬ tsawˇ haˬ paˇ bi gʼoꞈ dehꞈ laˇ-euˬ gaˇ duˇ tehꞈ-a.

Lormav 11:26

Kʼoeˇ ngeh jawˇ, Iˇsaˬleˬlaˇ tsawˇ haˬ dawˬ tawˆ luꞈ ka kʼoꞈ-eu jeˬ za tehꞈ-a. Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ jaˆ-eu meh. “Ka kʼoꞈ le-eu yaw sahˇ kʼoeˇ gʼaˬ, Ziˇoˬ gawˬ jawˬ-ahˇ neh oe-awˇ, Yaˬkoˆ-euˬ zaˬ deuˬ uˆ deuˬ-euˬ, maˬ muiˬ maˬ jaˬ-eu yaw haiˬ jeˬ, dawˬ tawˆ luꞈ yuˇ dzeh nehˬ tehꞈ-a.

Eˇpeˇsu 1:21

Mˬ kʼoeˇ taˆ uˆ lahˇ luꞈ-eu deuˬ pyeuꞈ-eu, uˆ lahˇ-eu deuˬ, sahˬ paˬ sahˬ ma deuˬ, baoˬ deuˬ hawˇ-eu, miˇ kʼah-ahˇ haw-eu pyaˆ-eu deuˬ dawˬ tawˆ luꞈ kʼoeˇ taˆ Ka li uˆ lahˇ-eu meh. Heu ziˇ maˬ ehˇ, aˬ kaˇ kaˇ ziˇ maˬ ehˇ, kʼaˇ biꞈ taˬ-euˬ tsawˇ myahˇ dawˬ tawˆ luꞈ kʼoeˇ taˆ huiˬ dzehˬ-eu tsawˇ myahˇ aˬ yawꞈ jaˆ-eu meh.

Piˇliˇpiˆ 4:3

Saˇ jaˇ ziꞈ-eu ngaˬ-euˬ gaˇ mˇ cawˬ deuˬ kʼawꞈ, zaˬ miˬ zaˬ heu nyiˬ gʼaˬ-ahˇ ngehˬ bi gʼeh mawꞈ miˇ-a. Aˬ jeˬ miˇ neh ehˇ naˇ, zaˬ miˬ zaˬ heu nyiˬ gʼaˬ-aˬ, Laˬ kʼaˬ cehˇ-eu Guiˬ lahˬ dawˬ gaˬ doe-iˇ ni, ngaˬ-euˬ gaˇ mˇ cawˬ Gaˬleˬmeˬ hawˇ-eu ngaˬ nehˬ-ehˇ gaˇ kʼaˇ mˇ-euˬ deuˬ dawˬ tawˆ luꞈ nehˬ-ehˇ tiˬ kawˆ loꞈ-ehˇ leh jeh dui dui-euˬ meh. Miˬyehˇ-euˬ dehꞈ-eu sahˬ boꞈ laꞈ kʼoeˇ tsawˇ haˬ heu deuˬ-euˬ tsawˇ myahˇ ahˇ meh.

Yuˇdaˆ 1:9

Mˬ taˆ gʼaˬ kʼehˇ deuˬ laꞈ kʼoeˇ, aˬ cawˬ naˆ maˬ tseˇ huiˬ dzehˬ mahˇ dzehˬ-eu gʼaˬ pyeuꞈ-eu Miˇkeˬlaˇ kʼawꞈ kʼoeˇ loꞈ-ehˇ maˬ ehˇ-a. Moˇseˬ-euˬ gʼawˇ mawˇ-ahˇ aˬ geu gʼaˬ geuꞈ-eu tsaˬ-eu gaˇ kawˆ-ahˇ taꞈ leˇ-awˇ, Nehꞈ sahˬ paˬ nehˬ-ehˇ aˬ yawꞈ ceh dzaˬ ngeh, Miˇkeˬlaˇ aˬ yawꞈ Nehꞈsahˬpaˬ-ahˇ dawˬ doeˇ maˬ ngehˬ nehˬ peuˬ ni, “Sahˬpaˬ Miˬyehˇ neh bi dehˬ luꞈ-uˇ” lehˇ tehꞈ-ehˇ ehˇ nehˬ-euˬ meh.

Panmaeq 1:5

Saˇ jaˇ ziꞈ-eu tsawˇ haˬ pyeuꞈ-awˇ, shiˇ-euˬ laꞈ kʼoeˇ Miˬyehˇ neh bi gʼoꞈ dehꞈ beh beh laˇ-awˇ, miˇ kʼahˬ sahˬ paˬ sahˬ ma dawˬ tawˆ luꞈ koeˇ taˆ uˆ lahˇ-eu gʼaˬ pyeuꞈ-eu Yeˬsuˇ Ka li jawˇ gaˇ neh doˆ le-euˬ guiˬ lahˬ yaw dzahˇ hawˇ-eu nui saˇ oꞈ-eu jeˬ, naw maꞈ kʼoeˇ taˆ jaˆ luꞈ-uˇ. Aˬ yawꞈ aˬ dui-ahˇ gaˬ-awˇ gʼawˇ mawˇ shiˇ dah-eu laꞈ kʼoeˇ, iˬ baˇ laꞈ kʼoeˇ bi buˬ-iˇ laꞈ-euˬ meh.

