Daˬyeˬlaˇ 11:6 - Akha

⁶ Aˇ kʼoꞈ aˇ la ui cuiˆ myahˇ laˇ ngeh jawˇ, Iˇjiˇtuˆ sahˬ paˬ Suˇliˆ sahˬ paˬ nehˬ-ehˇ saˇ jaˇ dzaˬ-awˇ, aˬ yawꞈ-euˬ aˬ buˇ Suˇliˆ sahˬ paˬ-ahˇ bi dahˬ dzaˬ leˇ tehꞈ-a. Ehˇ kʼawꞈ, saˇ jaˇ dzaˬ taˬ-euˬ kʼoeˇ gʼawˬ myahˇ ni maˬ gmˬ-ehˇ, sahˬ paˬ zaˬ miˬ kʼoeˇ gʼaˬ maˬ ehˇ, aˬ yawꞈ-euˬ kʼaˬ dzeˇ zaˬ maˬ ehˇ, aˬ yawꞈ-euˬ zaˬ deuˬ maˬ ehˇ, bi sehꞈ byoˆ jiˇ tehꞈ-a.

Daˬyeˬlaˇ 11:6 Iomraidhean Croise

Yawˇbaˆ 38:15

Nah gʼahˇ bya-eu yaw shehꞈ-aˬ, haiˬ-eu tsawˇ haˬ deuˬ gʼaˇ duˬ aˇ dzehˬ bya dzeuˇ-awˇ, yaw haiˬ jeˬ maˬ mˇ peuˬ ni bi pyeuꞈ-iˇ-eu meh.

Jaceuq 10:5

Haiˬ-eu tsawˇhaˬdehꞈdzaˬlaˇ-awˇ, Miˬyehˇyaˇkʼaˬdaˇ-eu gaˇkawˆ, noeˬsiˬnoeˬmawˇ-eu maˬbaw-ehˇ. Aˬyawꞈ-ahˇmuiˇ-eu tsawˇhaˬ-ahˇ, cehꞈlehꞈ ka niˇgʼa haw-eu meh.

Yeˬsaˬgeˬlaˇ 30:21

“Tsawˇ haˬ zaˬ-oˇ, Iˇjiˇtuˆ sahˬ paˬ-euˬ aˬ laꞈ ngaˇ ngawˬ kʼehꞈ-euˬ ma. Aˬ laꞈ kʼoeˇ taˬ leˇ-awˇ mi cehˇ paˇ baꞈ nya laˇ ni, jaˆ gʼaˬ uꞈ-awˇ kaꞈ dawˇ nehˬ-eu tiˬ gʼaˬ-iˬ maˬ jawˇ-a.

Daˬyeˬlaˇ 11:13

“Suˇliˆ sahˬ paˬ gʼoꞈ leˇ-awˇ, yaw beh naˆ maˬ tseˇ myaˬ-eu guiˇ maꞈ paˇ lehˬ hmˬ leˇ tehꞈ-a. Aˇ yamˬ tsaˬ laˇ ngeh jawˇ, guiˇ deuˆ-eu keu ka tiˬ loꞈ ahˇ-eu myaˬ dui dui-eu guiˇ maꞈ sheuˬ-awˇ paˇ oe tehꞈ-a.

Daˬyeˬlaˇ 11:15

Suˇliˆ sahˬ paˬ-aˬ, ziꞈ dah ni gawˬ lahˇ taˬ-euˬ meuˬ tiˬ meuˬ-ahˇ loꞈ jawˬ-awˇ, deuˆ gʼaˬ tehꞈ-a. Iˇjiˇtuˆ yehˇ deuˬ guiˇ maˬ paˇ deuˆ ni byehˇ tehꞈ-a. Nya dui dui-eu yehˇ deuˬ kʼawꞈ, guiˇ deuˆ-eu gʼaˇ duˬ, gʼaˬ maˬ ahˇ-ehˇ pyeuꞈ-iˇ tehꞈ-a.

Daˬyeˬlaˇ 11:40

“Suˇliˆ sahˬ paˬ-euˬ aˇ yamˬ jiˇ le-eu dawˬ peh peh laˇ ngeh, Iˇjiˇtuˆ sahˬ paˬ aˬ yawꞈ-ahˇ guiˇ deuˆ laˇ tehꞈ-a. Suˇliˆ sahˬ paˬ gʼeh gʼaˬ kʼaˇ jaˆ-eu yuˇ doˆ-awˇ, mahˬ laˆ lawˬ deuˬ, mahˬ deuˬ, saˇ baoˬ deuˬ zmˬ-awˇ guiˇ deuˆ tehꞈ-a. Iˇ jeuˬ jeuˬ-eu loꞈ-ehˇ, miˇ kʼahˬ gʼawˬ mya kʼahˬ-ahˇ aˬ yawꞈ guiˇ deuˆ uˇ gʼeh tehꞈ-a.

Daˬyeˬlaˇ 11:7

Gʼawˬ myahˇ maˬ gʼeh-ehˇ, aˬ yawꞈ-euˬ aˬ yuiꞈ aˬ nyiˇ tiˬ gʼaˬ sahˬ paˬ keuˆ leˇ tehꞈ-a. Sahˬ paˬ kʼoeˇ gʼaˬ, Suˇliˆ sahˬ paˬ-euˬ guiˇ maꞈ-ahˇ guiˇ deuˆ-awˇ, aˬ yawꞈ maꞈ-euˬ taˆ laꞈ kʼoeˇ deuˆ uˇ gʼeh-awˇ, deuˆ gʼaˬ tehꞈ-a.

Zaˬkaˬliˇ 11:16

Yawˇ bo-eu yaw sahˇ tiˬ gʼaˬ-ahˇ kʼehˇ-awˇ, ngaˬ-euˬ yawˇ bi bo-eu lehˇ gʼeh-eu ma. Ehˇ kʼawꞈ shaˬ zahˬ naꞈ-eu yawˇ deuˬ-ahˇ ngehˬ maˬ gʼeh-ehˇ, byoˆ-iˇ-euˬ yawˇ maˬ poˆ kʼoꞈ-eu uˬ taꞈ, naˇ luꞈ-eu yawˇ-ahˇ maˬ laˆ taˬ ni, jawˇ saˇ doˆ-eu yawˇ deuˬ-ahˇ kʼawꞈ dzaˇ maˬ bi dzaˬ-aˇ. Tsuˇ dui dui-eu yawˇ deuˬ-ahˇ aˬ yawꞈ sehꞈ dzaˬ-awˇ, kuiˇ sehˬ toˆ paˆ dzeh tehꞈ-a.