Daˬyeˬlaˇ 11:21 - Akha

²¹ Mˬ taˆ gʼaˬ kʼehˇ kʼoeˇ gʼaˬ heu loꞈ-ehˇ paˇ ja mehˬ nehˬ laꞈ-euˬ meh. “Mehˬ hu paw daˆ laˇ-eu Suˇliˆ sahˬ paˬ-aˬ, haiˬ dui dui-awˇ, sahˬ paˬ geuꞈ geuˇ-eu tsawˇ haˬ maˬ ngeuˇ-a. Ehˇ kʼawꞈ, tiˬ gʼaˬ-iˬ maˬ noeˬ maˬ duˇ-euˬ gaˇ, tsawˇ gahˇ gahˇ-awˇ sahˬ paˬ geuꞈ-euˬ meh.

Daˬyeˬlaˇ 11:21 Iomraidhean Croise

Jaceuq 12:8

Yaw haiˬdeuˬyawˬgaˇna byah-awˇ, tsawˇdoeˇ-ahˇtaˬhuiˬ-eu ziˇmeh.

Jaceuq 15:4

Miˬyehˇneh byehˇdzeh-euˬdeuˬ-ahˇ, yahˇpawˇ-awˇdehꞈgʼeh-eu tsawˇhaˬ, Miˬyehˇ-ahˇguˆ-eu tsawˇhaˬ-ahˇ, taˬhuiˬtaˬmahˇnehˬ-eu tsawˇhaˬ, yawˬha saˇjaˇdzaˬ-euˬjeˬ-ahˇ, shaˬkʼawꞈsaˇkʼawꞈziꞈ-eu tsawˇhaˬ,

Jaceuq 55:21

Aˬ yawꞈ-euˬ dawˬ saˇ byaˬ loꞈ-ehˇ juˇ kʼawꞈ, nui ma laꞈ gʼoꞈ baw-eu meh. Aˬ yawꞈ-euˬ dawˬ zaꞈ tsiˇ-ahˇ duˇ kʼawꞈ, mi cehˇ loꞈ-ehˇ coeˇtsehˆ laˇ nya-eu meh.

Iˇsaˬyaˇ 32:5

Aˬ dzawˬ-ahˇ taˬ huiˬ taˬ mahˇ-eu jeˬ byoˆ-iˇ-awˇ, biˇ siˇ deuˬ-ahˇ tsawˇ muiˬ no-eu aˇ yamˬ dzeuˇ-iˇ tehꞈ-a.

Daˬyeˬlaˇ 11:20

“Aˬ yawꞈ-euˬ dah zaˇ sahˬ paˬ tiˬ gʼaˬ paˇ daˆ laˇ tehꞈ-a. Aˬ yawꞈ-euˬ miˇ kʼahˬ smˇ muiˬ muiˬ laˇ ni, aˬ yawꞈ-euˬ gaˇ mˇ-eu yaw huiˬ yaw mahˇ tiˬ gʼaˬ pyehˬ gʼeh-awˇ, miˇ kʼahˬ zaˬ deuˬ-ahˇ kawˬ yaw kʼaˆ-ehˇ bi taꞈ tehꞈ-a. Gʼawˬ myahˇ maˬ gʼeh-ehˇ sahˬ paˬ kʼoeˇ gʼaˬ bi sehꞈ tehꞈ-a. Ehˇ kʼawꞈ, guiˇ deuˆ gaˇ hawˇ-eu, tsawˇ haˬ mawˇ gaˇ bi sehꞈ-euˬ maˬ ngeuˇ-aˇ.”

Daˬyeˬlaˇ 11:32

Miˬyehˇ-ahˇ uˬ duˬ tahˬ-eu zahˇ sahˇ kʼoꞈ-ahˇ byehˇ dzeh-euˬ tsawˇ haˬ deuˬ-ahˇ aˬ yawꞈ mehˇ shuiˇ shuiˇ gʼaˬ nya kʼawꞈ, Miˬyehˇ-ahˇ maˬ byehˇ dzeh-eu tsawˇ haˬ deuˬ aˬ yawꞈ-ahˇ ziꞈ dah ni ciˬ daˬ tehꞈ-a.