Panmaeq 12:7

Kʼoeˇ naˇ, mˬ kʼoeˇ taˆ guiˇ deuˆ-euˬ meh. Miˇkeˬlaˇ hawˇ-eu aˬ yawꞈ-euˬ mˬ taˆ gʼaˬ kʼehˇ deuˬ byaˆ yahˬ kʼoeˇ mawˇ-ahˇ deuˆ-awˇ, byaˆ yahˬ kʼoeˇ mawˇ gʼeh, aˬ yawꞈ-euˬ mˬ taˆ gʼaˬ kʼehˇ deuˬ sheuˬ-awˇ deuˆ-euˬ meh.

Panmaeq 13:8

Bi sehꞈ-euˬ Yawˇzaˬ-euˬ dehꞈ-eu saꞈ laˇ sahˬ boꞈ laꞈ kʼoeˇ, miˇ tsaˬ tahˬ kʼawˇ maˬ beh mi naˆ-ehˇ tsawˇ myahˇ bi boꞈ ahˇ taˬ-euˬ tsawˇ haˬ deuˬ maˬ ngeuˇ naˇ, miˇ tsaˬ kʼoeˇ taˆ kʼaˇ jawˇ-eu tsawˇ haˬ dawˬ tawˆ luꞈ jeˬ zaˬ yaw haiˬ kʼoeˇ mawˇ-ahˇ uˬ duˬ tahˬ tehꞈ-a.

Panmaeq 17:14

Aˬ yawꞈ maꞈ Yawˇzaˬ-ahˇ guiˇ deuˆ tehꞈ-a. Ehˇ kʼawꞈ, Yawˇzaˬ-aˬ, aˬ yawꞈ neh tseˇ doˆ-awˇ kuˇ-euˬ, saˇ jaˇ ziꞈ-eu laꞈ kʼoeˇ aˬ yawꞈ-euˬ mehˬ nah caw teh-eu tsawˇ haˬ deuˬ nehˬ-ehˇ tiˬ paw pyawˬ-awˇ, aˬ yawꞈ maꞈ-ahˇ deuˆ gʼaˬ tehꞈ-a. Aˬ jeˬ miˇ neh ehˇ naˇ, aˬ yawꞈ-aˬ, sahˬ paˬ kʼoeˇ taˆ Sahˬpaˬ pyeuꞈ-eu meh.”

Panmaeq 20:12

Kʼoeˇ naˇ, shiˇ-euˬ tsawˇ haˬ deuˬ huiˬ zaˬ nyiˇ zaˬ dawˬ tawˆ luꞈ, dzoeˬ dzaˬ nuiˇ mahˬ kʼoeˇ-euˬ mehˬ shi yawꞈ luꞈ gaˇ ngaˇ ya mawˇ-euˬ ma. Kʼoeˇ ngeh, sahˬ boꞈ pah-euˬ meh. Kʼoeˇ naˇ, dehꞈ-eu saꞈ laˇ sahˬ boꞈ pah-euˬ meh. Shiˇ-euˬ tsawˇ haˬ deuˬ-aˬ, sahˬ boꞈ kʼoeˇ deuˬ laꞈ kʼoeˇ kʼaˇ boꞈ ahˇ taˬ-euˬ loꞈ-ehˇ, yawˬ ha neh kʼaˇ mˇ yaꞈ-euˬ gaˇ geuˇ ni yaˇ kʼaˬ bi daˇ-euˬ meh.

Panmaeq 20:15

Dehꞈ-eu saꞈ laˇ sahˬ boꞈ laꞈ kʼoeˇ tsawˇ myahˇ maˬ kʼaˇ ahˇ-eu tsawˇ haˬ deuˬ-aˬ, miˬ dzaˬ lah-ahˇ bi baꞈ puꞈ jiˇ-euˬ meh.

Panmaeq 3:5

Gʼaˬ leˇ-euˬ tsawˇ ha deuˬ-aˬ, kʼoeˇ loꞈ-ehˇ mehˬ tsoeˬ yaw pyuˇ ya dm-awˇ, saꞈ laˇ dehꞈ-eu sahˬ boꞈ laꞈ kʼoeˇ, aˬ yawꞈ maꞈ-euˬ tsawˇ myahˇ ngaˇ maˬ siˆ byoˆ. Ngaˬ Da hawˇ-eu aˬ yawꞈ-euˬ mˬ taˆ gʼaˬ kʼehˇ deuˬ-euˬ mehˬ shi, aˬ yawꞈ maꞈ ngaˬ-euˬ tsawˇ haˬ ma lehˇ ngaˇ ehˇ ma.

Panmaeq 7:14

“Ngaˇ maˬ siˬ nya nya. Nawˇ siˬ nya meh” lehˇ ngaˇ ehˇ kʼoꞈ nehˬ-euˬ ma. Aˬ yawꞈ ngaˬ-ahˇ ehˇ-eu, “Tsawˇ haˬ heu deuˬ-aˬ, guˆ dui dui laˇ paˬ-ehˇ gʼeh-eu kʼehˬ-eu kʼaˆ-eu jeˬ-ahˇ daˬ dzeuˇ laꞈ-euˬ tsawˇ haˬ deuˬ meh. Aˬ yawꞈ maꞈ-euˬ pehˇ kʼahˬ pehˇ mahˇ-ahˇ Yawˇ zaˬ-euˬ shiˬ neh pyuˇ deuˬ ni tsiˬ shawˇ taˬ-euˬ meh.