Daˬyeˬlaˇ 11:34

Kʼoeˇ loꞈ-ehˇ tsawˇ haˬ sehꞈ luꞈ-eu aˇ yamˬ laꞈ kʼoeˇ, Miˬyehˇ-euˬ tsawˇ haˬ deuˬ-aˬ, ui cuiˆ na ngehˬ gʼeh dah teˬ nehˬ-eu jeˬ-ahˇ za tehꞈ-a. Tsawˇ haˬ gʼawˬ mya ni yawˬ ha-ahˇ muiˬ laˇ gaˇ haw-awˇ, Miˬyehˇ-euˬ tsawˇ haˬ deuˬ jawˇ paw pyawˬ tehꞈ-a.

Daˬyeˬlaˇ 11:7

Gʼawˬ myahˇ maˬ gʼeh-ehˇ, aˬ yawꞈ-euˬ aˬ yuiꞈ aˬ nyiˇ tiˬ gʼaˬ sahˬ paˬ keuˆ leˇ tehꞈ-a. Sahˬ paˬ kʼoeˇ gʼaˬ, Suˇliˆ sahˬ paˬ-euˬ guiˇ maꞈ-ahˇ guiˇ deuˆ-awˇ, aˬ yawꞈ maꞈ-euˬ taˆ laꞈ kʼoeˇ deuˆ uˇ gʼeh-awˇ, deuˆ gʼaˬ tehꞈ-a.

Daˬyeˬlaˇ 4:17

Heu-aˬ, haw luꞈ pyaˆ luꞈ-eu mˬ taˆ gʼaˬ kʼehˇ neh noeˬ tsehˆ-awˇ, daˇ tsehˆ-euˬ dawˬ ma. Dawˬ tawˆ kʼoeˇ taˆ huiˬ-eu Miˬyehˇ-aˬ, tsawˇ haˬ zaˬ-euˬ miˇ kʼahˬ kʼoeˇ taˆ baoˬ jaˆ-awˇ, aˬ yawꞈ kʼaˇ biꞈ mawꞈ-eu gʼaˬ-ahˇ miˇ kʼahˬ dzoeˬ dzaˬ biꞈ nya-eu gaˇ kawˆ, teˬ dui nyiˇ dui dui-eu tsawˇ haˬ tiˬ gʼaˬ-ahˇ keuˆ ni, aˬ yawꞈ miˇ kʼahˬ dzoeˬ dzaˬ biꞈ keuˆ nehˬ nya-eu gaˇ kawˆ, mˬ dzeˇ miˇ dzeˇ keuˆ ni jawˇ-eu tsawˇ haˬ dawˬ tawˆ luꞈ siˬ duˬ luꞈ-uˇ’ lehˇ ehˇ-eu meh.

Daˬyeˬlaˇ 7:8

Uˬ coeˇ kʼoeˇ deuˬ-ahˇ ngaˇ zahˬ leˇ-awˇ haw haw-ehˇ jawˇ ngeh, uˬ coeˇ kʼoeˇ deuˬ yaw kaˬ-ahˇ uˬ coeˇ coeˇ zaˬ tiˬ coeˇ doˆ laˇ-euˬ meh. Uˬ coeˇ coeˇ zaˬ kʼoeˇ neh kʼoeˇ gaˇ tsoꞈ-eu uˬ coeˇ smˇ kahˬ tahˬ juˆ dzeh-euˬ meh. Uˬ coeˇ kʼoeˇ coeˇ-ahˇ tsawˇ haˬ zaˬ-euˬ myaˆ nuiˆ tsoꞈ-awˇ, kʼahˬ sehˇ jehˆ-eu kʼaˬ meh tiˬ meh tsoꞈ-eu meh.

Daˬyeˬlaˇ 8:23

“Miˇ kʼahˬ kʼoeˇ deuˬ aˇ saˬ saˬ-eu aˇ nah aˇ yamˬ dawˬ peh peh laˇ-awˇ, haiˬ dui dui laˇ ngeh, nui ma gʼahˇ dui dui-awˇ dzawˬ dui gahˇ dui dui-eu sahˬ paˬ tiˬ gʼaˬ doˆ laˇ tehꞈ-a.

Daˬyeˬlaˇ 8:25

Aˬ yawꞈ tsawˇ gahˇ gahˇ-awˇ jaˬ myawꞈ mehˇ shuiˇ zmˬ-eu laꞈ kʼoeˇ, gʼawˬ mya jeˬ mˇ doˆ laꞈ tehꞈ-a. Aˬ yawˆ yawꞈ huiˬ dui mahˇ dui dui miˇ-a lehˇ noeˬ-awˇ, tsawˇ haˬ gʼawˬ mya ni-ahˇ maˬ noeˬ maˬ duˇ-ehˇ jawˇ gaˇ tiˬ jeˬ-iˬ maˬ ehˇ ni sehꞈ tehꞈ-a. Sahˬ paˬ dawˬ tawˆ kʼoeˇ taˆ huiˬ-eu Sahˬpaˬ-ahˇ kʼawꞈ, aˬ yawꞈ yehˬ bawˬ sehˇ lu-ehˇ ehˇ-eu meh. Laˆ luˬ laˆ seˇ nehˬ gaˇ aˬ yawꞈ ya daˬ tehꞈ-a. Ehˇ kʼawꞈ, tsawˇ haˬ zaˬ-euˬ baoˬ neh laˆ luˬ laˆ seˇ nehˬ-eu jeˬ maˬ ngeuˇ-a.

Daˬyeˬlaˇ 8:9

Uˬ coeˇ kʼoeˇ oeˬ kahˬ laꞈ kʼoeˇ tiˬ kahˬ-ahˇ, uˬ coeˇ coeˇ zaˬ tiˬ coeˇ tsoꞈ doˆ laˇ-euˬ meh. Uˬ coeˇ coeˇ yaˬ kʼoeˇ coeˇ-euˬ baoˬ, laꞈ oˆ paw pyawˬ-ahˇ maˬ ehˇ, nahˇ ma doˆ kʼehˬ paw pyawˬ-ahˇ maˬ ehˇ, muiˬ dui dui-eu miˇ kʼahˬ paw maˬ ehˇ, pymˬ tehˬ jiˇ gʼeh-euˬ meh.

Naˬhmˬ 1:14

Niˇnaˬbeˬ meuˬ-ahˇ taꞈ leˇ-awˇ, Sahˬpaˬ Miˬyehˇ ehˇ taˬ-euˬ-aˬ, “Nawˬ-euˬ tsawˇ myahˇ pi ka gʼeh-eu, zaˬ maˬ jawˇ-ehˇ pyeuꞈ-iˇ tehꞈ-a. Nawˬ-euˬ miˬ yehˇ deuˬ-euˬ nymˇ-ahˇ, tahˬ pahˬ aˬ ma mawˇ kawˇ kʼoeˇ deuˬ, ngaˇ laˆ piˬ laˆ byoˆ jiˇ nehˬ ma. Nawˇ doeˇ dui dui-eu baˬ da neh, nawˬ-euˬ lmˬ bymˇ ngaˇ lehˬ hmˬ ma.”

1 Saˬmeuˬlaˆ 3:13

Aˬ yawꞈ-euˬ aˬ li deuˬ ngaˬ-ahˇ ngehˬ bahˬ tmˇ bahˬ-euˬ miˇ neh, aˬ yawꞈ-euˬ nymˇ jiˇ-ahˇ aˬ myah luꞈ ngaˇ kʼehˬ nehˬ ma lehˇ, Eˇliˆ-ahˇ ngaˇ ehˇ nehˬ taˬ-euˬ jaˆ-eu ma. Aˬ yawꞈ maꞈ kʼoeˇ loꞈ-ehˇ gʼeh luꞈ-eu Eˇliˆ siˬ nya kʼawꞈ, aˬ yawꞈ maꞈ-ahˇ maˬ laˆ tsoeˬ-a.